05/06/2026
धेरैका लागि स्वास्थ्य सेवा केही मिनेटको दूरीमै उपलब्ध हुन्छ।
तर केही समुदायहरूमा अझै पनि सामान्य स्वास्थ्य परीक्षणका लागि पनि घण्टौँ यात्रा गर्नुपर्ने अवस्था छ । विशेष गरी यौन तथा प्रजनन स्वास्थ्यका विषयमा पहुँचको कमी, सीमित जनचेतना, र खुला संवादको अभाव अझै पनि चुनौतीका रूपमा रहेका छन्।
हामीलाई विश्वास छ, दिगो विकास केवल प्रविधिको पहुँचले मात्र हैन, समुदायको समग्र स्वास्थ्यले पनि सुनिश्चित गर्छ । यही यथार्थलाई मध्यनजर गर्दै, InfoDevelopersले YoSHAN र नमोबुद्ध नगरपालिका सँगको सहकार्यमा नमोबुद्ध नगरपालिका वडा नं. ६ स्थित चाराङ्गेपेढी आधारभूत स्वास्थ्य केन्द्रमा स्वास्थ्य सेवा र सचेतना पुर्याउने अवसर प्राप्त गर्यौँ। यस पहलमार्फत १०० भन्दा बढी समुदायका सदस्यहरूसम्म स्वास्थ्य तथा मनोसामाजिक परामर्श सेवा पुर्याउन हामी सफल भयौँ।
यस पहललाई सफल बनाउन योगदान पुर्याउनुहुने स्वास्थ्यकर्मीहरू, स्वयंसेवकहरू, स्थानीय जनप्रतिनिधिहरू, हाम्रो सहकार्य संस्था YoSHAN र नमोबुद्ध नगरपालिका, साथै समर्पित इन्फोडेभ्लपर्स टिमप्रति हार्दिक धन्यवाद व्यक्त गर्दछौँ। यहाँहरूको प्रतिबद्धता, सहकार्य र अथक प्रयासबिना यो सम्भव हुने थिएन।
