Ajaz Mir Official

Ajaz Mir Official Mobile Shop, Mobile Repairing, Mobile Accessories, Laptop, LED, Smart LED, Traveling.

حج: اسلام کا پانچواں رکن اور اتحادِ امت کا عظیم مظہر​حج اسلام کا پانچواں بنیادی رکن ہے، جو ہر اس صاحبِ استطاعت مسلمان پر...
29/05/2026

حج: اسلام کا پانچواں رکن اور اتحادِ امت کا عظیم مظہر
​حج اسلام کا پانچواں بنیادی رکن ہے، جو ہر اس صاحبِ استطاعت مسلمان پر زندگی میں ایک مرتبہ فرض ہے جو مکہ مکرمہ تک پہنچنے کا سفر اور اخراجات برداشت کرنے کی طاقت رکھتا ہو۔ یہ محض ایک عبادت نہیں، بلکہ روح کی پاکیزگی، گناہوں سے توبہ، اور دنیا بھر کے مسلمانوں کے اتحاد و مساوات کا ایک بے مثال عالمی اجتماع ہے۔
​ذی الحجہ کے مہینے میں دنیا کے ہر کونے سے لاکھوں مسلمان، رنگ، نسل، زبان اور قومیت کے فرق کو مٹا کر ایک لباس (احرام) میں الٰہی حضور میں حاضر ہوتے ہیں۔
​قرآن مجید کی روشنی میں حج کی اہمیت
​قرآن کریم میں اللہ تعالیٰ نے حج کی فرضیت اور اس کے منافع کا ذکر متعدد مقامات پر فرمایا ہے۔ سورہ آل عمران میں ارشاد باری تعالیٰ ہے:
​وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا وَمَنْ كَفَرَ فَإِنَّ اللَّهَ غَنِيٌّ عَنِ الْعَالَمِينَ
"اور اللہ کے لیے لوگوں پر اس گھر کا حج فرض ہے جو اس تک پہنچنے کی استطاعت رکھتا ہو، اور جو کفر کرے (نہ مانے) تو اللہ تمام جہان والوں سے بے نیاز ہے۔" (سورہ آل عمران: 97)
​اسی طرح سورہ الحج میں اللہ تعالیٰ نے حضرت ابراہیم علیہ السلام کو حج کا اعلان کرنے کا حکم دیتے ہوئے فرمایا:
​وَأَذِّنْ فِي النَّاسِ بِالْحَجِّ يَأْتُوكَ رِجَالًا وَعَلَى كُلِّ ضَامِرٍ يَأْتِينَ مِنْ كُلِّ فَجٍّ عَمِيقٍ
"اور لوگوں میں حج کا عام اعلان کر دو، وہ تمہارے پاس پیدل بھی آئیں گے اور ہر دبلے پتلے اونٹ پر بھی، جو دور دراز کے راستوں سے سفر کر کے آئیں گے۔" (سورہ الحج: 27)
​احادیثِ مبارکہ کی روشنی میں حج کے فضائل
​حضور اکرم ﷺ نے حج کی فضیلت اور اس کے اجر و ثواب کو تفصیلاً بیان فرمایا ہے۔ چند مستند احادیث درج ذیل ہیں:
​گناہوں سے پاکیزگی:
حضرت ابوہریرہ رضی اللہ عنہ سے روایت ہے کہ رسول اللہ ﷺ نے فرمایا:
​"جس نے اللہ کے لیے حج کیا اور اس میں کوئی فحش بات یا گناہ نہ کیا، تو وہ (گناہوں سے پاک ہو کر) ایسے لوٹے گا جیسے اس کی ماں نے اسے آج ہی جنم دیا ہو۔" (صحیح بخاری)
​حجِ مبرور کا اجر:
ایک اور جگہ نبی کریم ﷺ نے ارشاد فرمایا:
