MM Store

03/07/2023

#မြေ(၁) ဧကမှာ ရှိတဲ့ အတိုင်းအတာ ယူနစ်များ
===============================
၁ ဧက = ၄၃,၅၆၀ စတုရန်းပေ
၁ ဧက = ၂၀၈.၇၁ ပေ × ၂၀၈.၇၁ ပေ
၁ ဧက = ၆၆ ပေ × ၆၆၀ ပေ
၁ ဧက = ၁ သံကြိုး (အလျား) × ၁ ဖာလုံ (အနံ)
၁ ဧက = ၄၀,၄၇ စတုရန်းမီတာ
၁ စတုရန်းပေ = ၀.၀၉၂၉ စတုရန်းမီတာ
၁ စတုရန်းမီတ = ၁၀.၇၆၄ စတုရန်းပေ
၁ မီတာ = ၃.၂၈၁ ပေ
Sq.ft ကို ဧကဖြင့် သိလိုလျှင်...
Sq.ft ÷ 43,560 = ( ) ဧက
ဥပမာ: 20,000 Sqft ကို ဧကဖြင့် သိလိုရင်
20,000 ÷ 43,560 = 0.459 ဧက
ဧကကို Sq.ft ဖြင့် သိလိုလျှင်...
ဧကအကျယ် × 43,560 = ( ) Sq.ft
ဥပမာ - 0.5 ဧကကို Sq.ft ဖြင့် သိလိုရင်
0.5 × 43,560 = 21780 Sqft
၁ ဧက = ၄၃,၅၆၀ စတုရန်းပေ ဆိုတာက လက်မ၊ ပေ၊ ကိုက်၊ သံကြိုး၊ ဖာလုံ၊ မိုင် စတဲ့ အတိုင်းအတာ ယူနစ်များနဲ့ တွက်ချက်ထားတာ ဖြစ်ပါတယ်။
၁၂ လက်မ = ၁ ပေ
၃ ပေ = ၁ ကိုက်
၂၂ ကိုက် = ၁ သံကြိုး ( ၆၆ ပေ )
၁၀ သံကြိုး = ၁ ဖာလုံ ( ၆၆၀ ပေ )
၈ ဖာလုံ = ၁ မိုင် ( ၅,၂၈၀ ပေ )
၁ စတုရန်းမိုင် = ၆၄၀ ဧက
၁ စတုရန်းဖာလုံ = ၁၀ ဧက
၁ ဟက်တာ = ၂.၄၇၁ ဧက
၁၀၀ ပေ × ၁၀၀ ပေ = ဧက ၁ မူးခန့်
၅၀ ပေ × ၁၀၀ ပေ = ဧက ၁ မတ်ခန့်
၄၀ ပေ × ၆၀ ပေ = ၀.၀၅၅ ဧက
၂၀ ပေ × ၆၀ ပေ = ၀.၀၂၇၅ ဧက
- မူရင်းရေးသားသူ
ကွန်ပျူတာ၊ပရင်တာ ဝယ်ချင်တာပဲဖြစ်ဖြစ်
ပြင်ချင်တာပဲဖြစ်ဖြစ်
ကျွန်တော်ကိုဆက်သွယ်လို့ရပါတယ်ခင်ဗျာ
☎️09258697266
အားလုံးကို ချစ်ခင်လေးစားလျက်🙏🏻🙏🏻🙏🏻
Shar Myat Chan (နည်းပညာဒါန)❤️❤️❤️❤️

07/06/2023

မသိသေးတဲ့သူအတွက် သိဖို့ သိပီးသားလူတွေသတိမလွတ်ဖို့
6.6.2023 ကစပြီး
K pay နဲ့ငွေလွှဲရင် (Note) မှာ
✅buy clothes or
✅buying foods
✅Buying cosmetics
✅Buy car
✅Buy toy
✅Buy Phone
✅buy shoes
စသဖြင့် ဘာညာ သာသကာ နေကြာ ကွာစိ
ဆိုပြီးထည့်ရေးပေးပါကြနော်
👉Noteမရေးရင်
1️⃣ ငွေလွှဲတဲ့ accountရော
2️⃣ ငွေလွှဲခံရတဲ့အကောင့်ကိုပါ ဗဟိုဘဏ်ကပိတ်ခိုင်းလို့ပါဆိုပြီး ပိတ်ပါမယ်တဲ့နော်
Noteမရေးမိလို့ တဖက် acc ပိတ်ခံရရင်တဖက် acc မှာ ရှိတဲ့ ငွေ အမောင့်
အတိုင်း note မရေးပဲ လွှဲတဲ့သူ လျော်ပေးရပါမယ်နော်
ဂရုတစိုက်ရေးပေးကြပါ ။
ငွေလွှဲပြီးကြောင်းSs ကို history ပါတာလေးရိုက်ပြပါ ။
ငွေဝင်ငွေထွက် များသူတွေအနေနဲ့ ဘယ်သူတဦးတယောက်မှ မနစ်နာဖို့
ကြိုသတိပေးတာပါတဲ့နော်

02/04/2023

“ ရင့်ကျက်.....တိတ်ဆိတ်ခြင်းအနုပညာ”

လောက မှာ လူရယ်လို့ ဖြစ်လာရင်
ဒေါသ ဖြစ်စရာကြုံလာ တဲ့ အခါ
ဒေါသ မရှိဘူးတော့ ဘယ်ဟုတ်ပါ့မလဲ
ရှိနေတဲ့ ဒေါသကို ထုတ်မပြဘဲ
ထိန်းသိမ်းထားတာဟာ
တိတ်ဆိတ်ခြင်း အနုပညာပါပဲ ...။

