Phoenix Computer & Network Services

05/09/2025

Second Laptop ဝယ်ရင် Full HD screen ဟုတ်မဟုတ် ဘယ်လိုသိနိုင်မလဲ
ကွန်ပျူတာ Screen က Full HD ဟုတ်မဟုတ် စစ်ဖို့ နည်းလမ်းတွေ အများကြီးရှိပါတယ်။ အလွယ်ဆုံးနည်းလမ်း ၃ ခုကို ဖော်ပြပေးလိုက်ပါတယ်-
ပထမနည်း - Display Settings ကနေ ကြည့်ရှုခြင်း
Windows 10 နဲ့ Windows 11 မှာ အလွယ်ဆုံးနည်းလမ်းကတော့ Display Settings ကနေတိုက်ရိုက်ကြည့်တာပါပဲ။
၁. Desktop ပေါ်မှာ ညာဘက် Click နှိပ်ပါ။
၂. ပေါ်လာတဲ့ Menu ထဲက Display settings ကို ရွေးပါ။
၃. Display resolution ဆိုတဲ့နေရာမှာ ကြည့်လိုက်ပါ။ အဲဒီမှာ 1920 x 1080 (Recommended) လို့ ပေါ်နေရင် သင့် Laptop Screen က Full HD (FHD) ဖြစ်ပါတယ်။
ဒုတိယနည်း - Laptop Model ကို ကြည့်ပြီးစစ်ဆေးခြင်း
သင့်ရဲ့ Laptop model ကို သိရင် အင်တာနက်မှာ ရှာဖွေပြီး Screen ရဲ့ Spec ကိုကြည့်လို့ရပါတယ်။
၁. Windows Search မှာ System Information လို့ရိုက်ပြီး ဖွင့်ပါ။
၂. System Model ဆိုတဲ့နေရာမှာ သင့် Laptop ရဲ့ model နံပါတ်ကိုတွေ့ပါလိမ့်မယ်။ ဥပမာ - Dell Inspiron 15 ဒါမှမဟုတ် HP Pavilion 14 စသည်ဖြင့်ပေါ့။
၃. အဲဒီ model နံပါတ်ကို Google Search မှာ “[သင့်ရဲ့ Laptop model] specs” ဆိုပြီး ရှာလိုက်ပါ။
၄. ပေါ်လာတဲ့ရလဒ်တွေထဲက Laptop ရဲ့ official website ဒါမှမဟုတ် review website တွေမှာ Display သို့မဟုတ် Screen ဆိုတဲ့အကြောင်းအရာအောက်မှာ Resolution ကို ကြည့်လိုက်ပါ။ 1920 x 1080 လို့ ရေးထားရင် Full HD ဖြစ်ပါတယ်။
တတိယနည်း - Third-party Website ကို အသုံးပြုခြင်း
သင့် Laptop ရဲ့ Display Resolution ကို အလိုအလျောက်စစ်ပေးတဲ့ ဝက်ဘ်ဆိုက်တွေလည်းရှိပါတယ်။
၁. Web browser ကိုဖွင့်ပြီး What Is My Screen Resolution ဆိုတာကို Google မှာ ရှာပါ။
၂. ပေါ်လာတဲ့ဝက်ဘ်ဆိုက်တွေထဲက တစ်ခုကိုရွေးပြီး ဝင်လိုက်ပါ။
၃. အဲဒီ site မှာ သင့် Screen ရဲ့ resolution ကို အလိုအလျောက် ပြသပေးပါလိမ့်မယ်။ 1920 x 1080 လို့ပေါ်နေရင် သင့် laptop ဟာ Full HD Screen ဖြစ်ပါတယ်။

Laptop Screen က Full HD ဖြစ်ဖို့အရေးကြီးလား၊ ဘာကွာလဲ?

Laptop Screen က Full HD ဖြစ်ဖို့ အရေးကြီးမကြီးဆိုတာကတော့ ဘယ်လိုအသုံးပြုလဲဆိုတဲ့အပေါ်မှာ မူတည်ပါတယ်။
​အရေးကြီးတဲ့ အချက် ၃ ချက်ရှိပါတယ်။
​၁. ပုံရိပ်ကြည်လင်ပြတ်သားမှု (Image Clarity)
Full HD (1920x1080) ရဲ့ resolution က HD (1280x720) ထက် pixels ပိုများတဲ့အတွက် ပုံတွေ၊ စာတွေနဲ့ ဗီဒီယိုတွေ ကြည့်တဲ့အခါ ပိုပြီးကြည်လင်ပြတ်သားပါတယ်။
​၂. အလုပ်လုပ်နိုင်တဲ့ နေရာအကျယ် (More Workspace)
Full HD screen တွေမှာ desktop ပေါ်မှာပြသနိုင်တဲ့ နေရာက ပိုကျယ်တဲ့အတွက် စာရွက်စာတမ်း ၂ ခုကို ဘေးချင်းယှဉ်ပြီး ဖွင့်တာမျိုး (split-screen) လုပ်တဲ့အခါ ပိုအဆင်ပြေပါတယ်။
​၃. ဈေးနှုန်းနဲ့ ဘက်ထရီသက်တမ်း (Price & Battery Life)
Full HD screen ပါတဲ့ laptop တွေက HD screen ပါတဲ့ laptop တွေထက် ပုံမှန်အားဖြင့် ဈေးပိုများတတ်ပါတယ်။ နောက်ပြီး Full HD ရဲ့ resolution က ပိုမြင့်တဲ့အတွက် ဘက်ထရီအား ပိုစားနိုင်ပါတယ်။
​ဘယ်လိုအသုံးပြုမှုအတွက် Full HD က အရေးကြီးလဲ?
​ရုပ်ရှင်ကြည့်တာ၊ ဂိမ်းကစားတာ: အရည်အသွေးမြင့် ဗီဒီယိုတွေနဲ့ ဂိမ်းတွေကို အကောင်းဆုံးခံစားဖို့အတွက် Full HD က မရှိမဖြစ်ပါပဲ။
​ဓာတ်ပုံနဲ့ ဗီဒီယို ပြင်ဆင်တာ: ပုံတွေနဲ့ ဗီဒီယိုတွေကို အသေးစိတ်ကျကျ ပြင်ဆင်ရတဲ့အခါ Full HD resolution က ပိုအသုံးဝင်ပါတယ်။
​Design နဲ့ Programming: code တွေအများကြီးရေးရတာ ဒါမှမဟုတ် design ဆွဲတာမျိုး လုပ်တဲ့အခါ workspace ပိုကျယ်တာကြောင့် အလုပ်ပိုလွယ်ပါတယ်။
​ဘယ်လိုအသုံးပြုမှုအတွက် Full HD က မလိုအပ်ဘူးလဲ?
​အခြေခံအသုံးပြုမှု (Basic Usage): အီးမေးလ်စစ်တာ၊ စာရိုက်တာ၊ အင်တာနက်ကြည့်တာနဲ့ ရိုးရိုးရှင်းရှင်းအလုပ်တွေပဲ လုပ်မယ်ဆိုရင်တော့ Full HD မဟုတ်တဲ့ Laptop တစ်လုံးကလည်း လုံလောက်ပါတယ်။ ဈေးလည်းပိုသက်သာပါတယ်။
​အနှစ်ချုပ်ရရင်...
​အကယ်၍ ရုပ်ထွက်ကောင်းကောင်းလိုချင်တယ်၊ ဖန်တီးမှုပိုင်းဆိုင်ရာအလုပ်တွေ လုပ်မယ်၊ ဒါမှမဟုတ် multitasking ကို အားပြုမယ်ဆိုရင် Full HD screen ကို ရွေးသင့်ပါတယ်။
​ဘတ်ဂျက်အသင့်အတင့်နဲ့ အခြေခံအလုပ်တွေပဲလုပ်မယ်ဆိုရင်တော့ HD screen နဲ့လည်း အဆင်ပြေပါတယ်။
Thank.
AML(Phoenix Computer & Network Service)

