A LIBE printing

22/05/2024

ဟာ

12/05/2024

ကောင်းကင်ကြီးကို မော့ကြည့်ရင်း
ငါကဘာမှမဟုတ်တဲ့
အစက်အပျောက်လေးပါလား

07/05/2024

အာဆီယံအလှည့်ကျဥက္ကဌ လာအို ဖမ်းပြီး စစ်ကောင်စီထံ လက်လွှဲပေးလိုက်တဲ့ မြန်မာ ၁၇ယောက်ထဲက ၁ယောက် စစ်ကြောရေးမှာ သေဆုံး
++++++++++++++
မေ ၇၊ ၂၀၂၄

လာအိုနိုင်ငံမှာ အလုပ်လုပ်နေတဲ့ မြန်မာနိုင်ငံသားတွေထဲက ၁၇ယောက်ကို တော်လှန်ရေးအတွက် ထောက်ပို့လုပ်နေတယ်ဆိုတဲ့ စွပ်စွဲချက်နဲ့ လာအိုရဲတပ်ဖွဲ့က ဖမ်းဆီးထားခဲ့ပြီး မေလ ၃ရက်နေ့မှာ မဲခေါင်မြစ်ကိုဖြတ်ပြီး အဲဒီလူတွေကို မြန်မာစစ်တပ်ထံ လွှဲပေးခဲ့ပါတယ်။

အမျိုးသား ၁၃ယောက်၊ အမျိုးသမီး ၄ယောက်ပါဝင်တဲ့ မြန်မာနိုင်ငံသားတွေဟာ ဧပြီ ၁၃ရက်နေ့က တော်လှန်ရေးအတွက် ရန်ပုံငွေကောက်ခံနေချိန် လာအိုရဲတပ်ဖွဲ့က လာရောက်ဖမ်းဆီးသွားခဲ့တာ ဖြစ်ပါတယ်။ အခု သူတို့ကို မြန်မာစစ်တပ်ထံ လွှဲပြောင်းပြီးတဲ့နောက် စစ်ကြောရေးမှာ အသက်သေဆုံးတဲ့အထိ ညှင်းပန်းနှိပ်စက်ခံနေရတယ်လို့ ကျိုင်းတုံသတင်းအရင်းအမြစ်တွေထံက သိရပါတယ်။ နှိပ်စက်စစ်ဆေးမှုကြောင့် အမျိုးသား ၁ယောက် သေဆုံးသွားပြီလို့လည်း သိရပါတယ်။

“မေလ ၃ရက်နေ့က မဲခေါင်မြစ်ကို သင်္ဘောနဲ့ဖြတ်ပြီးပို့တာ။ မြန်မာဘက်အခြမ်းရောက်တော့ ကျိုင်းတုံမြို့ကို တစ်ခါတည်းခေါ်သွားပြီးတော့ စစ်ဆေးနေတာ။ စတင်စစ်ဆေးတဲ့ညမှာပဲ တစ်ယောက် သေဆုံးခဲ့ပြီး ကျန်တဲ့လူတွေကိုလည်း ညှင်းပန်းနှိပ်စက်တာတွေ လုပ်နေတယ်” လို့ ကျိုင်းတုံမြို့ခံ သတင်းအရင်းအမြစ်က ပြောပါတယ်။

အာဏာသိမ်းပြီးနောက်ပိုင်း အိမ်နီးချင်းနိုင်ငံတွေဆီ နယ်စပ်ဖြတ်ကျော် ထွက်ပြေးကြတဲ့ မြန်မာတွေ များနေတာကြောင့် အဲဒီထဲက တော်လှန်ရေးတပ်ဖွဲ့တွေနဲ့ နီးစပ်သူတွေကို စစ်ကောင်စီက တစ်ဖက်နိုင်ငံ အာဏာပိုင်တွေဆီ အကူအညီတောင်းပြီး ဖမ်းဆီးခိုင်းတာတွေရှိနေတယ်လို့ သူက ဆက်ပြောပြပါတယ်။

