22/02/2021
شركة تونيسار تقريبا كل عام يجيبولها مدير جديد، و جميعهم قاموا بمجهودات و محاولات إصلاح و لكنهم لم ينجحوا، و ينتهي بهم الأمر بالإقالة أو الإستقالة .. و ديون جديدة و خسائر كبيرة للدولة التونسية.
زعمة لهذه الدرجة الكلهم فاشلين ؟
طبعا لا ..
شركة تونيسار هي بكل بساطة شركة غير قابلة للإصلاح .. لا أكثر و لا أقل.
و غير قابلة للبيع أو للخوصصة أيضا.
شكون المستثمر إلي بمخّو يشري شركة فاشلة تتحكّم فيها نقابة ؟ لا أحد.
هناك حل وحيد يمكن تطبيقه في حالة تونيسار و هو إعلان الإفلاس :
تتسكّر الشركة و يقع تسريح العمّال و الإطارات و يبيعو الطيّارات.
و العمّال ينجمو يعملولهم شركة بستنة، إينعم شركة بستنة .. و هذا لن يغير شيء بالنسبة إليهم علخاطرهم ديجا قاعدين يخلصو من غير ما يخدمو.
و هكذا نضمن أقل جوجمة و خسائر و ديون للدولة.
