DJI Монгол дахь төлөөлөгчийн газар

DJI Монгол дахь төлөөлөгчийн газар DJI Монгол дахь төлөөлөгчийн газар. Exclusive distributor of DJI in Mongolia. Da Jin Long Global Trade FILLC

Өвлийн улирал эхэлж, ирэх зун хүртэл дроноо ашиглахгүй хадгалах гэж байгаа хэрэглэгчид цөөнгүй байдаг. Иймд дараах зөвлө...
28/11/2024

Өвлийн улирал эхэлж, ирэх зун хүртэл дроноо ашиглахгүй хадгалах гэж байгаа хэрэглэгчид цөөнгүй байдаг. Иймд дараах зөвлөмжид анхаарлаа хандуулаарай.
DJI дронуудын батерейг зөв хадгалах нь тэдгээрийн ашиглалтын хугацааг уртасгах, аюулгүй ажиллагааг хангахад чухал үүрэгтэй.

Доорх зөвлөмжийг дагаж мөрдөөрэй:

1. Цэнэгийн түвшнийг зөв тохируул
Урт хугацааны хадгалалт: Батерейг 50-65% (ойролцоогоор 3.85V хүчдэлтэй) цэнэгтэйгээр хадгалаарай. Хэт бүрэн цэнэгтэй болон бүрэн цэнэггүй батерей урт хугацаанд байвал эвдрэх эрсдэлтэй.
DJI-ийн олон загвар автомат цэнэг бууралт хийх функцтэй байдаг. Батерейг 100%-тай байлгавал тэр нь тодорхой хугацааны дараа өөрөө буурах үйл явцыг эхлүүлдэг.

2. Хадгалах орчны нөхцөл
Температур: Батерейг 15-25°C температуртай, хуурай орчинд хадгална. Хэт халуун эсвэл хүйтэн орчинд удаан хугацаанд байлгаснаар батерей гэмтэж болзошгүй.
Чийгшил: Чийглэг газар хадгалахаас зайлсхий. Хэрэв шаардлагатай бол чийг шингээгч (силика гель) ашиглаарай.

3. Тогтмол шалгах
Сар бүр батерейг шалгаж, цэнэгийн түвшинг хадгалах зөв хэмжээнд байлгаарай. Хэрэв цэнэг буурсан бол бага зэрэг цэнэглэх хэрэгтэй.

4. Хэт цэнэглэлтээс сэргийлэх
Батерейг дроноос салгаж хадгалаарай. Энэ нь хэт цэнэглэлт болон өөрөө цэнэгээ алдахаас сэргийлнэ.

5. Цэвэрлэх болон хамгаалах
Батерейг хадгалахын өмнө гадаргууг нь тоос, бохирдлоос цэвэрлэж, холбогч хэсгүүдийг гэмтээхгүй байхаар хамгаалж байгаарай.

6. Хэт урт хугацааны хадгалалт
Хэрэв та батерейг хэдэн сараас дээш хугацаанд ашиглахгүй бол хадгалалтын зөв түвшинд (50-65%) цэнэглэж, тогтмол шалгах хэрэгтэй.

Эдгээр зөвлөмжийг дагаж мөрдвөл DJI дроны батерей аюулгүй, үр бүтээлтэй ажиллах боломжтой байх болно.

Өвлийн улиралд DJI дроныг нисгэхдээ дараах зүйлсийг анхаарах хэрэгтэй:1. Цаг агаарыг шалгахТемператур: DJI энгийн хэрэгл...
28/11/2024

Өвлийн улиралд DJI дроныг нисгэхдээ дараах зүйлсийг анхаарах хэрэгтэй:

1. Цаг агаарыг шалгах
Температур: DJI энгийн хэрэглэгчийн дронуудын ажиллах температур ихэвчлэн -10°C-аас +40°C хооронд байдаг. Үүнээс доош температурт батарей хурдан муудах, аюулгүй нислэгийн програм хангамж буруу тооцоолох, дрон гацах эрсдэлтэй. Мөн өндөрт хөөрөх тусам агаарын температур газрын гадарга дахь температураас илүү хүйтэн болдгийг анхаарна уу.
Салхи: Өвөл ихэвчлэн хүчтэй салхи шуургатай байдаг тул нислэг хийхээс өмнө салхины хурдыг шалгаж, үйлдвэрлэгчийн зөвлөсөн хязгаарт байхыг баталгаажуулна уу.
Цас: Цасан шуургатай үед нислэг хийх нь дрон эвдрэх, цахилгаан эд ангид гэмтэл учруулах эрсдэлтэй.

