Sky First

Sky First “ስካይ ፈርስት — እውነተኛ መረጃ፣ የሁሉም ድምጽ።”

ምርትዎንና አገልግሎትዎን በተሻለ ለማስተዋወቅ ከእኛ ጋር ይስሩ።

ቴሌግራም ላይ ያግኙን 👉



https://t.me/SkyFirstMedia YouTube.com/-sf

የትግራይ ክልልን ለስድስት ወራት የሚያስተዳድር ባለአደራ አስተዳደር ተቋቋመየፌዴሬሽን ምክር ቤት ባስተላለፈው ውሳኔና ለሚኒስትሮች ምክር ቤት በሰጠው ሥልጣን መሠረት፣ የትግራይ ክልልን ለሚቀጥ...
10/16/2026

የትግራይ ክልልን ለስድስት ወራት የሚያስተዳድር ባለአደራ አስተዳደር ተቋቋመ

የፌዴሬሽን ምክር ቤት ባስተላለፈው ውሳኔና ለሚኒስትሮች ምክር ቤት በሰጠው ሥልጣን መሠረት፣ የትግራይ ክልልን ለሚቀጥሉት ስድስት ወራት የሚያስተዳድር ባለአደራ አስተዳደር መቋቋሙ ተገልጿል።

የባለአደራ አስተዳደሩ ዋና ተግባር በክልሉ የሰላምና የመረጋጋት ሁኔታን ማስፈን፣ የተፈረሱ የመንግሥት መዋቅሮችን መልሶ ማቋቋም፣ በጦርነት የተጎዱ መሠረተ ልማቶችን ማስጠገንና የተቋረጡ ማኅበራዊ አገልግሎቶችን ማስቀጠል እንደሚሆን ተገልጿል።

በተጨማሪም በግጭት ምክንያት የተፈናቀሉ ዜጎችን ወደ ቀያቸው ለመመለስ፣ የክልሉን የጸጥታ መዋቅር እንደገና ለማደራጀት፣ ታጣቂዎች ትጥቃቸውን አስረክበው ወደ ሰላማዊ ኑሮ እንዲመለሱ ሁኔታዎችን ለማመቻቸትና የሕዝብ መድረኮችን ለማዘጋጀት ኃላፊነት ተሰጥቶታል።

በስድስት ወራት ውስጥ የተረጋጋ የፖለቲካ ሁኔታ በመፍጠር ነጻና ግልጽ ምርጫ እንዲካሄድና ክልሉ በተመረጠ መንግሥት እንዲመራ ማመቻቸትም ከተቀመጡት ዋና ተግባራት መካከል ይገኛል።

በውሳኔው መሠረት፣ የባለአደራ አስተዳደሩ ዋና አስፈጻሚዎች፦

⨳ አቶ አሰፋ አብርሃ ሐጎስ — የአስተዳደርና የሕዝብ አገልግሎት ዋና አስፈጻሚ
⨳ ዶክተር ቴዎድሮስ አረጋይ ወልደሥላሴ — የኢኮኖሚና የመልሶ ግንባታ ዋና አስፈጻሚ
⨳ ብርጋዴር ጄኔራል ገብረ እግዚአብሔር በየነ ኃይሉ — የጸጥታና የሰላም ዋና አስፈጻሚ
⨳ አቶ ረዳኢ ኃለፎም ወልደሥላሴ — የፖለቲካና የሕዝብ አደረጃጀት ዋና አስፈጻሚ
⨳ ዶክተር ሽሻይ አማረ — የመቐለ ከተማ ከንቲባ

የባለአደራ አስተዳደሩ በሚያከናውናቸው ተግባራት የኢትዮጵያን ብሔራዊ ጥቅምና የግዛት አንድነት እንዲሁም የትግራይ ሕዝብን መሠረታዊ ጥቅሞች መሠረት ማድረግ እንዳለበት ተጠቅሷል። አስተዳደሩም በፌዴራል መንግሥት አቅጣጫና መመሪያ መሠረት እንደሚሠራ ተገልጿል።