ဖမ်းဆီးခံရတဲ့ အမျိုးသား ၁၃ယောက်ကို ကျိုင်းတုံမြို့က စစ်ကောင်စီတပ်ရင်းတစ်ခုမှာ စစ်ဆေးနေပြီး အမျိုးသမီး ၄ယောက်ကိုတော့ တခြားနေရာတစ်ခုကို ခေါ်ဆောင်သွားတယ်လို့ သိရပါတယ်။ မြန်မာနိုင်ငံသားတွေကို ဖမ်းဆီးပြီး အာဏာသိမ်းစစ်ကောင်စီထံ လွှဲပြောင်းပေးခဲ့တဲ့ လာအိုနိုင်ငံဟာ လက်ရှိမှာ အာဆီယံ အလှည့်ကျဥက္ကဌ တာဝန်ယူထားတာ ဖြစ်ပါတယ်။

ပုံစာ - ဧပြီလ ၁၃ရက်နေ့က တော်လှန်ရေးအတွက် ရန်ပုံငွေ ကောက်ခံနေစဉ်

02/05/2024

Breaking News

အမျိုးသားများပြည်ပထွက်အလုပ်လုပ်ခွင့် စစ်ကောင်စီပိတ်ပင်
-------

အမျိုးသားများ ပြည်ပသို့အလုပ်လုပ်ခွင့်ကို မေလ ၁ ရက်နေ့မှစတင်ပြီး တားမြစ်ပိတ်ပင်လိုက်သည်ဟု စစ်ကောင်စီခန့် အလုပ်သမားဝန်ကြီးဌာန အမြဲတမ်းအတွင်းဝန်က Myanmar Now ကို ယနေ့နေ့လည်ပိုင်းတွင် အတည်ပြုခဲ့သည်။

မည်သည့်အကြောင်းပြချက်ဖြင့် ကန့်သတ်ကြောင်း ဝန်ကြီးဌာနတာဝန်ရှိသူက ကပြောဆိုခြင်းမရှိသော်လည်း စစ်တပ်ကအလုံးအရင်းဖြင့် လူသစ်ခေါ်ရန်ပြင်ဆင်နေသည့် စစ်မှုထမ်းဥပဒေကြောင့် ယင်းကဲ့သို့ကန့်သတ်ခြင်းဟု Myanmar Now က နားလည်းထားသည်။

"ဘယ်နိုင်ငံမဆိုပါပဲ။ဒီ (မေ ၁) ရက်နေ့ကစပြီး Demand(အလုပ်ခေါ်စာ) တင်တဲ့သူကိုပဲဆိုလိုပါတယ်။ ခွင့်ပြုချက်ကျပြီးသားသူများအကြုံးမဝင်ပါဘူး။ (ပြန်ဖွင့်ပေးဖို့က) အခြေအနေပေါ်မှာပဲမူတည်ပါတယ်။ ဒီလောက်ပဲပြောနိုင်ပါတယ်" ဟု စစ်ကောင်စီခန့် အလုပ်သမားဝန်ကြီးဌာန အမြဲတမ်းအတွင်းဝန် ဦးညွန့်ဝင်းက ပြောသည်။

စစ်မှုထမ်းဥပဒေကြောင့် ထိုကဲ့သို့ကန့်သတ်ခြင်းဟုတ်မဟုတ် Myanmar Now က မေးမြန်းသော်လည်း အခြေအနေလိုအပ်ချက်အရဆောင်ရွက်ခြင်းဖြစ်သည်ဟု အမြဲတမ်းအတွင်းဝန် ဦးညွန့်ဝင်းက ဆိုသည်။

ကန့်သတ်ချက်သည် PJ အမျိုးအစား Passport ကိုင်ဆောင်သူများအပေါ် သက်ရောက်မည်ဟု အလုပ်အကိုင်ရှာဖွေရေး အေဂျင်စီများကဆိုသည်။

