08/02/2024
၏ ဆော့ဝဲများဆိုင်ရာ အသိပေး ကြေငြာချက်။
၁) ဆော့ဝဲအမျိုးမျိုးအား ဗိုင်းရပ်များထည့်သွင်းပြီး မသမာသူများက အခမဲ့ ဖြန့်ဖြူးလေ့ ရှိသည်မှာ ယခုခေတ် cyber crime ကျားဖြန့် လူလိမ်ဂိုဏ်းများက အသုံးပြုတတ်သည့် နည်းလမ်း တစ်ခုဖြစ်ပါသည်။ ကျွန်ုပ်တို့ ထုတ်လုပ်သော ဆော့ဝဲ အစစ်များအား ဗိုင်းရပ်ထည့်သွင်းကာ လက်ဆောင်ပေး ဖြန့်ဖြူးပြီး၊ လူကြီးမင်းတို့၏ ဖုန်း/ကွန်ပျူတာများအထဲမှ password များ၊ ငွေများ ခိုးယူခြင်းများ ရှိခဲ့ပါက ကျွန်ုပ်တို့ #မြန်မာနက် ဆော့ဝဲ ကုမ္ပဏီ, Win Myanmar Systems, မြန်မာနက် #အေအိုင်၊ #မြန်မာနက်ခြက် တို့နှင့် မည်သို့မျှ သက်ဆိုင်ခြင်း မရှိကြောင်း၊ တာဝန်မယူနိုင်ကြောင်းကိုလည်း အများပြည်သူအား အထူး သတိပေးအပ်ပါသည်။
၂) Apple Mac များအတွက် ကမ္ဘာ့ပထမဆုံး မြန်မာစာ စနစ်အဖြစ် အင်္ဂလိပ်လူမျိုး John Okell မှ ထုတ်လုပ်ခဲ့သော်လည်း၊ Windows PC များအတွက် ကမ္ဘာ့ပထမဆုံး မြန်မာစာ စနစ်ကို ၁၃-၃-၁၉၉၂ ကတည်းက ကျွန်ုပ်တို့၏ ဝင်းမြန်မာစာနစ်၊ မြန်မာနက် ဆော့ဝဲကုမ္ပဏီမှ ဦးဇော်ထွဋ် နှင့် မိတ်ဆွေ ဦးသက်ကိုကို တို့က စတင်တီထွင် ခဲ့ပါသည်။ Win Innwa ဟု လူသိများသော ဝင်းမြန်မာစာ စနစ် (Win Myanmar Fonts) အများအပြားကို ယခု #ယူနီကုဒ် ခေတ်အထိ ဖြန့်ဖြူး၊ ရောင်းချလျက်ရှိပါသည်။ ၁၉၉၀ နှစ်များအတွင်း လူသုံးအများဆုံး ပြည်တွင်းဖြစ် (number 1 made-in-Myanmar software) ဖြစ်လာခဲ့ပြီး၊ ဖောင့်အမျိုး ၁၂၀ ကျော် အနက်၊ ၁၀ ခုကို လူမှုရေး/ဘာသာရေး ပရဟိတ အဖွဲ့အစည်းများ၊ အစိုးရ အဖွဲ့အစည်းများအားလုံးသို့ ၁၉၉၄ ခုနှစ်က လှူဒါန်းခဲ့ပါသည်။ Win Myanmar Systems မှ Win Innwa font ၁ ခုတည်း ကိုမူ၊ အများပြည်သူအားလုံးအတွက် ကမ္ဘာအနှံ့ရှိ FTP server ပေါင်း ၆၀ ခန့်မှ နှစ်ပေါင်း များစွာမှ တရားဝင် shareware အဖြစ် အခမဲ့ download ဖြန့်ဖြူးပေးနေခဲ့သည်မှာ သန်းဂဏန်းခန့်ပင် များပြားခဲ့ပြီ ဖြစ်ပါသည်။
၃) ယခုအခါ WinMyanmar, UE, CE, U4, Metrix, Academy/GeoComp, ArtHouse အပါအဝင် အခြား font foundry (font designer/developer) အသီးသီးမှ တီထွင် ရေးဆွဲ ထုတ်လုပ်ခဲ့သည့် မြန်မာစာလုံး စနစ် (digital design artwork/ font/ software) များအား ၇-၂-၂၀၂၄ ရက်နေ့တွင် Fast.ai Facebook ပေါ်မှ တစ်ဆင့် ပြောင်ပြောင် တင်းတင်း တရားမဝင် ကူးယူဖြန့်ဖြူးခြင်းများ ပြုလုပ်လျက် ရှိသည်ကို တွေ့ရှိရပါသည်။ Ref: https://www.facebook.com/photo/?fbid=327937923574489&set=a.107374025630881
