Vica Web Solutions

Vica Web Solutions شركة تطوير وتدريب برمجية

يسر فريق عمل Vica web solution أن يتقدم بأحر التهاني والتبريكات للاستاذ محمد أسامة أبو زيد بمناسبة حصوله على درجة الماجس...
08/10/2026

يسر فريق عمل Vica web solution أن يتقدم بأحر التهاني والتبريكات للاستاذ محمد أسامة أبو زيد بمناسبة حصوله على درجة الماجستير التأهيلي والتخصصي في علوم الحاسوب من الجامعة الافتراضية السورية بتقدير امتياز.
إن هذا الإنجاز الأكاديمي المتميز يعكس حرص إدارتنا الدائم على التميز والتطوير المستمر، ونحن فخورون بأن يقود مسيرتنا قادة يجمعون بين الرؤية الاستراتيجية والمعرفة التقنية العميقـة.
متمنين له دوام التقدم والنجاح في مسيرته العلمية والعملية، لمزيد من الابتكار والريادة.

🚀 من تطوير المهارات… إلى بناء مشاريع تصل لأسواق متعددة!نفخر في شركة Vica بالمهندس ورائد الأعمال غيث القطّان، أحد متدرّبي...
06/10/2026

🚀 من تطوير المهارات… إلى بناء مشاريع تصل لأسواق متعددة!

نفخر في شركة Vica بالمهندس ورائد الأعمال غيث القطّان، أحد متدرّبينا في مسار Fullstack Development، ومؤسس الـ Startup «موجود» المتخصص في مجال البطاقات الرقمية.

غيث ما اكتفى بتعلّم البرمجة أو تنفيذ مشروع تدريبي؛ بل حوّل خبرته التقنية وطموحه الريادي إلى مشاريع فعلية استطاعت الوصول إلى أسواق مختلفة.

🌍 انتشرت مشاريعه في السوق البريطاني والسوق السعودي، وامتد حضورها إلى مختلف محافظات الجمهورية العربية السورية، ليواصل بعدها رحلته بإطلاق «موجود» كخطوة جديدة تجمع بين التقنية والتجارة الإلكترونية وتقدّم حلولًا مبتكرة في عالم البطاقات الرقمية.

مشروع «موجود» يعكس رحلة غيث من تطوير المهارات البرمجية إلى بناء Startup حقيقي، وفهم احتياجات السوق، وتحويل الأفكار إلى منتجات رقمية قابلة للاستخدام والنمو.

في Vica، نؤمن إنو نجاح التدريب ما بيتوقف عند تعلّم التقنيات، وإنما بيظهر لما المتدرّب يقدر يوظّفها في مشروعه، يختبرها بالسوق، ويبني من خلالها فرصة حقيقية. 💙

🎓 ولمتدرّبي Vica خصم خاص من «موجود» لتحصلوا على اشتراكاتكم المفضلة بأدوات الذكاء الفائق وغيرها كتير 😁

استخدموا كود الخصم:
VICA_UP
وامسحوا رمز الـ QR الموجود في التصميم للوصول إلى موجود والاستفادة من العرض. 🛍️

كل الدعم والفخر بالمهندس غيث القطّان، ونتمنى لمشروع «موجود» انتشارًا أوسع ونجاحات أكبر في المرحلة القادمة. ✨

#موجود

🚀 إضافة لغة جديدة لتطبيق React مو مجرد ترجمة كلمات… هي جزء أساسي من بناء تجربة مستخدم احترافية!هون بيجي دور i18next وrea...
28/09/2026

🚀 إضافة لغة جديدة لتطبيق React مو مجرد ترجمة كلمات… هي جزء أساسي من بناء تجربة مستخدم احترافية!

هون بيجي دور i18next وreact-i18next 👨‍💻🌍

🔹مكتبة i18next بتساعدك على إدارة النصوص واللغات وصيغ الجمع والقيم المتغيرة بطريقة منظّمة.

🔹مكتبة react-i18next بتربط نظام الترجمة بمكونات React، وبتخلي الواجهة تتحدث تلقائيًا لما المستخدم يغيّر اللغة.