ထိုကန့်သတ်ချက်ကို စစ်ကောင်စီက တရားဝင်စာဖြင့် ညွှန်ကြားစာထုတ်ပြန်ခြင်းမရှိသေးသော်လည်း ပြီးခဲ့သည့် ဧပြီ ၃၀ ရက်က စစ်ကောင်စီ အလုပ်သမား ဝန်ကြီး ဦးမြင့်နောင်နှင့် အလုပ်ကိုင်ရှာဖွေရေး အေဂျင်စီအသင်းတို့ ရန်ကုန်မြို့တွင် တွေ့ဆုံဆွေးနွေးစဉ် အသိပေးခဲ့ကြောင်း လုံခြုံရေးအရ အမည်မဖော်လိုသည့် အေဂျင်စီလုပ်ငန်းရှင် အမျိုးသားတစ်ဦးက Myanmar Now ကို ပြောသည်။

"ရန်ကုန်လာတော့ ခေါ်တွေ့ပြီးတော့ အဲ့ဒီလိုပြောလိုက်တယ်။ ယောက်ကျားလေးတွေကို လောလောဆယ် Temporary(ယာယီ) ပိတ်မယ်ပေါ့်နော်။ အမှန်တော့ သူပိတ်တာမဟုတ်ဘူး။ အပေါ်က ပိတ်ခိုင်းတယ်ပေါ့။ တခြားအကြောင်းတွေလည်းပါတာပေါ့။ စစ်မှုထမ်းဥပဒေကြောင့် ကလေးတွေအရမ်းထွက်တယ်ပေါ့" ဟု စစ်ကောင်စီ အလုပ်သမားဝန်ကြီးပြောဆိုချက်ကို ၎င်းက ပြန်လည်ပြောပြသည်။

စစ်မှုထမ်းဥပဒေကြောင့် တရားဝင်နှင့် တရားမဝင်လမ်းကြောင်းနှစ်ခုစလုံးမှ ပြည်ပနိုင်ငံများသို့ ကြောက်မက်ဖွယ်ကောင်းလောက်အောင် လူငယ်များထွက်ခွာနေသဖြင့် ထိုကဲ့သို့ပိတ်ပင်ကြောင်း၊ ထိုပိတ်ပင်မှုကြောင့် တရားမဝင်ထွက်ခွာမှုပိုတိုးလာနိုင်ကြောင်း သူက ဆိုသည်။
"နောက်ပိုင်း တရားမဝင်တွေက ပိုများသွားလိမ့်မယ်။ ကလေးတွေကတော့ ထွက်မှာပဲလေ" ဟု ၎င်းက ဆိုသည်။

ပြည်ပမှ အလုပ်ခေါ်စာအသစ်များတင်ပြခြင်းကို ယနေ့တွင် တင်ပြခွင့်ယာယီပိတ်ပင်ထားကြောင်း အလုပ်အကိုင်အေဂျင်စီများထံ သိရသည်။
ပြည်သူလူထုဆန့်ကျင်နေသည့် အာဏာသိမ်းစစ်တပ်အတွင်း မဝင်ရောက်လိုသဖြင့် လူငယ်အများအပြား ပြည်ပကို အုံလိုက်ကျင်းလိုက်ထွက်ခွာတိမ်းရှောင်နေသလို တော်လှန်ရေးတပ်ဖွဲများထံ ဝင်ရောက်နေချိန် အမျိုးသားများပြည်ပထွက်အလုပ်လုပ်ခွင့်ကို တားဆီးပိတ်ပင်လိုက်ခြင်းဖြစ်သည်။

