EVO Store

EVO Store إيفـو إستور متجـر سودانـي متخصـص فـي بيـع اللابتوبات والايفونات ، يوفـر أحـدث الأجهـزة الأصلية
مع خدمات ما بعد البيع وضمانات موثوقة 🥇

🏅للمحترفين- المحاسبين-المكاتبمتوفره نسخه وحيده من اللابتوب الممتاز جدآ HP probook 450 G7 شاشه 15.6 إنش▫️الشركه : HP ▫️ال...
05/10/2026

🏅للمحترفين- المحاسبين-المكاتب
متوفره نسخه وحيده من اللابتوب الممتاز جدآ HP probook 450 G7 شاشه 15.6 إنش

▫️الشركه : HP
▫️الموديل: HP probook 450 G7
▫️المعالج: Intel Core i5-10th (10th Gen)
▫️معالج الجيل العااشر
▫️الرامات: 8GB DDR4
▫️مساحة التخزين: 256GB SSD
▫️الشاشة: 15.6" FHD (1920 x 1200)
▫️النظام: Windows 11 pro
▫️كيبورد مضئ
▫️بصمه اصبع
▫️تصميم معدني بالكامل
▫️منافذ متعدده: HDMI / Type-c/ RG Connection
▫️بطاريه ممتازه جداً

⌚️كلاس بزنس. أداء قوي، سرعة فائقة، وتجربة مصممة للمحترفين
🔆شاحن
🔆شنطه
🔆ضمان شهر
—————————————
السعر: اكتب تم فقط يصلك

📲اتصال / واتساب : 0116483029

لـ شنو الـ RAM من أهم الوحدات في الجهاز...!!؟ اي زول لمن يسأل عن اي جهاز لازم يسأل عن الرام حقه كم وهو عارف انه كل ما زا...
02/10/2026

لـ شنو الـ RAM من أهم الوحدات في الجهاز...!!؟

اي زول لمن يسأل عن اي جهاز لازم يسأل عن الرام حقه كم
وهو عارف انه كل ما زاد الرام كان افضل بالنسبة ليه، لكن حصل سألت نفسك شنو هو الرام أصلاً؟ وليه مهم للدرجة دي؟

الرام RAM هي الذاكرة المؤقتة والسريعة جداً في الجهاز، والكمبيوتر بستخدمها عشان يحتفظ بالحاجات الشغالة معاك في اللحظة دي: البرامج المفتوحة، الملفات البتعدل فيها، وأجزاء من اللعبة أو البرنامج.

وعشان أبسط ليك الشرح اتخيل في طباخ شغال في مطعم (الطباخ دا هو معالج الحاسب لانه هو البعالج الطلبات أو بطبخها )، المخزن الكبير هو الـ SSD & HDD، بس الطباخ دا عايز يجيب المعدات بتاعته دي قريبة منه حيختها وين؟ حيختها في الطربيزة الـ قدامه والطربيزة دي دي هي الـ RAM
وكل ما زاد حجم الطربيزة دي كل ما كان مريح للطباخ دا وبقدر يجيب مواد(تطبيقات،مواقع) أكتر ويصل ليها أسرع. بس لو الطاولة دي بقت صغيرة الطباخ حيضطر كل مرة يمش المخزن الكبير(وحدة التخزين) ويجيب منه ادوات ودا بياخد وقت وجهد.

طيب ليه سعر الرامات بقى غالي للدرجة..
ببساطة الطلب على الذاكرة زاد بصورة كبيرة بسبب الذكاء الاصطناعي ومراكز البيانات، والشركات المصنعة للذاكرة زي Samsung وSK Hynix وMicron عندها إنتاج محدود ومصانع توسعتها ما بتحصل بين يوم وليلة.

كمان جزء كبير من الإنتاج بقى متوجه لأنواع ذاكرة متقدمة زي HBM المستخدمة في أنظمة الذكاء الاصطناعي، لأنها بتوفر عرض نطاق ترددي ضخم ومناسبة جداً للمعالجات والـ GPU الخاصة بالـ AI.
وده ممكن يقلل المعروض من بعض أنواع ذاكرة المستهلكين ويرفع الأسعار.

طيب الذكاء الاصطناعي محتاج كل الذاكرة دي ليه؟
نماذج الذكاء الاصطناعي الكبيرة عبارة عن أعداد هائلة من القيم الرقمية، وكل ما النموذج يكبر، بيحتاج ذاكرة أكتر عشان يتم تحميل البيانات ومعالجتها.

اتخيل إنه الطباخ دا عمله بتطلب منه مكنة تصنيع كبيرة
لو الطاولة بقت صغيرة، الطباخ ما بقدر يجيب قدامه كل الحاجات المحتاجها، وحيضطر يرجع للمخزن باستمرار.

