16/09/2024
E rere tonu ana nga mihi ki teena ki teena i whai waahi mai ki taku mokopapa ki Okarea Marae. Mei kore i a koutou, kua kore hoki nei au.
E taku tuatahi, e te pou o toku manawa, Rayza Hakopa kua rangatira au i a koe.
E taku kahi, taku teina hirahira maori ake nei, e Hineawhi Awarau kua humarie au i a koe.
E aku whanaunga karanga tuahine Melody Ft Ace Koti Patonu Puru Jess Harris, kua titita te pou ki te kainga.
E aku tuahine, Toni Hunapo Diane Williams Aroha Kapea, aku rangi tuatahi, kua eke panuku te hoe o taku waka i a koutou.
E te mareikura, e taku tuahine tuakana, ringa miri wairua, reo kawe wairua, e Mihirangi Wātihi, kua rite taku moko rerehua ki a koe.
E te pou whakairo, te ringa tuku iho o rarohenga, e te parata otira te tohunga kaitaa moko, e Jayden Hokianga, kua tohia ki nga wai o mokopapa ki taku mokopuna.
Taku maamaa, taku paapa, e kore te puna o aroha e mimiti, penei me he wai puhapuha ka ora ake ake.
E aku teina, e aku tuakana, e aku karapotinga whakaahurutanga, tena koutou, tena koutou, tena koutou katoa!!!