23/02/2023

ChatGBT စမ်းကြည့်ရအောင်။
https://chat.openai.com/chat

18/09/2021

REvil Ransomware တိုက်ခိုက်ခံခဲ့ရသူများအတွက် Decryptor ကို Bitdefender က အခမဲ့ဖြန့်ချိ
▄▄▄▄▄▄▄▄▄▄▄▄▄▄▄▄▄▄▄▄
REvil Ransomware တိုက်ခိုက်မှုမှာ ဆုံးရှုံးခဲ့ရတဲ့ ဖိုင်တွေကို ပြန်လည်ရရှိစေတဲ့ Decryptor ကို Bitdefender ရဲ့သုတေသီတွေက အခမဲ့ဖြန့်ချိခဲ့ပါတယ်။
ဇူလိုင်လ (၁၃)ရက်နေ့ တိုက်ခိုက်မှုယာယီမရပ်ဆိုင်းခင်မှာ REvil ransomware ဂိုဏ်းရဲ့ တိုက်ခိုက်ခံရသူတွေအတွက် သတင်းကောင်းတစ်ခုထွက်ပေါ်လာခဲ့ပါတယ်။ ဒါကတော့ တိုက်ခိုက်ခံခဲ့ရတဲ့ဖိုင်တွေကို ပြန်လည်ရယူနိုင်တော့မယ့် Decryptor ကို Bitdefender က အခမဲ့ဖြန့်ချိလိုက်တာ ဖြစ်ပါတယ်။
ဇူလိုင် (၂) ရက်နေ့မှာ REvil ဂိုဏ်းက Kaseya သုံးတဲ့ Cloud အခြေပြု MSP ပလက်ဖောင်း ကိုတိုက်ခိုက်ခဲ့ပြီး MSP တွေနဲ့ သူတို့ရဲ့ဝန်ဆောင်မှုအသုံးပြုသူတွေကို ထိခိုက်စေခဲ့ပါတယ်။
REvil ransomware ဖြန့်ချိသူတွေဟာ Kaseya VSA ရဲ့ ကွန်ရက်ကို အရင်တိုက်ခိုက်ခဲ့ပြီး လုပ်ငန်းတွင်းကွန်ရက်တွေမှာ ransomware ကို နေရာချတပ်ဖြန့်ဖို့အတွက် VSA ဆာဗာတွေကို အဖျက်အမှောင့်ကုဒ်တွေပါတဲ့ update တွေကို ပြုလုပ်စေခဲ့ပါတယ်။
Kaseya ရဲ့ ဒီ ransomware တိုက်ခိုက်ခံရမှုမှာ ထိခိုက်ခဲ့တဲ့စနစ်အားလုံးကို ပြန်လည်အသုံးပြုနိုင်ဖို့ ဒေါ်လာ သန်း (၇၀)နဲ့ညီတဲ့ Bitcoin ကို ဂိုဏ်းကတောင်းခဲ့ပါတယ်။
ဒီတိုက်ခိုက်မှုကို သတင်းမီဒီယာတွေနဲ့ ရဲအာဏာပိုင်တွေက သတိထားစောင့်ကြည့်ခဲ့တာကြောင့် တိုက်ခိုက်သူတွေကို ဖိအားဝင်စေခဲ့ပါတယ်။
ဇူလိုင်(၁၃)ရက်နေ့ကစပြီးတော့ REvil ransomware ဂိုဏ်းက အသုံးပြုခဲ့တဲ့ ကွန်ရက်တွေနဲ့ website တွေဟာ ဒဏ္ဍာရီဆန်စွာ ပျောက်ကွယ်သွားခဲ့ပြီး ဒေတာတွေဖွင့်ချတဲ့ Tor ကွန်ရက်က website ရယ်၊ ငွေပေးချေတဲ့အခါမှာ သုံးတဲ့ website ဖြစ်တဲ့ "decoder[.]re" ရယ်နဲ့ နောက်ကွယ်မှာ အလုပ်လုပ်တဲ့ကွန်ရက်တွေဟာ တပြိုင်တည်း ရပ်ဆိုင်းသွားကြပါတယ်။
Bitdefender ကတော့ ဥပဒေစိုးမိုးရေးဆောင်ရွက်နေတဲ့လက်တွဲဖော်များ အကူအညီနဲ့ decryptor ကိုရေးသားခဲ့ပြီး ကုမ္ပဏီအတွက် decryption key တွေကိုလည်း ပံ့ပိုးပေးခဲ့ပါတယ်။
Bitdefender က REvil/Sodinokibi တိုက်ခိုက်ခံရသူအားလုံးသုံးလို့ရတဲ့ decryptor ရရှိပြီဖြစ်ကြောင်း ကြေညာခဲ့ပါတယ်။ ယုံကြည်စိတ်ချရတဲ့ ဥပဒေစိုးမိုးရေးအဖွဲ့တစ်ခုနဲ့ ပူးပေါင်းဆောင်ရွက်ပြီး ဖန်တီးခဲ့တာဖြစ်ကြောင်းနဲ့ ဒီ tool ဟာ (၁၃-၇-၂၀၂၁)ရက်နေ့မတိုင်မီ REvil ransomware တိုက်ခိုက်ခံရသူတွေအတွက် ဖိုင်တွေပြန်လည်ရရှိနိုင်အောင် ကူညီနိုင်မှာဖြစ်ကြောင်း Bitdefender ရဲ့ ကြေညာချက်မှာ ဖတ်ရှုနိုင်ပါတယ်။
"နှစ်လကြာရပ်တန့်သွားခဲ့ပြီး ransomware ဂိုဏ်းရဲ့ ဆာဗာတွေနဲ့ သူတို့ကိုအထောက်အပံ့ဖြစ်စေတဲ့ကွန်ရက်တွေက ပြန်လည်အသက်ဝင်လာတာမို့ REvil တိုက်ခိုက်မှုအသစ်တွေ ဖြစ်တော့မယ်လို့ ကျွန်တော်တို့ယုံကြည်ပါတယ်။"
လုံခြုံရေးကုမ္ပဏီအနေနဲ့ စုံစမ်းစစ်ဆေးမှုများပြုလုပ်နေတာမို့ အသေးစိတ် အချက်အလက်တွေကို မဖော်ပြခဲ့ပေမယ့် REvil ဂိုဏ်းရဲ့တိုက်ခိုက်မှုတွေ နီးကပ်လာကြောင်းကိုတော့ သတိပေးခဲ့ပါတယ်။
တိုက်ခိုက်ခံခဲ့ရသူတွေအနေနဲ့ Bitdefender website ကနေ decryptor ကို အခမဲ့ download လုပ်ပြီး ဖိုင်တွေကို ပြန်လည်ဖော်ယူနိုင်ပြီဖြစ်ပါတယ်။
လုံခြုံရေးကုမ္ပဏီက Revil decryption tool အသုံးပြုပုံအဆင့်ဆင့်ကိုလည်း ထုတ်ပြန်ခဲ့ပါတယ်။
REvil ransomware ဂိုဏ်းဟာ ၂၀၁၉ ခုနှစ်ကတည်းက လှုပ်ရှားခဲ့တာဖြစ်ပြီး သူတို့ရဲ့ပစ်မှတ်ထားတိုက်ခိုက်ခဲ့တာကတော့ Coop၊ JBZ နဲ့ Travelex တို့လို နာမည်ကြီးအဖွဲ့အစည်းတွေဖြစ်ပါတယ်။
သူတို့ ဆာဗာတွေကို ပိတ်ခဲ့ပြီး နှစ်လအကြာလောက်ဖြစ်တဲ့ စက်တင်ဘာ(၇)ရက်နေ့မှာတော့ REvil ransomware ဂိုဏ်းရဲ့ ဆာဗာတွေဟာ အသက်ဝင်လာခဲ့ပါတယ်။ ဒီအခြေအနေကို စာရေးသူနဲ့ သုတေသီတွေက ချက်ချင်းသတိပြုမိခဲ့ကြပါတယ်။ ဒီစာကို ရေးသားစဉ်အတွင်းမှာတော့ decoderp[.]re website က အလုပ်မလုပ်သေးပေမယ့် Happy Blog လို့ခေါ်တဲ့ Dark Web က ဒေတာဖွင့်ချတဲ့ website ကတော့ ပြန်ပြီးအသက်ဝင်နေပါပြီ။
REvil ဂိုဏ်းကပဲ သူတို့ရဲ့လုပ်ငန်းတွေကို ပြန်စဖို့ လုပ်နေတာလား၊ ဒါမှမဟုတ် ဥပဒေစိုးမိုးရေးအဖွဲ့တွေကပဲ ဆာဗာတွေကို ဖွင့်လိုက်တာလားကိုတော့ မသဲကွဲသေးပါဘူး။
ခုချိန်မှာ REvil ransomware ဂိုဏ်းဟာ သူ့ရဲ့လုပ်ငန်းတွေကို ကောင်းကောင်းစနေပြီဆိုတာ၊ အဖွဲ့က ပစ်မှတ်သစ်တွေကိုတိုက်ခိုက်နေတာနဲ့ ခိုးလို့ရတဲ့ဖိုင်တွေကို ဖွင့်ချနေတာကိုတော့ အတည်ပြုနိုင်ပါကြောင်း...
"Pierluigi Paganini" ၏ "Bitdefender released free REvil ransomware decryptor that works for past victims" ကို ဘာသာပြန်ဆိုပါသည်။
Credit to mmcert

