21/05/2026
I lumtur që jam zgjedhur Kryetar i Shoqatës së Teknologjisë së Informacionit në kuadër të Odës Ekonomike të Kosovës.
IT-ja në Kosovë ka potencial të jashtëzakonshëm dhe besoj që është koha me punu edhe më shumë për me kriju mundësi reale për kompanitë vendore, profesionistët dhe të rinjtë që po ndërtojnë karrierë në teknologji.
Me kryesinë e re do të fokusohemi në iniciativa konkrete, bashkëpunim më të madh mes akterëve të industrisë dhe në krijimin e një ambienti ku sektori mundet me u zhvillu edhe më shumë.
Faleminderit për besimin — mezi pres me fillu punën. 🚀
💻 Shqata e Teknologjisë së Informacionit me udhëheqje të re, synon zhvillim të sektorit IT në Kosovë
Shoqata e Teknologjisë së Informacionit e Kosovës, në kuadër të Odës Ekonomike të Kosovës, ka zgjedhur kryesinë e re. Në krye të saj është zgjedhur Armend Zeqiraj nga Xpertt.
Prioritet i ekipit të ri do të jetë nxitja e iniciativave konkrete për zhvillimin e mëtejshëm të sektorit të teknologjisë së informacionit në vend, si dhe forcimi i mbështetjes për kompanitë vendore, avancimi profesional dhe krijimi i hapësirave për inovacion e bashkëpunim.
Oda Ekonomike e Kosovës mbetet e angazhuar në fuqizimin e industrive strategjike dhe ndërtimin e një ekosistemi më të zhvilluar për sektorin IT në Kosovë.
