Horizon photo studio & communication

12/24/2024

Celebrating my 12th year on Facebook. Thank you for your continuing support. I could never have made it without you. 🙏🤗🎉

06/02/2023

04/13/2023

नया वर्ष २०८० को शुभकामना

01/24/2018

गाउँपालिका र नगरपालिकाको सहकारी ऐन, २०७४ ९नमुना० यहाँ पाइन्छ

12/28/2017

होराइजन फोटो स्टुडियो एण्ड छापाखाना खोर्सानेबाट अब इन्द्रपुर खानेपानीको महसुल भुक्तानी गर्न सक्नुहुनछे छ। सम्र्पक ९८४२११८१९४

10/17/2017

hhhhhhhh

12/07/2016

Hi frn

11/27/2016

Hi

09/01/2013

कम्प्युटर एसोसिएसनअफ नेपाल (क्यान) ले आगामी भदौ १९ देखि २२ गतेसम्म राजधानीको भृकुटीमण्डपमा क्यान सफ्टेक २०१३ को आयोजना गरेको छ । सन् २००७ बाट सुरु भएको सफ्टेकको छैटौं संस्करणमा सफ्टवेयर, सोलुसन र सर्भिसेसको विकास विस्तारसँग सम्बन्धित एक सय १६ वटा कम्पनीको स्टल रहने छ । मेलाको उद्घाटन उपराष्ट्रपती परमानन्द झाले गर्नेछन् । मेलाको तयारी र क्यान बारे नागरिकका प्रकटकुमार शिशिरले अध्यक्ष विनोद ढकालसँग गरेको कुराकानीः
Laptop Bag with every nagarik
क्यान सफ्टेकको तयारी कस्तो भैरहेको छ ?
हामी आयोजकको तर्फबाट गर्नुपर्ने सबै तयारी पुरा गरेका छौं, मेलाका लागि भनिएको सबै स्टल बुक भैसकेका छन् । हामीलाई गर्ने स्पोन्सर पनि सबै बुक भैसक्यो । अब अझै प्रचारप्रसार गरेर धेरैभन्दा धेरै दर्शकहरुलाई जानकारी दिन खोजिरहेका छौं । अहिले हामी यही प्रचारप्रसारमा व्यस्त छौं ।

मेला सधैं एउटै किसिमले हुन्छ । एउटै कुरा हुन्छ भन्ने गुनासो पनि बढ्दै गएको छ नि ?
हामीले पहिला डब्लुटिसीबाट सुरु गरेको मेला अहिले भृकुटीमण्डपमा आइसकेको छ । सामान्य दर्शकको अवलोकनबाट हजारौं दर्शकको सहभागिता हुन थालेको छ । कहिल्यै पनि मेला एउटै किसिमले भएको छैन । त्यस्तै मेलामा एउटै कुरा हुन्छ भन्ने पनि गलत कुरा हो । यो सूचना प्रविधिको मेला हो । सूचना प्रविधिमा दिनप्रतिदिन परिवर्तन र विकास भैरहेको हुन्छ । हामीले पछिल्ला विकासका कुराहरु प्रदर्शन गर्ने र जानकारी दिने काम गरिरहेका छौं । जो आइटी क्षेत्रमा चासो राख्छ र मेलामा घुमेर जिज्ञासा राख्छ पक्कै पनि उसले सँधै नयाँ पाउँछ तर सामान्य दर्शकले घुमेर उही ल्यापटप, उही ट्याब देख्ला उसलाई पुरानै लाग्न सक्छ । त्यसैले घुमेर बुझ्ने प्रयास पनि गर्नुपर्छ । हामी सँधै केही नयाँ गरिरहेका हुन्छौं ।

त्यसो भने नयाँ के हुँदैछ त ?
टेक्नोलोजीका पछिल्ला अवस्था जानकारी दिने काम नै नयाँ हो, ट्याब, पिसी, ल्यापटप, मोबाइलका सफ्टवेयर देखि बैकिङ, कर्पाेरेट हाउसलाई आवश्यक पर्ने सफ्टवयरका विषयमा हामीले प्रदर्शनी र जानकारी दिदैछौं । साथै, विभिन्न कम्पनीले निर्माण गरेका नयाँ एप्स पनि मेलाकै अवसर पारेर सार्वजनिक हुँदैछ भने विभिन्न स्किम र अफर पनि नयाँ घोषणा हुँदैछ । दर्शक र उपभोक्ता दुवैका लागि झन नयाँ छ यसपालीको सफ्टेक ।

