08/09/2021
အာမခံကုမ္ပဏီတွေ ခိုင်မာမှုရှိရဲ့လား။
အာမခံလုပ်ငန်း (အာမခံကုမ္ပဏီ) တွေဟာ စီမံကိန်း၊ ဘဏ္ဍာရေးနှင့် စက်မှု ဝန်ကြီးဌာနရဲ့ လက်အောက်ဌာနခွဲ တစ်ခုဖြစ်သော ငွေရေးကြေးရေးကြီးကြပ်စီစစ်ရေးဌာန FRD နှင့် အာမခံလုပ်ငန်းကြီးကြပ်ရေးအဖွဲ့ IBRB တွေရဲ့ ကြီးကြပ်ကွပ်ကဲမှုတွေအောက်မှာ လုပ်ကိုင်ဆောင်ရွက် ဝန်ဆောင်မှုပေးရပါတယ်။
အာမခံလုပ်ငန်း ဝန်ဆောင်မှုပေးနိုင်ဖို့အတွက်လည်း Paidup Capital အဖြစ် General Insurance အတွက် ကျပ် (သန်းပေါင်း ၄၀,၀၀၀)၊ Life Insurance အတွက် ကျပ် (သန်းပေါင်း ၆,၀၀၀)၊ စုစုပေါင်း ကျပ် ၄၆ ဘီလီယျံ သတ်မှတ်ထားပါတယ်။ ဒါ့အပြင် Treasure Bond တွေ၊ Reserved Fund တွေအဖြစ် အရံရန်ပုံငွေများလည်း သီးသန့်စီမံထားကြပါတယ်။
Paidup Capital - 46 Billion ရဲ့ 10% ဖြစ်တဲ့ 4.6 Billion ကို Myanmar Economics Bank - MEB မှာ Deposit သွင်းထားရပါတယ်။..
Paidup Capital ရဲ့ 30% အဖြစ် 13.8 Billion ကို Treasure Bond (ငွေတိုက်စာချုပ်) ဝယ်ထားရပါတယ်။
2020 ထဲမှာ ပြည်ပအသက်အာမခံကုမ္ပဏီ (၅) ခုလဲ တရားဝင်လုပ်ကိုင်ဆောင်ရွက်ခွင့်ရရှိနေပြီဖြစ်ပြီး ပြည်တွင်းရှိ နိုင်ငံတော်ပိုင် မြန်မာ့အာမခံလုပ်ငန်းအပါအဝင် ပြည်တွင်းပုဂ္ဂလိကအာမခံကုမ္ပဏီများထဲမှ အချို့ကလည်း ကမ္ဘာကျော်ပြည်ပအာမခံကုမ္ပဏီအချို့ရဲ့ ရင်းနှီးမြုပ်နှံမှုများနှင့်အတူ Joint Venture အကျိုးတူ ပူးပေါင်းဆောင်ရွက်လာကြပြီဖြစ်လို့ ယခင်ကထက် ပိုပြီးခိုင်မာလာသလို ပိုပြီး ဝန်ဆောင်မှုပေးလာနိုင်တော့မှာ ဖြစ်ပါတယ်။
အာမခံလုပ်ငန်းဟာ အာမခံထားသူများရဲ့ ဆုံးရှုံးမှုများအတွက် စီမံခန့်ခွဲပေးရတဲ့ Risk Management ဝန်ဆောင်မှုတစ်ခု ဖြစ်လို့ အာမခံကုမ္ပဏီတွေ ကိုယ်တိုင်ကလည်း Risk Mitigation အစီအမံတွေ ကြိုတင်စီမံထားကြပါတယ်။
အာမခံထားသူတွေရဲ့ ငွေပမာဏများပြားတဲ့ အာမခံထားရှိမှုတွေကို အပြည့်အ၀ ၀န်ဆောင်မှုပေးနိုင်ဖို့ အတွက် နိုင်ငံတော်ပိုင် မြန်မာ့အာမခံလုပ်ငန်းအပါအဝင် ပြည်တွင်းရှိအာမခံကုမ္ပဏီအားလုံးပါဝင်တဲ့ Risk ကို မျှဝေလက်ခံတဲ့ Co-Insurance ...