ဝမ်းနည်းစရာဖြစ်လာရင်
မျက်ရည်ကျတာ သဘာဝပဲ
ကျလာမယ့်မျက်ရည်ကို
မျက်တောင်ပုတ်ခပ်သိမ်းဆည်းပြီး
ဝမ်းနည်းရိပ်မပေါ်အောင်
ပြုံးရွှင်မျက်နှာထား နဲ့ နေနိုင်တာလည်း
တိတ်ဆိတ်ခြင်း အနုပညာပါပဲ ။

လူတိုင်းမှာ ခံစားချက်တော့ ရှိကြတာပါပဲ
ခံစားချက်ကို မျက်နှာမှာမပေါ်အောင်
ထိန်းချုပ်နိုင်တာကလည်း
တိတ်ဆိတ်ခြင်း အနုပညာပါပဲ ... ။

ဒေါသကိုထုတ်ပြရင်
ကိုယ် ဒေါသကြီးတာ လူ သိမယ်။

ခံစားချက်ကိုထုတ်ပြရင်
ကိုယ်အားနည်းချက်ကို လူသိမယ်။

ဝမ်းနည်းတာကိုထုတ်ပြရင်
ကိုယ်ပျော့ညံ့တာ လူသိမယ်။

ဒီတော့ ဒေါသကြီးတာ
ဝမ်းနည်းတက်တာ
ခံစားချက်ပြင်းထန်တာတွေကို
ထိန်းသိမ်းမြိုသိပ်တိတ်ဆိတ်နေခြင်းဟာ
ရင့်ကျက်....တိတ်ဆိတ်ခြင်း
အနုပညာတစ်မျိုးပါဘဲနော် ။

မေတ္တာဖြင့် "
ကျွန်မဖတ်ဖို့ ▪️▪️

credit 🙏

31/03/2023

ပုံပျက်သွားတဲ့ ရိုးသားမှု
****************

တစ်ခါက အာရပ်ကုန်သည် တစ်ဦးတွင် သန်မာလှပသောမြင်းတစ်ကောင်ရှိသည်။ ထိုမြင်းသည် တစ်နေ့အတွင်း မိုင်ပေါင်းများစွာ ခရီးတွင်နိုင်သောကြောင့် ကုန်သည်မှာ သူ့မြင်းကို အလွန်ချစ်မြတ်နိုးသည်။ ကုလားအုတ်တစ်ကောင် ပိုင်ဆိုင်ထားတဲ့ဒုတိယကုန်သည်တစ်ဦးက အပြေးသန်သော ထိုမြင်းကို မျက်စိကျခဲ့သည်။

တစ်နေ့တွင် ဒုတိယကုန်သည်မှာ မြင်းပိုင်ရှင်အား ကုလားအုတ်နဲ့ မြင်းလှယ်ရန် စကားကမ်းလှမ်းခဲ့သည်။ မြင်းပိုင်ရှင်က ငြင်းဆန်ခဲ့သည်။ ကုန်သည်က ဤမြင်းအားရှိသမျှစည်းစိမ်နှင့် လဲမည်ဟု တောင်းဆိုပြန်သည်။ မြင်းပိုင်ရှင်က ဤမြင်းသည် မိမိဘဝအတွက် အကောင်းဆုံးအဖော်မွန်၊ မိမိအသက်ရှင်နေသရွေ့မြင်းအားဘယ်အရာနင့်မျှမလဲနိုင်ဟု ငြင်းဆိုပြန်သည်။ ကုလားအုတ်ပိုင်ရှင်က မြင်းကို အလွန်နှစ်သက်မိသဖြင့် ပိုင်ဆိုင်နိုင်ရန် အမျိုးမျိုး အကြံထုတ်လေတေ့ာသည်။

တစ်နေ့တွင် သူသည် အဝတ်အစား စုတ်စုတ်ပြတ်ပြတ်ဝတ်ဆင်လျှက် မြင်းပိုင်ရှင်လာရာ လမ်းတစ်နေရာတွင် ဖျားနာချင်ဟန်ဆောင်ပြီး လဲနေခဲ့သည်။ မြင်းပိုင်ရှင်ကတွေ့သောအခါ မြင်းပေါ်မှ အလျင်အမြန်ဆင်းပြီး ဖျားနေသောသူအား မြင်းပေါ်သို့ ပွေ့တင်လိုက်သည်။ မြင်းပေါ်ရောက်သည်နှင့် သူသည် လူကောင်းပကတိဖြစ်သွားပြီး မြင်းပိုင်ရှင်အား " ဒီမြင်းကိုပိုင်ဆိုင်ရာဖို့ ကျွန်တော် အကြံအမျိုးမျိုးထုတ်ခဲ့တယ်။ တန်းဖိုးရှိတဲ့ ပစ္စည်းတွေနဲ့ လဲခဲ့တယ်။ ခင်ဗျား လက်မခံခဲ့ဘူး။ အခု ကျွန်တော် မြင်းပေါ်ရောက်နေပြီ......ဒီမြင်းကို ကျွန်တော်ပိုင်သွားပြီ” ဟု ပြောလေသည်။

မြင်းပိုင်ရှင်က " ကောင်းပြီလေ....မြင်းကို ခင်ဗျားပိုင်သွားပါပြီ....:ဒါပေမဲ့ ခင်ဗျား ထွက်မသွားခင် ကျွန်တော်စကားတစ်ခွန်းပြောချင်သေးတယ်။ ဒီစကားကို ခင်ဗျား သေချာအမှတ်ထားပေးပါ” " မြင်းကို ကျွန်တော်ရနေပြီပဲ....တစ်ခွန်းမကဘူး..ခင်ဗျားကြိုက်သလောက် ပြောလို့ရတယ်” " တကယ်လို့ လူတွေက ဒီမြင်းကို ခင်ဗျား ဘယ်လိုရခဲ့သလဲလို့ မေးလာရင် အဖြစ်မှန်ကို မပြောပါနဲ့...ဒီစကားကို မှတ်ထားပေးပါ” " ဘာလို့လဲ..” " ဒီမြင်းကို ဘယ်လိုရခဲ့တယ်ဆိုတဲ့ အကြောင်း အမှန်ကို ခင်းဗျားပြောခဲ့ရင် နှောင်တစ်ချိန် လမ်းဘေးမှာ ဖျားလို့လဲနေတဲ့ လူတွေကိုတွေ့ရင် ဘယ်သူကကယ်ရဲတေ့ာမှာလဲဗျာ” မြင်းပိုင်ရှင်၏ ထိုစကားကို ကြားသောအခါ ဒုတိယကုန်သည်မှာ တခဏမျှ ဆွံ့အသွားခဲ့တယ်။

