31/01/2023
ڈکیتوں کا کاروبار عروج پر موٹرسائیکل کمپنی کے دفتر میں 19 لاکھ کی ڈکیتی
کل پشاور دھماکے کے بعد سندھ میں سیکیورٹی ہائی الرٹ ہونے کے باوجود 24 گھنٹوں کے دوران اسٹریٹ کرائمز کی 87 وارداتیں رپورٹ ہوئیں جبکہ آج 19 لاکھ روپے کی ڈکیتی ہوگئی شہر میں ڈکیت سرگرم ہیں کیا یہ زیادہ طاقتور ہوتے جارہے ہیں تمام تر دعووں کے باوجود اسٹریٹ کرائم کی وارداتوں میں تشویش ناک حد تک اضافہ ہورہا ہے کراچی شہر کا مصروف ترین کاروباری حب ریگل چوک کے قریب واقع اکبر روڈ موٹرسائیکل مارکیٹ میں موٹرسائیکل دفتر سے ڈکیتوں نے 19 لاکھ روپے لوٹ لئیے یہ دن دھاڑے ہوا جبکہ اس ڈسٹرکٹ میں اہم سرکاری دفاتر بھی موجود ہیں 5 ڈکیت 3 موٹرسائیکلوں پر سوار اسلحہ لے کر موٹرسائیکل دفتر میں داخل ہوئے اور 19 لاکھ روپے لے کر باآسانی فرار ہوگئے الیکٹرونکس اینڈ موٹرسائیکل ڈیلر الائنس / کراچی سندھ تاجر اتحاد کے چئیرمین شیخ حبیب نے اس واقعہ کی شدید مذمت کرتے ہوئے سارہ آٹوموبائل یونین اسٹار موٹرسائیکل کے CEO جناب زاہد نسیم شیخ سے دلی ہمدردی کا اظہار کیا انہوں نے آئی جی اور ایڈیشنل آئی جی سندھ سے فوری تحقیقات کا مطالبہ کیا اور اس بھاری رقم کی جلد ریکوری کے لئیے احکامات جاری کرنے کی درخواست کی کمپنی کے مطابق یہ واقعہ جب پیش آیا جب کمپنی کے ملازمین آفس سے نزدیک میزان بینک برانچ سے رقم لے کر آفس میں داخل ہوئے ان کے پیچھے ڈکیت دفتر میں داخل ہوئے اور 19 لاکھ روپے لوٹ کر فرار ہوگئے۔