وإذا كان تطبيقك بيدعم اللغة العربية، لازم تنتبه لموضوع أكبر من ترجمة النصوص، مثل:

✅ دعم اتجاهي RTL وLTR
✅ تنظيم ملفات وموارد الترجمة
✅ التعامل مع صيغ الجمع العربية
✅ حفظ لغة المستخدم المفضلة
✅ استخدام لغة احتياطية للنصوص الناقصة
✅ ترجمة رسائل الخطأ وعناصر قابلية الوصول
✅ المحافظة على تصميم متناسق بين اللغات

🔥 في مقالتنا الجديدة من Vica، منشرح الترجمة في تطبيقات React بطريقة أكاديمية ومنظّمة، وبنربط المفاهيم النظرية بتجربة عملية ومشروع مفتوح المصدر.

إذا بدك تبني تطبيق React متعدد اللغات بطريقة قابلة للتوسع والصيانة… المقالة والمشروع رح يعطوك نقطة بداية واضحة وعملية. 🚀

🔗 رابط المقالة والتجربة العملية والكود موجودين بأول تعليق.

✨ كل واجهة بتبدأ بفكرة… ومع التدريب الصح، الفكرة بتتحوّل إلى مشروع حقيقي.من هون بدأت رحلة المتدربة صبا أبو بكر مع شركة V...
26/09/2026

✨ كل واجهة بتبدأ بفكرة… ومع التدريب الصح، الفكرة بتتحوّل إلى مشروع حقيقي.

من هون بدأت رحلة المتدربة صبا أبو بكر مع شركة Vica ضمن تدريب Front-End Development:

«من البداية، كان عندي شغف كبير ببرمجة الواجهات وتصميمها، وكان هدفي إني أكمل مستقبلًا بمجال الـ Front-End وأقدر حوّل الأفكار اللي بمخيلتي إلى تطبيقات ومشاريع واقعية.

لهيك قررت أرسم طريقي من البداية مع شركة Vica، لأنّي ما كنت حابة اكتفي بالمعلومات النظرية؛ كنت بدي أتعلّم من خلال التدريب العملي والتطبيق المستمر.

وفعلًا، كانت رحلة جميلة جدًا ساعدتني أصقل مهاراتي وأطوّرها خطوة بخطوة. كل فكرة جديدة كنت أتعلّمها، كنت أطبّقها بشكل عملي، وهذا الشي خلاني أفهم المجال بطريقة أعمق وأقرب لبيئة العمل الحقيقية.

الدعم اللي حصلت عليه من المهندسين كان جزءًا أساسيًا من تجربتي. ما قصّروا معي بأي معلومة أو خبرة، وكانوا دائمًا موجودين للتوجيه والمتابعة، حتى يساعدوني أكون جاهزة لسوق العمل وأكمل مسيرتي الدراسية والمهنية بثقة أكبر.

اليوم، بحس إني صرت أقرب بكتير لهدفي، وقدرت أبني أساسًا حقيقيًا يساعدني أكون مطوّرة أفضل وأحوّل أفكاري إلى واجهات وتطبيقات فعلية.

كل الشكر لكادر Vica الرائع على كل الدعم والخبرة والثقة اللي منحوني ياها. 🤍🚀»

تجربة صبا بتأكد إنو الشغف هو البداية، لكن التطبيق والمتابعة والتوجيه الصح هنن اللي بيحوّلوه إلى مهارة حقيقية.

📩 إذا عندك شغف بتصميم وبرمجة الواجهات، ابدأ رحلتك مع تدريب Front-End Development في شركة Vica.

✨ لما يكون الشغف موجود، التدريب الصح ما بيعطيك معلومات وبس… بيختصر عليك الطريق وبيوصّلك لمستوى ما كنت تتوقع توصله بهالسر...
22/09/2026

✨ لما يكون الشغف موجود، التدريب الصح ما بيعطيك معلومات وبس… بيختصر عليك الطريق وبيوصّلك لمستوى ما كنت تتوقع توصله بهالسرعة.

هيك بتوصف المتدربة رؤى الزومان تجربتها مع شركة Vica ضمن تدريب Front-End Development:

«بصراحة، تجربتي مع شركة فيكا كانت من أحلى التجارب اللي خضتها. 🤍

من البداية كان عندي شغف كبير بمجال الـ Front-End، وكنت حابة أتعلّم وأطوّر حالي فيه، بس ما كنت متوقعة إني خلال فترة قصيرة أوصل لمراحل ومستوى ما كنت أتخيّل إني أوصله بهالسرعة.

الشي اللي فرق معي فعلًا هو الدعم والتوجيه من فريق المدربين، وطريقة التدريب العملية اللي ساعدتني أفهم كل فكرة باحترافية، مو بس أحفظ معلومات وأطبّقها وخلاص.

