04/03/2026
⛔
❌❌❌ 🚫🚫
بخصوص تصريح وزارة الاتصالات عن إطلاق رخصة لمشغل شبكة بديلاً عن رخصة MTN ..
رح اشرح القرار بشكل مفصل:
🔴 الرخصة هي إذن قانوني لتشغيل شبكة موبايل جديد داخل البلد .. مو المقصود اغلاق الشبكة فوراً أو ايقاف الخدمة ..
🔴 لما بصير انتقال للشبكة : غالبا هيك عمليات بتاخد من ٦ اشهر ل سنتين أحياناً ويلي رح يصير هو انتقال تدريجي لـ : الأنظمة .. الأبراج.. المشتركين .. قواعد البيانات .. يعني المستخدم ما بيشعر بأي توقف ..
🔴 شو رح يصير بالخطوط والشرائح الحالية؟
خطوطكم لن تُلغى ولن تضيع
طيب ليش ؟ لانو خطوطكم ليست ملك الشركة بل موجودة ضمن الشبكة الوطنية .. يعني الرقم تابع للدولة مو للشركة ..
لهيك .. بيتغير المشغل لكن الرقم يبقى نفسه
متل لما احيانا منغير شبكة الإنترنت ويبقى الرقم الارضي نفسه ..
🔴 كل شريحة SIM مرتبطة بـ:
حساب مشترك ... سجل فوترة .. رقم IMSI
هي البيانات تنتقل للنظام الجديد الخاص بالمشغل الجديد ..
🔴 حساباتي رابطها كلها على خط MTN معقول كلها تروح ؟!
اكيد لاء .. لانو إلغاء الخطوط يعتبر كا.رثة رقمية وطنية لهيك مارح تصير أبدا
🔴 رقمك بيبقى نفسه .. حساباتك المرتبطة بالرقم بتبقى متل ما هي .. القدرة على الاتصال تبقى كما هي ..
🔴 ممكن وهاد احتمال وارد جدا انو فيما بعد يتم استبدال الشرائح وأعتقد لو صارت بتكون بشكل مجاني .. طيب ليش؟!
لانو المشغل الجديد بيستخدم مفاتيح تشفير مختلفة .. يعني الرقم بيبقى نفسه
حسابات السوشال ميديا المربوطة بارقامكم لن تتأثر لانو الحسابات تعتمد على الرقم فقط وليس اسم الشركة ..
🔴 اي خبر عم يتم تداوله عن دخول أي شركة سواء سعودية أو أردنية فهو عار عن الصحة تماماً لانو لحد هلاء ولا اي شركة صرحت بشكل واضح .. حتى وزارة الاتصالات لم تصرح عن اسم المشغل الجديد ..
رقمك هو هويتك الرقمية .. وليس اسم الشركة
دمتم بخير جميعاً ☘️
__________________
أرجو من الجميع مشاركة المنشور ليصل لأكبر عدد ممكن من الناس .. لانو في قسم كبير رح يفكر انو خطه رح يلتغى و تضيع حساباته
Yamen.center
