11/20/2020
بما أننا مهتمين كلنا تقريبا بمكن الحلاقة فى الوايت الفرايداى وخاصة مع وجود الكورونا وضرورة الحلاقة فى البيت ، فالنهاردة هنتكلم عن شوية نصائح مهمة جدا المفروض تكون عارفها قبل ما تشترى اى مكنة الحلاقة 😉
مبدائيا كده بتختلف اسعار مكن الحلاقة بشكل كبير بناء على الماركة والجودة والكفاءة بتاعها واللى ممكن تبدأ من أول 125 جنيه إلى 2000 جنيه تقريبا ، أحنا رأينا فى النقطة دى أنك تجيب مكنة كويسة وسعرها عالى شوية علشان تفضل معاك فترة أطول ومتفضلش كل سنة تغيرها وكمان فى بعض مكن الحلاقة الرخيصة بتسبب التهابات بسبب عدم جودة شفراتها.
وكمان ممكن نستغل خصومات الوايت فرايداى وتشتريها مكنة سعرها متوسط أو عالى شوية أو تشتريها بالتقسيط واللى بيكون فى حدود 100 جنيه كل شهرتقريبا لمدة سنة
تعال بقى نتكلم شوية عن شوية حاجات المفروض بقى نحددها ونأخد بالنا منها قبل ما تشترى:
1- الاستخدام والنوع:
مبدائيا كده مفيش مكنة حلاقة واحدة بتحلق كل حاجة شعر ودقن ومناطق فى الجسم لان كل حاجة من دول بيكون ليها ديزاين معين من حيث الحجم والشفرات ، بس ممكن تلاقى مكنة تشتغل فى حاجتين كويسة ومش هتكون كويسة فى الثالثة ، وأخيرا مكن الدقن خصوصا بيختلف من واحد لتانى علشان فى ناس بتكون دقنهم تقيلة.
وبناء على الكلام ده فى 3 أنواع مكن حلاقة هتلاقيهم:
- نوع ال Clipper وده أشهر الأنواع واللى دائما هتلاقى موجود عن الحلاقين ، وده بيستخدم فى حلق الشعر ودائما هيكون فى شعر موجود وكبير شوية ، وهتلاقى عرض الأسنان بتاعتها كبير والمسافات ما بينهم كبيرة.
- نوع ال Trimmer وده مخصوص لتهذيب الشعر سواء للشنب أو الدقن أو شعر الاذن والأنف أوتحديد السوالف وكمان يمكن استخدامها لأماكن الجسم ودائما هيكون فى شعر صغير خالص متبقى كانك حالق من يوم أو يومين مثلا ، وعلشان كده هتلاقى عرض الأسنان بتاعتها صغيرة والمسافات ما بينهم صغيرة.
- نوع ال Shavers واللى من خلالها بتقدر تحلق زى الموس بالضبط وفى منها اللى بيستخدم مع الجيل او كريم الحلاقة ، ودى مينفعش يكون شعرك طويل أو الدقن الثقيلة ودى تنفع للناس بتاعت الجيش
2 - الحلاقة الجافة ولا الرطبة
الفرق ما بين الاتنين أن مكن الحلاقة الرطبة بينفع تستخدمه مع كريمات الحلاقة أو الماء أو أثناء الاستحمام وده مش بينفع يحصل فى حالة أن مكنة الحلاقة جافة ، وطبعا الميزة دى بتخلى مكن الحلاقة الرطبة سعرها أعلى من مكن الحلاقة الجافة بس
3- مكنة بسلك ولا لاسلكية
الفرق ما بين الاتنين أن مكنة الحلاقة اللى بسلك ينفع تستخدمها فى أى وقت والمدة اللى أنت عاوزها وعمرها الافتراضى بيكون اطول شوية ولكن ده بيجى على حساب الحرية والراحة اللى موجود فى مكنة الحلاقة اللاسلكية واللى بيكون فيها بطارية بيتم شحنها قبل ما تستخدمها كل مرة واللى بتكون مناسبة برضه فى حالة السفر.
4- البطارية
فى حالة أنك هتشترى مكنة لاسلكية ، أعرف فترة عمر الافتراضى للبطارية قد إيه لان المكنة قائمة على النقطة دى أصلا ، وكمان أعرف نوع البطارية بتاعتها إيه ومدة الشحن والتفريغ بتاعها ويفضل أنها تكون بطاريات ليثيوم علشان بيتم شحنها أسرع وكمان يارت لو فى مؤشر للبطارية علشان تعرف مقدار الشحن بتاعها
5- الشفرات والامشاط :
سلاح المكنة شكله عامل إزاى سواء مستقيم وروتارى ولا رقائق وكمان سرعته ، الدرجات اللى بتيجى مع المكنة وهل هتناسبك وهتجيب الدرجات اللى انت عاوزها ولالا ؟
6- سهولة الإستخدام والتنظيف
أن تكون المكنة تكون سهلة الاستخدام والتنظيف ، وخاصة لو هتحلق شعرك بنفسك لان أي صعوبة في استخدامها هتؤدي لحدوث الجروح والخدوش ، كمان يكون معاها عدة تنظيف معاها زى الفرشة والزيت وغيره ومكن اللى الفئة السعرية بتاعته عالية هتلاقي فى ميزة التنظيف ذاتى.
7- الضمان
حاول تشترى مكنة حلاقة معاها ضمان وطبعا كل ما كان فترة الضمان أطول كل ما كان أحسن.
بكده يبقى حددنا أهم النقط اللى لازم تكون عارفها ما تشترى ومن خلالهم هتبقى محدد أكتر بالنوع اللى أنت محتاجه وتقدر تأخد افضل قرار شراء 👌
* أعمل منشن لأصحابك اللى هتشترى معاه مكنة الحلاقة وعلشان يقرأ الدليل قبل ما تشتروا 😉
* تقدروا تتابع دلوقيتى التخفيضات والعروض اللى بتنزل أول بأول ، وكمان المنتجات اللقطة اللى مينفعش تتفوتللينك الجروب بتاعنا: https://bit.ly/35uKGVd
#لقطة
