02/08/2026
๐๐ฎ๐ฝ๐ฒ, ๐๐ฒ๐ป๐๐ฒ ๐ฆ๐ถ๐ป๐ด๐ธ๐ผ
โ๐๐ฆ๐ญ๐ข๐ฅ๐ขโ
Lumabas ako kanina ng bahay para bumili ng kape.
Pucha acidic nga pala ako.
Itong si Mang Berting kanina pang lutang.
โYesโ lang nang โyesโ, wala namang pinag-aralan.
Hawak niya ang envelope habang tumatawa.
Gusto makipag kamay sa lahat ng dumadaan habang may hinihithit siya.
Si Robert panay sigaw.
โBrownout na naman!โ
โDegrowth โyanโ sabi ni Aling Nena.
Gago โdi ko alam ibig sabihin non.
Basta ang mahal ng kape.
Bente singko na pala para sa mga acidic,
pero sisiw lang daw doโn sa isang adik.
Yung mga tambay nga nag so-softdrinks,
si Inday may trial sa tagu-taguan pero 'di nila mahanap.
Sayang naman yung bonus.
โDi nila makita ang resibo,
pero naniniwala si Marites doon.
Ang aga-aga umiinom sila Edward ng gin,
parang teleserye, nasa taas ang bida.
Tapos may biglang dumaan,
ang dami nila. May dala silang placard.
May rally daw bukas sabi nung kuya.
Sa US Embassy, sa silika, sa lupa, sa magsasaka.
Ano ba yon?
Kinabukasan inabangan ko pero wala nang balita.
Nasa tiktok na pala, kingina kinse segundo tapos scroll na.
Itong si Totoy nakaluhod sa tatay niya,
puro corned beef ang bukambibig.
Grabe ata gutom noโn,
bading din daw kase sabi ni Kapitan.
Anoโng connect?
Disconnected na naman ang internet nila boy.
Nagbabayad naman daw sila pero lagi siyang loading.
Sabi ni Selma, na-red tag daw ang pinsan niya
Nag reklamo kase tungkol sa maling sistema.
Kaya nga palo lang ng palo si Bogart.
Binulungan ba naman ang syota niya kung safe sila.
Basta nag iinit, mainit nga.
Sabi ni Lolo galit na naman ang araw,
pero pinapaputol niya ang puno sa bakuran.
Sabi daw kase โyon ni mayor para malawak ang daan.
Pisteng daan-daang puno na yun ah, ilang basketball court din yun.
Para sa solar ni Aling Beth.
Pero nawala ang palayan ni Mang Ben.
Tapos may dumaan na convoy.
Naka-tint.
Nagbukas ng bintana at nag-abot ng 500.
โpara sa kapeโ
Pero kinabukasan bente singko pa rin.
Ang gulo, umuwi nalang ako.
Ang ingay din ng kapit bahay na puro AI ang tugtugan
Tapos biglang sumigaw na wala na namang tubig.
Putik yan, maputik ang nilalabas.
Galit lang sila kanina pero kinabukasan makakalimutan na niyan.
Bwisit wala na namang internet
Pero yung kanto maingay pa rin
Ayos na tong ulam sa mesa, mamantika.
Ang mahal na kase ng kape.
