“WEET JY” BEDIENING bestaan uit vier bene:
1. MANNEBEDIENING
Wian bedien d.m.v. Woord en musiek tydens:
Mannekampe
Weeklikse kleingroepe
Manne-byeenkomste soos saamtrekke, lof & aanbidding ens. Vaderskap
Wian is betrokke by The World Needs a Father, ‘n internasionale beweging wat manne toerus vir hul rol en verantwoordelikheid as vaders, eggenote en Godvresende leiers.
2. MULTIMEDIA BEDIENING
Verskeie vorme van media, soos video, oudio en geskrewe materiaal word gebruik om mee te bedien. Die inhoud wissel van getuienisse, inspirerende boodskappe en musiek, na Bybelstudies en kort oordenkings. Die formate is elektronies, video en dvd en word maandeliks, weekliks en in sommige gevalle, daagliks na ‘lede’ van drie INTEKENGROEPE gestuur. Huidige groepe is:
1. Tienerseuns
2. Besighede
Hierdie drie groepe vorm deel van “PROJEK DAWID”, wat primêr fokus op tienerseuns, maar nog groepe is in die vooruitsig.
“PROJEK DAWID”
“PROJEK DAWID” is die eerste projek wat hierdie nuwe bedieningsbeen aanpak. VISIE:
Om deur die krag van die Heilige Gees, tienerseuns
A. TOE TE RUS met die waarheid van God se Woord,
B. Te INSPIREER om dissipels van Jesus Christus te wees
met ‘n hart van ‘n “warrior” soos Dawid;
C. Te BEMAGTIG om die liefde van Jesus uit te dra op elke terein van hul lewens. WAAROM DOEN ONS DIT? Wian en Trudine is geroep om ‘n verskil te maak en ‘n oplossing te bied vir die grootste probleem (huidiglik) op die aarde:
VADERLOOSHEID! – Wat insluit: Afwesige- onbetrokke- en onkundige vaders. Navorsing in 21 lande het gewys dat wanfunksionele familie-lewe die grootste probleem in die samelewing is, met vaderloosheid in die sentrum hiervan. Die volgende statistieke is verkry van ‘The World Needs a Father’:
63% van selfmoord gevalle kom uit vaderlose huise.
80% van verkragters kom uit vaderlose huise.
70% van jong gevangenes kom uit vaderlose huise.
40% van alle kinders leef nie meer met hul biologiese pa aan huis nie.
85% van kinders met gedragsprobleme kom uit vaderlose huise.
90% van straatkinders kom uit vaderlose huise.
71% van kinders wat nie skool klaarmaak nie, kom uit vaderlose huise.
“Weens hierdie wanfunksionaliteit is tieners se behoefte aan geestelike leiding en toerusting groter as ooit! Ek beleef dit oral in Suid-Afrika. Oor die algemeen raak ouers meer en meer onbetrokke en is dus oningelig oor hul tieners se ‘issues’ en behoeftes.” – Wian –
Hier is ‘n paar van die onderwerpe waaroor hulle toegerus word:
My identiteit in Christus
My skeppingsdoel
Ken en gebruik die Woord
Dissipelskap
Vriende
Versoekings soos pornografie, wellus, materialisme, ens…
ONS DOEN DIT DEUR:
A. ‘n Intekengroep waardeur hulle daagliks, weekliks en maandeliks geestelike video-, oudio- en geskrewe materiaal kan ontvang;
B. ‘n Intekengroep waardeur ons hul ouers kan bedien en ondersteun;
C. ‘n Intekengroep vir besigheidseienaars wat op geestelike vlak wil belê in hul werknemers en wat d.m.v. borgskappe wil betrokke raak by PROJEK DAWID. Musiek- en Woordbediening tydens skooloptredes, kampe, seminare, dissipelskap-opleiding, eredienste ens.
3. JEUG
Wian bedien in spanverband d.m.v. Woord en musiek tydens:
Jeugkampe
Jeugweke
Skooloptredes
Jeugdienste ens.
4. MUSIEKBEDIENING
Wian is ‘n liedjieskrywer, sanger en “worship leader” wat al deur die jare verskeie musiekproduksies die lig laat sien het met heelwat liedere wat opgeneem is in sangbundels soos FLAM ens. Hy bedien tydens:
Eredienste
Lof- & aanbiddingsgeleenthede
Musiekfeeste
Hy gee ook opleiding aan aanbiddingspanne van gemeentes oor geestelike en tegniese aspekte van lof- & aanbidding.