Muhammad Imran

31/08/2025

25/08/2025

تمام کمپیوٹر ٹیچرز PTB-PECTA کو ایپلیکیشن لکھیں ۔

نہم کلاس کی کمپیوٹر سائنس کی کتاب
میری بس گورنمنٹ آف پنجاب اور ڈیپارٹمنٹ سے اتنی سی التجاء ہے کہ اس کتاب ک مصنف حضرات اور نظر ثانی والی کمیٹی ممبران کو گورنمنٹ کے کسی بھی ایک سکول میں کمپیوٹر کلاس پڑھانے کے لیے دی جائے تاکہ جنہوں نے کتاب بنائی ہے اور جنہوں نے نظر ثانی کی ہے انکو بھی اور جنہوں نے ان مصنف حضرات اور نظر ثانی والی کمیٹی کو چنا ان سب کو بھی پتہ چلے اصل حقائق ہے کیا؟؟؟

معذرت کے ساتھ ہر چیز کو بعد میں گورنمنٹ اساتذہ پر تھوپ دی جاتی ہے جنہوں نے یہ کتاب پڑھانی ہے انکا ایک بھی نمائندہ کتاب بنانے میں شامل نہیں ہے اور پھر سب نزلہ سرکاری اساتذہ پر

پیپر مارکس ڈسٹریبیوشن اور کتاب کا احوال
ٹوٹل مارکس 50
ٹوٹل چیپٹر 12

ایم سی کیوز 10
چیپٹر 12 مطلب ایک اہم سی کیوز بھی ایک چیپٹر سے نہیں۔

شارٹ سوال 12
چیپٹر 12
ایک شارٹ سوال ایک چیپٹر سے

لانگ سوال 2
چیپٹر 12
ایک سوال 6 چیپٹر سے

کتاب کے صفحات 261
اور مواد انتہائی زیادہ اور سارے کا سارا گوگل سے کاپی پیسٹ جس میں نہ کوئی کانسیپٹ اور نہ ترتیب ٹھیک۔

ایک چیپٹر ایوریج 25 صفحات پر مشتمل اور ایگزام کے لیے ایک چیپٹر سے 3 نمبر کا پیپر بورڈ میں ایک ایم سی کیوز اور ایک شارٹ سوال اور بچہ 25 صفحات کو یاد کریں مطلب حفظ کریں وہ بھی تب کیونکہ کتاب ساری گوگل سے کاپی پیسٹ کوئی تصوراتی مواد شامل ہی نہیں اور نہ ترتیب ٹھیک۔

اب آگے چلیں ایک سال میں کتاب پڑھانے کی ترتیب پر
1. 75 چھٹیاں گرمیوں کی
2. 15 کے قریب چھٹیاں سردیوں کی
3. 80 چھٹیاں ہفتہ اتوار کی
4. کوئی 20 چھٹیاں عید و دیگر تہوار

کل ملا کر 190 چھٹیاں اور بقایا دن 175 اس میں ٹیچرز اور بچہ روزانہ سکول آئے وہ دن ہے 175 اور 175 دنوں میں 1 مہینہ پیپرز کے نکالیں تو باقی دن 145 اب 145 دن میں بچہ ایک دن میں صرف ایک کتاب کے 2 صفحات یاد کریں اور ایک چیپٹر کو اسی ترتیب سے یاد کریں پھر جا کر صرف 3 نمبر کے پیپر کی تیاری ہوگی اور اگر پیپر میں وہ سوال آونچ نیچ ہوگئی تو وہ الگ بات ہے۔

باقی سال کے بعد ذمہ داری اساتذہ پر کیونکہ ملک کا سارا ٹیکس کے پیسے اساتذہ کی جیبوں میں جا رہے ہیں۔

جب پڑھانا اساتذہ نے تو پالیسی میکر اور مصنفین یہ کرایہ کہ بندہ اور ٹھیکدار کیوں؟؟؟

15/08/2025

تیرا ذکر کروں لب پر، تیری مدح لکھوں کاغذ پر
یہ حرف نہیں ہیں میرے، یہ تو کرم ہے سرور کا

ہم مدحتِ سرکار کریں، یہ بھی عنایت ان کی ہے
ورنہ کہاں ہم اور کہاں ذکر شہِ ابرار کا

جب نامِ محمدؐ آتا ہے، دل خوشبو سے مہک اُٹھتا ہے
ایسا اثر ہے لب پر، نامِ شفیعِ محشر کا

12/08/2025

1.