2. Батарейгаа хамгаалах
Дулаан байлгах: Литиум-ион батарей хүйтэн нөхцөлд цэнэгээ хурдан алдах тул нислэгийн өмнө батарейг дулаан газар хадгалах хэрэгтэй. Нислэгийн өмнө батарей 20-25°C орчим температур дулаан байх шаардлагатай.
Нэмэлт батарей: Өвлийн нислэгт батарей илүү хурдан цэнэг дуусдаг тул нэмэлт батарей авч явахыг зөвлөж байна.

3. Calibration хийх
Өвлийн хүйтэн агаар нь дрон болон сенсоруудад нөлөөлж болох тул нислэгийн өмнө компас болон IMU (Internal Measurement Unit)-г calibration хийнэ.

4. Нислэгийн төлөвлөгөө
Богино нислэг хийх: Хүйтэн нөхцөлд нислэгийн хугацаа багасдаг тул нислэгээ богино байлгахыг хичээ.
Дроныг ойр байлгах: Алсын нислэг хийхээс зайлсхийж, алсын удирдлагаас гаргахгүй байхаар төлөвлө.

5. Цас, мөснөөс сэргийлэх
Сэнс цэвэрлэх: Сэнс болон их бие дээр цас, мөс наалдсан тохиолдолд нислэгийн тогтвортой байдал алдагддаг тул нислэгийн өмнө цэвэрлээрэй.
Цасны хамгаалалт: Дроны их биед цас орох, чийг хуримтлагдахаас сэргийлэхийн тулд ус, чийгний хамгаалалт хэрэглэх боломжтой.

6. Камераа хамгаалах
Линзний цан: Камерын линз цантах магадлалтай тул линз цэвэрлэгч ашиглаарай.
Температурын тэнцвэр: Дроныг дулаан орчноос гадаа хүйтэнд гаргахдаа бага багаар дасан зохицох боломжийг олгох хэрэгтэй.

7. Олон нийтийн дүрэм журмыг мөрдөх
Өвөл дрон нисгэхэд олон зүйлээс эрсдэл үүсэж болох тул олон нийтийн газар, хүн ихтэй газар дээгүүр нисгэхгүй байх нь чухал. Ингэснээр бусдыг болон өөрийгөө эрсдэлд оруулхаас сэргийлнэ. Мөн харагдах орчин хязгаарлагддаг тул бусад дрон нисгэгч болон аюулгүй байдлын дүрмийг баримталж, ослоос сэргийлнэ.

Эдгээр зөвлөгөөг дагаж мөрдвөл DJI дроныг өвөл аюулгүй, үр дүнтэй ашиглах боломжтой.

DJI брэндийн бүтээгдэхүүнээ засуулах хүсэлтэй хэрэглэгчид зарим тохиолдолд тодорхой асуудлуудтай ирж байгаа тул анхааруу...
27/11/2024

DJI брэндийн бүтээгдэхүүнээ засуулах хүсэлтэй хэрэглэгчид зарим тохиолдолд тодорхой асуудлуудтай ирж байгаа тул анхааруулга болгон энэ мэдээллийг нийтэлж байна.
DJI-ийн бүтээгдэхүүнийг албан ёсны борлуулагч дэлгүүрээс худалдан аваагүй тохиолдолд дараах ЭРСДЭЛ-үүд үүсч болзошгүй:

1. Хуурамч эсвэл чанаргүй бүтээгдэхүүн:
Албан бус дэлгүүрүүдэд хуурамч эсвэл REFURBISHED буюу засварлаж дахин шинээр савласан бүтээгдэхүүн зарах магадлал өндөр байдаг. Ийм тохиолдлууд Монголд цөөнгүй гардаг. Энэ нь төхөөрөмжийн ажиллагаанд ноцтой асуудал үүсгэж болзошгүй өндөр эрсдэлтэй.