ထိုနောက် ရှက်ရွံ့အားနာစွာနှင့် မြင်းပေါ်မှ ချက်ချင်းဆင်းကာ မြင်းပိုင်ရှင်အား တောင်းပန်လေသည်။ "ရမ္မက်လောဘနဲ့ လိုချင်တပ်မက်တဲ့ စိတ်က ကျွန်တော်ရဲ့ ဂုဏ်သိက္ခာနဲ့ ရိုးသားမှုကို ပုံပျက်အောင်လုပ်ခဲ့မိတယ်။ အရှက်တရားနဲ့ နောင်တတွေရလိုက်ပါတယ်။ ခင်ဗျားရဲ့ မြင်းကိုပြန်ယူပါ.....ကျွန်တော့်ကိုခွင့်လွတ်ပါဗျာ...”

27/03/2023

07/03/2023

စိတ်ဓာတ် ယုတ်မာသူ အတွက်
ပညာတတ်ခြင်းဟာ အလကားပဲ…
မျော်လင့်ချက် မရှိသူအတွက်
မနက်ဖြန် ဆိုတာ အလကားပဲ…
သင်္ခန်းစာ မယူတတ်သူအတွက်
အတွေ့ကြုံ ဆိုတာ အလကားပဲ…
ကျေးဇူးမသိ ကျေးဇူးကမ်းသူအတွက်
ကူညီပေးမှု့ဟာ အလကားပဲ…
အတ္တဆန်ပြီး တကိုယ်ကောင်းဆန်သူအတွက်
ခေါင်းဆောင် ဆိုတာ အလကားပဲ…
ခံစားချက် မရှိသူ အတွက်
နှလုံးသား တစ်စုံဟာ အလကားပဲ…
မကြိုးစားသူ အတွက်
အခွင့်အရေး ဆိုတာ အလကားဘဲ…
နှမြောတွန့်တိုတတ်သူ အတွက်
ချမ်းသာခြင်းဟာ အလကားပဲ…
စိတ်ထားယုတ်သူ အတွက်
ရုပ်လှခြင်းဟာ အလကားပဲ…
မိုက်မဲပြီး ဆင်ခြင်တုံတရား မရှိတဲ့ တပည့်အတွက်
ဆရာကောင်းဟာ အလကားပဲ…
ပေးကမ်းစွန့်ကြဲမှု့ မရှိသူအတွက်
ပေါများခြင်းဟာ အလကားပဲ…
ကုသိုလ်မပြုသူ အတွက်
ဘဝဖြစ်တည်ခြင်းက အလကားပဲ…
ပိုင်ဆိုင်ခွင့် ရတိုင်း
ပျော်ရွှင်ရမယ် မထင်နဲ့
လောဘနဲ့ အတ္တကြောင့် ပူလောင်နိူင်တယ်…
ဆုံးရှုံးသွားတိုင်း
ဝမ်းနည်းပူဆွေး ရမယ်မထင်နဲ့
မေတ္တာထားတတ်ရင် ငြိမ်ချမ်းတယ်…
အရှုံးပေးတိုင်း အနိူင်ရတယ်မထင်နဲ့
တစ်ပါးသူရဲ့ စိတ်ခံစားမှု့ကို မြင်အောင်
မကြည်နိူင်ရင် ရှုံးတာပါပဲ…
အပိုင်ရသွားလို့ အလေးမထားတော့ဘူးလား
ဆုံးရှုံးသွားမှ တန်ဖိုးဆိုတာ နားလည်ရင်
အဲ့ဒီဆုံးရှုံးခြင်းဟာ……နောင်တပဲဖြစ်လာမှာ…
စွန့်လွတ်တိုင်းလည်း
ဆုံးရှူံးရတာ မဟုတ်ဘူး
ပိုင်ဆိုင်ရတိုင်းလည်း
ဖမ်းဆုပ်ခွင့် ရှိချင်မှရှိမယ်…
နားလည်မှု့မရှိရင် နီးနေလည်း
အလကားပဲ…
တစ်ယောက်နဲ့တစ်ယောက်
စိတ်ခြင်းဝေးတဲ့ အခါ ပျော်ရွှင်မှုဆိုတာလည်း
ရှိမလာနိူင်ဘူး…
ဘယ်လောက် ဝေးဝေး
စိတ်ခြင်းနီးနေမှ နားလည်မှုတွေ ယုံကြည်မှုတွေ
အသက်ဝင်မှာ ပျော်ရွှင်ခြင်းတွေလည်း
အလိုလိုရောက်လာမှာလေ……။