​"عمرہ دوسرے عمرے تک کے گناہوں کا کفارہ ہے، اور حجِ مبرور (مقبول حج) کا بدلہ صرف جنت ہی ہے۔" (صحیح بخاری و مسلم)
​افضل ترین اعمال میں شمولیت:
حضرت ابوہریرہ رضی اللہ عنہ سے روایت ہے کہ رسول اللہ ﷺ سے پوچھا گیا کہ کون سا عمل سب سے افضل ہے؟ آپ ﷺ نے فرمایا: "اللہ اور اس کے رسول پر ایمان لانا۔" پوچھا گیا، پھر کون سا؟ فرمایا: "اللہ کی راہ میں جہاد کرنا۔" پھر پوچھا گیا کہ اس کے بعد کون سا؟ آپ ﷺ نے فرمایا: "حجِ مبرور۔" (صحیح بخاری)
​حج کے بنیادی ارکان اور مناسک
​حج کے مناسک 8 ذی الحجہ سے 12 یا 13 ذی الحجہ تک جاری رہتے ہیں۔ اس کے اہم مراحل یہ ہیں:
​احرام باندھنا: حج کی نیت سے دو سفید چادریں (مردوں کے لیے) پہننا اور "لبیک اللّٰہم لبیک" کی صدائیں بلند کرنا۔
​وقوفِ عرفات (9 ذی الحجہ): یہ حج کا سب سے بڑا اور بنیادی رکن ہے۔ تمام حجاج میدانِ عرفات میں جمع ہو کر اللہ کے حضور رو رو کر دعائیں مانگتے ہیں اور خطبہ سنتے ہیں۔
​مزدلفہ میں رات گزارنا: عرفات سے واپسی پر حجاج مزدلفہ میں رات گزارتے ہیں اور مغرب و عشاء کی نمازیں ایک ساتھ پڑھتے ہیں۔
​رمی جمار (کنکریاں مارنا): منیٰ میں شیطان کو کنکریاں ماری جاتی ہیں، جو حضرت ابراہیم علیہ السلام کی سنت ہے۔
​قربانی اور حلق: اللہ کی راہ میں جانور قربان کیا جاتا ہے اور مرد سر منڈواتے ہیں یا بال کٹواتے ہیں۔
​طوافِ زیارت اور سعی: خانہ کعبہ کا طواف کیا جاتا ہے اور صفا و مروہ کی پہاڑیوں کے درمیان دوڑ لگائی جاتی ہے۔
​حج کا فلسفہ اور سماجی پیغام
​حج کا سب سے خوبصورت پہلو اس کا عالمگیر اتحاد ہے۔ جب دنیا بھر کے بادشاہ، فقیر، سفید فام، سیاہ فام، عرب اور عجم سب ایک ہی صف میں، ایک جیسا لباس پہنے، ایک ہی رب کے سامنے جھکتے ہیں، تو دنیا کا ہر تفاخر اور تکبر خاک میں مل جاتا ہے۔ یہ منظر خطبہ حجتہ الوداع کی یاد دلاتا ہے جہاں رسول اللہ ﷺ نے فرمایا تھا کہ کسی عربی کو عجمی پر اور کسی گورے کو کالے پر کوئی فضیلت حاصل نہیں۔
​حج انسان کو صبر، ایثار، سخاوت اور نظم و ضبط سکھاتا ہے۔ سفر کی صعوبتیں برداشت کر کے جب بندہ اپنے وطن واپس لوٹتا ہے، تو وہ ایک بدلا ہوا اور متقی انسان بن چکا ہوتا ہے۔
​اللہ تعالیٰ تمام مسلمانوں کو اخلاص کے ساتھ حجِ مبرور کی سعادت نصیب فرمائے۔ آمین۔
​حج کا منظر (تصویر)
​یہاں مکہ مکرمہ میں حج کے دوران خانہ کعبہ کے گرد طواف کرتے ہوئے حجاج کرام کا ایک خوبصورت منظر

