Dera Araian Gujrat

Dera Araian Gujrat Contact information, map and directions, contact form, opening hours, services, ratings, photos, videos and announcements from Dera Araian Gujrat, Information Technology Company, Gujrat.

آرائیں قوم کا کوئی بندہ اگر اپنی سیاسی سماجی پوسٹ لگوانا چاہے تو میرا پیج آپ لوگوں کے لیے حاضر ہیں بس آپ تفصیلات انبکس کردیں۔ شکریہ
منجانب: ڈیرہ آرائیاں گجرات
جیوندے رہو، ہسدے رہو تے وسدے رہو۔
رابطہ نمبر: 03360765777

16/08/2026

17 اگست — پنجابی ہولوکاسٹ ڈے
17 اگست صرف ایک تاریخ نہیں، پنجاب کے سینے پر لگایا گیا وہ زخم ہے جس کی تکلیف نسلیں محسوس کرتی رہیں گی۔
1947ء میں تقسیمِ پنجاب نے صدیوں سے آباد پنجابیوں کو اپنے ہی گھروں سے بے دخل کر دیا۔ لاکھوں پنجابی قتل ہوئے، دو کروڑ سے زائد پنجابی اپنے گھر بار چھوڑنے پر مجبور ہوئے، خاندان بچھڑ گئے، بستیاں اجڑ گئیں اور نسلوں کی محنت سے بنائی گئی زمینیں اور جائیدادیں چھن گئیں۔
ماؤں نے اپنے بیٹے کھوئے، بہنوں نے اپنے بھائی، بچوں نے اپنے والدین اور لاکھوں پنجابی خاندان اپنی آبائی سرزمین سے محروم ہو گئے۔
ہم 17 اگست کو نفرت پھیلانے کے لیے نہیں، بلکہ تاریخ کو یاد رکھنے، اپنے بزرگوں کی قربانیوں کو خراجِ عقیدت پیش کرنے اور آنے والی نسلوں کو اس انسانی المیے سے آگاہ کرنے کے لیے یاد کرتے ہیں۔
پنجاب کے شہداء کو سلام۔
1947ء کے متاثرین کو سلام۔
ہماری تاریخ، ہماری یاد، ہماری ذمہ داری۔



#پنجاب
Farhan Sarwar Arain

سندھ کا جگّا جٹ — جانو آرائیںپنجاب کے "رابن ہُڈ" جگت سنگھ ورک عرف جگّا جٹ کی داستانیں تو سب نے سن رکھی ہوں گی۔ قصور میں ...
16/08/2026