خلال التدريب، حسّيت إني عم أتطوّر خطوة بخطوة. ومع كل مهارة أو فكرة جديدة كنت أتعلّمها، كان حماسي يكبر أكتر، وكنت أتأكد إني اخترت المجال الصح إلي. ✨

وبصراحة؟ أبدًا ما ندمت إني سجّلت مع فيكا. بالعكس، أنا سعيدة جدًا بهالقرار وبكل شي تعلّمته لحد الآن، وإن شاء الله مكملة بهالطريق لحتى أوصل للمستوى والهدف اللي بطمحله.

شكرًا لفريق فيكا على كل الدعم والثقة… وإن شاء الله الجاي أحلى وأكبر. 🚀🤍»

في Vica، منؤمن إنو التدريب الحقيقي مو مجرد محتوى؛ هو تطبيق، متابعة ودعم بيحوّل الشغف إلى مهارة، والمهارة إلى خطوة حقيقية باتجاه سوق العمل.

📩 إذا عندك الشغف، يمكن تدريب Front-End Development يكون بداية قصتك أنت كمان.

✨ في لحظة معيّنة، ما بيعود السؤال: شو تعلّمت؟بيصير السؤال الحقيقي: شو صرت قادرة أبني؟وهون بلشت قصة هبة الأحمد مع شركة Vi...
20/09/2026

✨ في لحظة معيّنة، ما بيعود السؤال: شو تعلّمت؟
بيصير السؤال الحقيقي: شو صرت قادرة أبني؟

وهون بلشت قصة هبة الأحمد مع شركة Vica.

«بعد تخرّجي من كلية الهندسة المعلوماتية، كنت عم دوّر على تجربة تساعدني أوصل لأفضل نسخة مني بمجالي، وتمنحني خبرة عملية حقيقية بتطوير مواقع الويب، مو بس معلومات نظرية.

اخترت مسار Front-End Development مع Vica، والشي اللي ميّز التجربة إنو التدريب كان منظّم ضمن مراحل واضحة ومدروسة، بإشراف مختصين، ومع تطبيق مستمر من خلال مشاريع واقعية.

قبل التدريب، كانت فكرة بناء موقع كامل تشكّل تحدّي كبير إلي:
من وين لازم أبدأ؟
كيف بحوّل الفكرة اللي براسي لموقع حقيقي؟
وشو الخطوة الصح قبل ما أكتب أول سطر كود؟

مع التدريب فهمت إنو البرمجة مو بس كتابة كود، وإنما طريقة تفكير متكاملة.

تعلّمت كيف أفهم المشروع وأخطّطله، وكيف أقسّمه لأجزاء واضحة، وأحدد وظيفة كل جزء وعلاقته بباقي العناصر، وبعدها أبدأ بالبناء خطوة بخطوة.

ومع كل مشروع، كنت ألاحظ تطورًا حقيقيًا بمهاراتي وثقتي. والشي اللي كان بالبداية تحدّي وخوف، صار اليوم مهارة بفتخر فيها.

صرت قادرة أبني مواقع تفاعلية ومتجاوبة مع مختلف الشاشات والأجهزة، وصار تطوير الواجهات بالنسبة إلي تجربة ممتعة، مو مجرد مهمة لازم أنجزها.

أهم شي أخدته من تجربتي مع Vica مو بس تعلّم تقنيات وأدوات جديدة، بل طريقة تفكير حقيقية كمطوّرة، وثقة أكبر بقدراتي، وشعور إنّي صرت أقرب لسوق العمل.

وإذا بدي ألخّص تجربتي بجملة، بقول:

تدريبات Vica نقلتني من مرحلة: بدي أتعلّم تطوير الويب… لمرحلة: أنا فعلًا بقدر أبني وأطوّر موقع ويب من الصفر. 🚀»

تجربة هبة بتأكد إنو التدريب الحقيقي ما بيعطيك معلومات وبس؛ بيعطيك طريقة تفكير، خبرة عملية، وثقة تخليك تحوّل أفكارك إلى مشاريع حقيقية. 💙

📩 ابدأ تجربتك مع Vica وتعرّف على تفاصيل تدريب Front-End Development.