31/08/2021

SSDတွေပျက်တတ်သလား?

SSD တစ်ခု့ရဲ့ နေဝင်ချိန်
===========
🤔 SSD ကို format ခဏခဏချရင် ပျက်တတ်လား ??
🤔 Window ခနခနပြန်တင်ရင်ရော ပျက်လား ??
Format ကတော့ Quick Format ဆိုရင် ဘာမှမဖြစ်ပါဖူး။ Full Format ဆိုရင်တော့ Disk ရဲ့ Sector အကုန်လုံးကို reset လိုက်မှာဖြစ်တဲ့အတွက် SSD တစ်ခု့ရဲ့သက်တမ်း (TBW) ကိုတိုစေပါတယ်။ ဒါပေမဲ့ ၁လ ၃ခါလောက် Full Format လုပ်နေတာမဟုတ်ရင် SSD ကို လုံးလုံးထိခိုက်တာမျိုးမရှိပါ သဘောက ၁ခါ ၂ခါ လောက်က ရတယ်ဆိုတဲ့သဘောပါ။ ၁ခါလုပ်ထားပြီး ၁လအတွင်း နောက်တစ်ခါထပ်လုပ်တာမျိုးကတော့ အနည်းငယ် ထိနိုင်ပါတယ်။
SSD ရဲ့ သက်တမ်း (TBW) ဆိုတာ Terabytes Written ပါ။ SSD တစ်ခု့မှာဘယ်လောက် Data တွေ write လို့ရလဲဆိုတာကို ပြောပြပါတယ်။
ဥပမာ Samsung SSD ထဲက
250GB ဆို - 150 TBW
500GB ဆို - 300 TBW
1TB ဆို - 600 TBW
150 TBW ဆိုရင် 150 terrabytes(150,000 GB) Write ပြီးတာနဲ့ သက်တမ်းကုန်ပြီဆိုတဲ့သဘောပါ။
ပြီးတော့ ဒီ specification က Estimate ပါ။ လုံးဝတိတိကျကျမဟုတ်ပါဖူး။ ဒီ Product ဒီ Brand ပဲတောင် အလုံးကွဲရင် နည်းနည်းလေးကွဲပါလိမ့်မယ်။ Full Format က ဒီသက်တမ်းကို တိုစေတာပါ။

Samsung ရဲ့ သက်တမ်းအတိုဆုံး 250GB ကတောင် 150TBW ရှိတဲ့အတွက် တစ်ရက်ကို 40GB write ပြီး ၁၀ နှစ်လောက်သုံးမှ ကုန်မှာပါ။ အဲ့ကျမှ SSD တစ်ခု့သေပါတယ်။ ဒီလို ကြာရှည်ခံပြီး စိတ်ချလို့ Samsung SSD တွေက နာမည်ကြီးပြီး Market sharer အရမ်းများနေတာပါ

Credit…. Eastern iT and Mobile မှ ကူးယူဖော်ပြလိုက်ပါသည်။
မူရင်း Page သို့သွားရောက်လေ့လာကြည့်နိုင်ပါတယ်။
https://www.facebook.com/Easterncomputer/

Eastern မှဝယ်ယူသော Mobile Phone, Laptop, Desktop
များအတွက် ပြင်ဆင်ခြင်း ရာသက်ပန်လက်ခမဲ့

