30/05/2026
Б.СОЛОНГОО: РИО ТИНТОД ҮЙЛЧИЛДЭГ УРВАГЧ ТҮШМЭЛҮҮД ЭЭЛЖИТ ГҮТГЭЛГЭЭ ТАРААЖ ЭХЭЛЖЭЭ.
ИХ БРИТАНИЙН ИРГЭН РИЧАРД БОУЛИ, МАУРИС ДАФФИ НАРТАЙ ЯРИА ХЭЛЭЛЦЭЭ ДУУСААД БАЙХАД 2024 ОНД ЗӨВЛӨХ ҮЙЛЧИЛГЭЭНИЙ ГЭРЭЭ БАЙГУУЛАХ ГЭЭД БАЙСАН ГЭЖ БУРУУТГАЖ БУЙ БОЛОЛТОЙ.
ТЭГВЭЛ РИЧАРД БОУЛИ, МАУРИС ДАФФИ НАР НЬ РИО ТИНТОГИЙН ЭСРЭГ ОЮУТОЛГОЙ ТӨСЛИЙН АСУУДЛААР ШҮГЭЛ ҮЛЭЭЖ ИХ БРИТАНИ, АНУ-ЫН ЗОХИЦУУЛАХ БАЙГУУЛЛАГУУДТАЙ ХАМТАРЧ АЖИЛЛАЖ БАЙСАН ХҮМҮҮС. ОДОО Ч РИО ТИНТО ЭНЭ АСУУДЛААР ИХ БРИТАНИЙН ОНЦ НОЦТОЙ САНХҮҮГИЙН ГЭМТ ХЭРЭГТЭЙ ТЭМЦЭХ АЛБАНД ШАЛГАГДАЖ БАЙГАА. РИО ТИНТО БИД НАРТ ӨГДӨГГҮЙ БАЙСАН МЭДЭЭЛЭЛТЭЙ, ЗАСГИЙН ГАЗАРТ ХУДАЛ МЭДЭЭЛЭЛ ӨГЧ БАЙСНЫГ НОТЛОХ БАРИМТЫГ МЭДДЭГ ХҮМҮҮС. ЭНЭ ХҮМҮҮС ГЭРЧЭЭР ОРОЛЦСОН ШҮҮХИЙН МАРГААНД ОЮУТОЛГОЙ ТӨСӨЛТЭЙ ХОЛБОГДУУЛЖ АМЕРИКИЙН ЖИЖИГ ХУВЬЦАА ЭЗЭМШИГЧИД ЯЛЖ РИО ТИНТОГООС 138.9 САЯ АМ.ДОЛЛАР БУЮУ 500 ТЭРБУМ ТӨГРӨГИЙН НӨХӨН ТӨЛБӨР АВАХААР ТОХИРОЛЦСОН. 2025 ОНЫ 11 САРД ШҮҮХИЙН ШИЙДВЭР ГАРСАН.
ТОДРУУЛБАЛ, ОЮУТОЛГОЙ ТӨСЛИЙН ГҮНИЙ УУРХАЙН КАПИТАЛ ЗАРДАЛ 2 ТЭРБУМ АМ.ДОЛЛАРООР НЭМЭГДЭЖ, АШИГЛАЛТАД ОРОХ ХУГАЦАА 30 САРААР ХОЙШИЛСОН ШАЛТГААН НӨХЦЛИЙН ТАЛААР РИО ТИНТО ХУДЛАА ЯРЬСАН, ХӨРӨНГӨ ОРУУЛАГЧДАА ХУУРАН МЭХЭЛСЭН ҮНДЭСЛЭЛЭЭР НӨХӨН ТӨЛБӨР АВСАН ЮМ. ҮНДСЭНДЭЭ РИО ТИНТОГИЙН МЕНЕЖМЕНТИЙН АЛДААНААС БОЛЖ ЗАРДАЛ ХЭТЭРЧ, ХУГАЦАА ХОЙШИЛСОН ШИНЖЭЭЧДИЙН ДҮГНЭЛТ ГАРСАН БАЙДАГ. ЯГ АДИЛХАН АСУУДЛААР 🇲🇳 ЗАСГИЙН ГАЗАР ТАТВАРЫН АРБИТРЫН МАРГААНД СӨРӨГ НЭХЭМЖЛЭЛ ГАРГАСАН.
МОНГОЛЫН БАЯЛАГ, МАНАЙ УЛСАД ҮЙЛ АЖИЛЛАГАА ЯВУУЛДАГ, БИДНИЙ 34% ЭЗЭМШДЭГ УУРХАЙТАЙ ХОЛБООТОЙ АСУУДЛААР ГАДААДУУД ШҮГЭЛ ҮЛЭЭГЭЭД БАЙСАН УЧРААС МЭДЭЭЛЭЛ АВАХ ЗОРИЛГООР 2021 ОНД ХОЛБОГДОЖ ХАМТАРЧ АЖИЛЛАЖ БАЙСАН. СӨРӨГ НЭХЭМЖЛЭЛД ХЭРЭГТЭЙ МЭДЭЭЛЭЛ, НОТЛОХ БАРИМТ АВАХ, ГЭРЧЭЭР ОРОЛЦУУЛАХ ЗОРИЛГООР ШҮГЭЛ ҮЛЭЭГЧИДТЭЙ ДАХИН ХАМТРАН АЖИЛЛАХ АСУУДЛЫГ ЗАСГИЙН ГАЗРЫН ХУРАЛДААНД ТАНИЛЦУУЛСНЫГ МУШГИЖ ГУЙВУУЛААД ХУДАЛ МЭДЭЭЛЭЛ ТАРААГААД БАЙГАА НЬ ЗАСГИЙН ГАЗАР АРБИТРЫН МАРГААНААС СӨРӨГ НЭХЭМЖЛЭЛЭЭ ТАТАХ БЭЛТГЭЛИЙГ ХИЙЖ БАЙНА УУ ГЭХ ХАРДЛАГЫГ ТӨРҮҮЛЖ БАЙНА.
ГАДААДУУД МОНГОЛЫН БАЯЛАГТАЙ ХОЛБОГДУУЛЖ ГАДААД УЛСАД ШҮҮХДЭЛЦЭЭД 500 ТЭРБУМ ТӨГРӨГИЙГ НӨХӨН ТӨЛБӨРТ АВЧ БОЛДОГ, БИД ЯАГААД ДҮЛИЙ ДҮМБЭ СУУХ ГЭЖ? РИО ТИНТОД НӨХӨН ТӨЛБӨР МОНГОЛЧУУДАД Ч ТӨЛӨХ ШААРДЛАГЫГ ТАВИХ ЁСТОЙ ЮМ.
ЗАСГИЙН ГАЗРЫН ХУРАЛДААНЫ ТЭМДЭГЛЭЛ ХЭВЛЭЛД ӨГӨӨД, СӨРӨГ НЭХЭМЖЛЭЛИЙН АСУУДЛЫГ ЗАМХРУУЛАХ ОРОЛДЛОГО ХИЙЖ БАЙГАА УЛС ТӨРЧИД ЭХ ОРНЫХОО ЭРХ АШГИЙГ УЛАНДАА ГИШГЭЖ, РИО ТИНТОД ҮЙЛЧИЛЖ БАЙНА. МАШ ХАРАМСАЛТАЙ.
ЭНЭ АСУУДЛЫГ ИНТЕРНЭТЭЭР ХАЙГААД ҮЗЭЭРЭЙ, ОЛОН УЛСЫН ХЭВЛЭЛЭЭР ГАРСАН НЭЭЛТТЭЙ МЭДЭЭЛЭЛ ОЛОН БИЙ.