24/03/2026

‏ٹیلی کام کمپنیوں کا بیلنس غائب کرنے کا دور ختم۔
پاکستان میں 99 فیصد لوگ پیکج لگا کر انٹرنیٹ استعمال کرتے ہیں یا کچھ لوگ سپر کارڈ ٹائپ منتھلی پیکج استعمال کرتے ہیں ٹیلی کام کمپنیاں بڑی چالاکی سے جب یہ پیکج ختم ہوتا ہے تو کئی گنا مہنگے ریٹوں پر انٹرنیٹ ڈائریکٹ بیلنس کاٹ کر دینا شروع کر دیتی ہے اور جب تک صارف کو پتہ چلتا ہے کافی بیلنس کٹ چکا ہوتا ہے۔ عوام کی شکایت پر اخر کار پی ٹی اے کو ہوش اگیا۔ آپ چاہتے ہیں کے پیکج کے بعد بیلنس نہ کٹے تو یہ کوڈ ڈائل کریں۔
Jazz *275 #
U fone *6611 #
Zong *4004 #
Telenor *342 #
یہ انفارمیشن زیادہ سے زیادہ لوگوں تک پہنچائیں ٹیلی کام کمپنیاں اس واردات سے اربوں روپے چوری کر رہی ہیں۔

05/02/2026

شناختی کارڈ اور ذاتی معلومات (NADRA)

8000: شناختی کارڈ کی تصدیق (CNIC Verification)
668: نام پر رجسٹرڈ سموں کی تعداد جاننا
8300: ووٹ کی معلومات اور پولنگ اسٹیشن
8001: فیملی شجرہ کی تصدیق (Family Tree)
8008: شناختی کارڈ کی ایکسپائری ڈیٹ چیک کرنا
8005: قریبی نادرا سینٹر کا پتہ معلوم کرنا

گاڑی کی تصدیق (Excise / Vehicle Verification)

8149: پنجاب گاڑی کی رجسٹریشن چیک کریں
8521: اسلام آباد گاڑی کی رجسٹریشن

ڈراہوینگ لاسنس کی تصدیق ( Driving Licence Verification)

8147: پنجاب ڈرائیونگ لائسنس کی تصدیق
6040: سندھ ڈرائیونگ لائسنس کی تصدیق

پاسپورٹ کی تصدیق ( Passport Verification)

9988: پاسپورٹ بننے کی صورتحال (Passport Status)

مالی امداد اور صحت (Govt Schemes)

8171: بے نظیر انکم سپورٹ / احساس پروگرام میں اہلیت
8500: صحت کارڈ کی اہلیت اور ہسپتال کی معلومات
8123: مفت راشن پروگرام میں رجسٹریشن
8900: وزیراعظم یوتھ لون پروگرام کی اہلیت

موبائل اور انٹرنیٹ (PTA)...

8484: موبائل فون کی پی ٹی اے (PTA) سے تصدیق
* #06 #: اپنے موبائل کا IMEI نمبر معلوم کرنا
667: سم کس کے نام پر ہے؟ (سم سے 'MNP' لکھ کر بھیجیں).

ہنگامی حالات اور شکایات (Emergency)

15: پولیس مدد (Police Help)
1122: ایمبولینس اور فائر بریگیڈ
130: موٹروے پولیس ہیلپ لائن.
1991: سائبر کرائم (آن لائن فراڈ) کی شکایت (FIA)
1033: اینٹی کرپشن ہیلپ لائن.

30/01/2026

BISP ki payment ajaz Mobile and Electric store Airport Chowk Chak Bazar sai receive karnay k Liya Shaam 4pm sai pahlain Tashreef lay ain...

