Gaçkë faqe zyrtare

04/09/2026

Trajnimi do mbahet më 15 shtator 2026

04/09/2026

NJOFTIM

Ftohen të gjithë banorët e fshatit Gaçkë dhe Burrnik që të marrin pjesë në dëgjimin publik në kuadër të hartimit të Planit Zhvillimor Komunal të Ferizajt (PZHK).

📅 E hënë, 9 shtator 2026
🕢 Ora 19:30
📍 Shkolla Fillore “Jeta e Re” – Greme

🗣️ Pjesëmarrja dhe kontributi i secilit banor janë shumë të rëndësishme për planifikimin dhe zhvillimin e ardhshëm të fshatit dhe zonës ku jetojmë.

Ju ftojmë që të merrni pjesë sa më masivisht dhe të shprehni kërkesat, shqetësimet, nevojat dhe propozimet tuaja, në mënyrë që ato të përfshihen në planifikimet e ardhshme të Komunës së Ferizajt.

🤝 Bashkë për zhvillimin e Gaçkës dhe Burrnikut!
Komuna e Ferizajt Gaçkë faqe zyrtare Ilir Shabani

Me respekt,
Kryetari i Fshatit Gaçkë dhe Burrnik
Ilir Shabani

01/09/2026

01/09/2026

NJOFTIM

Të nderuar prindër dhe nxënës,

Ju njoftojmë se, për shkak të mungesës së mjeteve buxhetore, transporti i nxënësve shtëpi–shkollë dhe anasjelltas nuk do të realizohet deri në marrjen e një vendimi të ri nga organet kompetente të Komunës së Ferizajt.

Për çdo ndryshim apo vendim të ri, do të njoftoheni me kohë.

Faleminderit për mirëkuptimin!

01/09/2026

📚 URIME FILLIMIN E VITIT TË RI SHKOLLOR!

Të gjithë nxënësve, mësimdhënësve dhe punëtorëve arsimorë u uroj një vit të mbarë, të suksesshëm dhe të mbushur me arritje të reja.

Uroj që ky vit shkollor të karakterizohet nga përkushtimi, bashkëpunimi, respekti dhe rezultate sa më të mira në procesin edukativo-arsimor.

Në veçanti, nxënësve tanë u uroj shumë suksese, dije, shëndet dhe realizimin e synimeve të tyre. 📖✏️

Suksese dhe mbarësi në vitin e ri shkollor!
Gaçkë faqe zyrtare Komuna e Ferizajt SHFMU "Imri Halili" Gaçkë, Ferizaj

Me respekt,
Kryetari i Gaçkës
Ilir Shabani

24/08/2026

LAJM MORTOR

Familja Hasani nga fshati Gaçkë e Epërme, e pikëlluar thellë, njofton farefisin, miqtë dhe dashamirët se sot ka ndërruar jetë nëna e Sahit, Hasanit, Ramizit, Ragipit, Sabitit dhe Isak Hasanit.

NURIJE HASANI

Ceremonia e varrimit të ndjerës bëhet, më 25.08.2026 në oren 17:00 pasë namazit të ikindisë

Në varrezat fshati Gaçkë e Eprme

Ngushëllime të sinqerta familjes Hasani!
Të ndjerën, Zoti e mëshiroftë dhe e shpërbleftë me Xhenet.

Të pikëlluar: Familja Hasani.

22/08/2026

NJOFTIM ME RËNDËSI

Të nderuar banorë të fshatit Gaçkë,

Ju bëjmë thirrje të gjithë banorëve, veçanërisht atyre që keqpërdorin rrjetin e ujësjellësit të fshatit dhe personave të paautorizuar që ndërhyjnë në sistemin e ujësjellësit, të ndalojnë menjëherë çdo ndërhyrje, manipulim apo ndërprerje të ujit.

Mosardhja e ujit në Gaçkë të Ulët dhe problemet e vazhdueshme me furnizimin janë shqetësim për të gjithë banorët e sidmos për banorët e gaçkës së ultë, për vite me radhë ka pasur ndërhyrje të paautorizuara në gypat dhe rrjetin e ujësjellësit, gjë që nuk do të tolerohet më.

Kushdo që ndërhyn pa autorizim dhe dëmton pronën publike, pavarësisht se kush është, do të raportohet tek organet kompetente dhe, nëse konstatohet përgjegjësia, do të përballet me masat dhe ndëshkimet e parapara me ligjet në fuqi.

Ju lutemi të respektojmë pronën publike dhe të drejtën e çdo familjeje për furnizim të rregullt me ujë.

Nga ky moment, nuk do të tolerohet asnjë ndërhyrje e paautorizuar në rrjetin e ujësjellësit.

Me respekt për të gjithë banorët e fshatit Gaçkë. 🤝💧
Gaçkë faqe zyrtare Komuna e Ferizajt Kosovo Police

21/08/2026

https://vt.tiktok.com/ZSVfmbKFX/ Gaçkë faqe zyrtare Komuna e Ferizajt

21/08/2026

💡 RIPARIMI I POQAVE ELEKTRIKE NË GAÇKË ⚡️

Është bërë ndërhyrja për riparimin dhe funksionalizimin e poqave elektrike në fshatin Gaçkë, me qëllim përmirësimin e ndriçimit dhe sigurisë për banorët tanë. 💡

🤝 Faleminderit për mirëkuptimin dhe bashkëpunimin.
Gaçkë faqe zyrtare Komuna e Ferizajt