30/08/2026
انتوا هونر دي
في تحدي مع المساحة ولا شنو !!🤔
كدي يا جماعة اي زول يعاين يمينه وشماله في أي لافتة جمبك هاااا هناك في حاجة ؟!
هاااا انت القاعد جمب ست الزلابية دي ساكن وين انت ؟! في لافتة في حلتكم
خالتو حواء 💚
أكبر تجار الموية الحارة في البلد دي الشاي الصاح لاقتك لافتة زييي دي ؟!!
سراج .. اشرب شايييك دا واتخارج مني 😂
المهم خلونا نخش في الموضوع طوالي
بدون اي مقدمات
الو السلام عليكم ... وعليكم السلام الحاصل كالآتي
قررت اني ارجع للمراجعات من تاني بس بدون زعل للتجار او شركات او مستخدمي الاجهزة
طيب حيكون عندنا فكرة جديدة للمرجعات وهي انه المراجعة حتكون على كم بوست وكل مراجعة بإسم معين
حنبدأ بمراجعة الانطباع الاول ودي دائماً بتحكي عن مواصفات الجهاز على الورق يعني قبل المراجعة والتجربة
بعدها فقرة الايجابيات ودي بتكون بعد تجربة الجهاز والمراجعة وبنتكلم عن نقاط القوة والمميزات والفوائد
بعدها فقرة حزينة منك
ودي بكون طبعا برضو بعد تجربة الجهاز ومراجعته وطلعنا بالسلبيات والعيوب وبنقول الكلام بالواضح بدون أي زعل
واخر حاجة فقرة يستحق الشراء أو لا يستحق مع الأسباب والترشيح المناسب
طيب بما انه حالياً تابلت HONOR Pad X8b هو أكتر حاجة منتشرة حالياً في شوارع السودان خلونا نبدأ بفقرة مراجعات الأجهزة بالتابلت
عايز منكم توروني أي موبايل ممكن نعمل ليه مراجعة بعد التابلت انتوا اختاروا وأنا حجيب الجهاز وسمعاً وطاعة
بداية مراجعات الأجهزة
وكل الحب والاحترام والتقدير لكم جميعاً ❤️