💙 مو المهم تتعلّم كل تقنية لحالها… المهم تعرف كيف تجمعهن لتبني مشروع متكامل.خلال تدريب Frontend Development، قدرت المتدر...
18/09/2026

💙 مو المهم تتعلّم كل تقنية لحالها… المهم تعرف كيف تجمعهن لتبني مشروع متكامل.

خلال تدريب Frontend Development، قدرت المتدربة آلاء حفناوي تنتقل من تعلّم الأدوات بشكل منفصل، إلى فهم الصورة الكاملة وطريقة بناء واجهات منظّمة باستخدام React.

وهيك وصفت تجربتها:

💬 «الشي اللي عجبني بالتدريب إنو خلّاني شوف الـ Frontend بطريقة مختلفة. قبل، كنت أتعلّم كل تقنية أو فكرة لحالها، أما خلال التدريب صرت أفهم كيف كل هالأشياء بتجتمع مع بعضها لتعمل مشروع متكامل.

خصوصاً مع React، صار عندي فهم أوضح لطريقة بناء الواجهات وتنظيم المشروع، وصرت أعرف ليش عم استخدم كل شغلة… مو بس كيف استخدمها.

ومع التطبيق، أكيد واجهت مشاكل وتحديات حقيقية. وهون حسّيت إنو طريقة تعاملي معها تغيّرت؛ بدل ما وقف عند أول شي ما يزبط معي، صرت حاول أفهم السبب وأجرّب لحتى أوصل للحل.

هاد الشي كان كتير مهم إلي، لأنو خلّاني حس إنّي عم ببني أساس حقيقي بالمجال… مو بس عم أتعلّم أداة جديدة.»

تجربة آلاء بتلخّص هدف التدريب:
إنك ما تحفظ أدوات وتقنيات وبس، بل تفهم كيف وليش ووين تستخدمها، وتعرف تجمعها ضمن مشروع فعلي قادر تطوّره بثقة. 🚀

إذا بدك تبني أساس قوي وتحوّل معرفتك بـ HTML وCSS وJavaScript وReact إلى مهارة عملية… يمكن قصتك تبلّش من هون.

📩 التسجيل متاح في تدريب Frontend Development مع VicaUp.

تتقدّم شركة Vica Web Solutions بأجمل التهاني والتبريكات لمتدربيها بمناسبة تخرّجهم وإتمام مشروع تخرجهم الجامعي بنجاح 👏🏻💙🔹...
16/09/2026

تتقدّم شركة Vica Web Solutions بأجمل التهاني والتبريكات لمتدربيها بمناسبة تخرّجهم وإتمام مشروع تخرجهم الجامعي بنجاح 👏🏻💙

🔹 محمد زكريا إسماعيل - Full Stack Development

🔹 أنس بركات رفاعية - Frontend Development

🔹 عبد الهادي الرفاعي - Frontend Development

🔹 عبد الكريم جاموس - Full Stack Development

وبهذه المناسبة، نفتخر بإنجازهم المتمثّل في مشروع التخرّج:
🚛 النظام الذكي لإدارة الشحن وسلاسل الإمداد - FLEETX

مشروع يجسّد توظيف المهارات البرمجية التي اكتسبوها وتطويرها ضمن تجربة عملية حقيقية، من الفكرة والتصميم إلى بناء نظام متكامل. 👨‍💻

نتمنى لكم مسيرة مهنية حافلة بالإبداع والتميّز، وننتظر أن نرى FLEETX وغيرها من أفكاركم تتحول إلى إنجازات أكبر في المستقبل. 💙🩵

مبارك لكم هذا الإنجاز… ومنها للأعلى دائماً 🎓👏🏻


🧠 الفرق الحقيقي مو إنك تحفظ الحل… الفرق إنك تتعلّم تسأل السؤال الصح.لما بلّشت سيدره نمورة رحلتها بتعلّم Laravel Backend ...
13/09/2026

🧠 الفرق الحقيقي مو إنك تحفظ الحل… الفرق إنك تتعلّم تسأل السؤال الصح.

لما بلّشت سيدره نمورة رحلتها بتعلّم Laravel Backend Development، كانت بدها تعرف كيف تحلّ المشكلة. بس مع الوقت، اكتشفت إنو الأهم هو تعرف ليش صارت المشكلة من الأساس.

وهيك وصفت تجربتها:
💬 «بالبداية، لما كنت واجه مشكلة بالكود، كان كل همّي: كيف بدي حلّها؟
أما اليوم، صار أول سؤال بيخطرلي: ليش صارت المشكلة من الأساس؟
ويمكن هاد أكتر شي تغيّر فيني خلال رحلتي بتعلّم Laravel Backend Development مع Vica.