ዩናይትድ ኪንግደም ኤርትራውያን ወደ አገሪቱ እንዳይገቡ የቪዛ እገዳ ልትጥል ዛተችየዩናይትድ ኪንግደም የአገር ውስጥ ጉዳይ ሚኒስትር ሻባና ማሕሙድ፣ የኤርትራ መንግሥት በአነስተኛ ጀልባዎች ወደ...
10/16/2026

ዩናይትድ ኪንግደም ኤርትራውያን ወደ አገሪቱ እንዳይገቡ የቪዛ እገዳ ልትጥል ዛተች

የዩናይትድ ኪንግደም የአገር ውስጥ ጉዳይ ሚኒስትር ሻባና ማሕሙድ፣ የኤርትራ መንግሥት በአነስተኛ ጀልባዎች ወደ አገሪቱ የገቡና በዚያ ለመቆየት ሕጋዊ ፈቃድ የሌላቸውን ዜጎቹን እንዲሁም ወንጀል የፈጸሙ ዜጎቹን መልሶ ካልተቀበለ፣ ኤርትራውያን ወደ ዩናይትድ ኪንግደም እንዳይገቡ አጠቃላይ የቪዛ እገዳ እንደሚጥሉ አስጠነቀቁ።

ከውሳኔው ጋር በተያያዘ፣ የኤርትራ ዲፕሎማቶች ያለፈቃድ ከለንደን 60 ኪሎ ሜትር በላይ እንዳይንቀሳቀሱ ገደብ ተጥሏል። ለኤርትራ ባለሥልጣናትና ቪአይፒ ተብለው ለሚመደቡ ሰዎች የሚሰጠው ፈጣን የቪዛ አገልግሎትም ተቋርጧል።

የዩናይትድ ኪንግደም መንግሥት ኤርትራ በዜጎቿ መመለስ ላይ የነበረውን ትብብር በድንገት ማቋረጧን በመጥቀስ፣ እርምጃዎቹ ትብብሯን እንድትመልስ ጫና ለማሳደር የተወሰዱ መሆናቸውን ገልጿል።

በተጨማሪም፣ እስከ ሰኔ 2026 ባሉት 12 ወራት ውስጥ በአነስተኛ ጀልባዎች ወደ ዩናይትድ ኪንግደም ከገቡ ሰዎች መካከል ኤርትራውያን 18 በመቶ ድርሻ በመያዝ ከፍተኛውን ቁጥር እንደያዙ የብሪታንያ የፓርላማ መረጃዎች ያመለክታሉ።

ሚኒስትሯ ኤርትራ በጉዳዩ ላይ ትብብር ካላደረገች በተጨማሪ እርምጃዎች እንደሚወሰዱ በመግለጽ፣ በዜጎቻቸው መመለስ ላይ ለመተባበር ፈቃደኛ ባልሆኑ ሌሎች አገራትም ላይ እርምጃ እንደሚወስዱ አስታውቀዋል።

በቤኒሻንጉል ጉሙዝ በአምቡላንስ ላይ በተፈጸመ ጥቃት አሽከርካሪው ተገደለበቤኒሻንጉል ጉሙዝ ክልል፣ መተከል ዞን፣ ዳንጉር ወረዳ በሰብዓዊ ተልዕኮ ላይ በነበረ አምቡላንስ ላይ በተፈጸመ ጥቃት አ...
10/16/2026

በቤኒሻንጉል ጉሙዝ በአምቡላንስ ላይ በተፈጸመ ጥቃት አሽከርካሪው ተገደለ

በቤኒሻንጉል ጉሙዝ ክልል፣ መተከል ዞን፣ ዳንጉር ወረዳ በሰብዓዊ ተልዕኮ ላይ በነበረ አምቡላንስ ላይ በተፈጸመ ጥቃት አሽከርካሪው አቶ ሙሉጌታ አንዷለም መገደሉን የኢትዮጵያ ቀይ መስቀል ማኅበር አስታወቀ።