मेलामा सूचना र साक्षरता दिने भन्दा पनि कम्पनीको व्यवसाय र प्रवद्र्धन बढी हुन्छ भन्ने पनि छ नि ?
यो कुरा क्यान इन्फोटेकमा देखिन्छ । इन्फोटेकमा त्यस्तो हुने कुरा म पनि स्वीकार गर्दछु । त्यहाँ हार्डवयरका कुरा बढी हुन्छ । हार्डवयरका आवश्यक कुराहरु बिक्री पनि हुन्छ तर सफ्टेकमा त पहिला सोधपुछ नै गर्नुपर्दछ । सोधेर थाहा नपाएको कुरा दर्शक बुझ्न खोज्छन् । त्यसैले सफ्टेकमा सूचना नदिने भन्ने नै हुँदैन । यसमा त बढीभन्दा बढी सूचना र जानकारी दर्शकलाई बाँड्नकै लागि कम्पनी तत्पर देखिन्छ । अब कम्पनी प्रवद्र्धनको कुरा भने त्यो कम्पनीकै योजना हो । एउटा कम्पनीले मेलामा आएर प्रबद्र्धन गरेन भने त्यो कम्पनीले के गर्छ, के सेवा उपलब्ध गराउँछ भन्ने उपभोक्ताले कसरी थाहा पाउने ? जस्तै हाम्रो टाइटल स्पोन्सर सुबिसु छ त्यसले ब्राण्डिङ गरेन भने उसका सेवा सुविधाका बारेमा कसरी बाहिर ल्याउने होइन र ? त्यसैले प्रवद्र्धन गर्ने कुरा सामान्य हो । स्टल राखेपछि कुरा बुझाउँदै कम्पनी ब्रान्डिङ नगर्ने हो भने नेपाली कम्पनीको पनि त एस्क्पोजर हुँदैन ।

क्यान इन्फोटेकजस्तै सफ्टेकलाई पनि मोफसलतिर पुर्‍याउने योजना के छ ?
सफ्टेकलाई मोफसलमा आयोजना गर्नु अहिले चुनौती जस्तै छ । हामीले अहिले काठमाडौंमा गर्दा त धेरै चुनौती र समस्या भोगिरहेका छौं भने मोफसलमा तत्काल सम्भव नै छैन । यहाँ आयोजना हुँदा त सबै कम्पनीले अझै पनि सहभागिता देखाउँदैनन् । खर्च व्यवस्थापनदेखि अन्य समस्या उस्तै छ । सफ्टेकको विषमा साक्षरता बढ्दै गएपछि र यसको विकास र प्रयोग पनि बढ्दै गएपछि बल्ल सफ्टेक मोफसलतिर जाला ।

सफ्टेकमा प्राय आउटसोर्सिङ गर्ने नेपाली कम्पनीको सहभागिता देखिदैन नि ?
हामीले आउटसोर्सिङ कम्पनीलाई सहभागिताका लागि धेरै नै अनुरोध ग¥यौं तर उहाँहरुले नेपालमा हाम्रो मार्केट छैन भन्नुभयो । विदेशमा काम गर्ने भएकाले उहाँहरुले खासै चासो राखेको पाइएन तर पनि केही कम्पनीहरुले इच्छा देखाइरहेका छन् । हामीले आशा गरेका छौं, आगामी मेलामा आउटसोर्सिङ कम्पनीहरुको धेरै सहभागिता हुनेछ । अहिले अधिकाँश नेपाली आउटसोर्सिङ कम्पनीले विश्वका विभिन्न देशका कम्पनीसँग काम गरिरहेका छन् । उनीहरुको सिर्जनशीलता र क्षमता बढ्दै गएको पाइन्छ तर त्यही विकासका कुरा पनि अवलोनकर्ताले थाहा पाउँदा राम्रो हुन्छ । कतिपय अवस्थामा बजार हेर्नुभन्दा पनि चेतनाका लागि पनि काम गर्नुपर्छ ।

मेलामा अन्तर्राष्ट्रिय कम्पनीको सहभागिता हुँदैन ?
नेपाली कम्पनीसँगसँगै विदेशी कम्पनीको पनि सहभागिता हुन्छ । विदेशबाट नै आउने भन्दा पनि उनीहरुको नेपालका लागि प्रतिनिधि, डिलरबाट सहभागिता जनाइरहेका छन् । उनीहरुले नै नेपालको मेलाको बारेमा कम्पनीसमक्ष रिपोर्ट पु¥याइरहेका छन् । मेलाको माइलेज बढ्दै गएपछि विदेशबाट अवलोकन गर्नका लागि केही कम्पनीका प्रतिनिधि भने आउने गरेको हामीले पाएका छौं ।