ဒါ့အပြင် ပြည်ပအာမခံကုမ္ပဏီများနှင့် ချိတ်ဆက်ပြီး Reinsurance (တဆင့်အာမခံ) ထားရှိထားခြင်းစနစ်များဖြင့် ကြိုတင်အစီအမံတွေ ထားရှိထားကြပါတယ်။
အာမခံကုမ္ပဏီများဟာ အာမခံအမျိုးအစားအလိုက် Funding များလည်း ထူထောင်ထားရပါတယ်။ ဒါကတော့ Company တစ်ခုချင်းစီရဲ့ Working Capital, Income Statement တို့ပေါ်မူတည်ပြီး သက်ဆိုင်ရာ Finance အပိုင်းတွေက သတ်မှတ်ထားရှိကြရပါတယ်။
အသက်အာမခံလုပ်ငန်းဘက်မှာဆိုလည်း
အသက်အာမခံပေါ်လစီရှင်များကို ကာကွယ်ရန်အတွက် အသက်အာမခံ ရန်ပုံငွေစာရင်းများကိုလည်း သီးသန့် ဖွင့်လှစ်ထားရှိရပါတယ်။
လက်ရှိ မြန်မာနိုင်ငံမှာ အသက်အာမခံကုမ္ပဏီ (၁၇) ခု ရှိပါတယ်။ နိုင်ငံတော်ပိုင် (၁)ခု၊ ပြည်တွင်းကုမ္ပဏီ (၈)ခု၊ ပြည်တွင်းပြည်ပ ဖက်စပ်ကုမ္ပဏီ (၃)ခုနဲ့ ရာနှုန်းပြည့် ရင်းနှီးမြုပ်နှံမှုနှင့် လုပ်ကိုင်ခွင့်ရထားတဲ့ ပြည်ပကုမ္ပဏီ (၅)ခု ရှိပါတယ်။
🔖 Government-owned (1)
☑ မြန်မာ့အာမခံ
🔖 Local Companies (8)
☑ အောင်မြင့်မိုရ်မင်း
☑ အောင်သစ္စာဦး
☑ AYA SOMPO
☑ EFI Life
☑ FNI Life
☑ GLI
☑ KBZ Life
☑ Young
🔖 Joint Venture (JV) Companies (3)
☑ Capital Taiyo Life
☑ CB Life
☑ GGI Nippon Life
🔖 Foreign Companies (5)
☑ AIA
☑ Chubb
☑ Dai-ichi
☑ Manulife
☑ Prudential
အာမခံကုမ္ပဏီ တစ်ခုချင်းစီမှာ အားသာချက်တွေ ရှိသလို အားနည်းချက်တွေလည်း ရှိပါတယ်။
အာမခံ အမျိုးအစားတွေကလည်း အာမခံထားမယ့်သူရဲ့ လိုအပ်ချက်ပေါ် မူတည်ပြီး ကိုက်ညီတဲ့ Cover တွေရအောင် ရွေးချယ်ထားရှိဖို့ လိုပါတယ်။
ဒါကြောင့် မိမိနှစ်သက်ရာ အာမခံကုမ္ပဏီများမှာ အာမခံထားရှိပြီး အကာအကွယ်ယူထားခြင်းဖြင့် ကိုယ့်ရဲ့ Future Financial Plan တွေကို လုံခြုံစိတ်ချစွာ စီမံထားနိုင်ပါတယ်။
နိဂုံးအနေဖြင့် မိတ်ဆွေတို့ သိလိုတဲ့ အာမခံအမျိုးအစား၊ ကိုယ်နဲ့ကိုက်ညီသင့်တော်တဲ့ အာမခံအမျိုးအစား၊ ဝန်ဆောင်မှုပေးနေတဲ့ အာမခံကုမ္ပဏီတွေအကြောင်းတွေနဲ့ မည်သည့်အာမခံကုမ္ပဏီမှာပဲဖြစ်ဖြစ် အာမခံထားရှိခြင်းတွေကို အေးအေး ဆေးဆေး ရင်းရင်းနှီးနှီးဖြင့် မိမိသိလိုရာ ဆွေးနွေးတိုင်ပင်လိုရင်ဖြင့် ...
ငွေရေးကြေးရေးကြီးကြပ်စီစစ်ရေးဌာန FRD, အာမခံလုပ်ငန်းကြီးကြပ်ရေးအဖွဲ့ IBRB တို့ရဲ့ တရားဝင်လိုင်စင်ရ Insurance Agent #အာမခံကိုယ်စားလှယ် တွေက အခမဲ့ အကြံဉာဏ်ပေး၊ ဝန်ဆောင်မှုပေးနေတာမို့ မိတ်ဆွေတို့ရဲ့ အနီးဆုံး အာမခံကိုယ်စားလှယ် တစ်ဦးဦးကိုသာ ဆက်သွယ်လိုက်ဖို့ အကြံပြုတိုက်တွန်းရင်း မျှဝေတင်ပြအပ်ပါတယ်။
Credit:
#အာမခံလုပ်ငန်း