عشان كدا أنظمة الذكاء الاصطناعي محتاجة ذاكرة كبيرة وسريعة جداً.
وبرضو كل ما كان السياق البتتعامل معاه أطول، زي محادثة طويلة أو ملف كبير، ممكن تزيد كمية الذاكرة المطلوبة أثناء المعالجة.

طيب أنا بحتاج كم جيجا رام؟
االاحابة على السؤال دا بتكون على حسب استخدامك؛ لو استخدامك يومي، دراسة، تصفح وبرامج خفيفة: 16GB غالباً كفاية.

لو شغلك برمجة، تصميم، مونتاج أو ألعاب تقيلة: 32GB خيار مناسب ومريح أكتر.

في المرة الجاية لمن تشوف لابتوب مكتوب في مواصفاته 8GB أو 16GB أو 32GB RAM، ما تعتبرها مجرد أرقام.

اسأل نفسك أنا بستخدم الجهاز في شنو؟ وكم برنامج محتاج أشغله في نفس الوقت؟

لو عايز تعرف أكتر عن عالم الحواسيب تابع الصفحة دي.

واحدة من أهم الحاجات الـ لازم تراعيها وإنت بتختار أي لابتوب... هي حجم الشاشة أغلب الناس لمن يقرروا يشتروا أي جهاز بركزوا...
29/09/2026

واحدة من أهم الحاجات الـ لازم تراعيها وإنت بتختار أي لابتوب...
هي حجم الشاشة

أغلب الناس لمن يقرروا يشتروا أي جهاز بركزوا مع المعالج، التخزين، الرم، بس بنسوا أهم شيء وهي الشاشة ودا ما بعني انه ما مهمات بس الشاشة انت بتشتغل بيها كل يوم والاختيار الغلط ممكن يكلفك أكتر.

في البوست دا حنتكلم ليكم فيه عن أحجام الشاشات وكيف تختار الشاشة المناسبة لاستخدامك.

أول حاجة لازم تعرفها انه في كم حجم للشاشة
مقاس 13، 14، 15.6،16 و17.3 بوصة.

طيب كيف تختار المقاس المناسب لاستخدامك

لو إنت طالب، أو شغلك أغلبه كتابة وتصفح ودراسة، وبتتحرك باللابتوب كتير، مقاس 13 أو 13.3 بوصة ممكن يكون مناسب ليك.
لأنه خفيف وسهل تتنقل بيه في اي حتة، لكن مساحة العمل محدودة. يعني لو بتفتح أكتر من برنامج أو نافذة في نفس الوقت، ممكن تحس إنو المساحة ضيقة.

الـ14 بوصة بيديك توازن كويس بين الحاجتين.
سهل في الحركة، وفي نفس الوقت عندك مساحة شاشة أريح. عشان كده مناسب للطلاب، الفريلانسرز والزول الشغال شغل مكتبي وبيتنقل كتير.

أما الـ15.6 بوصة، فهنا مساحة العمل بتكبر بصورة واضحة، لو إنت مصمم، مبرمج أو بتشتغل في المونتاج، المساحة الإضافية ممكن تفرق معاك، خصوصاً لو بتتعامل مع برامج فيها أدوات ونوافذ كتيرة.

لكن في المقابل، اللابتوب حيكون أكبر وأثقل، وده مهم لو إنت بتشيلو معاك كل يوم.
ولو شغلك أغلبه في المكتب وما بتتحرك كتير، ممكن تشوف مقاسات 16 لحد 17.3 بوصة.

عشان كده ما تختار حجم الشاشة لمجرد إنو أكبر، اختار على حسب يومك.
لأنه في النهاية، المقاس المناسب ليك هو المقاس البخدم استخدامك، ما بالضرورة أكبر مقاس موجود.

إنت بتستخدم اللابتوب في شنو؟ وبتتحرك بيهو كتير ولا غالباً شغلك من مكان ثابت؟
اكتب لينا، وخلينا نشوف المقاس الأنسب لطريقةاستخدامك.

قبل ما تشتري أي جهاز مستعمل لازم تفحص الجهازقبل الشراء..لأنه عادي ممكن تخسر قروشك، تشتري جاهز شكله ممتاز وتنصدم بعد است...
28/09/2026

قبل ما تشتري أي جهاز مستعمل لازم تفحص الجهازقبل الشراء..

لأنه عادي ممكن تخسر قروشك، تشتري جاهز شكله ممتاز وتنصدم بعد استخدامه بأنه تالف أو فيهو حاجة ما تمام أو أعطاله كتيرة.

عشان كدا لو عايز تشتري لابتوب مستعمل، في تمانية حاجات لازم تتأكد منهم وتفحصهم قدام البائع وهي:

أول فحص:
افحص الجهاز من الخارج، افتح واقفل الشاشة كم مرة، اتأكد إنو المفصلات ثابتة وما فيها كسر أو حركة زيادة.
جرّب الكيبورد والتاتش باد، وعاين للحروف في الكيبورد. لو ممسوحة بشكل واضح، ممكن تكون علامة على استخدام شديد.