05/01/2023

ငွေဈေး
၁၂၇၀ ဘတ် 1 သိန်း
Kpay

29/12/2022

ဂျူး လူမျိုးတို့ရဲ့ စာသား
( 1 ) ရေညစ်တစ်စက်ကြောင့် ~
ရေကြည်တစ်ခွက် ညစ်ပတ်သွားတယ် ။ ရေကြည်တစ်စက်ကြောင့် ရေညစ်တစ်ခွက် -
ဘယ်တော့မှ ကြည်လင်လာမှာ မဟုတ်ပါဘူး !!
( 2 ) ဘယ်သူ့မှ ခိုးယူမသွားနိုင်တဲ့ အရာသုံးမျိုး ရှိတယ်။ ဗိုက်ထဲကို ၀င်ပြီးတဲ့ အစာ ၊
စိတ်အတွင်းထဲက အိပ်မက်နဲ့ ဦးနောက်ထဲအထိ ၊ ဖတ်မှတ်ထားတဲ့ စာကောင်းပေမွန်များ ဖြစ်ပါတယ် !!
( 3 ) မြင်းတွေဟာ ပျော့ပြောင်းတဲ့ လမ်းပေါ်မှာ ခွာလိပ်သွားတတ်တယ် !
လူတွေဟာလည်း ချိုမြသောစကားသံများကြားမှာ - နစ်မွန်းသွားတတ်တယ် !!
( 4 ) လူ့ ဘ၀ခရီးမှာ ကံဆိုးခြင်းနဲ့ ကံကောင်းခြင်းဆိုတာ သဲသဲကွဲကွဲ မခွဲထားပါဘူး ။
ကံဆိုးခြင်းကနေ ရုန်းထွက်နိုင်ရင် ကံကောင်းခြင်းဖြစ်ပြီး၊ ကံကောင်းခြင်းအပေါ် ဇိမ်ခံနေရင် -
ကံဆိုးခြင်း ဖြစ်လာမှာပါ !!
( 5 ) တကယ်လို့ သင်စာမဖတ်ခဲ့ဘူး ဆိုရင် ~
မိုင်ပေါင်း တစ်သောင်း ခရီးထွက်ရင်လည်း စာပို့လုလင်အဆင့်သာဖြစ်တယ် !!
( 6 ) သင့်ရဲ့ အိမ်နီးနားချင်းက -
မနက် ( ၂ )နာရီအထိ စန္ဒာယားတီးနေရင်လည်း စိတ်မဆိုးပါနဲ့ !
သူ့ကို မနက် ( ၄ )နာရီမှာနှိုးပြီး နားထောင်လို့ အရမ်းကောင်းကြောင်း ပြောပြလိုက်ပါ !!
( ပညာသားပါပါ နဲ့ 😃😃 )
( 7 ) သင်ရဲ့ တစ်ဘဝလုံးမှာ —---
တောက်လျှောက်သာ စောင့်မျှော်နေမယ်ဆိုရင် ၊ ပြောင်းလဲမူ တစ်ခုသာ ဖြစ်ပေါ်လာလိမ့်မယ် ၊ အဲဒါကတော့ သင်အိုသွားခြင်းပါပဲ !!
( 8 ) သူငယ်ချင်းအစစ်ဆိုတာ —--
ပြောမကုန်တဲ့ စကားတွေ ရှိနေတာမဟုတ်ပါဘူး ။ ပြောစရာမရှိတဲ့ အချိန်လည်း ~
အောင့်သက်သက် မခံစားရခြင်းပါ !!
( 9 ) အချိန်ဟာ စိတ်အနာကို
ကုစားနိူင်တဲ့ သမားတော်ကြီးပါ !
ဒါပေမဲ့ —----
ပြဿနာကို ဖြေရှင်းပေးနိုင်တဲ့ —ဆရာကြီးတော့မဟုတ်ပါဘူး ။
( 10 ) ကြိုးစားပြီးမှ နောင်တရရင် ရပါစေ !!
မကြိုးစားပဲနဲ့ လွဲသွားတဲ့ နောင်တမျိုးတော့ မလိုချင်ဘူး !
ီ_ဘာ_ဘာ

