17/05/2020
🧠
⛔
⛔اول خرافة: كرت فاتح كذا-كرت فاتح 2 – كرت فاتح 4 الخ.... يا جماعة هالشي مجرد خرافة وشغلة اخترعهوها كم حرامي مافي شي اسمو كرت فاتح كذا الvram ثابت بالكروت المنفصلة ومستحيل تغييرو واخر كرت بيتغير رامو كان ب 2002 وما عد في هيك شي لهيك بس تشوفو حدا عم يقلكون فاتح مارح قول قلولو حرامي بس مجرد ديرو وشكون وامشو او اضحكني سريعة للبوست تبعو
⛔تاني خرافة: بيع لكروت المدمجة على انها منفصلة : صرت عم شوف كتير حرامية ومسوقين عم يعرضو المدمج انو منفصل اخواتي دائما كل كروت شركة intel مدمجة حتى لحظة كتابة هالبوست( 2020) بالاضافة الى كروت amd radeon r2-r3-r4-r5-r6-r7 وكم كرت radeon لاحقتون g كلياتون مدمجين هدول لا تخلو ولا حرامي يقول منفصل ويطلب سعر خيالي فيون لان هي سرقة علنية كروت nvidia كلا منفصلة وكروتamd باستثناء اللي فوق كلا منفصلة هامش:r5-r7 اذا بدون رقم بعدهون هدول مدمجين اما في حال في رقم بعدهون مثال :r5 m330-r7 m440 بيكونو منفصلين شغلة اضافية الvram, مو كلشي ممكن كرت gb 1 يكون ادائو اقوى 200% من كرت gb2
⛔تالت خرافة:تبريد رذاذ ice cooling-liquid cooling- الخ……. ما في شي اسمو ice cooling ابدا مجرد خرافة مصدرها الحرامية اما الliquid cooling موجودة بعدد قليييل جدا من لابتوبات الجيمينغ وما بظن في منون بسوريا الخلاصة :اللي بيقلك ice وliquid نصاب بدو يمشي شغلو مو اكتر
⛔رابع خرافة:لبيع بسعر عالي لان الجيل مرتفع عم شوف كتير لصوص بدهون يبيعو اللابتوب بسعر من لمريخ لان جيل المعالج عالي اخواتي مو كلشي جيل عالي ادائو عالي مثال i7 4500u i7 2760qm واحد جيل تاني وواحد جيل رابع ومع هيك الجيل التاني اقوى بمنيح لان الفئة u دائما اداءا ضعيف بمقارنة بجيلها كذلك الفئة m اداءا اقوى بشوي بس من لu
⛔خامس خرافة openbox 50% من اللي عم ينباعو عاساس اوبن بوكس جايين مستعمل بس من غير دولة اللهم اني بلغت
⛔شغلات الكل لازم يعرفا: كيف بتعرف مواصفات لابتوب قبل ما تشتريه في حال البياع عم يكذب بالمواصفات 1من قائمة ابدأ 2 بتبحث بابدأ ع مدير الاجهزة او إدارة الاجهزة ((device manager 3 بتفتحو وبتلاقي نوع معالجك عند( المعالجات)((processors وبتلاقي كرت لشاشة عند (محولات/محركات اجهزة لعرض) (display adapters ) هامش:لما يكون في كرت منفصل لازم يطلع اسم الكرتين المدمج والمنفصل وأذا طلع أسم الكرت غير اللي قلك عليه البياع زت لابتوبو بوشو
⛔طريقة 2 لتعرف مواصفات الجهاز 1من جهاز الكمبيوتر(هذا الكمبيوتر الشخصي)(this pc ) 2خصائص 3مدير الاجهزة-(ادارة الاجهزة-)(this pc) 4 لمعالج بتلاقي اسمو عند (المعالجات)(processors) كروت لشاشة اسمائون كبوس عند (محولات/محركات اجهزة العرض)((display adapters واخيرا :لا تدفع سعر عالي ابدا بكرت مدمج لانك بهلحالة عم تشتري شي مشيول منو سعر قطعة غالية كتير يلي هية كرت لشاشة المنفصل نشروا لبوست اخواتي واللي بيحب ياخدو ينشرو باسمو ما في مانع لمهم ما عد حدا ينضحك عليه لما يشتري لابتوب أي حدا ما بيحط السعر وبيقول السعر خاص قصدو يغدر بالسعر او بس يرفع البوست لمهم اللي ما بيحط سعر نصيحة لا تعبروه
🖤