17/08/2021

⌨ Windows 10 အသုံးပြုသူများအတွက် General Keyboard Shortcut များ အပိုင်း(၁)⌨
⌨⌨⌨⌨⌨⌨⌨⌨⌨⌨⌨⌨⌨⌨⌨⌨⌨
Windows 7 ကို နောက်ထပ် ဘာ Support မှ ထပ်မပေးတော့ပါဘူး။ Update လည်း မရတော့ပါဘူး။ နောက်ပိုင်း ထပ်မံထုတ်လုပ်တဲ့ Essential Software တွေနဲ့လည်း Compatible မဖြစ်တော့ပါဘူး။ ဒါ့ကြောင့် အနှေးနဲ့အမြန် ကျိန်းသေပေါက် Windows 10 ကို အသုံးပြုရပါတော့မယ်။👆
Windows 10 ရဲ့ အားသာချက်/အားနည်းချက်တွေကို နောက်မှ အလျင်းသင့်သလို တင်ပြပေးပါဦးမယ်။ အခုတော့ Windows 10 မှာ အသုံးပြုနိုင်မဲ့ Shortcut Key တွေထဲက အထွေထွေသုံး Shortcut Key တွေကို ဖော်ပြပေးမှာပါ။ 👆
Shortcut Key ဆိုတာမျိုးက မောက်စ်နဲ့ အဆင့်ဆင့် လိုက်နှိပ်စရာ မလိုဘဲနဲ့ ကီးဘုတ်ပေါ်ကနေ တစ်ခု(သို့မဟုတ်) တစ်ခုထက်ပိုတဲ့ ခလုတ်တွေကို တွဲနှိပ်ဖို့ ဖြတ်လမ်းနည်းတွေပဲ ဖြစ်ပါတယ်။☝
Shortcut Key တွေထဲကမှ အခု ဖော်ပြပေးမှာက General Shortcut Key တွေပါ။ အခြား ကီးတွေကိုလည်း နောက်နေ့နောက်နေ့တွေမှာ ဖော်ပြပေးဦးမှာပါ။
စ လိုက်ကြစို့။ တစ်ခုချင်းစီ အကြမ်းဖျဉ်း ရှင်းပြပါ့မယ်။
1️⃣ Ctrl+A (Select All) အားလုံးကို ရွေးချယ်တာပါ။ ဘာတွေကို ရွေးချယ်တာလဲဆိုတာက ကိုယ် ဘာကို Select လုပ်ထားသလဲ ဆိုတာပေါ် မူတည်ပါတယ်။ Icon ရုပ်ပုံလေးတစ်ခုကို Select လုပ်ပြီး နှိပ်လိုက်ရင် Icon အားလုံးကို ရွေးချယ်ပေးပါလိမ့်မယ်။ တကယ်လို့ စာသားတွေကြားထဲမှာ Cursor ချထားတယ်ဆိုရင် စာသားအားလုံးကို ရွေးချယ်ပေးပါလိမ့်မယ်။ လူတိုင်းနီးပါး သိပြီးသား Shortcut ပါ။
2️⃣ Ctrl + X (Cut the selected item) ဖြတ်ထုတ်တာပါ။ သူလည်း ထိုနည်းလည်းကောင်းပဲ ဘာကို ဖြတ်ထုတ်တယ်ဆိုတာ Select လုပ်ထားတဲ့အပေါ် မူတည်ပါတယ်။ ဖြတ်ထုတ်တာနဲ့ ဖျက်ထုတ်တာ မတူပါဘူးနော်။ ရည်ရွယ်ချက်ကိုက ပိတ်စတစ်စက အစတစ်စကို ဖြတ်ထုတ်ပြီး အခြားတစ်နေရာမှာ သွားကပ်ဖို့ သဘောမျိုး ဖြစ်ပါတယ်။ စာသားတွေ၊ ဖိုင်တွေကို Select လုပ်ပြီး ဖြတ်ထုတ်သွားတာပါ။ လူတိုင်းနီးပါး သိပြီးသား Shortcut ပါ။
3️⃣ Ctrl + V (Paste the selected item) "Cut" လုပ်ပြီးတာနဲ့ သူနဲ့ တွဲလျှက် လုပ်ရမဲ့ဟာက "Paste" ပါ။ တစ်နေရာက ဖြတ်ထုတ်လာတဲ့ ဖိုင်တစ်ဖိုင်ကို နောက်တစ်နေရာမှာ သွားကပ်လိုက်တာပါ။ ဥပမာအားဖြင့် Desktop ပေါ်က ဖိုင်ကို Cut လုပ်ပြီး D ထဲမှာ Paste လုပ်တယ်ဆိုရင် Desktop ပေါ်က ဖိုင် မရှိတော့ဘဲ D ထဲကို ရောက်သွားတာပါ။ ရှင်းရှင်းပြောရရင် ရွှေ့လိုက်တဲ့သဘောပါပဲ။ လူတိုင်းနီးပါး သိပြီးသား Shortcut ပါ။
4️⃣ Ctrl + C (Copy the Selected item) "Copy" ကျတော့ "Cut" နဲ့ ကွာပါတယ်။ Source File ပျက်မသွားဘဲ နောက်တစ်ခု ထပ်ပွားလိုက်တာ ဖြစ်ပါတယ်။ သူ့ချည်းပဲ အသုံးမပြုနိုင်ပါဘူး။ "Paste"(Ctrl+V) နဲ့ တွဲသုံးရပါတယ်။ Ctrl+C နှိပ်ရုံနဲ့ ဘာမှ မဖြစ်လာဘဲ နောက်ထပ် တစ်နေရာမှာ Ctrl+V ထပ်နှိပ်မှသာ Copy ကူးပေးသွားမှာ ဖြစ်ပါတယ်။ လူတိုင်းနီးပါး သိပြီးသား Shortcut ပါ။
5️⃣ Ctrl + Z (Undo an action) "ဘွာတေး" Shortcut ပါ။ ဖိုင်တစ်ဖိုင်ကို Copy ပွားလိုက်တယ် ဆိုပါစို့။ မပွားချင်တော့ဘူးဆိုရင် Ctrl+Z ကို ပြန်နှိပ်လိုက်ပါ။ ပွားထားတဲ့ဖိုင်တွေ ပြန်ပျောက်သွားပါလိမ့်မယ်။ နောက်ဆုံး လုပ်လိုက်တဲ့ လုပ်ဆောင်ချက် Action ကို မလုပ်တော့ဘူး လို့ ပြောလိုက်သလိုပါ။ ဒါပေမဲ့ နောက်ဆုံး Action တစ်ခုကိုပဲ ရပါမယ်။ Microsoft Office ထဲမှာတော့ Undo ဘယ်နှဆင့်အထိ လုပ်လို့ရတယ်ဆိုပြီး ပါတယ်။ ဒါပေမဲ့ Windows ထဲမှာတော့ တစ်ဆင့်ပဲ ရပါတယ်။
6️⃣ Ctrl + Y (Redo an action) "ဘွာတေး"ကို"ဘွာတေး" ထပ်လုပ်တာပါ။ ရှုပ်သွားသလား။ ဥပမာ.. ဖိုင်တစ်ဖိုင်ကို ဖျက်လိုက်တယ်။ Delete နဲ့။ ဒါပေမဲ့ မဖျက်ချင်သေးဘူး ဆိုပြီး Ctrl + Z ပြန်နှိပ်လိုက်တယ်။ ပြန်ရောက်လာတယ်။ မပျက်ဘူး။ ဒါပေမဲ့ စိတ်ကပြန်ပြောင်းသွားတယ်။ ဖျက်လိုက်တာပဲ အေးပါတယ် ဆိုပြီး Ctrl+Y ကို နှိပ်လိုက်တော့ ပြန်ပျက်သွားတယ်။ ဒီဥပမာ အတိုင်းပါပဲ။
6️⃣ အဲဒီမှာ သတိထားဖို့က File ကို Delete လုပ်တာမျိုးဆိုရင် Shift + Del နှိပ်လိုက်လို့ အပြီးပျက်သွားတာဆိုရင် Undo လုပ်လို့ မရပါဘူး။ အဲဒီတစ်ခုတော့ ရှိတယ်။ Undo, Redo တွေက ရတဲ့ဟာမှာသာ ရပြီး မရတဲ့ဟာတော့ မရတဲ့အတွက် တတ်နိုင်သမျှ သတိကြီးကြီး ထားစေလိုပါတယ်။
7️⃣ Alt + Tab (Switch between open apps) ဖွင့်ထားတဲ့ App အချင်းချင်း ချိန်းတာပါ။ နမူနာ အနေနဲ့ ကျွန်တော်တို့ Windows ပေါ်မှာ Microsoft Word နဲ့ Excel ကို တပြိုင်တည်း ဖွင့်ထားတယ်ဆိုပါစို့။ လက်ရှိ Microsoft Word ကို သုံးနေရာကနေ Excel ထဲက တစ်ခုခုကို လိုချင်လို့ Excel ကို ဖွင့်ချင်ရင် Alt + Tab ကို တစ်ချက် နှိပ်လိုက်ပါ။ နောက်ကို ရောက်နေတဲ့ Excel က Active ပြန်ဖြစ်သွားပါမယ်။
8️⃣ Alt + F4 (Close the active item, or exit the active app) ဖွင့်ထားတဲ့ App ကို ပိတ်တာပါ။ ဘယ် App ကို ဖွင့်သုံးနေသည်ပဲ ဖြစ်စေ Alt+F4 ကို တွဲနှိပ်လိုက်တာနဲ့ လက်ရှိလုပ်နေတဲ့ App ကို ပိတ်မှာလား၊ ဒါမှမဟုတ် Save မှာလားလို့ မေးပါမယ်။ တစ်ခုခုကို ရွေးနှိပ်ပေးလိုက်ရင် ပိတ်သွားပါလိမ့်မယ်။