ማኅበሩ እንዳስታወቀው፣ ጥቅምት 4 ቀን 2019 ዓ.ም ከቀኑ 7፡20 ገደማ፣ ከዳንጉር ወረዳ ከተማ 50 ኪሎ ሜትር ርቀት ላይ በሚገኘው ጂርሴ መንደር በታጠቁ ኃይሎች በተፈጸመ ጥቃት የአምቡላንሱ አሽከርካሪ ሕይወቱ አልፏል። የሰሌዳ ቁጥሩ 5-02762 የሆነው አምቡላንስም ከፍተኛ ጉዳት ደርሶበት ከአገልግሎት ውጪ ሆኗል።

የኢትዮጵያ ቀይ መስቀል ማኅበር ለሟቹ ቤተሰቦችና የሥራ ባልደረቦች የሐዘን መግለጫ በማቅረብ፣ የሰብዓዊ እርዳታ ሠራተኞች፣ በጎ ፈቃደኞችና አምቡላንሶች ከጥቃት ነጻ ሆነው መጠበቅ እንዳለባቸው አሳስቧል።

ማኅበሩ በትጥቅ ግጭት ውስጥ የሚሳተፉ አካላት ዓለም አቀፍ የሰብዓዊነት ሕጎችን እንዲያከብሩና በሰብዓዊ ሠራተኞችና በንብረቶቻቸው ላይ ከሚፈጸም ጥቃት እንዲታቀቡ ጥሪ አቅርቧል።

«ሀገራችሁን ከዚህ ሴራ ጠብቁ፤ ፕሬዚዳንቱን ጠብቁ እያልኩ አይደለም» — የግብፅ ፕሬዚዳንት ዓብደል ፈታህ አልሲሲየግብፅ ፕሬዚዳንት ዓብደል ፈታህ አልሲሲ፣ የሀገሪቱን ሕገ መንግሥት ማንም እን...
10/15/2026

«ሀገራችሁን ከዚህ ሴራ ጠብቁ፤ ፕሬዚዳንቱን ጠብቁ እያልኩ አይደለም» — የግብፅ ፕሬዚዳንት ዓብደል ፈታህ አልሲሲ

የግብፅ ፕሬዚዳንት ዓብደል ፈታህ አልሲሲ፣ የሀገሪቱን ሕገ መንግሥት ማንም እንዲነካ እንደማይፈቀድ በማረጋገጥ፣ የሐሰተኛ መረጃ ዘመቻዎችና የሕዝብን ግንዛቤ የማዛባት ሙከራዎች ለሀገራዊ መረጋጋት ስጋት እንደሆኑ አስጠንቅቀዋል።

ፕሬዚዳንቱ በግብፅ ጦር ኃይሎች በተዘጋጀው 44ኛው የባህል ውይይት ላይ ባደረጉት ንግግር፣ በሕዝብ የጸደቀው ሕገ መንግሥት መከበር እንዳለበት ገልጸዋል። በተጨማሪም የ1973ቱን የጥቅምት ጦርነት ድል አስፈላጊነት የሚያሳንሱ ዘመቻዎችን ተችተዋል።

አልሲሲ የሐሰተኛ መረጃ ዘመቻዎቹን የሚያካሂዱትን አካላት በስም ባይጠቅሱም፣ ወሬዎችና የሕዝብን አመለካከት ለማዛባት የሚደረጉ ጥረቶች ሁከትን ሊቀሰቅሱና ሀገሪቱን ከውስጥ ሊያዳክሙ እንደሚችሉ አስጠንቅቀዋል። በ2011 በግብፅ ከተከሰተው ዓይነት ቀውስ ሀገሪቱን መጠበቅ እንደሚገባም አሳስበዋል።

ፕሬዚዳንቱ የመንግሥት ተቋማትና ሕዝቡ እውነታዎችን በማብራራትና የሕዝብን ግንዛቤ በማሳደግ የሐሰተኛ መረጃ ዘመቻዎችን በጋራ እንዲቋቋሙ ጥሪ አቅርበዋል።

የዳንጎቴ ነዳጅ ማጣሪያ የአንድ አክሲዮን ዋጋ 74.9 ብር መሆኑ ተገለጸ።የኢትዮጵያ የካፒታል ገበያ ባለስልጣን የዳንጎቴ የነዳጅ ማጣሪያ ኩባንያ አክሲዮኖች ሽያጭን በተመለከተ ይፋዊ ማስታወቂያ...
10/15/2026

