06/12/2023
شوية ملاحظات عالسريع :
📊 خوذ وقتك في انك تقرا les résultats باش تعرف شوا الأهم من المهم و باش تسمح لروحك باش تتسائل الأسئلة اللازمة و تعمل زادا الأبحاث التكميلية اللازمة
📈خليك متوقع انك تلقا des résultats عكس الي توقعتو.. موضوعية الباحث تتطلب انو يحاول قدر الإمكان انو مايوجهش بحثو حسب الي يحب عليه هو و لكن باعتماد حجج و معطيات موضوعية
📉 احنا في تونس عموما مراجعنا العلمية أوروبية و غربية.. خلينا مانستهانوش بالعامل الثقافي في الأبحاث المتعلقة بالعلوم الانسانية و الاجتماعية.. يعني كي تلقا des résultats عكس الموجود في مراجعك العلمية حاول لوج مراجع تونسية او خادمينها توانسة.. رغم انو النقص كبيييير نعرف اما حاول
📊حاول خلي فترة، حتى بعض ايامات، بين ماتكون كملت المشروع البحثي الكل و بين ال dépôt، هذا باش يعاونك برشا باش تنجم تاخو distance عليه و تنجم تنتقدو.. هذا باش يعاونك برشا في تحضير ال speech de la soutenance, و اذا الخدمة ل article هذا باش يعاونك تصلح خير و بالتالي تنقص من الوقت اللازم لل publication
📊 الملخص : عامل الوقت مهم جدا في مراحل البحث العلمي الكل، لا الرقاد باهي ولا الزربة زادا، كي ترقد الأفكار تجي و تهرب، و كي تزرب الأفكار ماتخلطش تجي اصلا 😅
📧 [email protected]