စစ်မှုထမ်းဥပဒေကိုရှောင်ရှားရန် ပြည်ပထွက်ခွာခြင်းနှင့် တော်လှန်ရေးအင်အားစုများထဲသို့ဝင်ခြင်း နည်းလမ်းနှစ်ခုရှိရာ ယခုအခါ ရွေးချယ်စရာတစ်ခုသာရှိတော့ကြောင်း ပြည်ပထွက်ရန်စီစဉ်နေသည့် ဧရာဝတီတိုင်းမှ အမည်မဖော်လိုသူ လူငယ်တစ်ဦးက ပြောသည်။

"တကယ်လို့ သူက အလုပ်သမားအနေနဲ့ ထွက်ခွင့်မရှိဘူးဆိုရင် တခြားနည်းလမ်းနဲ့‌ရောဖြစ်နိုင်မလား။ ဥပမာ Visit နဲ့သွားပြီးကျောင်းတက်တဲ့ပုံစံမျိုးဖြစ်နိုင်မလား။ ပြန်ကြည့်ရမှာပေါ့။ တကယ်လို့သာ အကုန်လုံးလမ်းကြောင်းတွေ Visit လည်းပိတ်မယ်ဆိုရင် ရွေးချယ်စရာက တစ်ခုပဲရှိတယ်။ စိုးရိမ်စရာတော့ တော်တော်ဖြစ်လာပြီ" ဟု ၎င်းက ဆိုသည်။

စစ်မှုထမ်းဆင့်ခေါ်ခြင်းကို သင်္ကြန်ရုံးပိတ်များအပြီး ဧပြီလတွင် စတင်မည်ဖြစ်ကြောင်း၊ စစ်သင်တန်းအပတ်စဉ်တစ်ခုလျှင် လူ ၅၀၀၀ နှုန်းဖြင့် ခေါ်မည်ဖြစ်ကြောင်း ပြောဆိုခဲ့သော်လည်း သင်္ကြန်မတိုင်မီကတည်းက ခေါ်ယူနေပြီး လက်ရှိတွင် အပတ်စဉ် ၂ ကိုဆက်လက်ခေါ်ယူနေသည်။

သတင်းအပြည့်အစုံဖတ်ရန် > https://myanmar-now.org/mm/news/51821/

(ပုံစာ- ၂၀၂၃ ခုနှစ်က ရန်ကုန်မြို့ရှိ နိုင်ငံကူးလက်မှတ်ထုတ်ပေးသည့် ရုံးရှေ့တွင် တန်းစီစောင့်ဆိုင်းနေသော မြန်မာလူငယ်များ။ Myanmar Now)

28/03/2024

ရန်ကုန်တွင် စစ်မှုထမ်းရန် ဆင့်ခေါ်ထားသည့် လူငယ်များကို မင်္ဂလာဒုံ အရိုးအကြော စစ်ဆေးရုံတွင် ဆေးစစ်မှုများ ပြုလုပ်မည်ဖြစ်ပြီး ပြည်သူများက ကြိုဆိုကြသည်ပုံစံ လုပ်ကြံ ဖန်တီးကြိုဆိုရန် စစ်တပ်က ပြင်ဆင်ထား

ရန်ကုန်၊ မတ် ၂၈

ရန်ကုန်တိုင်းတစ်တိုင်းတွင် ယနေ့ စစ်မှုထမ်းရန် ဆင့်ခေါ်ထားသည့် လူငယ်များကို မင်္ဂလာဒုံရှိ အရိုးအကြော စစ်ဆေးရုံတွင် ဆေးစစ်မှုများ ပြုလုပ်မည်ဖြစ်ပြီး လူငယ်များကို ပြည်သူများက ကြိုဆိုကြသည့်ပုံစံ လုပ်ကြံ ဖန်တီးကြိုဆိုကြရန် စစ်ကောင်စီက ပြင်ဆင်ထားကြောင်း သိရှိရသည်။