የዳንጎቴ ነዳጅ ማጣሪያ የአንድ አክሲዮን ዋጋ 74.9 ብር መሆኑ ተገለጸ።

የኢትዮጵያ የካፒታል ገበያ ባለስልጣን የዳንጎቴ የነዳጅ ማጣሪያ ኩባንያ አክሲዮኖች ሽያጭን በተመለከተ ይፋዊ ማስታወቂያ ስለ ማውጣቱ ካፒታል ጋዜጣ ዘግቧል።

ባለስልጣኑ እንዳስታወቀው የአንድ አክሲዮን የመግዣ ዋጋ 74 ነጥብ 9 ብር ሲሆን፣ የሽያጭ ሂደቱም እስከ ጥቅምት 13 ቀን 2019 ዓ.ም ድረስ ብቻ ይቆያል።

ይህ የአክሲዮን ሽያጭ ከፍተኛ የሀብት መጠን ላላቸው ባለሀብቶች የተዘጋጀ መሆኑ ተገልጿል።

በዚህም መሰረት መስፈርቱን አሟልተው አክሲዮኖቹን መግዛት የሚችሉት፣ አንድ ተሽከርካሪ እና አንድ የመኖሪያ ቤት ሳይጨምር ቢያንስ 10 ሚሊዮን ብር የተጣራ ሀብት ያላቸው ባለሀብቶች ናቸው።

እነዚህን መስፈርቶች የሚያሟሉ እና የአክሲዮን ግዢ ለመፈጸም ፍላጎት ያላቸው አካላት፣ አክሲዮኖችን የመሸጥ እና የመግዛት ህጋዊ ፈቃድ በተሰጣቸው ድርጅቶች በኩል ሂደቱን ማከናወን እንደሚችሉ ባለስልጣኑ አሳውቋል።

Via Capital Newspaper

የትራምፕ አስተዳደር የኢልሃን ኦማርን የአሜሪካ ዜግነት ለመሰረዝ ምርመራ እያካሄደ መሆኑ ተዘገበየአሜሪካው ፕሬዚዳንት ዶናልድ ትራምፕ አስተዳደር፣ የዴሞክራቲክ ፓርቲ ኮንግረስ አባል ኢልሃን ኦ...
10/15/2026

የትራምፕ አስተዳደር የኢልሃን ኦማርን የአሜሪካ ዜግነት ለመሰረዝ ምርመራ እያካሄደ መሆኑ ተዘገበ

የአሜሪካው ፕሬዚዳንት ዶናልድ ትራምፕ አስተዳደር፣ የዴሞክራቲክ ፓርቲ ኮንግረስ አባል ኢልሃን ኦማር የአሜሪካ ዜግነት ለመሻርና ከሀገሪቱ ለማስወጣት የሚያስችል ምርመራ እያካሄደ መሆኑን ዘ ዎል ስትሪት ጆርናል የተሰኘው ጋዜጣ የአሜሪካ ባለሥልጣናትንና ስለ ምርመራው መረጃ ያላቸውን ምንጮች ጠቅሶ ዘግቧል።

በሚኒሶታ ግዛት የሚወክሉት ኦማር፣ ከሶማሊያ በስደተኝነት ወደ አሜሪካ ከገቡ በኋላ ዜግነት ያገኙበትን ሂደት ለማጣራት ምርመራው መጀመሩን ጋዜጣው ረቡዕ ዘግቧል። መርማሪዎች የቤተሰባቸውን የስደተኝነት ሰነዶች እየመረመሩ ሲሆን፣ በሚኒሶታ ግዛት በሚገኝ ታላቅ ዳኞች ቡድን ፊት ምስክርነት እንዲሰጡ ከ12 በላይ መጥሪያዎች መውጣታቸውን፣ ከተጠሩትም መካከል የኦማር ዘመዶች እንዳሉ ገልጿል።