تنم فرسودہ جاں پارہ، زِ ہجراں، یا رسولَ اللّٰہ ﷺ
دِلم پژمُردہ آوارہ، زِ عصیاں، یا رسولَ اللّٰہ ﷺ

اردو ترجمہ:
میرا جسم کمزور ہو چکا ہے، میری جان غمِ فراق سے ٹکڑے ٹکڑے ہو گئی ہے،
میرا دل گناہوں کی وجہ سے پژمردہ اور آوارہ ہو چکا ہے، یا رسولَ اللہ ﷺ۔

---

2.

چو سوئے من گزر آری، منِ مسکیں زِ ناداری
فدایِ نقشِ نعلینت کنم جاں، یا رسولَ اللّٰہ ﷺ

اردو ترجمہ:
اگر آپ مجھ مسکین کے پاس سے گزریں، جو انتہائی نادار ہوں،
تو میں آپ کے نعلینِ پاک کے نشان پر اپنی جان قربان کر دوں، یا رسولَ اللہ ﷺ۔

---

3.

ز جامِ حُبِّ تو مستم، بہ زنجیرِ تو دل بستم
نمی گویم کہ من بستم، سخن داں، یا رسولَ اللّٰہ ﷺ

اردو ترجمہ:
میں آپ کی محبت کے جام سے مست ہوں، اور اپنے دل کو آپ کی زنجیر سے باندھ دیا ہے،
میں یہ دعویٰ نہیں کرتا کہ یہ سب میرے کہنے سے ہوا، یا رسولَ اللہ ﷺ۔

---

4.

زِ کردۂ خویش حیرانم، سیہ شد روزِ عصیانم
پشیمانم، پشیمانم، پشیماں، یا رسولَ اللّٰہ ﷺ

اردو ترجمہ:
میں اپنے کیے ہوئے اعمال پر حیران ہوں، میرے گناہوں کے دن سیاہ ہو چکے ہیں،
میں نادم ہوں، نادم ہوں، نادم ہوں، یا رسولَ اللہ ﷺ۔

---

5.

چو بازوئے شفاعت را کشائی بر گناہ گاراں
مکُن محروم جامی را زِ احساں، یا رسولَ اللّٰہ ﷺ

اردو ترجمہ:
جب آپ گناہ گاروں کے لیے شفاعت کا بازو پھیلائیں،
تو جامی کو اپنے احسان سے محروم نہ کیجیے، یا رسولَ اللہ ﷺ۔

08/08/2025

عنوان: "جب قانون مفلوج ہو، تو بچوں کا مستقبل بھی تاریک ہوتا ہے"


پاکستان میں جب بھی قانون کی حکمرانی کی بات کی جاتی ہے، تو صرف الفاظ سنائی دیتے ہیں، عمل کہیں نظر نہیں آتا۔ ہمارے ملک میں سب سے بڑا المیہ یہی ہے کہ قانون صرف طاقتور کے لیے ایک کھلونا بن چکا ہے، جب کہ عام آدمی انصاف کے لیے دربدر کی ٹھوکریں کھاتا ہے۔

جب ملک میں قانون مفلوج ہو جائے، ادارے بے اثر ہو جائیں، اور عدل صرف خواب بن جائے، تو سب سے زیادہ متاثر ہونے والا طبقہ "ہمارے بچے" ہوتے ہیں۔ وہی بچے جو اس قوم کا مستقبل ہیں، جنہیں ہم امید کی نگاہ سے دیکھتے ہیں۔ مگر یہ بچے تعلیم، صحت، تحفظ اور مواقع کی کمی کا شکار ہیں، اور ان کا خوابیدہ مستقبل، ہماری موجودہ خاموشی اور قانونی کمزوریوں کی نذر ہو رہا ہے۔

