11/04/2026
⚠️ ملاحظة مهمة جداً للجمهور متعلقة بصيانة وتجميع بطاريات الليثيوم ⚠️
في الفترة الأخيرة انتشر شغل صيانة وتجميع بطاريات الليثيوم بشكل كبير، لكن للأسف نسبة كبيرة من هذا الشغل يتم بطريقة عشوائية وخطيرة.
🔴 وصلني العديد من البطاريات فيها أخطاء واضحة مثل:
خلط أنواع خلايا مختلفة (INR / ICR / IMR) داخل نفس البطارية
استخدام خلايا مستعملة مع جديدة بدون فحص حقيقي
لحام سيء جداً يسبب مقاومة عالية وسخونة
عدم وجود عزل كافي بين الخلايا (وهذا خطر حريق!)
تركيب بدون مراعاة توازن الخلايا (Balance)
إهمال نظام الحماية (BMS) أو استخدام نوع غير مناسب
⚡ شو المشكلة؟ هاي الأخطاء ممكن تؤدي إلى:
ضعف أداء البطارية بشكل سريع
تلف مبكر للخلايا
ارتفاع حرارة خطير
وفي بعض الحالات: خطر حريق أو انفجار لا سمح الله
🟢 نصيحتي لأي شخص عنده بطارية ليثيوم:
لا تختار الأرخص بدون ما تتأكد من جودة الشغل
اسأل عن نوع الخلايا ومصدرها
تأكد إنه ما في خلط عشوائي بين الخلايا
تأكد من وجود عزل وترتيب نظيف ومحترف
اسأل عن وجود BMS مناسب ومضبوط
🔧 وللي بشتغلوا في المجال: الشغل هذا مش بس تجميع… هذا أمان ناس وممتلكاتهم.
أي خطأ بسيط ممكن يسبب كارثة، فإما تشتغل صح أو لا تشتغل.
📌 الهدف من المنشور هو التوعية، لأن اللي بنشوفه على أرض الواقع مؤسف، والناس لازم تعرف شو الصح وشو الغلط.
— مع احترامي لبعض الزبائن بتدور على الشغل الرخيص سواء بالصيانة او بالتجميع عمي روح البلد صارت مليانة ناس بتجمع وبتشتغل وما بدي اطعن بحدا بس الاغلب حافظين مش فاهمين والي بجيني وبشوفه مصايب وكوارث هو الي خلاني اكتب واوضح للناس مش اي حدا حكالك عندي صيانة ولا عندي تجميع بطاريات تدب عليه والله ولي التوفيق .
السلامة أولاً دائماً 🔋
👌