त्यसो भने नेपाली कम्पनीहरु अन्तर्राष्ट्रिय स्तरमा एक्सपोज हुने मौका पाउन गाह्रो हुने भयो नि ?
त्यस्तो भएको छैन । विभिन्न देशमा हुने इभेन्टमा हामीले हाम्रो तर्फबाट सहभागिता जनाइरहेका छौं । क्यानकै पहलमा विभिन्न देशमा हुने इभेन्टमा हामीले नेपाली कम्पनीलाई पठाइरहेका पनि छौं । असोजमा थाइल्याण्डको बैंककमा हुने एउटा आइटी मेलामा नेपालको तर्फबाट एफवान सफ्ट र ब्रेनडिजिट कम्पनीले सहभागिता जनाउँदै छन् । उनीहरुले त्यहाँ आफ्ना प्रविधि र विकास गरेका विषयमा प्रदर्शनी गर्दै नेपालको आइटीका विषयमा पनि कुरा राख्छन् । तसर्थ नेपाली कम्पनीहरु पनि अन्तर्राष्ट्रिय स्तरमा एक्सपोज हुँदै गैरहेका छन् ।

क्यानले मेला गर्न थालेपछि अहिले आइटीसम्बन्धि धेरै कार्यक्रम पनि भैरहेका छन् । के नेपालमा आइटी क्षेत्रमा साक्षरता बढ्दै गएको हो ?
क्यानले गर्ने इभेन्ट मेगा इभेन्ट हो । यसले ठूलो माइलेज पाएपछि अरु आयोजक हरु पनि बढेका छन् । यो खुशीको कुरा हो । सूचना प्रविधिलाई माया गर्ने, प्रयोग गर्ने मान्छेहरु बढीरहेका छन् त्यस्तै जागरुक हुने क्रम पनि बढेको छ । अहिले आइटी भने पछि युवापुस्ता हुरुक्कै हुन्छन् । अन्य वर्ग पनि कुनै न कुनै किसिमले सूचनाप्रविधिबिना अलग हुन सकेको छैन । नयाँ कुराहरु थाहा पाउने, प्रयोग गर्ने क्रम बढेको छ यस हिसाबले त साक्षरता बढेको मान्नैपर्र्छ । क्यानले जुन रुपले मेला गर्दै आइरहेको छ त्यस हिसाबले हामी सफल भएका छौं ।

त्यसो भने तपाईहरुले परिणाम देख्नु भएकै हो त ?
हामी दाबीका साथ भन्छौं अहिले चेतना व्यापक बढेको छ । यसमा क्यानको भूमिका पनि छ र हामीले हाम्रो भूमिका बढाउँदै लगेका पनि छौं । २० वर्षदेखि हामीले कार्यक्रम गर्दै आइरहेका छौं । यो बिचमा हामीले धेरै नै परिवर्तन देख्यौं । हामीले प्रत्यक्ष र अप्रत्यक्ष दुवै रुपमा चेतना बढाउने र जागरुक गराउने काम गर्दै आइरहेका छौं । अरु आयोजक र कम्पनीको पनि भूमिका छ तर हामी नेतृत्व गर्दै अगाडी बढिरहेका छौं ।

राज्यको तर्फबाट कस्तो सहयोग पाउनुभएको छ त ?
दुखका साथ भन्नुपर्छ सरकारी सहयोग हामीले पाएका छैनौं । सरकारलाई सूचना प्रविधि मुख्य कुरा हो भन्ने हामीले अझै बुझाउन सकेका छैनौं । दुई दशकदेखि कार्यक्रम गर्दा पनि सरकारी तवरबाट कुनै पनि सहयोग नहुनु अचम्मको कुरा हो । हामी यो कुरामा फेलर हौं । राज्यले पनि सोच्न सकेको छैन । तर, पनि हाम्रो प्रयास भने जारी छ ।

अन्त्यमा केही भन्नु छ ?
हामीले सबैका लागि भनेर मेलाको आयोजना गरेका हौं त्यसैले मेलामा सबै आउन आग्रह गर्छौं। तपाई आउनुभएन भने पछुताउनुहुन्छ । त्यसैले म सबैलाई निमन्त्रणा गर्न चाहन्छु।
- See more at: http://www.nagariknews.com/economy/corporate-banking/story/6658 .MG2dT8Wz.dpuf