02/09/2026
وراء كل مشروع ناجح، فما تعب ما يبانش…
فما ليالي بلا نوم، خسائر، ضغط، #تفكير، مخاطرة، و #مجهود كبير باش المشروع يوقف على ساقيه وينجح. الناس تشوف النتيجة النهائية، أما ما تشوفش الطريق اللي تعدينا بيها… وما تشوفش التعب اللي ورا كل خدمة وكل منتوج وكل مشروع.
لذلك، كي تتعامل مع صاحب مشروع، قدّر تعبو واحترم خدمتو. ما تبخسوش حقو، وما تهربش من الخلاص بعد ما تستفيد من الخدمة. صاحب المشروع ما هوش يطلب في صدقة… هو يطلب حقّو مقابل تعب ومجهود وتضحيات.
ادعموا #المشاريع، خلّصوا الناس حقوقهم، وقدّروا التعب اللي ما تشوفوش فيه… لأن وراء كل #نجاح، #قصة تعب كبيرة. 🤍
فما ناس جاتني شخصيا بش ناقف معاها في بعث مشروع (كيف حلو، قلبوني و عملولي bloc)، ناس أخرى عملت معاهم كل شيء بعد حتى إستدعاء في الإفتتاح لا، ناس أخرى جات قعدت بالسوايع نفسرلها بعد إسمعوك الكلام على 100 و 200 دينار تسبقة كيف هوما إبدلو رايهم و يتهموك بالتحيل و إشوهولك سمعتك، فما ناس قرات عندنا و نجحت و خدمت و طارت و كيف يسألوهم وين قريتو إيجاوبو قرينا في الخارج، من غير لا نحكي على المنافسين المنافقين يعملو كل شيء بش تسكر مشروعك و ناسين إلي القسم عند ربي .. تعدينا برشة حكايات و مشاكل، لكن مواصلين لقدام خاطرنا نخدمو بضمير و مسكرين وذنينا .. نتأسف برشا كيف نسمع أخبار الناس إلي حكيتلكم عليهم فلسو أو بطلو خدمتهم أو صارتلهم حاجة .. كيف تعطي حق غيرك حتى في معلومة قالهالك تعب سنين بش عرفها راك بعد تلقاه من غير لا تكسر راسك. تحيا IDCI .. قريبا نحتفلو ب 10 سنين.