27/12/2022

Measure Tape-ပေဘူးနှင့် " မူး၊ မတ်၊ပဲ"အကြောင်း
============================
( Site တစ်ခုမှာ အငယ်တစ်ယောက်ကို
marking ပေးခိုင်းတုန်းက ပေဘူး မသုံးတတ်ပဲလုပ်လိုက်လို့
marking အကုန်ပီးသွားမှ အစကနေ ပြန်လုပ်ခဲ့ရဖူးတယ်။
ကိုယ်ကလည်း သူသိမယ်ထင်ပီး recheck ပြန်မလုပ်မိတာလည်းပါပါတယ်။ )
📚📚အဲ့တာကြောင့် မသိသေးတဲ့သူများအတွက် measure tape အကြောင်းလေး sharing လုပ်ပေးချင်ပါတယ်။
📚📚အရင်ဆုံး ထင်းထင်းရှားရှား မြင်ရမှာသည်
အပေါ်ဘက်မှာ ft ( ပေ )
အောက်ဘက်မှာ cm ပါ။
( အပေါ် - အောက် လို့ပဲ မှတ်ရလွယ်အောင်ပြောပါမည်။ )
🔻အပေါ်မှာ ဝိုင်းပြထားတဲ့ အနီလေးတွေက
1 ft , 2ft , 3 ft စသဖြင့် တွေ့ရပါမယ်။
ဒါဆို " ft-ပေ "တိုင်းလို့ရမယ်။ ✅✅✅
🔻အောက်က ဝိုင်းပြထားတဲ့ အနီက
10cm,20cm,30cm,40cm,50cmစသဖြင့်
cm တန်ဖိုးအနေနဲ့တွေ့ရပါမယ်။
ဒါဆို " cm "တိုင်းချင်တဲ့အခါ ရပါမယ်။ ✅✅✅
🔻အပေါ်က 1ft နေရာကို ပြန်ကြည့်ပါမယ်။
သူ့ရဲ့အောက်မှာ အမဲစာလုံးလေး 12 ရှိပါတယ်။
(မရေးထားပေမယ့်ပညာရှိမို့ အလိုလိုသိ 😁😜)
သူ့ရဲ့ အရှေ့နဲ့အနောက်မှာ 11 နဲ့ 13 တွေ့ရပါမယ်။
အဲ့တာတွေက လက်မတွေပါ။
ဒါဆို " inches "တိုင်းချင် တဲ့အခါ ရပါမယ်။ ✅✅✅
🔻အောက်က 10,20,30 ဆိုတာ cm လည်းဟုတ်သလို
သုည တစ်လုံးထည့်ပီး mm လည်းတိုင်းလို့ရပါတယ်။
သုညနှစ်လုံး ဖြုတ်ပီး m လည်းတိုင်းလို့ရပါတယ်။
10cm = 100 mm
100 cm = 1m
(marking ပေးတဲ့အခါမှာ mm နဲ့ဆို ပိုတိကျလို့ ဒါလည်းမှတ်ထားစေချင်ပါတယ်။)
ဒါဆို " mm "နဲ့ "m"တိုင်းချင်တဲ့အခါမှာ ရပါမယ်။ ✅✅✅
( ဘာနဲ့တိုင်းရမလဲ မိမိ Drawing ပေါ်မူတည်ပါတယ်။ )
တိုင်းရုံတင်မဟုတ်ဘဲတခြားလုပ်လို့ရတာတွေလည်းရှိပါသေးတယ်။
💞ပေဘူးရဲ့ထိပ်မှာခဲတံ တပ်ပီး စက်ဝိုင်းဆွဲလို့ရပါတယ်။
💞ပေးဘူးမှာပါတဲ့ ချိတ်ကလေးက marking မှတ်လို့ရပါတယ်။
အဲ့ချိတ်ရဲ့ အဟ က 1/16" ရှိပါတယ်။
မဟချင်လည်း တိုးလိုက် လို့ရပါတယ်။
💞Diamond or Tri ပုံလးက
16" , 32" , 48 " အလွယ်တိုင်းချင်တဲ့အခါ မြန်အောင်ထည့်ပေးထားပါတယ်။
မူး၊ မတ် ၊ ပဲ အကြောင်း
----------------------
အပေါ်ဘက်က inches 1 ကနေ 2 ကြားထဲမှာ
အစိတ် ၁၆ စိတ်ကိုတွေ့ရမှာပါ။
အဲ့၁၆ စိတ်ကို ပိုင်းထားတဲ့ မျဉ်းတွေကလည်း အတိုအရှည်မတူပါဘူး။
အရှည်ဆုံး မျဉ်းကို Inch Mark
ဒုတိယရှည်တာကို Half - inch( တဝက် )
တတိယရှည်တာကို Ouarter-Inch ( ၄ပုံ၁ပုံ)
စတုတ္ထရှည်တာကိုတော့ Eighths-inch ( ၈ပုံ၁ပုံ)
အတိုဆုံးကိုတော့ Sixteenth-inch ( ၁၆ပုံ ၁ပုံ)
16 စိတ်ကို အခြေခံထားတဲ့ သဘောပါ။
မြန်မာ မှာလည်း 16 စိတ်ကိုပဲ အခြေခံပါတယ်။
သူတို့လိုတော့ မရိုးရှင်းဘူးပေါ့နော်။
ပဲတွေမူးတွေ မတ်တွေ နဲ့ပါ။
( ရွေးတွေကတော့ မသိတော့ဘူး။
အမေတို့ကိုမေးရတာလည်းခဏခဏရှိပီ။
ဒါလည်းမမှတ်မိဘူး။မှတ်လည်းမမှတ်နိုင်တော့ဘူး။ 😪)
မူးတွေ မတ်တွေက ဒီနေ့ခေတ်မှာ မသုံးတော့ပေမယ့်
Aircon ကြေးပိုက် size တွေမှာတော့သုံးတာကိုတွေ့ရပါတယ်။
အဲ့တာကြောင့် မှတ်ချင်တဲ့သူများ မှတ်ကြပါနော်။
( အမ မှတ်တဲ့နည်းကတော့
ပိုင်းခြေမှာ ၁၆ ရှိရင် => ပဲ
ပိုင်းခြေမှာ ၈ ရှိရင် => မူး
ပိုင်းခြေမှာ ၄ ရှိရင် => မတ်
ဒါပေမယ့်အဲ့တာက တော်တော်များများမှန်ပေမယ့် တချို့နေရာ မမှန်ဘူး 😁
​ဒါက ယေဘုယျ ယူရတဲ့သဘော)
ဒါဆို စယူကြည့်ရအောင်
☘️1/16 => ၁ပဲ ( ပိုင်း​ ခြေ 16 )
☘️2/16 => ၂ပဲ (ပိုင်းခြေ 16 ဒါပေမယ့် ခြေလို့ရလို့ မူး)
1/ 8 => ၁ မူး ( ပိုင်းခြေ 8 ဆိုမူး)
☘️ 2/8 => ၂မူး ( ပိုင်းခြေ 8 ဒါပေမယ့် ခြေလို့ရ လို့မတ်)
1/4 => ၁မတ် ( ပိုင်းခြေ 4 ဆို မတ် )
ဒီအထိ အဆင်ပြေပါတယ်။ မှတ်ထားသလိုမှန်သေးတယ်။
☘️ 4/8 => ၄ မူး မယူပါ။ 1/2 မို့ ၅ မူး ယူရမည်။🙄
4/8 = 1/2 = ၅ မူး✅
☘️ 5/8 => ပိုင်းခြေ 8 ဆိုမူး ( ၅မူးမယူပါ။ အပေါ်မှာယူပီးပီမို့ သူက ၆ မူး
5/8 => ၆မူး ✅
☘️ 6/8 = 3/4 => ၃မတ် ( ပိုင်းခြေ 4 ) 😊
☘️ 7/8 => ၇ မူး ပြန်ယူလို့ရပါပီ။ ( ပိုင်းခြေ 8 ) 😊😊
note 📝
------
------
3/4 ကို တစ်ကျပ် ပြည့်ဖို့ ၁မတ် ( 1/4 ) လိုလို့
မတ်တင်း လို့ခေါ်ပါသည်။
7/8 ကို ၁မူးလိုလို့
မူးတင်းလို့ခေါ်ပါသည်။
📚 မျိုးဆက်သစ်အင်ယာများ အဆင်ပြေကြပါစေ📚
Credit: Htet Htet
BE (EP)

