28/04/2021
بعد الأزمة الإقتصادية سنة 2008, الشعب خسر فلوس و مشاريع وخاصة فقد ثقته في البنوك . و كحل بديل لتجاوز مثل هذه خسائر في المستقبل طلعلنا شخص مجهول الهوية معروف باسم ساتوشي ناكاموتو، اخترع عملة رقمية، اسمها بيتكوين.
باهي اول حاجة العملة الرقمية بالعربية تسمى العملة المشفرة و باللغة الانجليزية Cryptocurrency, هي عبارة على عملة افتراضية: يعني كيما فما مثلا عملة الدينار، الدولار، اليورو... عملات ملموسة و كل عملة تستعمل في دولة معينة تحت رقابة البنك المركزي، افتراضيا (لا مرئية لا محسوسة ) فما عملات كيما: Bitcoin, Ethereum , Ripple (أكثر ثلاثة عملات أستعملت سنة 2020).
أهم ما يميز هذه العملات أنها عملات لا مركزية, يتم استخراجها بتقنية التعدين وخاصة تعتمد على أحدث وأهم تكنولوجيا في العالم تكنولوجية Blockchain الي بش نفسروها و نتعمق فيها اكثر المرة الجاية.
ييعني توا ولى عنا في عالمنا نوعين من العملات: Fiat currency و اللي هي العملات الڤديمة كيما الأورو و الدولار و الدينار,cryptoccurency العملات الرقمية الي ينقسم بدوره لزوز انواع:
النوع الأول بيتكوين و النوع الثاني altcoin اللي يتقسم زادة لزوز انواع: coins وtokens.
حاجة اخرى العملات الرقمية تختلف على بعضها في عديد الجوانب مثلا : منها عملات محدودة كيما عملة Bitcoin تقتصر على 21 مليون Bitcoin فقط. عملة litecoin تختصر إلى 84 مليون فقط. و عملات غير محدودة كيما عملة Ethereum.
منها عملات تصنف عملات ذهبية كيما : Bitcoin و BitcoinCash و عملات أخرى أقل قيمة تصنف فضية كيما عملة litecoin, Dash, Monero.
من بين الاختلافات الأخرى نجم نذكر سرعة المعاملة (transaction speed) يعني سرعة عملية تحويل العملة من شخص إلى شخص. و هنا لازمنا نذكر أن عملية تحويل العملات تتم عن طريق منصات تحويل (exchange plateforme) كيما coinbase, Binanace ….
المنصات هذي من خلالها تتم عملية تحويل الاموال من محفظة رقمية لمحفظة رقمية اخرى بطريقة سرية و سريعة، من غير حتّى وسيط. يعني مثلا انت تعيش في ألمانيا تنجم تبعث الخوك اعيش في صين فلوس وحدك من دارك في بعض دقائق وخاصة بطريقة امنة و شفافة مقارنة بالسيستام اللي عنّا تو بمان المنصات هذي تعتمد علي تكنولوجية Blockchain.
في الختام عملة Bitcoin اول ما تم التداول متاعها رسميا، كان سومها 0.0008$ و توا ولي 55,000$ ايه نعم ورقم هذا كل يوم في تزايد خاصة في فترة الكورونا.
نحن متاكدين بش اجي نهار و العملات الملموسة بش تنقرض و اولي فما كان العملات الرقمية. و هنا انشاء الله انكون فدناكم و اعطيناكم لمحة صغيرة علي مصطلحات و مفاهيم جديدة الاكثر تداول في عالمنا الان.
Sqoin x Codex
