30/04/2026
To all our valued subscribers,
📍📍PANGANDAMAN DANAO: JOINT WIRE CLEARING OPERATIONS 2026 SUNOD SEMANA NA
Pahibalo sa tanan’g Danawanon nga upahigayon na ang Joint Wire Clearing Operations sa Dakbayan sa Danao gikan May 4–8, 2026 sa mga national highways sa Danao City.
Kini nga dako nga inisyatiba ginapangulohan sa Danao City Government uban sa walo (8) ka multi-sector partners sa electricity ug communication utilities: CEBECO II, CCR, CCTN, Converge, DITO, PLDT, Smart, ug Globe.
Tumong niini ang paglimpyo sa mga dangling ug obsolete nga kable, pagtangtang sa illegal connections, ug pagpaayo sa kahimtang sa ato’ng linya aron malikayan ang peligro sa aksidente, hinay nga koneksyon, ug sunog.
Unsa ang dapat mahibal-an
- Posible ang moderate traffic flow atol sa operasyon
- Adunay temporary power interruptions ug signal disruptions (dali ra) samtang ginatrabaho ang mga linya alang sa kaluwasan
- Ang operasyon pagahimoon nga hapsay, paspas, koordinado, ug luwas pinaagi sa CICTO, CDRRMO, CEO, TMO, BFP, PNP, ug mga barangay
Ang iskedyul nga May 4–8 kay gi-set isip maximum duration, apan paningkamutan nga mahuman kini sa mas mubo nga panahon.
Kining inisyatiba kabahin sa Connectivity Agenda ni Mayor Nito Durano— aron mapalig-on ang luwas, episyente, ug kasaligan nga koneksyon sa dakbayan, nga magpadayon sa pag-abli og daghang oportunidad alang sa katawhan.
Giawhag ang tanan sa pagsabot ug kooperasyon sa ato’ng gihimo nga paningkamot alang sa kaayohan sa Danao. Ang temporaryong kahasol karon, maghatag og dugay’ng kaayohan sa tanan.
Padayon nga maghatag og updates ang Danao City Government bahin niini. Salamat sa inyong pagsuporta.
Amping kanunay.