31/08/2022
Nice dol...😁
Nais ng isang kongresista na papanagutin at pagbayarin ang mga traffic enforcers na manghuhuli ng driver kahit walang violation o kursunada lang.
Sa House Bill 3366 ni 1-Rider Party-list Rep. Bonifacio Bosita, marami umanong tsuper ang nahuhuli for traffic violation ng wala naman talagang kasalanan, na kadalasan ay biktima lang ng "ticketing quota system."
May mga LGUs umano na binibigyan ng 10 hanggang 20% commission ang kanilang traffic enforcers at deputized enforcers, kaya ang nangyayari ay basta-basta na lang sila nanghuhuli para maabot ang quota.
May mga enforcers din umanong sadyang walang alam sa batas trapiko.
Sa panukala ni Bosita, sino mang enforcers na mapapatunayang biktima ng maling apprehension, pagbabayarin sila at isasama sa desisyon ng Traffic Adjudication Board ang paggawad ng kabayaran sa complainant bukod sa pag dismiss sa kaso.
Ang kabayaran ay katumbas ng daily wage ng complainant, multiply kung ilang araw itong umabsent dahil sa pag-contest sa apprehension.
Kung walang trabaho ang hinuli, babayaran din sya base sa prevailing minimum wage.
Kung na-impound ang sasakyan, ang driver ay entitled ng additional compensation.
Sa puntong ito bibilangin ang gulong ng na-impound na sasakyan, multiply kung Ilan araw itong na-impound at ang halaga ay katumbas pa rin ng arawang sahod.
Babayaran din ng nanghuling traffic enforcer ang gastos sa towing, impounding fee at kung may nasira sa sasakyan.
Inaatasan din ng panukala ang lahat ng Traffic Enforcement Authorities na magkaroon ng drivers compensation fund na siyang pagkukunan ng pondo bilang pambayad sa mga nabibiktimang tsuper. | via Ed Sarto