ایک یہودی کسی مسلمان کا پڑوسی تھا۔ اس یہودی کے ساتھ۔ اس کا مسلمان پڑوسی بہت اچھا سلوک کرتا تھا۔ اس مسلمان کی یہ عادت تھ...
12/12/2025

ایک یہودی کسی مسلمان کا پڑوسی تھا۔ اس یہودی کے ساتھ۔ اس کا مسلمان پڑوسی بہت اچھا سلوک کرتا تھا۔ اس مسلمان کی یہ عادت تھی کہ وہ ہر تھوڑی دیر بعد یہ جملہ کہتاتھا۔ حضرت محمد صلی اللہ علیہ وسلم پر درود شریف بھیجنے سے ہر دعا قبول ہوتی ہے اور ہر حاجت اور مراد پوری ہوتی ہے۔ جو کوئی بھی اس مسلمان سے ملتا۔ وہ مسلمان اسے اپنا یہ جملہ ضرور سناتا اور جو بھی اس کے ساتھ بیٹھتا اسے بھی ایک مجلس میں کئی بار یہ جملہ مکمل یقین سے سناتا تھا کہ حضرت محمد صلی اللہ علیہ وسلم پر درود شریف بھیجنے سے ہر دعا قبول ہوتی ہے اور ہر حاجت اور مراد پوری ہوتی ہے۔ اس مسلمان کا یہ جملہ اس کے دل کا یقین تھا۔
اس نے ایک سازش تیار کی تاکہ اس مسلمان کو ذلیل و رسوا کیا جائے۔ اور ’’درود شریف‘‘ کی تاثیر پر اس کے یقین کو کمزور کیا جائے۔ اور اس سے یہ جملہ کہنے کی عادت چھڑوائی جائے۔ یہودی نے ایک سنار سے سونے کی ایک انگوٹھی بنوائی۔ اور اسے تاکید کی کہ ایسی انگوٹھی بنائے کہ اس جیسی انگوٹھی پہلے کسی کے لئے نہ بنائی ہو۔ سنار نے انگوٹھی بنا دی۔
وہ یہودی انگوٹھی لے کر مسلمان کے پاس آیا۔ حال احوال کے بعد مسلمان نے اپنا وہی جملہ ، اپنی وہی دعوت دہرائی کہ ’’حضرت محمد صلی اللہ علیہ وسلم پر درود شریف بھیجنے سے ہر دعا قبول ہوتی ہے ہر حاجت اور مراد پوری ہوتی ہے‘‘۔ یہودی نے دل میں کہا کہ۔ اب بہت ہو گئی۔ بہت جلد یہ ’’جملہ ‘‘ تم بھول جاؤ گے۔ کچھ دیر بات چیت کے بعد یہودی نے کہا۔ میں سفر پر جا رہا ہوں۔ میری ایک قیمتی انگوٹھی ہے۔ وہ آپ کے پاس امانت رکھ کر جانا چاہتا ہوں۔ واپسی پر آپ سے لے لوں گا۔ مسلمان نے کہا۔
کوئی مسئلہ نہیں آپ بے فکر ہو کر انگوٹھی میرے پاس چھوڑ جائیں۔ یہودی نے وہ انگوٹھی مسلمان کے حوالے کی اور اندازہ لگا لیا کہ مسلمان نے وہ انگوٹھی کہاں رکھی ہے۔ رات کو وہ چھپ کر اس مسلمان کے گھر کودا اور بالآخر انگوٹھی تلاش کر لی اور اپنے ساتھ لے گیا۔ اگلے دن وہ سمندر پر گیا اور ایک کشتی پر بیٹھ کر سمندر کی گہری جگہ پہنچا اور وہاں وہ انگوٹھی پھینک دی۔ اور پھر اپنے سفر پر روانہ ہو گیا۔ اس کا خیال تھا کہ جب واپس آؤں گا۔ اور اس مسلمان سے اپنی انگوٹھی مانگوں گا تو وہ نہیں دے سکے گا۔ تب میں اس پر چوری اور خیانت کا الزام لگا کر خوب چیخوں گا اور ہر جگہ اسے بدنام کروں گا۔ وہ مسلمان جب اپنی اتنی رسوائی دیکھے گا تو اسے خیال ہو گا کہ درود شریف سے کام نہیں بنا اور یوں وہ اپنا جملہ اور اپنی دعوت چھوڑ دے گا ۔ مگر اس نادان کو کیا پتا تھا کہ۔ درود شریف کتنی بڑی نعمت ہے۔ یہودی اگلے دن واپس آ گیا۔
