02/05/2025
يا شباب، الليلة دايرن نتكلم عن الفرق بين عدسات الكاميرات 2.8mm و3mm و6mm مهم شديد لو دايرين تركّبوا نظام مراقبة
كتير من الناس بتحتار لما تسمع بي عدسات زي 2.8mm أو 6mm، وبتفتكر إنها حاجات بسيطة، لكن في الحقيقة العدسة بتحدد شكل الصورة وشنو الحاجات البتشوفها الكاميرا.
أها نجي للشرح:
عدسة 2.8mm:
دي عدسة زاويتها واسعة، يعني بتغطي مساحة كبيرة (Wide Angle)، لكن التفاصيل البعيدة ما بتكون واضحة شديد. ممتازة للمحلات الصغيرة أو الغرف، لأنها بتوريك أكبر قدر من المشهد.
عدسة 3mm:
زاويتها برضو واسعة شوية زي 2.8mm، لكن أضيق منها بسيط، وبتديك شوية تركيز أكتر على المسافات القريبة. مناسبة لو داير تغطي مساحة واسعة لكن مع شوية تفاصيل أوضح من 2.8mm.
عدسة 6mm:
دي عدسة زاويتها ضيقة (Narrow Angle)، يعني ما بتغطي مساحة كبيرة، لكن بتشوف بعيد بصورة أوضح. ممتازة لو داير تركز على نقطة معينة، زي باب أو ممر، وتلقط التفاصيل البعيدة.
يعني يا شباب خلاصة الموضوع:-
2.8mm = تغطية واسعة، تفاصيل أقل، للغرف والمداخل.
3mm = تغطية واسعة برضو، لكن تركيز أحسن شوية.
6mm = تغطية ضيقة، تفاصيل أوضح للمسافات البعيدة.
يعني قبل ما تشتري الكاميرا، فكّر في وين داير تركّبها وشنو الحاجة البتحتاج تشوفها بوضوح.
تابعو الشرح في الصورة
وعشان الفايدة تعم اعملو لايك وشير ومتابعة للصفحه لانو عندنا توضيحات كتيره ليكم انشاء الله 🫶🏻
وكل فترة معلومة جديدة
رابط الصفحه https://www.facebook.com/share/16JBkK7X2D/?mibextid=wwXIfr
#كاميرات-مراقبة-السودان
![شركة [ Top Security #] لتقنية المعلوماتنحو عالم رقمي مبتكر!هل تبحث عن حلول تقنية مبتكرة وموثوقة؟شركة [Top security ] تقد...](https://img5.yasteq.com/346/552/921004893465524.jpg)