የምርመራው ዋና ጉዳይ፣ ኦማር ወይም በ2020 የሞቱት አባታቸው በስደተኝነት ሰነዶች ላይ ዕድሜያቸውን 18 ዓመት ሳይሆን 17 ዓመት በማለት አቅርበዋል ወይ የሚለውን ማጣራት ነው። ይህም ኦማር በአባታቸው በኩል ዜግነት እንዲያገኙ እንጂ የተለየ የዜግነት ማመልከቻ እንዳያቀርቡ አስችሏቸው እንደሆነ ለማወቅ መርማሪዎች እየሠሩ መሆኑ ተገልጿል።

የኦማር ጽሕፈት ቤት ምርመራው መሠረተ ቢስ መሆኑን በመግለጽ አስተባብሏል። ኦማር በተጨማሪም ቀደም ሲል የስደተኝነት ሂደትን በማጭበርበር የዜግነት መብት አግኝተዋል የሚለውን ክስ አስተባብለዋል።

ዘገባው የወጣው የፌዴራል የጸጥታ ኃይሎች የኦማርን መኖሪያ ቤት ከፈተሹ ከጥቂት ቀናት በኋላ ነው። በፍተሻው ወቅት ፓስፖርታቸው፣ ስልካቸው፣ የግል ኮምፒውተሮቻቸውና የማስታወሻ ደብተሮቻቸው መወሰዳቸውን ጋዜጣው ምንጮቹን ጠቅሶ ዘግቧል። የአሜሪካ የአገር ውስጥ ደኅንነት መምሪያ ፍተሻው ከቀጠለ የፌዴራል ምርመራ ጋር የተያያዘ መሆኑን ገልጿል።

ሆኖም እስካሁን የኦማርን ዜግነት ለመሻር ክስ መመሥረቱ አልተዘገበም። የዜግነት መሻር የፍርድ ቤት ሂደት የሚጠይቅ ሲሆን፣ በመካሄድ ላይ ያለው ምርመራ በራሱ ዜግነታቸውን አያስሽርም፤ ከአሜሪካ እንዲባረሩም ሕጋዊ ፈቃድ አይሰጥም።

በቀድሞው ፕሬዚዳንት ጆ ባይደን አስተዳደር ወቅትም ተመሳሳይ ጥርጣሬ ተመርምሮ እንደነበር፣ ሆኖም የማጭበርበር ማስረጃ ባለመገኘቱ ተጨማሪ እርምጃ እንዳልተወሰደ ጋዜጣው አመልክቷል።

የሕዝብ ተወካዮች ምክር ቤት የ13 ቋሚ ኮሚቴዎችን አደረጃጀት አጸደቀየሕዝብ ተወካዮች ምክር ቤት በዛሬው 1ኛ ዓመት 3ኛ መደበኛ ስብሰባው፣ የ13 ቋሚ ኮሚቴዎችን አዲስ አደረጃጀት፣ ተግባርና ...
10/15/2026

የሕዝብ ተወካዮች ምክር ቤት የ13 ቋሚ ኮሚቴዎችን አደረጃጀት አጸደቀ

የሕዝብ ተወካዮች ምክር ቤት በዛሬው 1ኛ ዓመት 3ኛ መደበኛ ስብሰባው፣ የ13 ቋሚ ኮሚቴዎችን አዲስ አደረጃጀት፣ ተግባርና ኃላፊነት አጽድቋል።

የምክር ቤቱ አፈ ጉባኤ አህመድ ሺዴ እንደገለጹት፣ የአንዳንድ ተቋማት ስያሜ በመቀየሩ እና በመደመር መንግሥት ስትራቴጂያዊ ዕቅድ መሠረት የቋሚ ኮሚቴዎቹን ተግባርና ኃላፊነት እንደገና ማደራጀት አስፈልጓል።