سیدھا اس مسلمان کے پاس گیا اور جاتے ہی اپنی انگوٹھی طلب کی۔ مسلمان نے کہا آپ اطمینان سے بیٹھیں آج درود شریف کی برکت سے میں صبح دعا کر کے شکار کے لئے نکلا تھا تو مجھے ایک بڑی مچھلی ہاتھ لگ گئی۔ آپ سفر سے آئے ہیں وہ مچھلی کھا کر جائیں۔ پھر اس مسلمان نے اپنی بیوی کو مچھلی صاف کرنے اور پکانے پر لگا دیا۔ اچانک اس کی بیوی زور سے چیخی اور اسے بلایا۔ وہ بھاگ کر گیا تو بیوی نے بتایا کہ مچھلی کے پیٹ سے سونے کی انگوٹھی نکلی ہے۔ اور یہ بالکل ویسی ہے جیسی ہم نے اپنے یہودی پڑوسی کی انگوٹھی امانت رکھی تھی۔ وہ مسلمان جلدی سے اس جگہ گیا جہاں اس نے یہودی کی انگوٹھی رکھی تھی۔ انگوٹھی وہاں موجود نہیں تھی۔ وہ مچھلی کے پیٹ والی انگوٹھی یہودی کے پاس لے آیا اور آتے ہی کہا: حضرت محمد صلی اللہ علیہ وسلم پر درود شریف بھیجنے سے ہر دعاء قبول ہوتی ہے اور ہر حاجت پوری ہوتی ہے۔
پھر اس نے وہ انگوٹھی یہودی کے ہاتھ پر رکھ دی۔ یہودی کی آنکھیں حیرت سے باہر، رنگ کالا پیلا اور ہونٹ کانپنے لگے۔ اس نے کہا یہ انگوٹھی کہاں سے ملی؟۔ مسلمان نے کہا۔ جہاں ہم نے رکھی تھی وہاں ابھی دیکھی وہاں تو نہیں ملی۔ مگر جو مچھلی آج شکار کی اس کے پیٹ سے مل گئی ہے۔ معاملہ مجھے بھی سمجھ نہیں آ رہا مگر الحمد للہ آپ کی امانت آپ کو پہنچی اور اللہ تعالیٰ نے مجھے پریشانی سے بچا لیا۔ بے شک حضرت محمد صلی اللہ علیہ وسلم پر درود بھیجنے سے ہر دعاء قبول ہوتی ہے اور ہر حاجت و مراد پوری ہوتی ہے۔ یہودی تھوڑی دیر کانپتا رہا پھر بلک بلک کر رونے لگا۔ مسلمان اسے حیرانی سے دیکھ رہا تھا۔
یہودی نے کہا مجھے غسل کی جگہ دے دیں۔ غسل کر کے آیا اور فوراً کلمہ طیبہ اور کلمہ شہادت پڑھنے لگا اشھد ان لا الہ الا اللّٰہ وحدہ لاشریک لہ واشھد ان محمد عبدہ ورسولہ وہ بھی رو رہا تھا اور اس کا مسلمان دوست بھی۔ اور مسلمان اسے کلمہ پڑھا رہا تھا اور یہودی یہ عظیم کلمہ پڑھ رہا تھا۔ جب اس کی حالت سنبھلی تو مسلمان نے اس سے ’’وجہ‘‘ پوچھی تب اس نومسلم نے سارا قصہ سنا دیا۔ مسلمان کے آنسو بہنے لگے اور وہ بے ساختہ کہنے لگا حضرت محمد صلی اللہ علیہ وسلم پر درودشریف بھیجنے سے ہر دعاء قبول ہوتی ہے ۔ اور ہر حاجت و مراد پوری ہوتی ہے۔
ایک آخری بات عرض کرتا چلوں کے اگر کبھی کوئی ویڈیو، قول، واقعہ،سچی کہانی یا تحریر وغیرہ اچھی لگا کرئے تو مطالعہ کے بعد مزید تھوڑی سے زحمت فرما کر اپنے دوستوں سے بھی شئیر کر لیا کیجئے، یقین کیجئے کہ اس میں آپ کا بمشکل ایک لمحہ صرف ہو گا لیکن ہو سکتا ہے کہ، اس ایک لمحہ کی اٹھائی ہوئی تکلیف سے آپ کی شیئر کردا تحریر
Copy.ہزاروں لوگوں کے لیے سبق آموز ثابت ہوسکتی ہیں