ယနေ့ မတ်လ ၂၈ ရက်နေ့တွင် စစ်မှုထမ်းရန် မဲပေါက်ထားသော လူငယ်များသည် တိုင်းနှင့်ခရိုင် စုရပ်များသို့ လာရောက်ရမည်ဖြစ်ပြီး ယင်းနောက် မင်္ဂလာဒုံ အရိုးအကြော စစ်ဆေးရုံတွင် ဆေးစစ်မှုများ လုပ်ဆောင်ရမည်ဖြစ်ကြောင်း သိရှိရသည်။

"စစ်မှုထမ်းမယ့်သူတွေကို ခရိုင်ရုံးက တစ်ဆင့် မင်္ဂလာဒုံစစ်ဆေး အရိုးအကြောဆေးရုံမှာ ဆေးစစ်မယ်။ ဆေးစစ်ဖို့ ပို့ဆောင်ခံရမယ့် သူတွေကို ပြည်သူတွေက အားရဝမ်းသာ ထောက်ခံကြိုဆိုတဲ့ ပုံစံ သတင်းလွှင့်ဖို့ ရုပ်သံ လွှင့်ဖို့ ဝန်ထမ်းတွေနဲ့ စစ်တပ်မိသားစုတွေကို အရပ်ဝတ်တွေနဲ့ ပန်းကုံးသွားစွပ်ခိုင်းတယ်။ ကြိုဆိုခိုင်းထားတယ်" ဟု ရန်ကုန်တိုင်းစစ်ကောင်စီသတင်းရင်းမြစ်က ပြောဆိုသည်။

ယနေ့ ရန်ကုန်တိုင်းတစ်တိုင်းလုံးမှ စစ်မှုထမ်းရန် မဲပေါက်သူများကို စစ်ဆေးမည်ဖြစ်ပြီး ဆေးစစ်ပြီးနောက် သက်ဆိုင်ရာ တပ်ရင်းတပ်ဖွဲ့များတွင် ယာယီ နေထိုင်ကြရမည်ဖြစ်ကြောင်း၊ ယင်းနောက် သင်္ကြန်အပြီး မေလထဲတွင် စတင် တာဝန်ထမ်းဆောင်ရမည်ဖြစ်ကြောင်း သိရှိရသည်။

ဓာတ်ပုံ- စစ်မှုထမ်းရန် စုဆောင်းခံရသည့် လူငယ်များ။

27/03/2024

၄၄လမ်းတိုက်ပေါ်က ခုန်ချခဲ့တဲ့ ဖြစ်ရပ်က လူငယ်နှစ်ဦး ဆေးကုခွင့်မရလို့ ကျန်းမာရေး အခြေအနေ စိုးရိမ်နေရ
+++++++++++++++
မတ် ၂၆ - ၂၀၂၄

၂၀၂၁ခုနှစ်၊ သြဂုတ်လက ဖြစ်ပွားခဲ့တဲ့ ရန်ကုန်ရှိ ဗိုလ်တထောင်မြို့နယ်၊ ၄၄ လမ်းထဲက တိုက်ခန်းတစ်ခုအတွင်း စစ်ကောင်စီတပ်တွေ ဝင်ရောက်ပစ်ခတ်ဖမ်းဆီးတာကြောင့် တိုက်ပေါ်ကနေ ခုန်ချခဲ့တဲ့ လူငယ်များထဲက ဒဏ်ရာပြင်းထန်ခဲ့တဲ့ လူငယ်နှစ်ဦးကို အကျဥ်းထောင်အတွင်း ဆေးကုခွင့်မရလို့ ကျန်းမာရေး အခြေအနေ စိုးရိမ်နေရကြောင်း မိသားစုနဲ့ နီးစပ်သူများဆီက သိရပါတယ်။