23/12/2022

ငါ '' မှား '' ရင်
ငါ့ကို ''မနိမ် '' ပါနဲ့
ငါ့ကို ပြင်ပေးပါ....
ပြန်လှည့်ပြီး '' နိဒါန်းကို ''
ပြောင်းလို့ မရတော့ပေမယ့်
ရောက်ရာ နေရာက ပြန်စပြီး
'' နိဂုံး '' ကိုတော့ ပြောင်းလို့ရပါတယ် ...
မိဘ က သင့် ဘဝ ကို
မူရင်း မွေးပေးလိုက်တာနော်
မိတ္တူ ဘဝဖြင့် အဆုံးမခံပါနဲ့ ...
ဘဝ ကောင်းကို ရခဲ့တာ မဟုတ်သလို
ဘဝ ဆိုးကိုလည်း ရခဲ့တာ မဟုတ်ဘူး
ဘဝ ပဲ ရခဲ့တာပါ
အဲ့ ဘဝ ကို အကောင်း အဆိုးဖြစ်အောင်
တို့တတွေက ဖန်တီး လိုက်ကြတာပါ ...
ကျရှုံး မှာ မကြောက်ပါနဲ့
မကြိုးစား ကြည့်မိမှာကိုသာ
ကြောက်ပါ ...
သဘော အကောင်းဆုံး သူတွေဟာ
အနှိပ်စက် အခံရဆုံး သူတွေ
ဖြစ်နေ တတ်ပါတယ် ...
သူများ ဘဝ အလင်းဆောင်ဖို့ လူတိုင်း
နေမင်း ဖြစ်ချင်ကြတယ်
အမှောင်ဆုံးအချိန်မှာ အလင်းဆောင်ဖို့
ဘာလို့ လမင်း မဖြစ်ချင်ကြတာလဲ ...
မရဖူးတာ ရချင်ရင်
မလုပ်ဖူးတာ လုပ်ရမယ် ...
စတောင်းပန်ရဲတဲ့ သူက
သတ္တိ အရှိ ဆုံးသူပါ
စခွင့်လွတ်နိုင်တဲ့သူက
စိတ်ဓာတ် အကြံ့ခိုင်ဆုံးသူပါ
စ မေ့နိုင်သူက
စိတ်အချမ်းသာဆုံးသူပါ
အရက်မပါဘဲ ပျော်တတ်အောင်
ဖုန်းမပါဘဲ စကားပြောတတ်အောင်
ခြွင်းချက် မထားပဲ ချစ်တတ်အောင်
မဆွဲလဲ ပြုံးတတ်အောင် သင်ယူပါ ..
- ဆရာ ဦးအောင်သင်း
#မေတ္တာဖြင့်ပြန်လည်မျှဝေသည်