22/08/2025

اگر کسی مخلوق کو ہر سہولت دے دی جائے — وافر خوراک، محفوظ رہائش، سکون، اور کوئی خطرہ نہ ہو — تو کیا وہ ہمیشہ خوش و خرم اور ترقی یافتہ رہے گی؟

یہ سوال حیاتیات کے ایک امریکی ماہر جان کلہون نے 1970ء میں چوہوں پر ایک چونکا دینے والا تجربہ کر کے دنیا کے سامنے رکھ دیا۔

کلہون نے ایک مثالی ماحول تخلیق کیا، کھانے پینے کی کمی نہیں، رہائش وسیع، دشمن کوئی نہیں۔ وہاں صرف چار جوڑے چوہوں کو چھوڑا۔
کچھ ہی عرصے میں ان کی آبادی تیزی سے بڑھی۔ امن، آرام اور سہولتوں سے بھرپور "جنت" میں ہر چیز مکمل تھی… مگر پھر کچھ عجیب ہونے لگا۔

315 دن بعد
افزائش کی شرح کم ہونے لگی، سماجی ڈھانچہ بگڑنے لگا، چوہوں میں تشدد، گوشہ نشینی، ذہنی بیماری، بچوں کو چھوڑ دینا، اور حتیٰ کہ ایک دوسرے کو کھانا جیسے رویے پیدا ہونے لگے۔
کچھ چوہے مکمل بے مقصد زندگی گزارنے لگے — نہ لڑائیاں، نہ تعلقات، نہ افزائش نسل… صرف کھاتے، سوتے، اور وقت گزارتے۔

اور پھر
سب کچھ ہوتے ہوئے بھی یہ مثالی دنیا تباہ ہو گئی۔
کسی نے حملہ نہیں کیا، کوئی آفت نہیں آئی، کوئی کمی نہیں ہوئی — بس جینے کا مقصد ختم ہو گیا۔
آخری چوہا 2 سال بعد پیدا ہوا… اور پھر موت کے سوا کچھ نہ بچا۔

یہ تجربہ 25 مرتبہ دہرایا گیا، اور ہر بار نتیجہ وہی تھا:
سہولت زدہ معاشرہ، بغیر مقصد کے زندگی، اور پھر مکمل تباہی۔

سوچنے کی بات ہے کہ
کیا صرف سہولتیں، آسائشیں، اور تحفظ ہی انسان یا معاشرہ کی کامیابی کی ضمانت ہیں؟
یا ہمیں جینے کے لیے ایک "مقصد"، ایک "جدوجہد"، اور کچھ چیلنجز درکار ہوتے ہیں؟

اللّٰہ تعالیٰ فرماتا ہے

اور اگر الله اپنے بندوں کے لیے رزق کشادہ کر دیتا، تو وہ ضرور زمین میں سرکشی کرنے لگتے، لیکن وہ ایک اندازے کے ساتھ (یعنی جتنا مناسب ہو) نازل فرماتا ہے، جیسا وہ چاہتا ہے۔"
[سورۃ الشورى: 27]

کاپی

29/07/2025

Celebrating my 1st year on Facebook. Thank you for your continuing support. I could never have made it without you. 🙏🤗🎉