በዚህ መሠረት ምክር ቤቱ ያጸደቃቸው 13 ቋሚ ኮሚቴዎች እነዚህ ናቸው፦

1, የሕግና ፍትሕ ጉዳዮች ቋሚ ኮሚቴ
2, የዲሞክራሲ ጉዳዮች ቋሚ ኮሚቴ
3, የመንግሥት ወጪ አስተዳደርና ቁጥጥር ጉዳዮች ቋሚ ኮሚቴ
4, የሰው ሀብት ልማት፣ የሥራ ስምሪትና ቴክኖሎጂ ጉዳዮች ቋሚ ኮሚቴ
5, የጤና፣ ማኅበራዊ ልማትና ስፖርት ጉዳዮች ቋሚ ኮሚቴ
6, የውሃ፣ መስኖ፣ ቆላማ አካባቢና አካባቢ ልማት ጉዳዮች ቋሚ ኮሚቴ
7, የግብርና ጉዳዮች ቋሚ ኮሚቴ
8, የኢንዱስትሪና ማዕድን ጉዳዮች ቋሚ ኮሚቴ
9, የከተማ መሠረተ ልማትና ሎጂስቲክስ ጉዳዮች ቋሚ ኮሚቴ
10, የንግድ፣ ባህልና ቱሪዝም ጉዳዮች ቋሚ ኮሚቴ
11, የብሔራዊ ስትራቴጂ፣ በጀትና ፋይናንስ ጉዳዮች ቋሚ ኮሚቴ
12, የመንግሥት ልማት ድርጅቶች ጉዳዮች ቋሚ ኮሚቴ
13, የውጭ ግንኙነትና የሰላም ጉዳዮች ቋሚ ኮሚቴ

እያንዳንዱ ቋሚ ኮሚቴ ሰብሳቢና ምክትል ሰብሳቢ የሚኖረው ሲሆን፣ ሰብሳቢዎቹ በአፈ ጉባኤው አቅራቢነት በምክር ቤቱ መመረጣቸው ተገልጿል።

ምክር ቤቱ የቋሚ ኮሚቴዎቹን አደረጃጀት፣ ተግባርና ኃላፊነት ለመወሰን የቀረበውን የውሳኔ ሐሳብ በሙሉ ድምፅ ማጽደቁም ተገልጿል።

በኢትዮጵያና በኤርትራ መካከል ያለው ውጥረት እንዲረግብ አሜሪካ ጥሪ አቀረበችየአሜሪካ የውጭ ጉዳይ ሚኒስትር ማርኮ ሩቢዮ፣ ኢትዮጵያና ኤርትራ እየተባባሰ የመጣውን ውጥረት እንዲያረግቡ ጠየቁ።ሩ...
10/15/2026

በኢትዮጵያና በኤርትራ መካከል ያለው ውጥረት እንዲረግብ አሜሪካ ጥሪ አቀረበች

የአሜሪካ የውጭ ጉዳይ ሚኒስትር ማርኮ ሩቢዮ፣ ኢትዮጵያና ኤርትራ እየተባባሰ የመጣውን ውጥረት እንዲያረግቡ ጠየቁ።

ሩቢዮ ትናንት ከኢትዮጵያ ጠቅላይ ሚኒስትር ዐቢይ አሕመድ ጋር በስልክ ባደረጉት ውይይት፣ “ሁሉም ወገኖች” ውጥረቱን እንዲያረግቡ መጠየቃቸውን የአሜሪካ የውጭ ጉዳይ መሥሪያ ቤት አስታውቋል።

በሁለቱ አገራት መካከል ያለው ውጥረት ወደ ወታደራዊ ግጭት ሊያመራ ይችላል የሚለው ሥጋት እየጨመረ መጥቷል። የዛላምበሳ ከተማ ነዋሪዎች ትናንት እንዳስታወቁት፣ የኢትዮጵያና የኤርትራ ወታደሮች ከከተማዋ በስተሰሜንና በስተደቡብ ተፋጥጠዋል።

የአሜሪካ የውጭ ጉዳይ መሥሪያ ቤት ባወጣው መረጃ መሠረት፣ ሩቢዮ ዘላቂ መፍትሔ የሚገኘው በምክክር እንደሆነ ገልጸዋል። ውይይቱ በሁለቱ አገራት መካከል ባለው የሰላም ስምምነት መሠረት መካሄድ እንዳለበትም አሳስበዋል።

