03/06/2023
ပါ
ရေတွင်းတူးက မှတ်ထားကြ
စက်ရေတွင်းတူးရာ၌ ရေ-ရွိ,မရွိ၊ ရေ-နည်း,ရေများ
ခန့်မှန်းသိရှိနိုင်ပုံလေးကို ဗဟုသုတ
အနေဖြင့် မျှဝေပေးပါမည်။
ရေ-ရှိ/မရှိ
၁။ အရွက်အမြဲတမ်း ရှိနေတတ်သော အုန်းနှဲပင်၊
မယ်ဇလီပင်၊ မြက် စသည့်အပင်များ
စိုစိုပြေပြေ လန်းလန်းဆန်းဆန်းရှိနေပါက
ထိုနေရာတွင် ရေရှိသည်ဟု မှတ်ယူနိုင်၍
ဖော်ပြပါလက္ခဏာများနှင့် ဆန့်ကျင်နေပါက
ရေ-မရွိဟု ခန့်မှန်း သိနိုင်ပါသည်။
ရေချို/ရေငန်
၂။ အနီးအနားတွင်ရှိသော သစ်ပင်တို့သည်
အပင်အမျိုးအစားခြင်းတူပါလျက်
အခြားနေရာရှိ သစ်ပင်မှ အရွက်တို့ထက်
အနာအဆာမ်ား၍ အစိုဓာတ်ခြောက်ခန်းလျင်
ရေငန်ဟု ခန့်မှန်းနိုင်ပြီး၊
သစ်ပင်မှ သစ်ရွက်များ
စိုပြေစိန်းလန်းနေပါက
ရေချို-ဟု ခန့်မှန်းသိရှိနိုင်ပါသည်။
ရေတိမ်/ရေနက်
၃။ အနီးအနားတွင်ရှိသော သစ်ပင်တို့သည်
အပင်ချင်းတူပါလျက် အဆစ်တိုနေသည်ကို
တွေ့ရပါက ရေတိမ်-ရေနီးသည်ဟု
ခန့်မှန်းသိရှိနိုင်ပါသည်။
သစ်ပင်မှ အဆစ်ရှည်နေပါက ရေနက်-
ရေဝေးသော သေဘာဟု ခန့်မှန်းသိရှိနိုင်၏။
ကျောက်ဆောင်- ရွိ/မရွိ
၄။ အနီးအနားတဝိုက်ရှိ သစ်ပင်ကြီး၊ သစ်ပင်ငယ်
တို့သည် ကြုံလှီ,ပုကျစ်၍ တွန့်လိမ်,
ကွေ့ကောက်နေပါက အောက်၌
ကျောက်ဆောင်ရှိကြောင်း
ခန့်မှန်း
သိရှိနိုင်ပါသည်။
သစ်ပင်ကြီး,သစ်ပင်ငယ်များ ဖြောင့်တန်း
အနေထားတွေ့ရပါက ကျောက်ဆောင်မရှိဟု
ခန့်မှန်းသိရှိနိုင်ပါသည်။
ရေချို/ရေငန်
၅။ ရေတွင်းတူးမည့်နေရာရှိ သစ်ပင်တို့သည်
တစ်ခြမ်းက အနာဆာကင်း၍ တစ်ခြမ်းက
ချောမွေ့နေလျင် ရေငန်-ရေချို တစ်ခြမ်းစီ
ရောစပ်နေသော နေရာဟု ခန့်မှန်းသိရှိနိုင်သည်။
(တနည်းစမ်းသပ်ပုံမှာ)
ချိုး(ဂျိုး)ကပ်နေသော ထမင်းအိုးကို
စလောင်းဖုံးဖွင့်လျက် မြေကြီးကို တွင်းတူးပြီး
မြေတွင်းထဲတွင် အိုးကို တစ်ညသိပ်ပါ၊
နောက်တစ်နေ့ အိုးကို ဖော်ကြည့်သောအခါ
ထမင်းအိုးဖင်မှ ချိုး(ဂျိုး)သည်
ရေနူး၍ကွာကျနေလျင် ရေတိမ်-ရေနည်းသည်
ဟု ခန့်မှန်းသိရှိနိုင်ပြီး
အနည်းငယ်သာ စို၍ ချိုး(ဂျိုး)ကွာမကျလျင်က
ရေဝေး-ရေနက်သည်ဟု
ခန့်မှန်သိနိုင်ပါသည်။
ထမင်းချိုး(ဂျိုး)ကို စားကြည့်ပါက ငန်နေလျင်
ရေငန်ဟု ခန့်မှန်းသိရှိနိုင်ပြီး ချိုနေပါက
ရေချိုဟု ခန့်မှန်းသိရှိနိုင်ပါ။
Credit
အရှေ့ဒဂုံ အကြမ်းထည်ဆိုက်လေး