၄၄ လမ်းတိုက်ပေါ်က ခုန်ချမှုမှာ အသက်မသေဘဲ ပြင်းထန်ဒဏ်ရာရခဲ့တဲ့ ကိုဝေယံထက်နဲ့ ကိုမင်းသစ္စာအောင် (ခ) ဗလတို့ကို အကျဉ်းထောင်အတွင်း ဆေးကုသခွင့်မပေးတဲ့အတွက် စိုးရိမ်ရတဲ့ အခြေအနေရှိနေပြီး ခြေထောက် ၂ ပိုင်းကျိုးသွားခဲ့တဲ့ ကိုဝေယံထက်က အင်းစိန်ထောင်ဆေးရုံမှာ ဝှီးချဲနဲ့ပဲ နေရသလို ဆေးကုသခွင့်မပေးတာကြောင့် ခြေထောက် ပိန်လှီလာပြီး ကျီးပေါင်းလည်း တက်လာကာ ဖြတ်တောက်ပစ်ရမယ့်အခြေအနေကို ဦးတည်နေတယ်လို့ သိရပါတယ်။

သာယာဝတီထောင်ကို ရောက်သွားတဲ့ ကိုမင်းသစ္စာအောင် (ခ) ဗလ ကတော့ အဖမ်းခံရချိန် စစ်ဆေးရုံက ကုသရင်း ပေါင်မှာ မူလီ ထည့်ပေးခဲ့ရာ ပြန်ထုတ်ရမယ့်အချိန်ရောက်နေတာကြောင့် ဆေးကုသမှုပြန်လုပ်ဖို့ အကြိမ်ကြိမ် လျှောက်လွှာတင်တာကို အကျဥ်းထောင်က အခုထိ ခွင့်မပြုပေးဘူးလို့ သိရပါတယ်။

၄၄ လမ်းတိုက်ခန်း အကြမ်းဖက် ပစ်ခတ်စီးနင်းမှုမှာ မဝေဝေမြင့်၊ ကိုဝေဇော်ဖြိုး၊ ကိုရဲမင်းဦး(ခ)ရဲကြီး၊ ကိုမင်းသစ္စာအောင်(ခ)ဗလနဲ့ ကိုဝေယံထက်တို့က တိုက်ခန်းရဲ့ လေးလွှာက ခုန်ချခဲ့ကြတာဖြစ်ပြီး မဝေဝေမြင့်နဲ့ ကိုဝေဇော်ဖြိုးတို့ သေဆုံးခဲ့ပေမယ့် ကျန်သုံးဦးက ဦးခေါင်း၊ ခြေ၊ လက်တို့မှာ ပြင်းထန်ဒဏ်ရာများရရှိခဲ့ရာ ကိုဝေယံထက်နဲ့ ကိုမင်းသစ္စာအောင်တို့ကိုတော့ စစ်ကောင်စီက ပုဒ်မ ၅ အရ ထောင်ဒဏ် ၅ နှစ်နဲ့ ပုဒ်မ ၃/၆ အရ ထောင်ဒဏ် ၇ နှစ် စုစုပေါင်း ထောင်ဒဏ် ၁၂ နှစ် ချမှတ်ထားပါတယ်။

26/03/2024

26/03/2024

25/03/2024

25/03/2024

ကျောက်ပန်းတောင်းမြို့နယ်၊ ထောက်ရှာကျေးရွာမှ အသက် ၂၇ နှစ်အရွယ် မောင်အောင်လင်းနိုင် စစ်မှုထမ်းရန် မဲပေါက်သဖြင့် မိမိကိုယ်ကို ကြိုးဆွဲချ အဆုံးစီရင်

ရန်ကုန်၊ မတ် ၂၅

မန္တလေးတိုင်း၊ကျောက်ပန်းတောင်းမြို့နယ်၊ ထောက်ရှာကျေးရွာမှ အသက် ၂၇ နှစ်အရွယ် မောင်အောင်လင်းနိုင်သည် စစ်မှုထမ်းရန် မဲပေါက်သဖြင့် မိမိကိုယ်ကို ကြိုးဆွဲချ အဆုံးစီရင်ပြီး ကွယ်လွန်သွားကြောင်း ဆွေမျိုးများနှင့် မိတ်ဆွေများက အတည် ပြု ပြောဆိုသည်။

