16/06/2024
3rd party Antivirus, crack :
Windows үйлдлийн систем нь ойлгон ашиглахад хялбар нэгэнт байр сууриа олчихсон зах зээл дээрх голлох үйлдлийн системүүдийн нэг болсон хэдий ч хорвоо дээр хамгийн төгс зүйл гэж байдаггүй шүү дээ. Үүний жишгээр windows үйлдлийн систем нь олон сул тал дутагдлуудтай билээ. Үүний нэг нь амархан вирустэх эсвэл амархан хакдуулж чухал мэдээллээ алдах эсвэл түгжүүлэх явдал юм. Хэдийгээр windows үйлдлийн систем дээр firewall, realtime protection зэрэг вирус, халдлагаас хамгаалах функцууд ажилладаг ч гэлээ төдийлөн үр дүнтэй байдаггүй. Яахав дийлэнхи нөхцөлд вирус болон халдлагад өртөж байгаа гол шалтгаан нь хэрэглэгч өөрөө байдаг хэдий ч хүн болгон компьютерийн талаар хангалттай сайн мэдлэггүй мөн манай оронд хэрэгтэй мэдлэгийг олж авхад амаргүй байдаг. Хэрвээ та ямар нэгэн байдлаар төлбөр төлөхгүйгээр төлбөртөй програм ашиглаж байгаа бол (cracked, pirated) энэ нь вирус юм. Яахав үнэгүйгээр үнэтэй зүйлийг ашиглана гэдэг сайхан ч гэлээ та албан ёсны license авахгүй бол танд олон төрлийн эрсдэл үүснэ “хэрэв та ямар нэг бүтээгдэхүүн үйлчилгээг үнэгүй ашиглаж байгаа бол та өөрөө бүтээгдэхүүн үйлчилгээ гэсэн үг”. Үүгээр юу гэх гэсэн бэ гэвэл үнэгүйгээр ашиглах боломжийг олгож байгаа crack нь өөрөө вирус юм. Тухайн crack-ийг зохиосон этгээд crack-ндаа нэмэлтээр өөрт ашигтай юуг ч хийсэн байж болох тул (таны компьютер луу танд мэдэгдэхгүй нэвтрэх боломж эсвэл ямар хамаагүй нэг сервер лүү хандалт хийж ч байх боломжтой) маш эрсдэлтэй сонголт юм. Хэдий манай орны дундаж цалин аливаа програмийг албан ёсны эрхтэйгээр ашиглахад маш хангалтгүй ч гэлээ та өөрийн ажлыг хөнгөвчилж буй тухайн програмийг худалдан авснаар тухайн програмийг зохиогч хөгжүүлэгчдийг цаашид үйл ажиллагаагаа найдвартай явуулахад дэмжлэг болж програмаа улам боловсронгуй болгоход хувь нэмэр оруулж байгаа гэдгийг ойлгох хэрэгтэй. Сүүлийн үед интернэт орчинд malware төрлийн вирус их тархаад буй. Таны компьютерд орж ирээд ажилласан л бол таны бүх file-ийг түгждэг. Жишээ нь: таны excel дээр хийсэн ажил тань “тайлан.xls” эсвэл ”тайлан.xlsx” гэх өөрт тохирсон өргөтгөлтэй байх ёстой харин malware нь үүнийг encrypt арга ашиглан “.cry”, “.777” гэх мэтчилэн өргөтгөлтэй болгодог ба ингэснээр таны file нээгдэхгүй түүгээр зогсохгүй цаашид ажиллах боломжгүй болж байгаа юм. Зарим malware-ууд мөнгө төлөөд түгжээгээ тайлуулахыг санал болгодог ч дийлэнхи нөхцөлд мөнгийг нь төлсөн ч түгжээ тайлагдадгүй нь харамсалтай. Компьютерийн вирус нь дотроо маш олон төрөлд хуваагддаг ба дээр дурдсан жишээ ердөө 2 нь л юм. Хэдийгээр нэмэлтээр 3rd party antivirus(kaspersky, bitdefender…) суулгалаа гээд та 100% найдвартай хамгаалагдсан биш хэдий ч defender ажиллуулснаас эсвэл огт байхгүй байснаас хамаагүй дээр ба маш хүчирхэг ,мэдлэгэтэй хамт олон таныг чухал мэдээлэллээ алдах эсвэл халдлагад өртхөөс сэргийлэн ажиллаж байгаа гэж ойлгож болно. Эцэст нь та өөрийн эсвэл байгууллагын чухал мэдээлэл эсвэл сантай харьцдаг бол төлбөртэй antivirus ашиглахыг эрмэлзээрэй гэж зөвлье.
Хэрвээ таньд комьпютерийн холбогдолтой ямар нэгэн бэрхшээл тулгарсан бол бидэнтэй холбогдоорой.Баярлалаа
