20/07/2024
STATEMENT OF SEN. B**G GO
Re: PhilHealth fund transfer
As chair of the Senate Committee on Health and as part of our oversight functions on the implementation of the Universal Health Care Law, I will be seeking answers from PhilHealth, DBM, DOF and DOH on the propriety and legality of the purported transfer of around P90 billion, representing unused government subsidy for PhilHealth, to the national treasury.
Simple lang naman ang mga tanong ng mga kababayan natin: tama at legal ba ang ginawa ng DOF at PhilHealth? Kung oo, saan naman ito gagamitin?
Ako naman bilang senador na prayoridad ang kalusugan ng bawat Pilipino, ang aking pangunahing concern dito: Bakit may P90 Billion na excess funds ang PhilHealth na hindi nagamit para mas palawakin at palakasin pa ang benefit packages na makakatulong sa ating mga kababayan?
Hindi katanggap-tanggap na may pondong nand’yan na hindi nagamit para matulungan ang bawat Pilipinong miyembro naman ng PhilHealth. Nais nating malaman ang paliwanag ng Ehekutibo kung bakit may ‘excess funds’ ang PhilHealth habang maraming pasyente pa rin ang naghihingalo at walang pambayad ng kanilang pagpapaospital o pampagamot. Bakit hindi ito nagamit para tulungan sila?
Ngayon na ibabalik ‘yang pondong ‘yan sa national treasury, para sa akin, unang-una, dapat hindi ito masayang. Pangalawa, dapat ang makabenepisyo pa rin diyan ay ang taumbayan, lalo na ang mga mahihirap at may sakit.
Ang pondong nakalaan para sa kalusugan ay dapat magamit para sa kalusugan tulad ng pangtulong sa mga pasyente, pagsasaayos ng health facilities at pambayad ng mga utang sa health workers. Gamitin din sana ito para sa tamang implementasyon ng Universal Health Care Law kung saan ginawang miyembro ng PhilHealth ang bawat Pilipino, ang Malasakit Centers Law na parte talaga ang PhilHealth sa mga ahensyang may mandatong magbigay ng medical assistance, at pati na rin sa pagpapalawak lalo ng Konsulta package ng PhilHealth.
Sariwa pa sa isip natin ang hamon noong pandemya kung saan nabigla tayo at nakita ang mga butas sa ating healthcare system. At hanggang ngayon, madaming ospital pa rin ang lumalapit sa akin kasi kulang daw ang kagamitan nila at hindi maayos ang mga pasilidad. Marami pa ring health workers ang naniningil ng kanilang HEA. At higit sa lahat, marami pa ring pasyente ang nagmamakaawa na makakuha ng tulong pampagamot.
Pera naman ng taumbayan ‘yan na originally intended for healthcare. Kaya siguraduhin nating bawat piso riyan ay makasalba man lang ng buhay. Tandaan natin na ang kalusugan ay katumbas ng buhay ng bawat Pilipino!
👊🏼🇵🇭