9️⃣ Windows logo key + L (Lock your PC) ကျွန်တော်တို့ ကွန်ပျူတာ သုံးနေရင်းနဲ့ ခဏနားချင်တာပဲ ဖြစ်ဖြစ်၊ အပေါ့အပါး ထသွားချင်တာပဲ ဖြစ်ဖြစ် ကွန်ပျူတာကို မပိတ်ဘဲ ဖွင့်လျက်နဲ့ Lock ချသွားနိုင်ပါတယ်။ လုပ်ပုံလုပ်နည်းကတော့ Windows Logo Key + L ကို တွဲနှိပ်လိုက်တာပါ။ အတိုကောက် (Win + L) အဲလို နှိပ်လိုက်ရင် Logon Screen ကို ပြန်ရောက်သွားပါလိမ့်မယ်။ Password ထည့်ထားမယ်ဆိုရင် ဘယ်သူမှ ဖွင့်ကြည့်နိုင်တော့မှာ မဟုတ်ပါဘူး။
🔟 Windows logo key + D (Display and hide the desktop) Desktop ကို Hide (or) Show လုပ်တာပါ။ လက်ရှိ App တစ်ခု ဖွင့်သုံးနေရာက Desktop ကို ကြည့်ချင်ရင် Win+D ကို နှိပ်လိုက်ရုံပါ။ အဲဒီကနေ နောက်ဆုံး ဖွင့်ထားတဲ့ App ကို ပြန်သွားချင်ရင်လည်း Win+D ထပ်နှိပ်လိုက်ပါ။
1️⃣1️⃣ F2 (Rename the Selected Item) ဖိုင်တွေကို နာမည်ပြောင်းချင်ရင် F2 နှိပ်လိုက်ပြီး ကြိုက်တဲ့နာမည် ပြောင်းလို့ ရပါပြီ။
1️⃣2️⃣ F3 (Search for a File or Folder in File Explorer) (File Explorer ထဲမှာ ဖိုင်တွေရှာချင် F3 ကို နှိပ်ပါ၊ Ctrl + F ကိုလည်း နှိပ်လို့ရပါတယ်)
1️⃣3️⃣ F4 (Display the address bar list in File Explorer) File Explorer ထဲမှာ F4 ကို နှိပ်လိုက်ရင် ကိုယ်လက်ရှိ ရောက်နေတဲ့ File Location Path ကို ဖော်ပြပေးပါတယ်။ ဥပမာ C:\Windows\System32 အဲလိုမျိုး လိပ်စာ။
1️⃣4️⃣ F5 (Refresh the active Windows) လက်ရှိ ဖွင့်ထားတဲ့ Windows ကို Refresh လုပ်တာပါ။ ဒီနေရာမှာ Windows ဆိုတာ Operating System တစ်ခုလုံးကြီးကို ပြောတာမဟုတ်ဘဲ တစ်ခုချင်းတစ်ခုချင်းအလိုက် App တွေ ဖွင့်ထားတဲ့ ဘောင်အတွင်းကို Windows လို့ ခေါ်တာ ဖြစ်ပါတယ်။
1️⃣5️⃣ F6 (Cycle through screen elements in a window or on the desktop) Desktop ပေါ်မှာ F6 နှိပ်တာက Desktop ပေါ်မှာ ပြထားသမျှ တစ်မျိုးချင်းစီကို Cycle လုပ်ပေးတာပါ။ ပထမဆုံး F6 ကို နှိပ်ရင် Desktop ပေါ်က ထပ်ဆုံး Icon တစ်ခု၊ နောက်တစ်ချက်ထပ်နှိပ်ရင် Start Button၊ နောက်တစ်ချက် ထပ်နှိပ်ရင် Task Bar ပေါ်က Icon တစ်ခု၊ နောက်တစ်ချက်ထပ်နှိပ်ရင် Noti Tray ထဲက Icon တစ်ခု စသည်ဖြင့် အစဉ်လိုက် ပြောင်းသွားပါတယ်။ တစ်မျိုးချင်းစီ ရွေ့သွားတာပါ။ တစ်ခုချင်းစီမဟုတ်ပါဘူး။ ဒီတိုင်းဖတ်ရင် နားလည်ဖို့ခက်ပါတယ်။ လက်တွေ့နှိပ်ကြည့်လိုက်တာ အရှင်းဆုံးပါပဲ။
1️⃣6️⃣ F10 (Activate the Menu bar in the active app) လက်ရှိ ဖွင့်ထားတဲ့ App ရဲ့ Menu Bar ကို ဖော်ပြပေးမှာပါ။
Alt + Esc (Cycle through items in the order in which they were opened) ဒါကတော့ ဖွင့်ထားတဲ့ App တွေကို တစ်ချက်နှိပ်တိုင်း တစ်လှည့်စီ လှည့်ပေးမှာပါ။ ဖွင့်မထားဘဲ Task ဘားပေါ်မှာ Pinned ထားတဲ့ App တွေ မပါပါဘူး။
1️⃣7️⃣ Alt + Enter (Display properties for the selected item) ဒါကတော့ Select လုပ်ထားတဲ့ အရာရဲ့ Property ကို ဖော်ပြပေးမှာပါ။ ဖိုင်တစ်ဖိုင်ကို Select လုပ်ထားမယ်ဆိုရင် Alt+Enter ခေါက်လိုက်တာနဲ့ အဲဒီဖိုင်ရဲ့ Properties ထဲ ဝင်သွားပါလိမ့်မယ်။
1️⃣8️⃣ Alt + Spacebar (Open the shortcut menu for the active window) လက်ရှိဖွင့်ထားတဲ့ Active ဖြစ်နေတဲ့ ဝင်းဒိုးစ်တစ်ခုရဲ့ Shortcut Menu ကို ခေါ်ပေးပါမယ်)
1️⃣9️⃣ Alt+ L/R Arrow (Back/Forward) Alt ကို ဘယ်ဘက်မြှားနဲ့ တွဲနှိပ်ရင် Back ကို သွားတာဖြစ်ပြီး ညာကို နှိပ်ရင် Forward သွားတာ ဖြစ်ပါတယ်။
2️⃣0️⃣ Ctrl+Alt+Arrows (Desktop ကြီးကို ဇောက်ထိုး၊ ဘေးတိုက်၊ အတည့် လုပ်လို့ရတဲ့ Shortcut) Desktop ကြီး ဇောက်ထိုးဖြစ်သွားလို့ တိုင်ပတ်နေတဲ့သူ အများအပြားရှိပါတယ်။ ဒါနဲ့ အဆင်ပြေမှာပါ။
General Shortcut တွေ တစ်ပုံတစ်ပင် ရှိပါတယ်။ အဲဒီဟာတွေ အားလုံးကို Photo နဲ့ တင်ပေးလိုက်လို့လည်း ရပါတယ်။ ဒါပေမဲ့ ကျွန်တော် ရည်ရွယ်တဲ့ Target ကိုက လုံးဝမသိသေးတဲ့သူ၊ Beginner တွေနဲ့ Pre Intermediate လယ်ဗယ်တွေကို ဦးတည်တာ ဖြစ်ပါတယ်။ လုံးဝမသိသေးသူ သိသွားအောင်၊ စ လေ့လာတဲ့သူ ပိုသိသွားအောင်၊ အလယ်အလတ်တန်းအကြို User တွေ မေ့နေရင် မှတ်မိသွားအောင် ဖြစ်ပါတယ်။ Intermediate နဲ့ Advance/Professional တွေအနေနဲ့က ဒါတွေ ကြည့်နေစရာမလိုအောင် ဂျောင်းဂျောင်းပြေးနေပြီ ဖြစ်ပါတယ်။
ဒါ့ကြောင့်လည်း တစ်ကြောင်းချင်း အဓိပ္ပာယ်၊ ဥပမာတွေနဲ့တကွ ရေးပေးတာ ဖြစ်ပါတယ်။ ဒီ Shortcut တွေက မကုန်သေးပါဘူး။ နောက်ထပ် ပို့စ်တွေ အများကြီး ရေးရဦးမှာပါ။ အပိုင်း(၂)မကြာမီ လာမည်ပေါ့ဗျာ။
နှစ်သက်တယ်၊ သဘောကျတယ်၊ အသုံးဝင်တယ်ဆိုရင်တော့
Like & Share လေးတွေ အားပေးခဲ့ကြပါဦး။😍
Like တွေ Share တွေကို လိုချင်တာမဟုတ်ဘဲ ကျွန်တော့်ပို့စ်လေး လူဘယ်နှယောက်တော့ ဖတ်သွားတယ်၊ ဘယ်သူတွေကတော့ Reaction တွေပေးသွားတယ်၊ ဘယ်သူတွေကတော့ Comment တွေ ဝင်ရေးသွားတယ်၊ ဘယ်သူလေးကတော့ Page ကို Recommanded ပေးသွားတယ် ဆိုတဲ့ ပီတိကလေးပါ။ ပရိတ်သတ်များများရှိတော့ ဘောလုံးသမား ကန်လို့ကောင်းတာပေါ့ဗျာ။ 😘😘😘
အားပေးမှုအတွက် အများကြီး ကျေးဇူးတင်ပါတယ်။
AKK
Technology