الـ Backend بالنسبة إلي ما عاد بس APIs وقواعد بيانات وكود لازم يشتغل. صار البحث جزء من الشغل، والخطأ جزء من التعلّم، والمشكلة مو شي لازم أتخلّص منه بأسرع وقت… صارت شي لازم أفهمه.

كل Task واجهته كان معه تحدّي جديد، وكل تحدّي كان يفتح قدامي أسئلة أكتر من الأجوبة. أبحث، جرّب، أغلط، أرجع حلّل، وغيّر طريقة تفكيري… لحتى أوصل للحل.

والأهم إنو مع Vica ما كان الطريق جاهز قدامي. كان في فريق يوجّهني ويدعمني، وبنفس الوقت يتركلي مساحة جرّب واكتشف بنفسي. ويمكن هون كانت التجربة الحقيقية.
مو بس إنك تتعلّم تقنية جديدة… إنك تتعلّم شو تعمل لما ما بتكون عارف الحل.

واليوم، لما برجع لبدايتي، بحس إنو أكبر فرق مو بعدد الأشياء اللي تعلّمتها… الفرق إنو المشكلة اللي كانت توقفني زمان، صارت اليوم أول مكان ببلّش منه. 💪»

تجربة سيدره بتختصر شو يعني تتعلّم Backend عن جد:
مو بس تكتب كود يشتغل… بل تبني عقلية بتساعدك تفهم، تحلّل، وتوصل للحل بثقة. 🚀

إذا بدك تنتقل من البحث عن حلول جاهزة إلى إنك تبني الحل بإيدك، يمكن قصتك تبلّش من هون.

📩 التسجيل متاح بتدريب Laravel Backend Development مع VicaUp.

🚀 أحياناً… كل قصة نجاح بتبدأ بقرار صغير: «بدي بلّش».كرم بدأ تدريب Frontend Development معنا من دون خبرة كبيرة، لكن كان ع...
07/09/2026

🚀 أحياناً… كل قصة نجاح بتبدأ بقرار صغير: «بدي بلّش».

كرم بدأ تدريب Frontend Development معنا من دون خبرة كبيرة، لكن كان عنده الشغف والإصرار ليتعلّم صح. واليوم، بيشاركنا تجربته بكلمات صادقة:

💬 «لما بلشت، ما كان معي خبرة كتيرة… بس كان معي قرار إني أتعلّم صح، وهاد بالضبط اللي صار.
Vica ما علّمتني معلومات وبس؛ علّمتني كيف فكّر، كيف جرّب، وكيف حوّل كل فكرة لنتيجة فعلية. بكل خطوة كان في متابعة ودعم، وكان عندي إحساس حقيقي إنو في حدا مؤمن بقدراتي وعم يساعدني حتى أنجح.

حتى الأخطاء تغيّرت نظرتي إلها… بطّلت تكون سبب للخوف، وصارت جزء من التعلّم والتقدّم. ومع كل تطبيق وتحدٍّ، كنت شوف الفرق بمهاراتي وثقتي بحالي.

اليوم لما بحكي عن تجربتي، ما بحكي عن تدريب وبس… بحكي عن مرحلة غيّرت طريقة تفكيري، وعن فريق آمن فيني وساعدني آمن أكتر بحالي.

هيك بتبدأ القصص الحقيقية: قرار، خطوة، ثقة… ونتيجة بتستاهل كل التعب. 💪»

قصة كرم بتذكّرنا إنك ما لازم تكون خبير حتى تبدأ…

يكفي يكون عندك القرار، ونحن منمشي معك الطريق خطوة بخطوة. 🔥

جاهز تبدأ قصتك في عالم الويب؟

📩 التسجيل متاح الآن ضمن تدريبات VicaUp

Address

Damascus

Opening Hours

Monday 12:00 - 21:00
Tuesday 12:00 - 21:00
Wednesday 12:00 - 21:00
Thursday 12:00 - 21:00
Saturday 12:00 - 21:00
Sunday 12:00 - 21:00

Website

Alerts

Be the first to know and let us send you an email when Vica Web Solutions posts news and promotions. Your email address will not be used for any other purpose, and you can unsubscribe at any time.

Shortcuts

Share

Category