ኢትዮጵያና ኤርትራ የዲፕሎማሲ ግንኙነታቸውን ሙሉ በሙሉ ካቋረጡ ሁለት ሳምንታት እንዳለፉ የዜናው ምንጭ ገልጿል። ሩቢዮ ሁለቱ አገራት እንዲነጋገሩ ከመጠየቅ ባለፈ፣ ውይይቱ በማን አሸማጋይነት እንደሚካሄድ በይፋ ያሳወቁት ነገር የለም።

ሆኖም የአፍሪካ ቀንድ አገራት የጎረቤቶቻቸውን ሉዓላዊነትና የግዛት አንድነት እንዲያከብሩ፣ በድንበር ላይ የሚፈጠር ግጭትንም እንዲያስወግዱ ሩቢዮ አሳስበዋል።

በበኩላቸው፣ ጠቅላይ ሚኒስትር ዐቢይ አሕመድ ከሩቢዮ ጋር ያደረጉትን የስልክ ውይይት “እጅግ ፍሬያማ” ሲሉ ገልጸውታል። ውይይቱ በሁለትዮሽ፣ በቀጣናዊና በባለብዙ ወገን የጋራ ትኩረት በሚሹ ጉዳዮች ላይ ማተኮሩንም በማኅበራዊ መገናኛ ገጻቸው ባሰራጩት መልዕክት አስታውቀዋል።

በመስከረም ወር 2019 ዓ.ም. አጠቃላይ የዋጋ ግሽበት 14.9 በመቶ ደረሰበመስከረም ወር 2019 ዓ.ም. በኢትዮጵያ የተመዘገበው አጠቃላይ የዋጋ ግሽበት 14.9 በመቶ መድረሱ ተገለጸ። ይህም...
10/15/2026

በመስከረም ወር 2019 ዓ.ም. አጠቃላይ የዋጋ ግሽበት 14.9 በመቶ ደረሰ

በመስከረም ወር 2019 ዓ.ም. በኢትዮጵያ የተመዘገበው አጠቃላይ የዋጋ ግሽበት 14.9 በመቶ መድረሱ ተገለጸ። ይህም በ2018 ዓ.ም. በተመሳሳይ ወር ከተመዘገበው 13.2 በመቶ ጋር ሲነጻጸር የ1.7 በመቶ ነጥብ ጭማሪ አሳይቷል።

በምግብና በለስላሳ መጠጦች ዘርፍ 14.8 በመቶ የዋጋ ግሽበት ሲመዘገብ፣ በአትክልቶች 11.4 በመቶ፣ በሥጋ 22 በመቶ፣ በወተትና በእንቁላል 17.7 በመቶ፣ በፍራፍሬ 18.5 በመቶ፣ በዘይትና በቅባት 18.2 በመቶ ተመዝግቧል።

በስኳር፣ ማርና ቸኮሌት የዋጋ ግሽበቱ 39.8 በመቶ ሲደርስ፣ በዳቦና እንጀራ 8.6 በመቶ፣ በሌሎች የምግብ ምርቶች ደግሞ 19.1 በመቶ ሆኗል።

ከምግብ ውጭ ባሉ ዕቃዎችና አገልግሎቶች ዘርፍ 15.1 በመቶ የዋጋ ግሽበት ተመዝግቧል። በትራንስፖርት 16 በመቶ፣ በአልኮል መጠጦችና በትምባሆ 18.2 በመቶ፣ በኮሙኒኬሽን አገልግሎቶች 9.6 በመቶ፣ በምግብ ቤቶችና ሆቴሎች 15.3 በመቶ፣ በትምህርት 17.8 በመቶ እንዲሁም በጤና 10.9 በመቶ የዋጋ ግሽበት ተመዝግቧል።

የሳይበር ደኅንነት ስጋቶችን ለመከላከል የተቀናጀ ትብብርና ዝግጁነት እንደሚያስፈልግ ተገለጸበቴክኖሎጂ ፍጥነት የሚጨምር እድገት ሳቢያ እየተስፋፉ የመጡ የሳይበር ደኅንነት ስጋቶችን ለመከላከል ...
10/15/2026