10/06/2021

Basic Networking Tutorials (မြန်မာ)
Lessons 01 - 30

မြန်မာလို စတင်လေ့လာရတာ ဖြစ်လို့ အဆင်ပြေစေချင်တာရယ်၊ Offline အနေနဲ့ သိမ်းထားပြီး ထပ်ခါ ထပ်ခါ လေ့လာရတာ အဆင်ပြေစေဖို့ အတွက် ပါ။

အဓိက အခက်အခဲ တွေ ဖြစ်တဲ့

• YouTube က လေ့လာရတာ အဆင်မပြေလို့
• Offline လေ့လာချင်လို့
• Download က File Size ကြီးတော့ အဆင်မပြေလို့
• အင်္ဂလိပ်လိုက သိပ်နားမလည်လို့၊

စတဲ့ ဖြစ်တတ်တဲ့ အခက်အခဲလေးတွေ ပြေလည်စေဖို့ စီစဉ်ပေးဖြစ်ခဲ့တာပါ။

Share ယူထားတာထက် သေချာ Download ချ လေ့လာ စေချင်ပါတယ်။

(( အခြေခံ မှာ အခြေခိုင် စေချင်လို့ပါ။ ))

Basic Networking Tutorials 01 - 30

Basic Networking Tutorial 1 2 3
File Size : 39.9 MB
http://www.mediafire.com/download/89wsiwe9azug97d/Basic_Networking_Tutorial_1_2_3.rar

Basic Networking Tutorial 4 5 6
File Size : 61 MB
http://www.mediafire.com/download/rlg5crncen6j9m9/Basic+Networking+Tutorial+4+5+6.rar

Basic Networking Tutorial 7 8 9
File Size : 50 MB
http://www.mediafire.com/download/rae1ue1o220mx27/Basic+Networking+Tutorial+7+8+9.rar

Basic Networking Tutorial 10 11 12
File Size : 40 MB
http://www.mediafire.com/download/n598tvsj8stpw06/Basic+Networking+Tutorial+10+11+12.rar

