31/01/2024
Google ရဲ့ Lumiere AI 🤖
Google က စာသား ကနေ ဗီဒီယို ဖန်တီးပေးနိုင်တဲ့ Lumiere AI ကို ပြသ
=========================================
AI နည်းပညာကို အသုံးပြုထားတဲ့ Image Generator နဲ့ Video Generator တွေဟာ ခေတ်စားလာနေပါပြီ။ အခုတော့ Google က စာသား ကနေ ဗီဒီယို ဖန်တီးပေးနိုင်တဲ့ Lumiere AI ကို ပြသလိုက်ပါတယ်။
ဗီဒီယိုမှာ ပါစေချင်တဲ့ အရာတွေကို စာသား အနေနဲ့ ရိုက်ထည့်ပေးလိုက်တာနဲ့ Lumiere AI က လှပတဲ့ ဗီဒီယိုတွေကို ဖန်တီးပေးနိုင်ပါတယ်။ ဒါ့အပြင် Lumiere ဟာ ရှုပ်ထွေးတဲ့ စာသားတွေအတွက်လည်း ဗီဒီယိုတွေ ဖန်တီးပေးနိုင်ပါတယ်။ စာသားအပြင် ရုပ်သေ ဓါတ်ပုံတွေကနေလည် ဗီဒီယို ဖန်တီးပေးနိုင်ပါတယ်။
ဒါ့အပြင် Video Editing စွမ်းရည်တွေ ထည့်သွင်းထားပြီး Lumiere က ဗီဒီယိုမှာ ပါတဲ့ အရာဝတ္ထုတွေရဲ့ လှုပ်ရှားမှု၊ အရောင်နဲ့ စတိုင်တွေကို ပြောင်းလဲပေးနိုင်ပါတယ်။ ဥပမာအနေနဲ့ ဗီဒီယိုရဲ့ အစိတ်အပိုင်း တစ်ခုကို ရွေးချယ်ပြီး အဝတ်အစား အရောင်ကို အနီရောင် ပြောင်းပေးပါလို့ ခိုင်းစေနိုင်ပါတယ်။ Video Editing မတတ်တဲ့ လူတွေတောင် လှပတဲ့ ဗီဒီယိုတွေ ဖန်တီးနိုင်ပါတယ်။
ပထမဆုံး ရုပ်ရှင်ရိုက်တဲ့ Device ကို တီထွင်ခဲ့သူတွေထဲမှာ ပါဝင်တဲ့ Lumiere ညီအစ်ကိုကြောင့် Google က Lumiere AI လို့ အမည်ပေးထားတာ ဖြစ်ပါတယ်။ Google က Lumiere AI ကို အသုံးပြုခွင့်ပေးမယ့် အချိန်ကို မပြောသေးပါဘူး။
Ref : theverge