تاني فحص:
فحص الشاشة، افتح شاشة بيضاء بالكامل وفتش عن أي بقع أو نقاط غريبة
بعدها افتح شاشة سوداء بالكامل عشان تكشف الـDead Pixels وأي مشاكل واضحة في الشاشة.

تالت فحص:
افحص الكيبورد والصوت، استخدم Keyboard Tester وجرب كل أزرار الكيبورد، شغّل مقطع صوتي وارفع الصوت عشان تتأكد إنه السماعات ما فيها شخشخة أو تقطيع.

رابع فحص:
افحص الهارديسك، شوف ليك فلاش فيه برنامج CrystalDiskInfo
البرنامج بوريك حالة الهارد وعدد ساعات التشغيل، ودي نقطة مهمة جداً خصوصاً في الأجهزة المستعملة.(لو عايزين ممكن نتكلم عن البرنامج في بوست منفصل ).

خامس فحص:
افحص البطارية، ودي من أهم الحاجات افتح CMD كمسؤول واكتب:
"powercfg /batteryreport" حيطلع ليك تقرير البطارية، قارن بين:

Full Charge Capacity & Design Capacity (السعة الأصلية للبطارية وهي جديدة حسب تصميم الشركة & أقصى سعة البطارية قادرة تشحن ليها حاليا )

كل ما كانت النسبة أقرب لـ100% كان أفضل، ولو النسبة نازلة بصورة كبيرة، أعرف إنه البطارية محتاجة تغيير..

الفحص السادس:
افحص الحرارة والمروحة، شغّل الجهاز لـ فترة وراقب الحرارة، اسمع صوت المروحة واتأكد إنها شغالة بصورة طبيعية وما فيها صوت احتكاك أو طنين.

الفحص السابع:
جرب كل المنافذ والفتحات ما تفترض إنه كل حاجة شغالة.
جرّب الـUSB، الشاحن، السماعات، الواي فاي وأي منافذ تانية موجودة في الجهاز.

الفحص التامن والأهم:
افحص الـ BIOS
ادخل الـBIOS واتأكد إنو ما في Password مقفول عليك.
وبرضو افحص لو الجهاز مربوط بأنظمة حماية أو إدارة شركات زي Computrace / Absolute.

لو البائع رافض يخليك تفحص الجهاز، أو مستعجل عليك عشان تدفع، دي علامة تستاهل إنك توقف وتراجع قرارك.

والأفضل تشتري من محل أو شخص بيديك فترة ضمان وتجربة، عشان لو ظهرت مشكلة بعد ما ترجع البيت يكون عندك حق ترجع ليه، نحن في evo store بنقدم ليك كل الخدمات دي مع وجود ضمان وخدمة ما بعد البيع عشان تشتري وبالك مرتاح بدون قلق وخوف.

لو استفدت من المعلومات دي احفظ البوست، لأنه ممكن تحتاجه في يوم من الأيام ويوفر عليك تكلفة صيانة وما تنسى تعمل متابعة للصفحة لو عايز تعرف الجهاز المناسب ليك.

ورّينا اسم لابتوبك ونحنا بنحاول نخمن إنت بتشتغل شنو...؟ ولو لسه ما عندك لابتوب ورينا شغلك شنو ونقول ليك الجهاز المناسب ل...
25/09/2026

ورّينا اسم لابتوبك ونحنا بنحاول نخمن إنت بتشتغل شنو...؟

ولو لسه ما عندك لابتوب ورينا شغلك شنو ونقول ليك الجهاز المناسب ليك؟

ما بنبيع ليك بنختار معاك جملة سهلة تتقال لكن بالنسبة لينا الموضوع أكبر من مجرد شعار.قبل ما نفتح EVO Store لاحظنا حاجة بت...
22/09/2026

ما بنبيع ليك بنختار معاك جملة سهلة تتقال لكن بالنسبة لينا الموضوع أكبر من مجرد شعار.

قبل ما نفتح EVO Store لاحظنا حاجة بتتكرر كتير الزول ممكن يدخل يشتري لابتوب وهو ما عارف بالضبط شنو البناسب شغلو واحتياجو.

يختار جهاز بمواصفات عالية وبعد فترة يكتشف إنو دفع في حاجات ما كان محتاجها أو إنو الجهاز ما مناسب لطبيعة شغلو.

عشان كدا قررنا نشتغل بطريقة مختلفة أول سؤال بنسألو ما ميزانيتك كم؟

بنقول ليك شغال على شنو؟

لأنو شغلك هو البحدد احتياجك، ومنو بنقدر نحدد الجهاز المناسب ليك.