سندھ کا جگّا جٹ — جانو آرائیں
پنجاب کے "رابن ہُڈ" جگت سنگھ ورک عرف جگّا جٹ کی داستانیں تو سب نے سن رکھی ہوں گی۔ قصور میں پیدا ہونے والا یہ کردار پنجاب کی لوک داستانوں میں ایک ایسے دلیر، نڈر اور بے خوف شخص کے طور پر مشہور ہوا جو طاقتور طبقے کے سامنے کھڑا ہوتا اور غریبوں کا مددگار سمجھا جاتا تھا۔
لیکن بہت کم لوگ جانتے ہیں کہ سندھ کی دھرتی پر بھی ایک ایسا کردار گزرا ہے جسے لوگ اپنے انداز میں سندھ کا جگّا جٹ کہتے تھے—جان محمد عرف جانو آرائیں۔
جانو آرائیں نے ضلع دادو کے گاؤں حسین بخش آرائیں میں ایک کسان غلام رسول آرائیں کے گھر آنکھ کھولی۔ بچپن اور جوانی میں اپنے والد کے ساتھ کھیتی باڑی کی، بعد ازاں اپنا کریانہ کا کاروبار شروع کیا۔ بظاہر ایک عام دیہاتی نوجوان کی زندگی اس وقت بدل گئی جب خاندانی دشمنی اور وڈیرہ نظام سے وابستہ ایک واقعے نے اسے مزاحمت کے راستے پر ڈال دیا۔
روایات کے مطابق، سندھ کے بااثر لغاری خاندان سے وابستہ افراد کے ہاتھوں اس کے تایا کے قتل کے بعد جانو آرائیں نے وڈیرہ راج کے خلاف ہتھیار اٹھا لیے۔ اس کے بعد وہ سندھ کے دیہی علاقوں میں ایک ایسے شخص کے طور پر مشہور ہوا جو طاقتوروں کے مقابل کھڑا ہونے اور غریبوں کی مدد کرنے کے لیے جانا جاتا تھا۔ یوں اس کی شخصیت کے گرد بھی وہی "غریبوں کا مددگار اور ظالموں کے خلاف کھڑا ہونے والے باغی" کا تصور بن گیا جو پنجاب میں جگّا جٹ کے ساتھ منسوب کیا جاتا ہے۔
سکھر جیل سے فرار — 1986
جانو آرائیں کی زندگی کا سب سے حیران کن واقعہ 1986 کا سکھر جیل بریک بتایا جاتا ہے۔ دستیاب روایات کے مطابق وہ سزائے موت کا قیدی تھا اور اس کی پھانسی مقرر تھی۔ اسی دوران کرم اللہ چانڈیو کی سربراہی میں ایک مسلح گروہ نے سکھر سینٹرل جیل پر دھاوا بول کر جانو آرائیں سمیت متعدد قیدیوں کو فرار کروا دیا۔
روایات کے مطابق حملہ آوروں نے جیل کے تالے توڑے، قیدیوں کو نکالا اور سیڑھیوں کی مدد سے جیل کی دیوار عبور کر کے فرار ہونے میں کامیاب ہوئے۔ یہ واقعہ جانو آرائیں کی زندگی کا ایک انتہائی ڈرامائی موڑ ثابت ہوا۔
حیدرآباد کا خونی واقعہ — 1988
30 ستمبر 1988 کو حیدرآباد میں پیش آنے والے پرتشدد واقعات، جنہیں بعض ذرائع "بلیک فرائیڈے" کے نام سے یاد کرتے ہیں، میں جانو آرائیں کے ملوث ہونے کے الزامات بھی سامنے آئے۔ بعض بیانات میں اس کا نام قادر مگسی سمیت دیگر افراد کے ساتھ لیا جاتا ہے۔
بعد ازاں جانو آرائیں گرفتار ہوا اور کئی برس جیل میں رہا۔ دستیاب معلومات کے مطابق 2003 میں حیدرآباد کے واقعے سے متعلق مقدمے میں اسے عدالت نے بری کر دیا۔
زندگی کے آخری ایام میں جانو آرائیں گمنامی کی زندگی گزارتا رہا اور بالآخر کراچی کے ایک ہسپتال میں انتقال کر گیا۔
سندھ کا جگّا جٹ
جگّا جٹ اور جانو آرائیں دو مختلف ادوار اور دو مختلف علاقوں سے تعلق رکھنے والے کردار تھے، لیکن دونوں کے بارے میں عوامی قصوں میں ایک مماثلت ضرور نظر آتی ہے: طاقتوروں کے خلاف مزاحمت، خطرہ مول لینے کی شہرت اور غریب طبقے میں مقبولیت۔
اسی لیے اگر پنجاب میں جگت سنگھ ورک عرف جگّا جٹ کو لوک داستانوں کا رابن ہُڈ کہا جاتا ہے تو سندھ کی عوامی روایت میں جان محمد عرف جانو آرائیں کو بھی "سندھ کا جگّا جٹ" کہا جا سکتا ہے—ایک ایسا کردار جس کی زندگی میں بہادری، مزاحمت، جرائم کے الزامات، جیل، فرار اور گمنامی، سب ایک ساتھ نظر آتے ہیں۔

🖋️:- ڈیرہ آرائیاں گجرات

14/08/2026

1947 کی تقسیم کے وقت متحدہ پنجاپ کے مشرقی علاقے میں مسلمانوں کی دو بڑی برادریاں تھیں آرائیں اور راجپوت اور پنجاب کے مغربی علاقے میں ہندؤوں اور سکھوں کی دو بڑی برادریاں تھی اروڑہ اور کھتری۔۔1947 کی پنجاب کی تقسیم میں انہی برادریوں کانقصان سب سے ذیادہ ہوا انکو اپنے گھر باہر ذمین جائیداد اور کاروبار چھوڑنا پڑے۔

14/08/2026

Happy Independence Day 🇵🇰.

12/08/2026

ذرا سوچنے کی ضرورت ہے

ہر روز ایک نئی تنظیم قائم ہو جاتی ہے، مگر افسوس کہ اکثر کا مقصد چند مخصوص لوگوں کی چاکری اور اپنے ذاتی مفادات کی تکمیل سے آگے نہیں بڑھتا۔ آج تک کتنی ہی تنظیمیں بنیں، مگر کسی غریب، مستحق اور ضرورت مند کی عملی مدد کے لیے سنجیدہ اقدامات نظر نہیں آئے۔

تنظیمیں نام، عہدے اور تصویروں کے لیے نہیں بلکہ خدمتِ خلق، انسانیت اور اجتماعی بھلائی کے لیے ہونی چاہئیں۔ اگر کسی تنظیم کا فائدہ عام آدمی، غریب اور ضرورت مند تک نہیں پہنچ رہا تو پھر ایسی تنظیم کے قیام اور موجودگی پر سوال ضرور اٹھتا ہے۔

ہمیں عہدوں کی نہیں، خدمت کی سیاست اور نمائندگی کی ضرورت ہے۔

ویلڈن
جناب زبیر مہر صاحب

آرائیں برادری گجرات سٹی کی ممتاز شخصیات کی ڈی پی او گجرات سے ملاقاتآرائیں برادری گجرات سٹی کی ممتاز شخصیات، معروف بزنس م...
12/08/2026