22/12/2022

မိမိကိုယ်ကိုယ် တာဝန်ယူတက်တဲ့စိတ်
တာဝန်ယူတက်တဲ့စိတ်ဟာ ကိုယ့်ဘဝကို ကိုယ်ကျေနပ်ဖို့အတွက် အရေးအကြီးဆုံးလိုအပ်ချက် ဖြစ်တယ်။
တာဝန်ယူခြင်းမှာ ကိုယ်ကျင့်တရားတွေ၊
မိမိကိုယ်ကိုယ် လေးစားခြင်းတွေနဲ့
တခြားသူတွေအပေါ် ထားတဲ့ မေတ္တာစိတ်တွေ
ပါဝင်နေတယ်။ဒါပေမယ့်
တာဝန်ယူမှုဟာ ဘယ်တော့မှ မျက်ကန်းတောတိုး
မဖြစ်သင့်ဘူး။
ကိုယ်လုပ်တာ၊ ကိုယ်ပြောတာတွေနဲ့ ကိုယ့်ခံစားချက်တွေဟာ ကိုယ်နဲ့သာ သက်ဆိုင်တယ်၊ ကိုယ်သာ
ကိုင်တွယ်ရမယ်လို့ ဆုံးဖြတ်လိုက်တာက
ဖြောင့်မတ်မှန်ကန်တဲ့ အရည်အချင်းပါ။
သို့ပေမယ့် သူများအမှားကို ကိုယ့်အမှားလုပ်၊
သူတစ်ပါး အပြစ်ကို ကိုယ့်အပြစ်လို့ သတ်မှတ်နေတာကျတော့ ဒါဟာ တာဝန်ယူတာ မဟုတ်တော့ဘူး။
တုံးအတာ ဖြစ်သွားပြီ။
လောကမှာ တုံးအတဲ့ သူတွေက လူတွေသိပ်ကြိုက်
ကြတယ်။ရိုးရိုးအအ ဆိုသူတွေ၊မသိနားမလည်မှု များတဲ့သူတွေ၊စဥ်းစားဥာဏ်နည်းတဲ့သူတွေကို အသုံးချဖို့
စောင့်နေတဲ့သူတွေဆိုတာ သပ်သပ်ကို ရှိတယ်။
သူတို့ကလည်း သူတို့လုပ်သမျှကို
လွဲချလို့ရမယ့်သူတွေကိုပဲ ရှာနေတာ၊ သူတို့ပြောတာကို
ဟုတ်ကဲ့ လုပ်မယ့်သူတွေကို အမြဲလိုချင်နေတာ၊
အဲ့ဒါကို ကိုယ်က သူတို့အပြစ်တွေကို
အားနာနာနဲ့ အတင်းတွေတာဝန်ဝင်ယူနေရင်
အချီကြီး ခံသွားရမှာ ကိုယ်ပဲ။
သူများအမှားကို ကိုယ့်အမှားပါလို့
လုံးဝတာဝန်ယူပစ်လိုက်တာ အသိဥာဏ်နည်းရာ
ရောက်တယ်။ သူများအမှားကို ထောကျပွရမယျ။
သူနားလည်အောင် ရှင်းပြရမယ်။
ကိုယ်ကူညီနိုင်တာကို ကူညီပြီး
တက်နိုင်သလောက် ပူးပေါင်းဆောင်ရွှက်ပေးတာမျိုး
လုပ်ပေးတာက ဆက်ဆံရေးကို တိုးတက်စေနိုင်ပေမယ့်
ကိုယ်ချစ်တဲ့ သူတွေအပြစ်လုပ်ထားရင်တောင်
ကိုယ့်အနေနဲ့ သူတို့ကို မထိခိုက်စေချင်လို့
သူတို့အစား တာဝန်ဝင်ယူပေးနေရင် အဲ့လိုလုပ်တာက
ကြာရင် ဘယ်သူ့အတွက်မှ မကောင်းတာကို
သိလာလိမ့်မယ်။
လူတစ်ယောက်က သူ့တာဝန်သူယူလိုက်တဲ့အချိန်မှာ
ကိုယ့်ကိုယ်ကိုယ် ကျေနပ်အားရစိတ်ကို ခံစားရတယ်။
သူတစ်ပါးကို အပြစ်ပုံချတာ၊
ကံကြမ္မာနဲ့ အခြေအနေတွေကို မကောင်းပြောနေတာ
တွေက ခနတော့ စိတ်သက်သာသွားသလို
ရှိကောင်းရှိမယ်။ဒါပေမယ့် ကိုယ်စိုက်ပျိုးတာကို
ကိုယ်ရိတ်သိမ်းရမယ်ဆိုတဲ့ စကားလိုပဲ။
နောက်ဆုံးကျတော့ ပြဿနာတွေကို
တကယ်ပြေလည်သွားစေမယ့် ရေရှည်ဖြေရှင်းနည်းက
ကိုယ့်ကိုယ်ကိုယ် ဘာမှားနေလဲ ပြန်ကြည့်၊
ဘာတွေကို သင်ယူဖို့လိုနေပြီလဲ၊ ဘာတွေပြောင်းလဲရမလဲ၊ အဲ့ဒီအပြောင်းအလဲတွေ တကယ်ဖြစ်ဖို့
ဘယ်လို အလေ့အကျင့်တွေကို ကျင့်ရမလဲ
ဒါတွေကို စဥ်းစားတာကသာ အဖြေမှန်ကို ပေးနိုင်လိမ့်မယ်။
ကိုယ်အလုပ်မဖြစ်တာတွေ အတွက် ဘဝကို
ဆင်ခြေပေးလို့ရတယ်။ လက်ရှိအခြေအနေတွေက
ကိုယ့်ရဲ့ လုပ်ဆောင်ချက်တွေကို ဘယ်လို
နှေးကွေးစေကြောင်းကို အကြောင်းပြဖို့က
ကျွန်တော်တို့ အတွက် သိပ်မခက်ဘူး။
ဒါပေမယ့် ဒီလိုလုပ်တာက နောက်ဆုံး
ကိုယ့်ကိုပဲ ကိုယ်လုပ်ချင်တာတွေကနေ
နောက်ကျကျနေစေခဲ့တာ မဟုတ်လား၊
ဆင်ခြေဆင်လက်ပေးခြင်းကနေ ဘာတွေများ
ကောင်းတာ ရလာနိုင်လို့လဲ။
အရင်တုန်းက ကိုယ်ကြောင့် အခုရှိနေတဲ့ ကိုယ်
ဖြစ်လာရတာပဲ။ Albert Einstein ကပြောဖူးတယ်။
"ပြဿနာတွေကို အဖြေရှာရာမှာ အဲ့ဒီပြဿနာတွေ
စဖြစ်တုန်းက အခြေအနေအနေတွေ အတိုင်းစဥ်းစား
လို့ မရတော့ဘူး"တဲ့။ ဆိုလိုတာက
လက်ရှိကိုယ့်အကျင့်တွေ၊ ကိုယ်ရဲ့ စီးပွားရေးအခြေအနေတွေ၊ ကိုယ့်ပတ်ဝန်းကျင် ဒါတွေကို
လုံးဝချက်ချင်းပြောင်းဖို့ဆိုတာ မလွယ်ဘူး။ဒါပေမယ့်
အကြောင်းပြချက်တွေပေးနေရုံနဲ့လည်း
ဘာမှ ထူးသွားမှာ မဟုတ်ဘူး။ ပိုပြီး ဒုက္ခရောက်လာဖို့ပဲ ရှိမယ်။ အရေးကြီးတာ ကျွန်တော်တို့ ကိုယ်ကိုယ်
အပြည့်အဝ တာဝန်ယူပြီး ကိုယ်လုပ်နိုင်တာကို
မပျက်မပျက် လုပ်ဆောင်သွားဖို့ပဲ ရှိပါတယ်။
ဒီလိုလုပ်နိုင်ခြင်းသည်ပင် လူတစ်ယောက်ရဲ့
ကြီးမားတဲ့ အရည်အချင်းလို့ ပြောနိုင်ပါတယ်။