سوال یہ ہے کہ جن افراد کو عوام نے ووٹ ہی نہیں دیا، جنہیں عوامی تائید حاصل نہیں، وہ کیسے اقتدار میں آ کر ایسے فیصلے نافذ کر سکتے ہیں جن کا براہِ راست اثر ہر پاکستانی شہری کی زندگی پر پڑتا ہے؟ جب نمائندے عوام کے نہیں، تو ان کا قانون بھی عوام کا نہیں ہوتا۔ اور جب قانون عوامی مرضی کے بغیر تھوپا جائے، تو اس سے صرف بے چینی، بداعتمادی اور تباہی جنم لیتی ہے۔

آج ضرورت اس امر کی ہے کہ پاکستان میں حقیقی جمہوریت بحال کی جائے، وہی نظام قائم کیا جائے جو عوام کے ووٹ سے آئے، اور قانون وہی بنے جو عوامی امنگوں کا ترجمان ہو۔ ورنہ ہمارے بچے، جو روشن کل کی امید ہیں، اندھیروں میں بھٹکتے رہیں گے، اور ہم صرف افسوس ہی کرتے رہ جائیں گے۔

05/08/2025

03/08/2025

31/07/2025

سوال؛
Aslam o alakum Hazoor SE madad mangna Kaisa hye, quran ya hadees ki roshni main wazahat frmain, mere aik mukhlis ne Mera aqeeda danwandool Ker Dia hye, please rehnumayee frmain, Allah aapko jaza-e- Khair atta frmaye aameen.
جواب؛
تحریر؛✍️
جاوید فقیر چشتی نظامی🔥
"جو کچھ لکھا، وہ میں نہیں… یہ تو اُس ذات کی جھلک ہے، جو جاوید فقیر کے پردے میں ظاہر ہوئی۔"

