13/05/2026
الشاب ده طلع مصري وأسمه مصطفي مبارك ومن الاسكندرية , مصطفي أهله سفروه أمريكا لوحده
أمبارح في أمريكا، في جامعة كنتاكي الشهيرة، كانت حفلة تخرج دفعة كلية الهندسة، وفي بداية الحفل قدموا ممثل الدفعة بالكامل، شاب عنده 21 سنة بس، لكنه قدر يعمل إنجاز خلّى كل الحضور يقف يصفقله بحرارة، بعدما حصل على 3 شهادات بكالوريوس في نفس الوقت خلال 4 سنين فقط.
مصطفى مبارك، الشاب المصري من إسكندرية، سافر أمريكا لوحده وعنده 17 سنة، وكل اللي معاه وقتها 1000 دولار بس، ومع إن لغته الإنجليزية ماكنتش الأفضل، إلا إنه قدر يتأقلم ويكوّن صداقات ويثبت نفسه وسط مجتمع جديد بالكامل
النهاردة مصطفى بقى حاصل على بكالوريوس في علوم الحاسب، وهندسة الحاسوب، والهندسة الكهربائية، وكمان أسس شركة ناشئة اسمها “Gomo Figures” بتحول صور الناس لمجسمات 3D مصممة مخصوص ليهم. والأجمل من نجاحه الدراسي إنه كان محبوب وسط زمايله بسبب مساعدته الدائمة ليهم في المشاريع والأفكار، لحد ما قدر يعتمد على نفسه بالكامل ويشتري عربيته من شغله الخاص.
وفي نهاية كلامه قال جملة ملهمة: “الحاجات المكتوبة ليك هتحصلك سواء كنت في مصر أو كنتاكي، المهم تسعى وتاخد الخطوة.”
بسم الله ما شاء الله… قصة فعلاً تدعو للفخر، وتثبت إن الاجتهاد والسعي ممكن يوصلوا الإنسان لأبعد مما يتخيل ❤
#مايكروكود | |