2. Баталгаат засварын үйлчилгээ авах боломжгүй:
DJI-ийн албан ёсны баталгаат хугацааны үйлчилгээ нь зөвхөн албан ёсны борлуулагчаас авсан бүтээгдэхүүнд хамаарна. Хэрвээ хувь хүн болон албан бус дэлгүүрээс худалдан авсан төхөөрөмж эвдэрсэн тохиолдолд албан ёсны засварын үйлчилгээ авах боломжгүй байдаг.
3. Програм хангамжийн асуудал:
DJI-ийн бүтээгдэхүүнүүдийн ихэнх нь байршлын болон үйлдвэрлэгчийн баталгаажуулалттай програм хангамж ашигладаг. Албан бус эх үүсвэрээс авсан төхөөрөмжид програм хангамжийн хориг тавигдах, эсвэл шинэчлэл буюу Firmware update авах боломжгүй байж болзошгүй.
4. Тоног төхөөрөмжийн дутуу эсвэл буруу тохиргоо:
Албан бус дэлгүүрүүд бүтээгдэхүүнийг дутуу бүрдэлтэй эсвэл шаардлага хангахгүй тохиргоотой байлгаж, таны хэрэглээнд сөргөөр нөлөөлж болзошгүй.
5. Үйлчилгээ болон хэрэглэгчийн дэмжлэг авах боломжгүй:
DJI-ийн албан ёсны борлуулагчид хэрэглэгчдэд бүтээгдэхүүний хэрэглээний заавар, зөвлөгөө, техникийн дэмжлэг үзүүлэх боломжтой байдаг. Албан бус дэлгүүрээс авсан бүтээгдэхүүнд энэ төрлийн дэмжлэг байхгүй.
6. Санхүүгийн алдагдал:
Хуурамч эсвэл чанаргүй бүтээгдэхүүн удаан хугацааны ашиглалт даахгүйгээс гадна та дахин шинэ төхөөрөмж худалдан авах шаардлагатай болж, санхүүгийн нэмэлт ачаалал үүсгэж болзошгүй.

Жич: 2024 онд DJI-ийн RC2 удирдлага дээр програм хангамжийн алдаа гарч дэлхий даяар 12,000 ширхэг дроныг эргүүлэн татсан ба DJI-ийн Монгол дахь төлөөлөгчийн газар нь ийм алдаа гарсан Монголын албан ёсны дэлгүүрүүдээс худалдан авсан хэрэглэгчдийн бүтээгдэхүүнийг бүрэн шинээр сольж өгсөн. Харин албан бус сувгаас худалдан авсан хэрэглэгчдэд ийм төрлийн үйлчилгээ үзүүлэх боломжгүй байдаг. Энэ нь зөвхөн дрон биш бусад DJI-ийн бүх төрлийн бүтээгдэхүүнд ижил нөхцөлтэй үйлчилдэг.

Зөвлөгөө: DJI-ийн бүтээгдэхүүнийг баталгаат чанар, албан ёсны баталгаа, үйлчилгээний хамт авахын тулд зөвхөн албан ёсны борлуулагчаас худалдан авахыг зөвлөж байна.

13/09/2024

A Pro. Тун удахгүй..

29/08/2024

Дроноор нисэхэд юуг анхаарах вэ?

