17/07/2026
اليوم ما عم سكر محل… اليوم عم سكّر فصل كامل من حياتي.
10 سنوات من التعب، والسهر، والخوف، والأمل، والنجاح، والإخفاق… 10 سنوات كانت اجمل أيام العمر.
أيماك ما كان مجرد اسم على واجهة محل، كان قصة ما رح تخلص ، وحلم عشت تفاصيله يوم بيوم، وبنيته من الصفر بمحبة وثقة الناس.
لكن الحياة أحيانًا بتجبرنا نترك الأماكن اللي منحبها، مو لأننا تعبنا منها… بل لأن طريقنا أخدنا لمكان ثاني .
شكرا لكل زبون وثق فيني، ولكل شخص دعمني أو حتى مرّ من باب المحل بكلمة طيبة… شكرًا من القلب. أنتو كنتوا السبب الحقيقي وراء كل نجاح.
عم سكر المحل اليوم، لكن الذكريات، والوجوه، والسنين الجميلة، رح تبقى محفورة بالقلب للأبد.
وداعًا iMac… ووداعًا لعشر سنوات لن تتكرر.
من القلب… شكرًا للجميع. ❤️