22/12/2022

ဒီလိုဒီလို လူ ( ၁၀ ) မျိုးကို တွေ့ခဲ့ရင် တန်ဖိုးထားပါ
~~~~~~~~~~~~~~~~~~~~
( ၁ ) ကိုယ် တစ်ကယ် ချစ်တဲ့သူကို တွေ့ခဲ့ရင်
သူနဲ့ဘဝတစ်လျှောက်လုံး လက်တွဲသွားဖို့
အခွင့်အရေး ရအောင်ကြိုးစားပါ ။
ဘာကြောင့်လဲ ဆိုတော့" သူ ထွက်သွားတဲ့အခါ
အရာအားလုံး နောက်ကျသွားပါလိမ့်မယ် ။
( ၂ ) ကိုယ် တစ်ကယ် ယုံကြည်ရတဲ့ သူငယ်ချင်းကို
တွေ့ခဲ့ရင် သူနဲ့အဆင်ပြေပြေ ကောင်းကောင်းမွန်မွန်
ဆက်ဆံသွားပါ ။
ဘာဖြစ်လို့လဲ ဆိုတော့" ဘဝမှာ သူငယ်ချင်းအစစ်
တွေ့ရဖို့ဆိုတာ မလွယ်တော့လို့ပါ ။
( ၃ ) ကိုယ့်ကို တစ်ချိန်တုန်းက ကူညီပေးခဲ့ဖူးတဲ့
သူကို တွေ့ခဲ့ရင် သူ့ကို ကောင်းကောင်း
ကျေးဇူးတင်ပါ ။
ဘာဖြစ်လို့လဲ ဆိုတော့" သူဟာ ကိုယ့် ဘဝရဲ့
အလှည့်အပြောင်း ဖြစ်ခဲ့လို့ပါပဲ ။
( ၄ ) ကိုယ် တစ်ချိန်တုန်းက ချစ်ခဲ့ဖူးတဲ့ သူကို
တွေ့ခဲ့ရင် သူ့ကိုပြုံးပြုံးလေးနဲ့ကျေးဇူးတင်ဖို့
မမေ့ပါနဲ့။
ဘာဖြစ်လို့လဲ ဆိုတော့" သူက ကိုယ့်ကို အချစ်အကြောင်း ပိုနားလည်စေခဲ့လို့ပါ ။
( ၅ ) ကိုယ့်ကို တစ်ချိန်တုန်းက မုန်းတီးခဲ့ဖူးတဲ့ သူကို
တွေ့ခဲ့ရင် ပြုံးပြုံးလေးနဲ့သူ့ကို နှုတ်ဆက်လိုက်ပါ ။
ဘာဖြစ်လို့လဲ ဆိုတော့" သူ့ကြောင့် ကိုယ်က
ပိုပြီး သတ္တိ ရှိလာခဲ့တယ် ။
( ၆ ) ကိုယ့်ကို တစ်ချိန်တုန်းက သစ္စာဖောက်ခဲ့ဖူးတဲ့
သူကို တွေ့ခဲ့ရင် သူနဲ့အေးအေးဆေးဆေး
စကားစမြည် ပြောလိုက်ပါ ။
ဘာဖြစ်လို့လဲ ဆိုတော့" သူ့ကြောင့် မဟုတ်ရင်
ကိုယ်လည်း
လောက အကြောင်းကို သိလာမှာ မဟုတ်ဘူး ။
( ၇ ) ကိုယ် တစ်ချိန်တုန်းက တိတ်တခိုးချစ်ခဲ့ဖူးတဲ့
သူကို တွေ့ခဲ့ရင် သူ့ကို ပျော်ရွှင်ပါစေဆိုပြီး
ဆုတောင်းပေးလိုက်ပါ ။
ဘာဖြစ်လို့လဲ ဆိုတော့" ကိုယ် သူ့ကို တိတ်တခိုး
ချစ်ခဲ့တုန်းက သူပျော်ရွှင်တာကိုပဲ လိုလားခဲ့တာ မဟုတ်လား ။
( ၈ ) ကိုယ့် ဘဝထဲကနေ ထွက်သွားခဲ့တဲ့ သူကို
တွေ့ခဲ့ရင် သူ ကိုယ့်ဘဝထဲ ဝင်ခဲ့တာကို
ကျေးဇူးတင်လိုက်ပါ ။
ဘာဖြစ်လို့လဲ ဆိုတော့" သူက ကိုယ့်ဘဝရဲ့
ပျော်ရွှင်စရာ ကောင်းတဲ့ အစိတ်အပိုင်းတစ်ခု
ဖြစ်ခဲ့ဖူးတယ်လေ ။
( ၉ ) ကိုယ့်ကို တစ်ချိန်က အထင်လွဲခဲ့ဖူးတဲ့ သူကို
တွေ့ခဲ့ရင် အချိန်မှီ ဖြေရှင်းချက် ပေးလိုက်ပါ ။
ဘာဖြစ်လို့လဲ ဆိုတော့" သူ နားလည်အောင်
ဖြေရှင်းပေးဖို့ အခွင့်အရေးက တစ်ခါပဲ ရှိနိုင်လို့ပါ ။
( ၁၀ ) ယခု ကိုယ်နဲ့ဘဝတစ်လျှောက်လုံး
လက်တွဲသွားမယ့်သူကို တွေ့ခဲ့ရင်
သူ ကိုယ့်ကို ချစ်တာ ရွေးချယ်ခဲ့တာကို
ရာနှုန်းပြည့် ကျေးဇူးတင်လိုက်ပါ ။
ဘာဖြစ်လို့လဲ ဆိုတော့" အခု နှစ်ယောက်လုံး
ပျော်ရွှင်မှုနဲ့အချစ်စစ်ကို ပိုင်ဆိုင်နေရလို့ပါ ။

#ကျွန်တော်ဖတ်ဖို့
စာပေချစ်သူများမင်္ဂလာပါခင်ဗျာ သုတ ရတ စုံလင်စွာဖတ်ရှုနိုင်ရန် ကျွန်တော် Page လေးကို Like နှိပ်ထားကြပါ ကျေးဇူးတင်ပါတယ်ခင်ဗျာ 🙏🙏