၄) သို့ပါ၍ Fast.ai team အနေဖြင့်
(က) font design artwork/software များကို တရားမဝင် ကူးယူ ဖြန့်ဖြူးနေခြင်းကို အမြန်ဆုံး ရပ်တန့်ပေးရန်၊
(ခ) downloadable file များအား အမြန်ဆုံး ဖျက်ပေးရန်၊
Ref: https://drive.google.com/file/d/1ypXMwXZUHCg5JegIl4_i9RE2-MZ3ft6I/view?fbclid=IwAR04mpO7JWC50fjLEddEDPGIjOnDqWoVSxTSGoyltOapU7-QbdcNlf0Fg2k
(ဂ) download ပေးနေကြာင်း ကြော်ငြာပို့စ်အား အမြန်ဆုံး ဖျက်ပေးရန်
Ref: https://www.facebook.com/photo/?fbid=327937923574489&set=a.107374025630881
မေတ္တာရပ်ခံ အကြောင်းကြားအပ်ပါသည်။
၅) မဖယ်ရှားမချင်း တရားမဝင် ကူးယူ သွားသမျှ download အရေအတွက်ကို တရားဝင်ပိုင်ရှင်များထံမှ အစားရောင်းချလိုက်ရသည့် အကြိမ်အရေအတွက် အဖြစ် တန်ဘိုး ဖြတ်မည် ဖြစ်ပါသည်။ ၎င်းတန်ဘိုး စုစုပေါင်းအဖြစ် ရာဇဝတ်မှု/ တရားမမှုအရ နစ်နာကြေး ပေးလျော်ရန် ဥပဒေကြောင်းအရ တောင်းဆိုသည့်အခါ မူလ မူပိုင်ရှင် font developer အသီးသီးအား Fast.ai team အနေဖြင့် ပေးလျော်ရမည့် တာဝန်ရှိမည် ဖြစ်ပါကြောင်း သတိပေး အကြောင်းကြားအပ်ပါသည်။
၆) ၂၄-၅-၂၀၁၉ ရက်နေ့တွင် ပြဋ္ဌာန်းခဲ့သည့် "စာပေနှင့်အနုပညာမူပိုင်ခွင့်ဥပဒေ" ကို သိသိသာသာ ချိုးဖောက်မှုဖြစ်သည်။
Ref: https://www.mlis.gov.mm/mLsView.do?lawordSn=12382
၇) အသိပေး အကြောင်းကြားသည့်အတိုင်း အမြန်ဆုံး ပြုလုပ်ပေးရန် ဖြစ်ပြီး၊ ယနေ့မှစ၍ ၃ ရက်အတွင်း မပြုလုပ်ပါက fast.ai အဖွဲ့အား နစ်နာသူ font developer များဘက်မှ လိုအပ်သည့် အရေးယူမှုများကို ဆက်လက် ဆောင်ရွက်သွားမည် ဖြစ်သည်။
မှ/ (နစ်နာသူ font developer များအားလုံး ကိုယ်စား)
ဌာနမှူး၊ ဝင်းမြန်မာစာစနစ် ဌာန (Win Myanmar Systems)
မြန်မာနက် ဆော့ဝဲ ကုမ္ပဏီလိမိတက်
လိပ်စာ။ ၃/၁ မြန်မာ အိုင်စီတီပါ့ခ်၊ တက္ကသိုလ်များ လှိုင်နယ်မြေ၊ လှိုင်မြို့နယ်၊ ရန်ကုန်မြို့
Internet: https://xn--7idjb0f4ck.net/ , https://services.myanmars.net
Email: [email protected]
Tel: (+95) 09-506-2482, 09-403-300-900, 01-865-2323, 01-865-2250
