25/02/2025
အမှန်တွေရော အမှားတွေပါ တင်နေကြတဲ့
ထိုင်း အစိုးရက အကြပ် များ
ထိုင်းအစိုးရက အခုလိုမျိုးထက်ပိုကြမ်းတဲ့ အဖမ်းအဆီး ၂၀၁၄ လောက်တုန်းကဖမ်းဖူးတယ်။ အာ့ဒီအချိန်တုန်းက ထိုင်းမှာ အခုလိုမျိုး ED Visa ကိုင်ပြီးနေတဲ့လူ မရှိသလောက်နည်းသလို အခုလိုမျိုးလည်း နိုင်ငံရေးမဖြစ်နေတော့ တကယ်အလုပ်သမားတွေသာရှိကြတယ်၊ အာ့ဒီတုန်းက ဘတ်လည်းမဖွင့်သေး ထိုင်းစစ်တပ်ကလည်း အာဏာယူခါစဆိုတော့ အစစ်အဆေးကနေ အခုထက်ပိုကြပ်ခဲ့ဖူးတယ်။ မိခင်နိုင်ငံကို အစုလိုက် ပြန်ကြတဲ့သူတွေအများကြီးဘဲ စက်ရုံတွေလည်း ပိတ်ခံထိတာတွေအများကြီးဘဲ နောက်တော့ ဘတ်လုပ်ခွင့်ရတယ် ပထမဆုံး ပန်းရောင်ကဒ် စတင်ဖွင့်ပေးတာဘဲဖြစ်ပါတယ်။
ထိုင်းမှာက အခုတကယ်ဖမ်းနေတာက လုပ်ခွင့်မရှိတဲ့ အလုပ်တွေကို လုပ်ကိုင်နေတဲ့သူတွေကိုအဓိကဖမ်းတယ်။ Social media သို့မဟုတ် နေရာအတည်တကျ နဲ့ Work permit မတူညီတဲ့ သူတွေကို အဓိကဖမ်းတယ်။
ပွဲစား စျေးဆိုင် စားသောက်ဆိုင် အလှပြင်ဆိုင် ကားဆွဲ ဆံပင်ညှပ်ဆိုင် တွန်းလှည်းနဲ့လိုက်ရောင်းနေတာတွေကို အဓိကဖမ်းတယ် ဒါကအခုမှမဟုတ်ဘူး အရင်ကတည်းကဖမ်းတာ လုပ်ခွင့်လုံးဝမရှိတာတော့မဟုတ်ဘူး ကိုယ်တိုင်က ကုမ္ပဏီပိုင်ရှင် သို့မဟုတ် လုပ်ကိုင်ခွင့်ရတဲ့ကုမ္ပဏီကနေ Non-B Visa ကိုင်ထားပြီး လုပ်ရင်တော့ လုပ်ခွင့်ရှိတယ်။
ဒါပေမယ့် ကိုင်ထားတဲ့ Visa က Non-LA / ED / TR ကိုင်ထားပြီး ဒီအလုပ်တွေလုပ်နေတာ စစ်ဆေးတွေ့ရှိရင်တော့ ဖမ်းခံထိမှာပါဘဲ။ ဒါက မြန်မာ မှ မဟုတ်ဘူး နိုင်ငံခြားသားအားလုံးပါ ။ တွန်းလှည်းနဲ့ရောင်းတာ မြန်မာသိပ်မရှိပေမယ့် Laos / Cambodia / India တွေ ဖမ်းခံထိနေကြပါ။
အလားတူ ဆောက်လုပ်ရေးလုပ်တယ် / စက်ရုံလုပ်တယ် / စားသောက်ဆိုင်မှာလုပ်တယ် အထောက်အထားမမှန်ကန်ဘူး သူဌေးမတူဘူးဆိုရင်လည်း ဖမ်းခံထိမှာပါဘဲ
ဒါကြောင့် ထိုင်းမှာ Work permit သူဌေး တူရအောင် ဘိုင်ကျဲအော် ဘိုင်ကျဲခေါက် ဆိုတဲ့ လုပ်ငန်းစင်ထားရှိထားတာဖြစ်တယ် ပြောရမယ်ဆိုရင် သူဌေးပြောင်း အလုပ်ရှင်ပြောင်းတာပေါ့ ဥပမာ သူဌေး A ကနေ သူဌေး B ကို အလုပ်သွားလုပ်မယ်ဆိုရင် သူဌေး A ဆီကနေ ဘိုင်ကျဲအော် တောင်းပြီး သူဌေး B ဆီမှာ ဘိုင်ကျဲခေါက် လုပ်လိုက်ရင် တရားဝင်ဖြစ်ပါပြီး ဖမ်းဆီးမခံထိတော့ပါဘူး ။ Work permit တော့ သက်တမ်းရှိရပါမယ်။