Basic Networking Tutorial 13 14 15
File Size : 60 MB
http://www.mediafire.com/download/yvy522i3b7didpn/Basic+Networking+Tutorial+13+14+15.rar

Basic Networking Tutorial 16 17 18
File Size : 31 MB
http://www.mediafire.com/download/61wuv9pflsp17wy/Basic+Networking+Tutorial+16+17+18.rar

Basic Networking Tutorial 19 20 21
File Size : 69 MB
http://www.mediafire.com/download/evr4hu9chsa0xvl/Basic+Networking+Tutorial+19+20+21.rar

Basic Networking Tutorial 22 23 24
File Size : 100 MB
http://www.mediafire.com/download/d06mad33lotw58p/Basic+Networking+Tutorial+22+23+24.rar

Basic Networking Tutorial 25 26 27
File Size : 63 MB
http://www.mediafire.com/download/nfc7jlsfzbd16xf/Basic+Networking+Tutorial+25+26+27.rar

Basic Networking Tutorial 28 29 30
File Size : 62 MB
http://www.mediafire.com/download/8i8gipc2rjffb7p/Basic+Networking+Tutorial+28+29+30.rar

Credit: RHC Technologies

MediaFire is a simple to use free service that lets you put all your photos, documents, music, and video in a single place so you can access them anywhere and share them everywhere.

05/02/2021

ကျောင်းသူ/ ကျောင်းသားတို့ရေ...📣📣

အလင်းရောင်ရဲ့ အခမဲ့ ပညာရေးနဲ့
စာသင်ဖို့အချိန်ရောက်ပြီ...

အချိန်မရွေး၊ နေရာမရွေး အလွယ်ကူဆုံးနည်းနဲ့ ပညာသင်ယူနိုင်ဖို့အတွက် အလင်းရောင် ကိုယ်ပိုင်အထက်တန်းကျောင်းကနေ အခမဲ့ ပညာရေးကို ပေးဖို့ Ready ဖြစ်နေပါပြီနော်...

အခုဆိုရင်...

💁 အလင်းရောင်ကိုယ်ပိုင်အထက်တန်းကျောင်းက
Technology Based Learning Platform ဆိုပြီး Microsoft Education ရဲ့ Learning Management System (LMS) ကိုသုံးကာ Express Course ကို အခမဲ့ သင်ယူနိုင်စေမှာ ဖြစ်ပါတယ်။

Express Course ကိုတော့
✅ အစိုးရကျောင်းများ၊
✅ ဘုန်းတော်ကြီးသင် စာသင်ကျောင်းများ၊
✅ ကိုယ်ပိုင်အထက်တန်းကျောင်းများနဲ့
✅ နိုင်ငံတကာကျောင်းများက
Kindergarten to Grade 10 ကျောင်းသူ၊ ကျောင်းသားတိုင်း တက်ရောက်နိုင်မှာ ဖြစ်ပါတယ်။

ဖေဖော်ဝါရီလ (၁၁)ရက်နေ့မှာ စတင်သင်ယူနိုင်မယ့် Express Course အတွက်
👉 အခုပဲ အမြန်ဆုံး စာရင်းသွင်းလိုက်ပါ။
Link: http://bit.ly/ALY_TBL_Express_Course_Reg_From

🔹 Register လုပ်ပြီးသားကျောင်းသားတွေအတွက် Microsoft Account တစ်ခုစီပေးသွားမှာပါ။

🔹 ကျောင်းသားတစ်ဦးချင်းစီရဲ့ အတန်းလိုက်သင်ကြားမှုအချိန်များနဲ့ သတင်းအချက်အလက်တွေကိုတော့ အလင်းရောင်ကျောင်းရဲ့ Public Website ဖြစ်တဲ့ https://aly.edu.mm/ မှာ သွားရောက်ကြည့်ရှုနိုင်ပါတယ်။ ထို Website ကနေတဆင့် မိမိသက်ဆိုင်ရာအတန်းကိုနှိပ်ပြီး ကိုယ်ပိုင် Microsoft Account ကိုသုံးကာ Private Website မှာ သင်ခန်းစာတွေသင်ယူနိုင်မှာ ဖြစ်ပါတယ်။

🔹 ILBC TBL - EPC ကျောင်းသားတွေကတော့ Register လုပ်ဖို့မလိုဘဲ မိမိတို့ရဲ့ ရှိပြီးသား Microsoft Account နဲ့ အလင်းရောင် Private Website မှာ အခမဲ့ ပညာသင်ယူနိုင်မှာပါနော်...

🔹 Express Course မှာတက်ရောက်မယ့် ကျောင်းသားတစ်ဦးချင်းစီအတွက် Microsoft Teams, Microsoft Stream အပြင် သင်ကြားမှုအတွက် အထောက်အကူပြုစေမယ့် 1000 GB အထိဆံ့တဲ့ OneDrive တို့ကို အသုံးပြုခွင့်ပေးသွားမှာ ဖြစ်ပါတယ်။

🔹 ကျောင်းသူ/သားတွေဟာလည်း Microsoft Teams မှာ ဆရာ/မတွေပေးတဲ့ Homework တွေ၊ Assignment တွေကို Auto Graded System နဲ့ ပြုလုပ်နိုင်မှာဖြစ်ပါတယ်နော်….

ဒါကြောင့်...❗❗

အလင်းရောင် TBL - Express Course မှာ
ကျောင်းသူ/သားတွေအနေနဲ့ မိမိတို့
တက်ရောက်ရမယ့် အတန်းစဥ်အလိုက် သက်ဆိုင်ရာသင်ခန်းစာတွေကို 'အခမဲ့' သင်ယူနိုင်မှာဆိုတော့ ဒီအခွင့်အရေးကြီးကို လုံးဝ
လက်မလွှတ်လိုက်ပါနဲ့နော်...😉