وعلیکم السلام و رحمۃ اللہ و برکاتہ،🌸♥️🌺
حضور ﷺ سے مدد مانگنا کیسا ہے؟"
بسم اللہ الرحمٰن الرحیم
دیکھو! سب سے پہلی بات یہ سمجھ لو کہ عقیدہ اگر بنیاد سے ہل جائے، تو پورا نظامِ ایمان لرز جاتا ہے۔ سوال اٹھایا گیا ہے کہ حضور پاک صلی اللہ علیہ وسلم سے مدد مانگنا کیسا ہے؟ تو آؤ اس کا جواب ہم قرآن، حدیث، علمِ معرفت اور تصوف کی روشنی میں دل کی زبان میں دیتے ہیں۔
📖 پہلی بنیاد: شہید زندہ ہے، تو نبی ﷺ کیسے نہیں؟
اللہ تعالیٰ فرماتا ہے:
وَلَا تَقُوْلُوْا لِمَنْ یُقْتَلُ فِیْ سَبِیْلِ اللّٰہِ أَمْوَاتٌ ۚ بَلْ أَحْیَاءٌ وَّلٰکِنْ لَّا تَشْعُرُوْنَ"
(سورۃ البقرہ: 154)
"جو لوگ اللہ کی راہ میں شہید کیے جائیں، ان کو مردہ مت کہو، بلکہ وہ زندہ ہیں، لیکن تمہیں شعور نہیں۔"
💫 اب غور کرو… جو اللہ کے راستے میں مارا جائے وہ زندہ، اور جو اللہ کا محبوب ہو، سردار الانبیاء ہو، رحمۃ اللعالمین ہو، کیا وہ مردہ ہو سکتا ہے؟
کبھی نہیں!
وہ زندہ ہیں، وہ سنتے ہیں، وہ جانتے ہیں۔
🌹 قرآن زندہ کتاب ہے، ماضی کی داستان نہیں
درود کے بارے میں قرآن کہتا ہے:
إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا"
(سورۃ الاحزاب: 56)
اللہ خود درود بھیج رہا ہے، فرشتے بھی بھیج رہے ہیں، اور ہمیں بھی حکم دے رہا ہے۔ تو سوال یہ ہے کہ بھیج رہا ہے کس پر؟ اگر وہ زندہ نہ ہوں، تو درود کا مخاطب کون ہے؟
☀️ یہ سب واضح دلیل ہے کہ وہ زندہ ہیں، وہ روحانی طور پر حیاتِ ابدی رکھتے ہیں۔
🌸 مدد مانگنے کا مطلب کیا ہے؟
مدد مانگنے کا مطلب یہ نہیں کہ ہم انہیں "اللہ" سمجھ بیٹھے۔ نعوذباللہ!
بلکہ ہم انہیں اللہ کا محبوب وسیلہ مانتے ہیں۔ جیسے قرآن کہتا ہے:
وَابْتَغُوا إِلَيْهِ الْوَسِيلَةَ"
(سورۃ المائدہ: 35)
"اللہ کی طرف وسیلہ تلاش کرو"
تو وسیلہ کون ہے؟ وہی جن کے صدقے اللہ عطا فرماتا ہے۔
ہم حضور ﷺ سے اللہ کی رضا مانگتے ہیں، اللہ کی معرفت مانگتے ہیں۔
اور وہ عطا فرماتے ہیں۔ وہ خوش ہو جائیں، تو رب خوش ہو جاتا ہے۔
🕊️ باطنی شہادت اور روحانی قرب
کیا تم جانتے ہو شہید صرف وہ نہیں جو جنگ میں مارا جائے؟
اصل شہید وہ ہے جو "نفس" کو مار دے، جو "انا" کو ختم کر دے، جو اللہ کی راہ پر چلتے ہوئے فنا ہو جائے۔
یہی لوگ شہید کہلاتے ہیں… اور ایسے ہی شہداء کی محفل میں انبیاء شامل ہیں۔
💖 اب سنو معرفت کی اصل بات دل سے
ہم حضور پاک ﷺ سے کیا مانگیں؟
لوگ دنیا مانگتے ہیں… رزق، روزگار، بیٹا، شادی…
حالانکہ جو کچھ وہ عطا کرتے ہیں، وہ اس سے بہت بالا ہے۔
🔹 تم ان سے اللہ کا قرب مانگو
🔹 تم ان سے دل کا سکون مانگو
🔹 تم ان سے اپنے اندر کا اللہ تلاشنے کی توفیق مانگو
🔹 تم ان سے یہ مانگو کہ یا رسول اللہ ﷺ ہمیں وہ بنا دیں جسے اللہ چاہے
یہ اصل مانگ ہے…
باقی مانگنے والے دنیا کے بازار میں کھڑے ہو جاتے ہیں،جبکہ سالک، فقیر، ملنگ، وہ در پر جا کے رب مانگتا ہے، اور رب کے محبوب سے رب کو پا لیتا ہے۔
🌾 مثال کے طور پر
جاوید اگر اپنے مرشد سے کہے:
"مرشد پاک! مجھے کچھ نہ دیں، صرف اللہ کا راستہ دے دیں"تو وہ مرشد خوش ہو جاتا ہے، اور پورا خزانہ دے دیتا ہے۔
ایسے ہی، اگر کوئی کہے:
"یا رسول اللہ ﷺ! مجھے اللہ دے دو، معرفت دے دو، دل کی آنکھ کھول دو"
تو وہ کیسے انکار کریں گے؟
وہ تو رحمۃ اللعالمین ہیں۔

🌟 حدیثِ رسول ﷺ
انی احب الصالحین ولست منھم، لعل اللہ یرزقنی شفاعتھم"
"میں نیک لوگوں سے محبت کرتا ہوں، اگرچہ میں ان جیسا نہیں ہوں، شاید اللہ مجھے ان کی شفاعت نصیب کرے۔"
(امام شافعی رحمۃ اللہ علیہ)
🌿 خلاصہ :
1. مدد مانگنا شرک نہیں ہے، اگر وسیلہ سمجھ کر مانگا جائے۔
2. حضور ﷺ زندہ ہیں، سنتے ہیں، جانتے ہیں۔
3. قرآن، حدیث، معرفت، تصوف سب گواہ ہیں کہ نبیوں کی حیات باقی ہے
4. مدد وہی مانگو جو اصل مدد ہے: اللہ، معرفت، قرب، عشق، فنا فی اللہ۔

اللہ تعالیٰ ہمیں حق کی پہچان عطا فرمائےاور ہمیں اپنے محبوب کے قدموں کا فقیر بنا دے۔آمین یا رب العالمین