ولو ميزانيتك كبيرة لكن شغلك ما محتاج تدفع كل المبلغ دا، حنقول ليك بصراحة.

ولو شغلك محتاج جهاز أقوى حنوضح ليك السبب في النهاية هدفنا ما إنك تشتري جهاز وخلاص
هدفنا إنك تعرف إنت محتاج شنو وليه اخترناه ليك.

وده معنى ما بنبيع ليك بنختار معاك...❤️

تابعوا صفحة EVO Store لأنو حنشارككم أكتر عن الأجهزة والحاجات المهمة اللازم تعرفوها قبل ما تشترو لابتوب.

العرض النار والشرار من EVO store عرررض مميز جداا جهااز WORKSTATION من فئه معااالج H 🔥Lenovo ThinkPad P53 🖥️▪️بمعاالج كو...
20/09/2026

العرض النار والشرار من EVO store عرررض مميز جداا

جهااز WORKSTATION من فئه معااالج H 🔥

Lenovo ThinkPad P53 🖥️

▪️بمعاالج كور i9
▫️الجيل التااسع
▪️الراام 16 قيقاا DDR4
▪️هاردسك 512 قيقاا SSD
▪️كررت شاشه انتل 8 قيقاا

+ كررت شاشه منفصل انفيدياا 8 قيقاا Nvidia RTX4000

▫️بالشيير 16 قيقاا
▫️مقااس الشاشه 15.6 بوصه
▫️بدقه عاليه FHD
▪️تصمييم جمييل جداا
▪️كيبوورد لاايت 💡
▪️بصمه إصبع للحمايه
▫️مداخل Type c
▫️بمستوى نضافه 95‎%‎
▫️بطاريه 3/4 H 🔋

▪️الملحقات شاحن / شنطه / ماوس هديه

السعر 4.500 جنيه سوداني 🔥

لو مهتم باللابتوبات والعروض تابع صفحة EVO Store عشان توصلك الأجهزة والعروض الجديدة أول بأول 🔥❤️

لو إنت صاحب عمل مرتبط بالسوشال ميديا، مصمم جرافيك، بتشتغل في منظمة أو طالب جامعي..♥فغالباً MacBook Air M2 2022 ما بقى رف...
18/09/2026

لو إنت صاحب عمل مرتبط بالسوشال ميديا، مصمم جرافيك، بتشتغل في منظمة أو طالب جامعي..♥

فغالباً MacBook Air M2 2022 ما بقى رفاهية بالنسبة ليك بقى أداة أساسية لشغلك ودراستك 🔥

جهاز عملي يساعدك في إدارة حساباتك مهام السوشال ميديا، التصميم، والدراسة بكل سهولة.

وجاي ب بطارية جبارة..✅
متوفر الآن
علّق بكلمة «سعر» ونرسل ليك كل التفاصيل.

ولو داير جهاز أقل منو قول لينا شغلك شنو وبنرشح ليك الجهاز الأنسب ليك ولاحتياجك.

ما تشتري لابتوب مستعمل قبل ما تتأكد من الـ5 حاجات دي؟ ـ حالة البطارية وعدد دورات الشحن 🔋ـ حالة الشاشةـ حالة الكيبورد وال...
15/09/2026

ما تشتري لابتوب مستعمل قبل ما تتأكد من الـ5 حاجات دي؟

ـ حالة البطارية وعدد دورات الشحن 🔋

ـ حالة الشاشة

ـ حالة الكيبورد والمنافذ

ـ الـ SSD والـ RAM

ـ هل الجهاز Open Box / Used / Refurbished؟

وفي النهاية لأنو شكل الجهاز براهو ما بكفي تعرف حالتو في EVO بنفحص الجهاز قبل ما نعرضو ليك وبنوضح ليك حالتو ومواصفاتو عشان تعرف إنت بتدفع في شنو بالضبط.

وقول لينا بصراحة لو حتشتري لابتوب مستعمل أول حاجة بتتأكد منها شنو؟

عمالق ابل MacBook Air M2 2022Open Box استخدام أيام فقط 7 دورات شحن 16GB RAM 1TB SSDجهاز بحالة شبه جديدة بمعالج M2 وأداء ...
12/09/2026

عمالق ابل MacBook Air M2 2022

Open Box استخدام أيام فقط

7 دورات شحن

16GB RAM 1TB SSD

جهاز بحالة شبه جديدة بمعالج M2 وأداء قوي.

اكتب سعر في التعليقات ونرسل ليك كل التفاصيل في الخاص.

Address

Khartoum

Telephone

+249116483029

Website

Alerts

Be the first to know and let us send you an email when EVO Store posts news and promotions. Your email address will not be used for any other purpose, and you can unsubscribe at any time.

Shortcuts

Share

Category