04/02/2021

အကယ်လို့ VPN တွေပါ Ban ခံထိမယ်ဆိုရင် Backup Plan အနေနဲ့ Tor Browser ကို ဆက်သုံးလို့ရတယ်။
ဒီကောင်တွေ ဘန်းချင်တာဘန်း Tor Browser ကိုတော့ သွား Ban လို့မရဘူး :
Tor Browser ဆိုတာက Encryption ကို သုံးထပ်လုပ်ထားတဲ့ ကောင်ပေ့ါ။
Tor Browser နဲ့ဆို ကြိုက်တဲ့ Website ကို ၀င်ကြည့်လို့ရတယ်။ ( Deep Web ကို အဓိက ၀င်ကြည့်ကြတယ် )
ဘာ VPN မှ ကျော်စရာမလိုဘူး။
ဘာ Proxy မှ Change စရာမလိုဘူး။
Browser ကို ဖွင့် Connect လုပ်ပြီး Surface Web / Deep Web ကကြိုက်တဲ့ Website ထဲ၀င်ကြည့်လို့ရတယ်..
ဒီကောင်နဲ့ သုံးနေရင် Trace လိုက် Track လိုက်ဖို့ မလွယ်ကူဘူး။
ဆရာ့ဆရာကြီးတွေကတော့ လိုက်နိုင်ခဲ့ဖူးပေမဲ့ မြန်မာနိုင်ငံက ဖုန်းလိုင်းကို ကတ်ကြေးနဲ့ ဖြတ်တဲ့ ဆရာကြီးတွေကတော့ ဘာမှလိုက်လုပ်နိုင်မှာမဟုတ်ဘူးဆိုတာသေချာတယ်။
ဘယ်လိုသုံးရမလဲ?
ဖုန်းအတွက်ဆိုရင် အောက္မှာ Play store Link ချပေးထားတယ်။
PC အတွက်ဆိုရင် အောက္မှာ သူတို့ Website Link ချပေးထားတယ်။
Down ပြီးတာနဲ့ Connect လုပ်ပြီး အသင့်သုံးရုံပဲ။
ကြိုက်တဲ့ Website ၀င် ဘယ်လိုအကောင်ကြီးကမှ မBan နိုင်ဘူး...
တစ်ခုရှိတာက default Search Engine က Duckduckgo ဖြစ်နေတယ်။
ဖုန်းမှာဆိုရင် Search Engine မှာ Google ဆိုပြီး ရွေးပြီး သုံးလို့ရတယ်။
PC မှာဆိုရင်တော့ google.com ပေါ့။
ဒီ့ထက်ပိုပြီး Facebook ကို Anonymous ဖြစ်ဖြစ်သုံးချင်တယ်ဆိုရင်တော့ (
facebookcorewwwi.onion ) ဒီ Link ကို Tor Browser မှာ ဖွင့်လိုက်။
ဒါက မတ်ဇူကာဘတ်ရဲ့ Onion Network မှာရှိတဲ့ တရား၀င် Facebook site ...
အဲ့ကနေ ကျွန်တော်တို့ သုံးရင် ကျွန်တော်တို့ရဲ့ Location နဲ့ Device ဟာ Anonymous လို့ပဲပေါ်နေလိမ့်မယ်။
ဒီ့ထက်ပိုပြီး လုံခြုံတဲ့ နည်းမရှိတော့ဘူး။
Play Store Link - ( https://play.google.com/store/apps/details... )
IOS https://apps.apple.com/us/app/onion-browser/id519296448
PC Link - ( https://www.torproject.org/ )
Tor Browser ကိုတော့ သုံးစေချင်တယ်။ ဘာလို့လဲဆိုတော့ ဒီ့ထက်ပိုပြီး ဆိုးလာခဲ့သည်ရှိသော် ကိုယ့်ရဲ့ Location ကို Track လိုက်လို့မရပဲ တင်ချင်တာတင်နိုင်အောင် Onion Network ကနေပဲ လုပ်ဆောင်သွားလို့ရတာမို့လို့။
Original owner
Lynn Htut Nyan

Defend yourself against tracking and surveillance. Circumvent censorship.

04/02/2021

ပိတ်ထားတဲ့ website တွေကျော်သုံးဖို့အတွက် vpn app လေးပါ ကြိုdown ထားကြပါခင်ဗျာ

Play store

https://play.google.com/store/apps/details?id=free.vpn.unblock.proxy.turbovpn&hl=en&gl=US

Apple store

https://apps.apple.com/us/app/turbo-vpn-private-browser/id1365309175

25/01/2021

Xiaomi က miui 12 ကို 27 April 2020 မှာ beta modeအနေနဲ့ ထွက်ရှိခဲ့ပါတယ်

Miui 12 မှာအပြောင်းအလဲ တွေအများကြီး ပြုလုပ်ခဲ့ပြီး
အဆင်မပြေတဲ့ error တွေလည်းရှိနေပါတယ်

Redmi k30 & mi8 se တို့မှာ miui12 တင်ပြီးတဲ့အခါမှာ playstore မရတာ နှင့် wave pay otp code မကျတာတွေဖြစ်တက်ပါတယ်

Miui12 ကိုတင်ပြီးသားလူတွေအနေနဲ့ playstore ထည့်ချင်တယ်ဆိုရင် အောက်ပါလင့်ကနေဒေါင်းပြီး မိမိဖုန်းရဲ့ android version ကိုကြည့်၍ ထည့်နိုင်ပါတယ်ခင်ဗျာ

TTA gapp-http://www.mediafire.com/file/9kfy7ebqc1aqz3u/TTA_Gapp_Installer_MNOPQ.apk/file

Android version အလိုက် install ပြီးရင် home screen ကိုသွားပြီး download app ကိုဖွင့်ပြီး ညာဘက်အပေါ်ထောင့်က အစက်သုံးစက်ကို နှိပ်ပြီး download data restricted ကို unlimited ထားပေးပါ

Miui 12 (Android 10) မှာ playstore error ဖြေရှင်းနည်းကတော့

အရင်ဆုံး ဖုန်းထဲက setting - my device - All specs - MIUI Version ကို (7) ချက်နှိပ်ပါ (Developer Option ရှိပြီးသားဆိုလုပ်စရာမလိုပါ)

Setting - additional setting - Developer Option - Turn On Optimization ကိုပိတ်ရပါမယ်

Wave pay otp code မကျတဲ့ error ဖြေရှင်းနည်း

Wave pay app ကို 5 seconds လောက်ဖိထားပါ app info ဆိုပြီး ပေါ်လာပါလိမ့်မယ်
App info - Other Permissions ထဲက Get device info ကိုနှိပ်ပြီး Deny ကိုရွှေးပေးပါ

Playstore နဲ့ wave pay app ကို clear data လုပ်ပြီး ဖုန်းကို reboot ချပြိး အသုံးပြုလို့ ရပါပြီခင်ဗျ

Miui 12 support model list

• Xiaomi Mi 10 Pro

• Xiaomi Mi 10

• Xiaomi Mi 10 Youth Edition

• Xiaomi Mi 9 Pro

• Redmi K30 Pro

• Redmi K30

• Redmi K20 Pro Premium Series

• Redmi K20 Pro

• Redmi K20

• Mi Mix 3

• Mi Mix 2S

• Xiaomi Mi 8 series

• Redmi Note 8 Pro

• Redmi Note 7, 7 Pro

• Mi CC9

• Mi CC9 Pro

• Mi 9 SE

• Mi 8 Series

• Mi Mix 2

• Mi 6X

• Redmi 8, 8A

• Redmi 7, 7A

• CC9E

• Mi Note 3

• Mi Max 3

• Mi 8 Youth Edition

• Mi 8 SE

• Redmi S2

• Redmi Note 8

• Redmi 6, 6Pro

• Redmi 6, 6A

• Redmi Note 5

• Redmi Y3

• Redmi Note 7S

• Redmi Note 6 Pro

• Redmi 4X

• Redmi Note 4X

• Redmi Note 9 Pro

• Redmi Note 9 Pro Max
Credit to electricworld