ဧည့်စာရင်းဥပဒေ ထိုင်းနိုင်ငံမှာ ပြည်နယ်ပေါင်း 76 ခု ရှိတယ် အကယ်၍ မိမိက ဘန်ကောက်မှာနေပြီး ချွန်ပူလီကို အလည်သွားမယ် ၂၄ နာရီ အတွင်းဆို ဧည့်စာရင်း မတိုင်ထိပေမယ့် ၂၄ နာရီ ထက် ပိုပြီးသွားမယ်ဆိုရင် ဧည့်စာရင်းတိုင်ရမှာဘဲဖြစ်ပါတယ်။ ပုံမှန် Hotel တွေက Online ကနေ တင်ပေးလေ့ရှိပါတယ်။ ဒါပေမယ့် မိမိက အာ့ဒီမြို့နယ်မှာ ရက်အတော်ကြာသွားနေမယ်ဆိုရင်တော့ ဧည့်စာရင်းတိုင်ရမှာဘဲဖြစ်ပါတယ်။ ဧည့်စာရင်း ဥပဒေအရ ဧည့်စာရင်းမတိုင်ထားရင် ၅၀၀ မှ ၅၀၀၀ ထက်မကျော် တဲ့ ဒဏ်ကြေးရှိပါတယ် ။
အခုရက်ပိုင်း ED Visa တွေ ကြပ်လာပါတယ် ဒါပေမယ့် တကယ်ပြောရမယ်ဆိုရင် ကြပ်နေတာ ၆ လ လောက်ရှိပြီး
ED Visa ကို ကျောင်းတက်မယ့်သူတွေအတွက်ဘဲ ထုတ်ပေးထားတာ နားလည်မှုအရ ကျောင်းနဲ့ပေါင်းပြီးတော့ ကျောင်းမတက်ဘဲ ED Visa တွေကိုရောင်းကြတာဖြစ်ကြပေမယ့် အခုနောက်ပိုင်းဆိုရင် ကြေညာကတည်းက ကျောင်းလုံးဝ မတက်ထိဘူး ကျောင်းတက်စရာ မလိုဘူးဆိုပြီး ကြေညာတာများလာတော့ ထိုင်းအစိုးရ နှင့် ပြည်ထဲရေးဝန်ကြီးဌာနက တိုင်ခံထိလာတယ် အာ့တာကြောင့် ပိုကြပ်လာတဲ့အပြင် ကျားဖြန့်တွေမိကြတဲ့ လူတွေကလည်း ED Visa တွေဖြစ်နေကြတာများတယ် အာ့တာကြောင့် ပိုပိုပြီးတော့ကြပ်လိုက်တာ ဒါပေမယ့် ခဏပါဘဲ ပြန်အဆင်ပြေမှာပါ။
ဒါကြောင့်ပြောပြချင်တာက ဖမ်းအဆီးကြမ်းတယ်ဆိုတိုင်းကြောက်စရာမလိုဘူး
အဓိက ကြည့်ရမှာက လက်ရှိ မိမိနေအိမ် နဲ့ TM.30 ရှိလား ?
မိမိ Visa နဲ့ မိမိ လုပ်နေတာ မှန်ကန်လား ?
မိမိ သူဌေး နဲ့ မိမိ Work permit မှန်ကန်လား ?
မမှန်ကန်ဘူးဆိုရင် မှန်ကန်အောင်လုပ်ပါ ။
အကယ်၍ အပြင်သွားမယ်ဆိုရင်
Passport ရရှိယူသွားပါ။
Name list ရရှိယူသွားပါ။
TM.30 ယူသွားပါ။
Work permit ရရှိယူသွားပါ။
ဒါဆိုရင် ရပါပြီး အရမ်းကြီးလည်းမကြောက်ထိပါဘူး ။
ထိုင်းမှာက ဖြဲခြောက်တဲ့အဖွဲ့ကို သက်သက်ရှိနေကြောင့် သတင်းတွေကို သေချာလေ့လာပါ ။
စာကိုအဆုံးထိဖတ်ပေးတဲ့အတွက်ကျေးဇူးတင်ပါတယ်။
ပုံထဲက အလုပ် ၂၇ မျိုးကတော့ အခု ဖမ်းနေတဲ့ Work permit မရှိဘဲ လုပ်ရင်ဖမ်းနေတဲ့ တားမြစ်ထားတဲ့အလုပ်တွေဖြစ်ပါတယ်။
crd