Consumer (хэрэглэгчийн түвшний) дрон буюу анхлан суралцагчдад зориулагдсан дрон нисгэхдээ дараах зүйлсийг анхаарах хэрэгтэй:

1. Нислэгийн хууль, дүрэм журам
- Нислэгийн бүс: Зарим газрууд, тухайлбал, Нисэх буудал, Цэргийн бааз, Сүхбаатарын талбай, ТЕГ, Элчин сайдын яам, Их тэнгэрийн ам, Хилийн бүс, хүн ам ихтэй газар зэрэгт дрон нисгэхийг хориглодог. Тиймээс тухайн бүс нутгийн дроны нислэгийн дүрэм журамтай сайн танилцаарай.
- Зөвшөөрөл: Зарим улс оронд дрон нисгэхэд албан ёсны зөвшөөрөл шаардлагатай байдаг. Хэрэв та тодорхой өндөрт нисгэх буюу олон нийтийн газар дрон нисгэх гэж байгаа бол урьдчилан зөвшөөрөл аваарай.

2. Цаг агаарын нөхцөл
- Салхи: Дрон салхи ихтэй нөхцөлд тогтворгүй нисдэг тул салхи багатай, тайван өдөр нисгэх нь зүйтэй.
- Бороо, чийгшил: DJI дронууд ус болон чийгэнд тэсвэргүй байдаг тул бороотой болон чийгшил өндөртэй нөхцөлд нисгэхээс зайлсхийгээрэй.
- Температур: Хэт өндөр буюу хэт бага температурт дрон ажиллахад батерей хурдан дуусах болон эвдрэх эрсдэлтэй байдаг тул дроны баталгаат температурын хүрээн дотор нисгэх хэрэгтэй.

3. Нислэгийн өмнөх бэлтгэл
- Батерей: Дроны болон алсын удирдлагын батерейг бүрэн цэнэглэсэн эсэхээ шалгаарай.
- Аппликэйшн болон программын шинэчлэлт: DJI-ийн аппликэйшн, программ хангамжийг шинэчлэгдсэн эсэхийг шалгаж, шинэчилсэн байх нь нислэгийн аюулгүй байдлыг хангах боломжтой.
- Камерын тохиргоо: Хэрэв видео бичлэг эсвэл зураг авалт хийх бол камерын тохиргоог урьдчилан бэлдэж, зөв тохируулсан эсэхээ шалгаарай.

4. Аюулгүй ажиллагаа
- Нислэгийн өндрийг хянах: Дроныг хэт өндөрт нисгэхээс зайлсхийж, хараа хяналтын хүрээнээс гаргахгүй байх нь зүйтэй.
- GPS ба байрлал тогтоолт: GPS ба байрлал тогтоох функцүүдийг ашиглан дроны байрлалыг тогтвортой байлгах боломжтой. Хамгийн багадаа 15 хиймэл дагуулаас GPS сүлжээ холбогдсоны дараа нисгэх нь илүү аюулгүй. Ингэснээр дрон автоматаар эхлэл цэгтээ буцах боломжтой.
- Нислэгийн хязгаарлалт: DJI дронууд нислэгийн хязгаарлалттай тохиргоотой байдаг. Нисгэхээсээ өмнө дроны нислэгийн зайн хязгаар, батерейны үлдэгдэл зэргийг хянах нь чухал.

5. Нислэгийн дадлага
- Хялбар дадлага: Анх удаа нисгэж байгаа бол нээлттэй, өргөн талбайд эхний нислэгээ хийж, удирдлагын функцуудыг дасгал хийж сурах нь зүйтэй.
- Автоматаар буух функц: Олон DJI дронууд автоматаар буух функцтэй байдаг тул эхний нислэгүүдээ буулгахдаа энэ функцийг ашиглаж болно.

6. Бусдын аюулгүй байдал
- Олон нийтийн газар: Хүн ам ихтэй газар, хүн амын ойролцоо дрон нисгэхээс зайлсхийх нь аюулгүй байдлыг хангах чухал арга юм.
- Нууцлал: Бусдын хувийн орон зай болон нууцлалыг хамгаалахын тулд дроны камерыг зөв газарт чиглүүлж, нууцлалд халдахгүй байхаа анхаараарай. Бусдын хувийн нууцлалд халдах нь хуулийн хариуцлага хүлээх том эрсдэлтэй.