29/07/2025

ایک پرانی لوڈنگ سوزوکی پِک اَپ دورانِ سفر موٹر وے پر خراب ہو گئی۔۔۔۔

ایک BMW کے نیک دل مالک نے لوڈنگ سوزوکی کے پاس گاڑی روکی اور ڈرائیور سے کہا کہ
میں آپ کی سوزوکی کو اگلے سروس ایریا تک کھینچ کر لے چلتا ہوں۔۔۔
اگر گاڑی کے چلنے میں کوئی مسئلہ یا آوازیں آئیں تو مجھے ہارن دے دینا یا اپنی ہیڈ لائٹ سے
"ہائی بیم" اشارہ دے دینا میں سائیڈ پر روک دوں گا۔۔۔

لوڈنگ سوزوکی کو کار کے پیچھے رسے سے باندھ کر BMW ڈرائیور آہستہ آہستہ چلنا شروع ہؤا
لیکن صرف ایک کلومیٹر بعد ایک پورشے کار نے 160 کلومیٹر فی گھنٹہ کی رفتار سے بی ایم ڈبلیو کو ہلکی سی سائڈ کراتے ہوئے کسی گولی کی طرح کراس کیا۔۔۔

اس پر BMW کے مالک نے پورشے گاڑی کی اس رفتار کو اپنی غیرت کا مسئلہ بنا لیا اور
پیچھے بندھی سوزوکی کو بالکل بھول کر
پورشے کار کو سبق سکھانے کے لئے اُس سے ریس لگانا شروع ہو گیا۔۔۔

آگے ایک جگہ پر موٹروے پولیس کی گاڑی میں مانیٹرنگ کرتے انسپکٹر نے جب ان تین گاڑیوں کو خطرناک اسپیڈ میں دیکھا تو فوراً
"ٹریفک کنٹرول آفس" کو وائرلیس پر میسج بھیجا۔۔۔

"تمام پیٹرولنگ آفیسرز اور چیک پوائنٹس الرٹ ہو جائیں۔۔۔
میں نے ابھی ایک BMW اور پورشے کو 200 کلومیٹر فی گھنٹہ کی رفتار سے گزرتے ہوئے دیکھا ہے۔۔۔
مگر حیران کُن بات یہ ہے کہ
ان کے پیچھے ایک لوڈنگ سوزوکی والا ان دونوں ریسنگ کار سے اوور ٹیک کرنے کے لیے ہارن پر ہارن بجاتے ہوئے اور ہائی بیم مارتے ہوئے راستہ مانگ رہا ہے۔۔۔
پاکستان، اس خطّے کی سب سے ابھرتی ہوئی معیشت۔۔۔!

13/07/2025

‏پاکستان میں والدین کی اکثریت اب بھی میڈیکل اور انجینئرنگ کو ہی کامیابی سمجھتی ہے۔ لیکن دنیا تیزی سے بدل رہی ہے۔ آنے والے پانچ سالوں میں دنیا کے 10 بہترین شعبے سامنے آئے ہیں جو آپ کے بچوں کا مستقبل روشن کر سکتے ہیں۔

‏اسکے لیے Haysہائز سیلری گائیڈزکی مدد لی گئی ہے>

‏ڈیٹا سائنس:
‏آنے والا دور ڈیٹا کا ہے۔ ڈیٹا سائنٹسٹ 2025 میں $90,000 تک کما سکتے ہیں، اور 2030 تک یہ آمدن $165,000 تک پہنچ سکتی ہے۔ امریکا، برطانیہ اور آسٹریلیا میں اس کی ڈیمانڈ عروج پر ہے۔ FSc کے بعد ڈیٹا سائنس میں BS یا MS کریں>

‏مشین لرننگ (AI):
‏مصنوعی ذہانت (AI) اب صرف فلموں تک محدود نہیں۔ مشین لرننگ اسپیشلسٹ کی تنخواہ 2025 میں $95,000 اور 2030 میں $170,000 تک متوقع ہے۔ ریاضی اور کمپیوٹر سائنس میں دلچسپی رکھنے والے بچے یہاں ترقی کر سکتے ہیں>

