10/12/2020
Toddobo Arimood oo muhiim ah inaad wax ka ogaato!
1. Waa maxay Acraaf
=Acraaf Waa meel u dhexayso Jannada iyo Naarta, waa derbi dheer oo dadka saaran ay ka wada arkayaan ehlu jannaha iyo ehlu naarka, aakhirna uu alle geeyn doono jannada, naartana ma gelayaan, sida ugu raajixsanna waa qolo ay isku miisaan noqdeen wanaaggooda iyo xummaantooda.
2. Jannadu xaggay ku taallaa? =Jannadu waxay ku taallaa Samada 7aad korkeeda, marka uu alle samada duubo maalinta qiyaamo jannadu meesheeda ayay ahaanaysaa, saqafkeeduna waa carshiga hoostiisa waxayna leedahay 8 Albaab.
3. Naartu waa xaggay ku tallaa? =Naartu waxay ku taallaa dhulka 7aad hoostiisa waxaana la yiraahdaa Sijiin waxayna leedahay 7 albaab.
4. Maalinta Qiyaamo muddadeeda waa imisa? = Muddadeeda waa 50,000 oo sano, waa 50 Mowqif [seben] halkii mawqifna waa 1,000 sano.
5. Waa maxay Sidratul Muntahaa? =waa geed weyn oo salkiisu uu yahay samada 6aad faraciisana uu gaarayo samada 7aad, caleemahiisuna ay le egyihiin dhegaha maroodiga, mirihiisuna la egyihiin ashuun ![Kuud] weyn oo kale, jannada bannaankeeda ayuu ku yaallaa, geedkaas agtiisa ayuu Rasuulku sallalahu calayhi wasallam markii labaad ku arkay Malakul Jibriil.
6. Waa maxay xuural ceyn? =Waa xaasaska ragga mu’miniinta ee jannada, dad ma ahan, jinni ma ahan malaa’ikna ma ahan, Alle ayaa jannada si gaar ah ugu abuuray, haddii mid ka mid ah adduunka usoo muuqato waxaa ifi lahaa meesha qoraxda kasoo baxdo iyo meesha ay qorraxda u dhacdo.
7. Wildaan Mukhaladduun maxay yihiin? =waa adeegayaasha jannada dad ma ahan, jinni ma ahan malaa’ikna ma ahan, wuxuu alle u abuuray sida xuural ceynta oo kale oo jannada oo kaliya ayuu ku dhex abuuray, waana adeegayaal aad u qurux badan dhan walba.
Alxamdulillaah, dheh! haddii aad intaas wax ka ogaatay!
Sii faafi dadka kugu xiran ha ogaadeenee iyaguna, waxaan alle ka baryayaa in uu nawada geeyo janno aan cadaab ka horreyn annaga, waalidkeen, carruurteen, saaxiibadeen iyo dhammaan muslimiinta oo dhanba.
W/Q Sh. Muse xasan.