7. Алсын удирдлагын хяналт
- Алсын удирдлагын холбоо: Дроныг нисгэж байхдаа алсын удирдлага болон дроны хоорондох холбоог таслахгүй, байнга хянаж байх хэрэгтэй. Холбоо тасарвал дрон автоматаар эхлэл цэг рүүгээ буцах боловч ийм эрсдэлээс зайлсхийх нь чухал. Хэрвээ дрон нь удирдлагаас сүлжээ тасарсан тохиолдолд буцаж ирэх автомат тохиргоог хийсэн эсэхээ нисгэхээс өмнө шалгаарай.

Эдгээр зөвлөмжийг дагаснаар та дроныг аюулгүй, үр бүтээлтэй нисгэх боломжтой.

Мөн дроноор аюулгүй нисэх видео зөвлөмжийг доор комент хэсэгт оруулсан албан ёсны линкнээс үзэх боломжтой.

💡DJI-ийн дроныг анх удаа авхад юуг анхаарах вэ?DJI-ийн дроныг анх удаа худалдан авахдаа дараах зүйлсийг анхаарах нь зүйт...
28/08/2024

💡DJI-ийн дроныг анх удаа авхад юуг анхаарах вэ?

DJI-ийн дроныг анх удаа худалдан авахдаа дараах зүйлсийг анхаарах нь зүйтэй:

1. Зорилгоо тодорхойлох
- Дроныг ямар зорилгоор ашиглах вэ гэдгийг тодорхойлох нь чухал. Жишээ нь, гэрэл зураг, видео бичлэг хийх үү, эсвэл мэргэжлийн зураг авалт, судалгаа, газар хэмжилтийн ажилд ашиглах уу гэдгээс хамааран загварыг сонгоно.

2. Төсвөө тодорхойлох
- DJI-ийн дронууд өөр өөр үнийн ангилалтай байдаг. Таны төсөвт нийцэх хамгийн сайн загварыг сонгоорой. Үнийн зөрүү нь камерын чанар, нислэгийн хугацаа, нэмэлт функцүүд дээр илэрнэ.

3. Онцлог шинж чанарууд
- Камерын чанар: Камерын нягтаршил, тогтворжуулалт, линзний чанар зэрэг нь таны хүссэн зураг, видео бичлэгийн чанарт нөлөөлнө.
- Нислэгийн хугацаа: Нислэгийн зай болон хугацаа дроны батерейны хүчин чадлаас хамаарна. Урт хугацааны нислэг хийх хэрэгцээтэй бол өндөр батерейтай загвар сонгоорой.
- Хурд болон хүч: Зарим дронууд хурдтай, салхи тэсвэрлэх чадвартай байдаг тул байгаль орчинд тохирсон загварыг сонгох нь чухал.
- GPS ба мэдрэгчүүд: GPS системтэй дрон нь нарийвчлалтай нисэх боломжийг олгодог ба аюулгүй байдлыг сайжруулна. Мөн саад мэдрэгчтэй дронууд илүү аюулгүй.

4. Үйлчилгээ ба дэмжлэг
- DJI-ийн албан ёсны үйлчилгээний төв, баталгаат хугацаа болон засварын дэмжлэг авах боломжтой эсэхийг шалгаарай. Монгол дахь албан ёсны борлуулагчаас авах нь дэлхий даяар үйлчилдэг DJI-ийн After Service үйлчилгээг авах боломжтой байдаг.

5. Сургалт ба ашиглалтын гарын авлага
- Дроныг ашиглах заавар, хэрхэн ашиглах талаар судлаад үзээрэй. DJI-ийн дронууд програм хангамжийн хувьд маш хялбар боловч зарим функцуудыг эзэмшихэд дадлага хэрэгтэй байдаг. Энэ бүхнийг Youtube дээрх DJI Tutorials сувгаас үзэж, сурах боломжтой.

6. Аюулгүй байдал ба дүрэм журам
- Дроныг нисгэхийн өмнө тухайн улсын нислэгийн дүрэм журам, нислэгийн хязгаарлалт, болон аюулгүй байдлын зааврыг сайн судлаарай. Зарим улсад дрон нисгэхэд тусгай зөвшөөрөл шаардлагатай байж болно.