‏بزنس اینالسٹ:
‏کاروباری تجزیہ کاروں کی تنخواہیں 2025 میں $70,000 تک اور 2030 میں $125,000 تک بڑھ سکتی ہیں۔ امریکا اور برطانیہ میں خاص ڈیمانڈ۔ بزنس ایڈمنسٹریشن یا اکنامکس کی تعلیم حاصل کر کے دنیا بھر میں مواقع حاصل کریں>

‏پراجیکٹ مینجمنٹ:
‏پراجیکٹ منیجر 2025 تک $85,000 اور 2030 تک $155,000 کما سکیں گے۔ بزنس مینجمنٹ یا PMP سرٹیفکیشن آپ کے بچے کی صلاحیتوں کو چار چاند لگا سکتا ہے۔ آسٹریلیا اور امریکا میں بےشمار مواقع موجود ہیں پروفشنل ڈگری کے بعد یہ زیادہ کارآمد ہے >

‏سوفٹ ویئر ڈیویلپر:
‏ڈیجیٹل دنیا سوفٹ ویئر ڈیویلپرز کے بغیر نامکمل ہے۔ ان کی تنخواہ 2025 میں $75,000 اور 2030 میں $140,000 ہو گی۔ کمپیوٹر سائنس میں BS آپ کے بچے کو عالمی مواقع فراہم کر سکتا ہے>

‏سسٹینیبلٹی اسپیشلسٹ (ماحولیات):
‏ماحولیات اور پائیداری پر کام کرنے والوں کی مانگ بڑھ رہی ہے۔ 2025 میں آمدن $70,000 اور 2030 میں $130,000 تک جائے گی۔ ماحولیات میں ڈگری حاصل کریں اور ترقی یافتہ ممالک میں اپنا کیریئر بنائیں>

‏پروکیورمنٹ اسپیشلسٹ (سپلائی چین):
‏سپلائی چین اور پروکیورمنٹ اسپیشلسٹ 2025 میں $60,000 اور 2030 میں $110,000 کمائیں گے۔ دبئی، سعودی عرب، اور آسٹریلیا میں بہترین مواقع۔ بزنس اور سپلائی چین کی ڈگری آپ کے بچے کی زندگی بدل سکتی ہے> ‏مالیاتی تجزیہ کار (فنانشل اینالسٹ):
‏مالیاتی تجزیہ کاروں کی آمدن 2025 میں $65,000 اور 2030 میں $120,000 ہو گی۔ فنانس اور اکاؤنٹنگ کے شعبوں میں تعلیم حاصل کر کے عالمی منڈی میں آگے بڑھ سکتے ہیں> ‏ایچ آر مینیجر:
‏HR کے شعبے میں پیشہ ور افراد کی اہمیت بڑھتی جا رہی ہے۔ 2025 میں آمدن $70,000 اور 2030 میں $125,000 تک ہو گی۔ HR مینجمنٹ کی تعلیم آپ کے بچے کو دنیا بھر میں باوقار جابز فراہم کرے گی> ‏اپنے بچوں کو میڈیکل اور انجینئرنگ تک محدود نہ رکھیں۔ دنیا بدل رہی ہے۔ نئے کیریئرز کو اپنائیں اور اپنے بچوں کا مستقبل محفوظ بنائیں۔

‏اس تھریڈ کا مقصد والدین اور بچوں کو ان کی کیریئر گائیڈنس دینا تھا

‏سیلری اور کیریئر گروتھ کے لیے مڈل ایسٹ یو کے اسٹریلیانیوزی لینڈ اور> ‏امریکہ کی مارکیٹوں کو سٹڈی کیا گیا

Address

Rawala Kot

Website

Alerts

Be the first to know and let us send you an email when Ajaz Mir Official posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ajaz Mir Official:

Shortcuts

Share

Category