የሳይበር ደኅንነት ስጋቶችን ለመከላከል የተቀናጀ ትብብርና ዝግጁነት እንደሚያስፈልግ ተገለጸ

በቴክኖሎጂ ፍጥነት የሚጨምር እድገት ሳቢያ እየተስፋፉ የመጡ የሳይበር ደኅንነት ስጋቶችን ለመከላከል የመንግሥትና የግል ዘርፍ ተቋማት፣ ባለሙያዎች፣ የልማት አጋሮችና መገናኛ ብዙኃን በቅንጅት መሥራት እንደሚያስፈልግ የኢትዮጵያ የሳይበር ደኅንነት ማኅበር አሳሰበ።

የማኅበሩ ፕሬዚዳንት ዶክተር ብርሃኑ በየነ፣ ዓለም በፍጥነት እየተለወጠች ባለችበት ወቅት ወደፊት ስለሚፈጠሩ ነገሮች ማንም እርግጠኛ መሆን እንደማይችል ገልጸዋል። ወደ ዲጂታል ዓለም በፍጥነት እየተገባ ቢሆንም ይዞ ለሚመጣው ስጋት ያለው ዝግጁነት በቂ እንዳልሆነም አስገንዝበዋል።

ከትላልቅ የመንግሥት ተቋማት እስከ ግለሰቦች የግል መረጃ ድረስ ሁሉም ለሳይበር ጥቃት ተጋላጭ መሆናቸውን ያነሱት ዶክተር ብርሃኑ፣ የግለሰቦች መረጃ ከመሰረቅ እስከ የፋይናንስ ተቋማት ሀብት መዘረፍና የመንግሥት የደኅንነት መረጃዎች ለአደጋ መጋለጥ የሚደርሱ ስጋቶች እንዳሉ ገልጸዋል።

የሳይበር ጥቃቶች በፋይናንስና በደኅንነት መረጃዎች ላይ ብቻ ሳይወሰኑ፣ በጤና ተቋማት የሚጠበቁ የግለሰቦች ማንነትና የዘረመል መረጃዎችንም ሊያጋልጡ እንደሚችሉ አመልክተዋል።

እንደ ሀገር አዋጆችንና ፖሊሲዎችን የማውጣት ችግር እንደሌለ የገለጹት ዶክተር ብርሃኑ፣ ዋናው ጉዳይ የወደፊቱን ስጋት ታሳቢ ያደረጉ ፖሊሲዎችን በፍጥነት ወደ ተግባር ማሸጋገር መሆኑን አስገንዝበዋል።

ከውጭ የሚገቡ የቴክኖሎጂ ምርቶችም የሀገርን ደኅንነት ለአደጋ እንደማያጋልጡ ከመጠቀም በፊት በተገቢው መፈተሽ እንዳለባቸው ጠቁመዋል።

ዶክተር ብርሃኑ አክለውም፣ የሳይበር ደኅንነት ስጋት ተቋማትንና ግለሰቦችን፣ የተማሩትንና ያልተማሩትን፣ ትናንሽና ትላልቅ ተቋማትን ሳይለይ ሁሉንም የሚያጠቃ በመሆኑ ሁሉም የድርሻውን ሊወጣ እንደሚገባ አሳስበዋል።

የኢትዮጵያ የሳይበር ደኅንነት ማኅበሩ ይህንን ያሳሰበው የሳይበር ደኅንነት ወርን አስመልክቶ ባዘጋጀው መድረክ ላይ ሲሆን፣ ዶክተር ብርሃኑ በዚሁ ወቅት በመድረኩ ለተሳተፉ የዘርፉ ባለሙያዎች፣ የመንግሥት ተቋማት ተወካዮች፣ የንግድ መሪዎች፣ የልማት አጋሮችና የመገናኛ ብዙኃን ተወካዮች ምስጋና አቅርበዋል።

Address

US
Atlanta, GA
404

Website

Alerts

Be the first to know and let us send you an email when Sky First posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Sky First:

Shortcuts

Share

Category