Эдгээрийг анхаарснаар та өөртөө хамгийн тохиромжтой DJI дроныг сонгох, зөв ашиглах боломжтой болно.

💡DJI-ийн бүтээгдэхүүнийг Монгол дахь албан ёсны борлуулагч дэлгүүрээс авах нь ямар ашигтай вэ?DJI-ийн бүтээгдэхүүнийг Мо...
28/08/2024

💡DJI-ийн бүтээгдэхүүнийг Монгол дахь албан ёсны борлуулагч дэлгүүрээс авах нь ямар ашигтай вэ?

DJI-ийн бүтээгдэхүүнийг Монгол дахь албан ёсны борлуулагч дэлгүүрээс авах нь дараах ашигтай талуудтай:

1. Баталгаат бүтээгдэхүүн: Албан ёсны дэлгүүрээс худалдан авсан DJI бүтээгдэхүүнүүд нь баталгаат хугацаатай байдаг бөгөөд олон улсад үйлчилдэг “After Service” буюу борлуулалтын дараах баталгаат засвар үйлчилгээ авах боломжтой.

2. Олон улсад зориулсан хувилбар: Зарим улсад борлуулагдаж буй бүтээгдэхүүн нь зөвхөн тухайн газар нутаг дээр ажиллах боломжтой байдаг. Жишээ нь Хятад эсвэл Солонгос улсад борлуулагдаж буй зарим дрон нь зөвхөн тухайн улсын хэлтэй, тухайн улсын газар нутаг дээр GPS нь ажилладаг бөгөөд Монгол улсад ирээд GPS ажиллахгүй тохиолдол элбэг гардаг. Харин Монгол дахь албан ёсны борлуулагч дэлгүүрээс авснаар дэлхийн аль ч улсад ашиглах боломжтой GLOBAL Version хувилбарыг авах боломжтой. Ингэснээр баталгаат чанар, нислэгийн аюулгүй байдлыг хангана.

3. Шинэ загвар: DJI-ийн шинэ загварын бүтээгдэхүүн дэлхий даяар нээлтээ хийхэд мөн адил Монголд тухайн шинэ бүтээгдэхүүн ирсэн байдаг ба нээлт болмогц шууд худалдаанд гардаг.

4. Үйлчилгээний дэмжлэг: Албан ёсны дэлгүүрээс худалдан авсан бүтээгдэхүүнд DJI-ийн албан ёсны үйлчилгээний төвөөс дэмжлэг авах боломжтой. Програм хангамжийн шинэчлэлт болон техникийн асуудлыг мэргэжлийн баг шийдвэрлэнэ.

5. Тусгай хөнгөлөлт, урамшуулал: DJI албан ёсны дэлгүүрээс худалдан авалт хийхэд зарим үед тусгай урамшуулал, хөнгөлөлт эдлэх боломжтой.

Эдгээр нь DJI-ийн албан ёсны дэлгүүрээс худалдан авалт хийх үндсэн давуу талууд юм.

26/08/2024

🚨 New product launch / Тун удахгүй..

Тун удахгүй, дэлхий даяар нээлтээ хийх гэж буй шинэ жаалыг Монголдоо хүлээн авахад бэлэн болоод байна.DJI-ийн шинэ бүтээ...
26/08/2024

Тун удахгүй, дэлхий даяар нээлтээ хийх гэж буй шинэ жаалыг Монголдоо хүлээн авахад бэлэн болоод байна.

DJI-ийн шинэ бүтээгдэхүүн, мэдээ, мэдээллийг манай хуудсыг дагаснаар авах боломжтой.

Address

Royal Garden
Ulaanbaatar

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Website

Alerts

Be the first to know and let us send you an email when DJI Монгол дахь төлөөлөгчийн газар posts news and promotions. Your email address will not be used for any other purpose, and you can unsubscribe at any time.

Shortcuts

Share

Category