آرائیں برادری گجرات سٹی کی ممتاز شخصیات کی ڈی پی او گجرات سے ملاقات

آرائیں برادری گجرات سٹی کی ممتاز شخصیات، معروف بزنس مین برسلز، بلجیئم چوہدری علی دلدار آرائیں (مہاراجہ گروپ آف کمپنیز) اور حافظ چوہدری احتشام دلدار آرائیں (دلدار ٹریولز) نے گزشتہ روز ڈی پی او ہاؤس گجرات میں میاں اختر فاروق آرائیں، ڈی پی او گجرات سے خصوصی ملاقات کی۔

ملاقات کے دوران انہوں نے میاں اختر فاروق آرائیں کو گجرات میں بطور ڈی پی او تعیناتی پر خوش آمدید کہا، گلدستہ پیش کیا اور ان کے لیے نیک خواہشات کا اظہار کیا۔ اس موقع پر آصف وڑائچ، حلقہ PP-223 اور عظیم ڈار (بلجیئم) بھی موجود تھے۔

خوشگوار ماحول میں ہونے والی ملاقات کے دوران چوہدری علی دلدار آرائیں اور حافظ چوہدری احتشام دلدار آرائیں نے ڈی پی او میاں اختر فاروق آرائیں کی پیشہ ورانہ صلاحیتوں، جرأت اور فرض شناسی کو سراہتے ہوئے کہا کہ وہ ایک قابل، نڈر اور فرض شناس پولیس افسر ہیں۔

انہوں نے کہا کہ میاں اختر فاروق آرائیں نے اپنی تعیناتی کے دوران ضلع بھر میں امن و امان کے قیام، پولیسنگ کے نظام میں بہتری اور میرٹ پر انصاف کی فراہمی کے لیے مؤثر اقدامات کیے ہیں۔ ایسے باصلاحیت اور قابل افسر کی خدمات کو جتنا بھی خراجِ تحسین پیش کیا جائے، کم ہے۔

ملاقات کے اختتام پر باہمی تعاون، امن و امان اور عوامی خدمت کے حوالے سے نیک خواہشات کا اظہار کیا گیا۔

12/08/2026

چودھری عبداللہ طاہر آرائیں شہید 💔

گجرات چیمبر آف اسمال ٹریڈرز اینڈ اسمال انڈسٹری کے وفد کی چیف ایس ایم تنویر سے ملاقاتفیڈریشن آف پاکستان چیمبرز آف کامرس ا...
12/08/2026

گجرات چیمبر آف اسمال ٹریڈرز اینڈ اسمال انڈسٹری کے وفد کی چیف ایس ایم تنویر سے ملاقات

فیڈریشن آف پاکستان چیمبرز آف کامرس اینڈ انڈسٹری (FPCCI) اور یونائیٹڈ بزنس گروپ (UBG) کے چیف، ایس ایم تنویر سے گجرات چیمبر آف اسمال ٹریڈرز اینڈ اسمال انڈسٹری کے وفد نے ملاقات کی۔

وفد میں گجرات چیمبر آف اسمال ٹریڈرز کے صدر اور معروف صنعت کار چودھری محمد فراز آرائیں، سینئر ممبر چودھری اشتیاق حسین آرائیں (الرفاعی بلڈرز/رائل گارڈن)، ایگزیکٹو ممبران شفیق الرحمن بٹ، چودھری سنی شہزاد آرائیں (ڈیفنس بلڈرز)، چودھری رضوان مہر (سمیر گروپ آف الیکٹرونکس) سمیت دیگر عہدیداران اور تاجر رہنماؤں نے شرکت کی۔

اس موقع پر صدر چوہدری محمد فراز نے کہا کہ ملاقات کے دوران ملکی معیشت، تجارت، صنعت، سرمایہ کاری کے فروغ اور تاجر برادری کو درپیش مسائل سمیت اہم امور پر تفصیلی تبادلہ خیال کیا گیا۔

ملاقات میں کاروباری سرگرمیوں کے فروغ، صنعتکاروں اور تاجروں کو سہولیات کی فراہمی اور وفاقی و مقامی چیمبرز کے درمیان مؤثر رابطہ کاری کو مزید مضبوط بنانے پر اتفاق کیا گیا۔

اس موقع پر اس عزم کا اظہار بھی کیا گیا کہ تاجر برادری کو درپیش مسائل کے حل، کاروباری ماحول کی بہتری اور ملک میں معاشی استحکام کے لیے مشترکہ کاوشوں کا سلسلہ جاری رکھا جائے گا۔

Address

Gujrat

Website

Alerts

Be the first to know and let us send you an email when Dera Araian Gujrat posts news and promotions. Your email address will not be used for any other purpose, and you can unsubscribe at any time.

Shortcuts

Share

Category