မတ်လ ၂၁ ရက်နေ့ ညနေပိုင်း ကျောက်ပန်းတောင်းမြို့နယ်၊ ဆိတ္တိန်းကျေးရွာ အုပ်စု၊ ထောက်ရှာကျေးရွာမှ ဦးစောဌေးနှင့် ဒေါ်မြင့်ရီတို့၏ သားဖြစ်သူ မောင်အောင်လင်းနိုင် အသက် ၂၇ နှစ်သည် ကျေးရွာအုပ်ချုပ်ရေးရုံး၏ မဲနှိုက်ပွဲတွင် တွင် စစ်မှုထမ်းရန် မဲပေါက်ခဲ့ကြောင်း၊ ထို့ကြောင့် ထွက်ပြေးရန် လုပ်ဆောင်သော်လည်း မိဘများနှင့်ဆွေမျိုးများက ကျန်ရစ်ခဲ့မည့် မိသားစုဝင်များကို စစ်တပ်က ပြဿနာရှာနိုင်သဖြင့် မပြေးရန် တားဆီးကြကြောင်း၊ ထို့ကြောင့် မတ်လ ၂၁ ရက်နေ့ ညနေပိုင်းတွင် ကြိုးဆွဲချ အဆုံးစီရင်ရာမှ သေဆုံးသွားကြောင်း၊ မသေဆုံးမီ သေတမ်းစာလည်း ရေးသွားခဲ့ကြောင်း သိရှိရသည်။

"သေတမ်းစာမှာ သူဒီလို သတ်သေလို့ နောင်အဖန်ငါးရာ ငါးကမ္ဘာ ခံရမှာလည်း သိတယ်။ ဒါပေမယ့် မခံစားချင်ဘူး။ သူမဝင်ချင်တဲ့ စစ်ထဲကို လုံး၀ မဝင်ချင်ဘူး။ မိဘတွေနဲ့ ဆွေမျိုးတွေကလည်း ပြေးဖို့ သဘောမတူဘူး။ အဲဒါကြောင့် နောင်ဘ၀မှာလည်း လူပြန်ဖြစ်ရပါလို၏ ဆိုပြီးစာရေးသားတယ်။ ဆေးလိပ်လေးနဲ့ ပုတီးလေးကို ဘေးမှာ ချပြီး အဆုံးစီရင်သွားတယ်။ မိဘတွေလည်း ရင်ကျိုးရတာပေါ့" ဟု မိသားစုနှင့်နီးစပ်သော ဆွေမျိုးတစ်ဦးက ရှင်းပြသည်။

အလားတူ မောင်အောင်လင်းနိုင်နှင့်အတူ ကျောက်ပန်းတောင်းမြို့နယ် ထောက် ရှာကျေးရွာတွင် မဲပေါက်သော လူငယ်တစ်ဦးမှာမူ မလေးရှားတွင် ရောက်ရှိနေသော လူငယ်ဖြစ်ကြောင်း၊ ထို့ကြောင့် ကျေးရွာအုပ်ချုပ်ရေးမှူးက မလေးရှားရောက် လူငယ်ကို အမြန်ဆုံး ခေါ်ယူရန် မိသားစုကို ဖိအားပေးနေကြောင်း၊ မလေးရှားမှ ပြန်မလာလျှင် ဖခင်ဖြစ်သူကို စစ်ထဲသို့ ခေါ်မည်ဟု စစ်တပ်က ပြော ဆိုကြောင်း သိရှိရသည်။

ဓာတ်ပုံ-တပ်သားသစ်အဖြစ် စုဆောင်းခံရသော လူငယ်များ လေ့ကျင့်ရေးတပ်များသို့ ရောက်ရှိစဉ်။

16/03/2024

ရန်သူက သူ့အလုပ်ကို

ပြတ်ပြတ်သားသား လုပ်တယ်

မင်းတို့ကသာ မပြတ်မသားနဲ့