Nex Charge

Nex Charge Myanmar embraces innovative EV solutions, reshaping sustainable electric vehicle charging for future.

▪️Condo နဲ့ Housing Project တွေအတွက် Charging Zone များ အကြောင်းလောင်စာဆီဈေးနှုန်းနဲ့ ဆီပြတ်လတ်မှု အခက်အခဲတွေကြောင့် ကျွ...
17/07/2026

▪️Condo နဲ့ Housing Project တွေအတွက် Charging Zone များ အကြောင်း

လောင်စာဆီဈေးနှုန်းနဲ့ ဆီပြတ်လတ်မှု အခက်အခဲတွေကြောင့် ကျွန်တော်တို့ မြန်မာနိုင်ငံမှာ လျှပ်စစ်ကား (EV) စီးတဲ့သူတွေ သိသိသာသာ ပိုများလာပါတယ်။ EV မောင်းရတာ စီးပွားရေးအရ တွက်ခြေကိုက်ပေမယ့် လူအများစု ရင်ဆိုင်နေရတဲ့ အကြီးမားဆုံး စိန်ခေါ်မှုကတော့ "ကားကို ဘယ်မှာ အားသွင်းမလဲ" ဆိုတဲ့ ပြဿနာပါပဲ။

တကယ်တော့ EV အားသွင်းတာဟာ ဖုန်းအားသွင်းသလိုပါပဲ။ အပြင်မှာ အချိန်ကုန်ခံပြီး အားသွင်းတာထက် ကိုယ် ညဘက်အိပ်နေတဲ့အချိန်၊ ဒါမှမဟုတ် အိမ်မှာ ကားရပ်ထားတဲ့ အချိန်တွေမှာ ဖြည်းဖြည်းချင်း အားသွင်းထားတာက အဆင်ပြေဆုံးနဲ့ စရိတ်အသက်သာဆုံး နည်းလမ်းပါ။ ဒါကြောင့်ပဲ ကွန်ဒိုမီနီယံတွေနဲ့ အိမ်ရာဝင်းတွေမှာ EV အားသွင်းဇုံ (EV Charging Zone) တွေ ထားရှိဖို့က မရှိမဖြစ် လိုအပ်ချက်တစ်ခု ဖြစ်လာတာပါ။

ဒါပေမယ့် အများပိုင် ကွန်ဒိုနဲ့ အိမ်ရာတွေမှာ အားသွင်းစနစ် တပ်ဆင်တဲ့အခါ လျှပ်စစ်အင်ဂျင်နီယာပိုင်းဆိုင်ရာအရ သတိထားရမယ့် အချက်အချို့ ရှိပါတယ် -

⚡ အိမ်ရာရဲ့ လျှပ်စစ်ဝန်အား ပမာဏ (Load Capacity): ကားတွေအများကြီး တပြိုင်နက် အားသွင်းရင် တရန်စဖော်မာ လိုင်းကျတာ ဒါမှမဟုတ် Overload (ဝန်အားလွန်ကဲခြင်း) မဖြစ်အောင် စမတ်ကျကျ ထိန်းညှိပေးမယ့် Smart Load Balancing (ဝန်အားမျှဝေထိန်းညှိစနစ်) လိုအပ်ပါတယ်။

⚡ ဘေးကင်းစိတ်ချရမှုစနစ် (Safety Standards): အများပိုင်နေရာဖြစ်လို့ မီးလောင်မီးလန့်မှု ကာကွယ်ရေးစနစ် (Protection Circuits)၊ မြေစိုက်စနစ် (Earthing) စနစ်တကျ ရှိဖို့လိုသလို၊ ပြင်ပမှာ တပ်ဆင်မယ်ဆိုရင်လည်း မိုးဒဏ်လေဒဏ်ခံနိုင်တဲ့ IP/IK Ratings (ရာသီဥတုဒဏ်ခံစံနှုန်း) စနစ်တကျရှိတဲ့ အားသွင်းတိုင်တွေကို သုံးရပါမယ်။

⚡ မျှတတဲ့ မီတာခွဲစနစ် (Submetering): ဘယ်သူက ဘယ်လောက် ကီလိုဝပ် (kWh) သုံးသွားလဲဆိုတာကို တိတိကျကျ တိုင်းတာပေးနိုင်တဲ့ စနစ်ရှိမှ အိမ်နီးနားချင်းအချင်းချင်း မီတာခခွဲဝေမှုအတွက် အငြင်းပွားစရာမလိုဘဲ အားလုံး အဆင်ပြေမှာပါ။

ကွန်ဒိုနဲ့ အိမ်ရာတွေမှာ EV Charging ဇုံတွေ ရှိလာခြင်းက ဆီဖိုးသက်သာပြီး စိတ်အေးရုံတင်မကဘဲ အဆိုပါ ကွန်ဒိုနဲ့ အိမ်ရာတွေရဲ့ ရောင်းဈေး၊ ငှားဈေး (Property Value) ကိုပါ သိသိသာသာ မြှင့်တင်ပေးနိုင်တဲ့ ရင်းနှီးမြှုပ်နှံမှုတစ်ခုလည်း ဖြစ်ပါတယ်။

Nex Charge က အိမ်ရာဝင်းနဲ့ ကွန်ဒိုတွေရဲ့ လျှပ်စစ်ဝန်အားကို အင်ဂျင်နီယာပိုင်းဆိုင်ရာ စနစ်တကျ တွက်ချက်စစ်ဆေးပေးပြီး၊ ကွန်ဒိုစည်းမျဉ်းတွေနဲ့ ကိုက်ညီမယ့် Turnkey Solutions (အစအဆုံး တာဝန်ယူတပ်ဆင်ပေးသည့်စနစ်) တွေကို ဆွေးနွေးတိုင်ပင် အကြံဉာဏ်ပေးနေပါပြီ။ သင့်အိမ်ရာကို ခေတ်မီပြီး အဆင့်အတန်းမြင့်တဲ့ EV-Ready ကွန်ဒိုတစ်ခုအဖြစ် ပြောင်းလဲဖို့ အခုပဲ ဆက်သွယ်နိုင်ပါပြီ။

📞 Hotline : 09 967 070 777, 09 971 833 376

အိမ်မှာ EV အားသွင်းတဲ့အခါ Grounding (မြေချကြိုး) စနစ်က ဘာကြောင့် အသက်တမျှ အရေးကြီးတာလဲ? ⚡EV ကားပိုင်ရှင်တိုင်းက ကားကို အ...
15/07/2026

အိမ်မှာ EV အားသွင်းတဲ့အခါ Grounding (မြေချကြိုး) စနစ်က ဘာကြောင့် အသက်တမျှ အရေးကြီးတာလဲ? ⚡

EV ကားပိုင်ရှင်တိုင်းက ကားကို အိမ်မှာပဲ အလွယ်တကူ အားသွင်းချင်ကြပါတယ်။ ဒါပေမယ့် မိမိတပ်ဆင်မယ့် အိမ်သုံးအားသွင်းစက် (Home Charger) မှာ မြေချကြိုး (Grounding သို့မဟုတ် Earthing) စနစ်ကို သေချာတည်ဆောက် ‌မထားရင် ကားအတွက်ရော၊ မိသားစုအတွက်ပါ အသက်အန္တရာယ် ရှိနိုင်တယ်ဆိုတာ သိပါသလား?

နိုင်ငံတကာ စံချိန်စံညွှန်းများအရ AC EV Charger များ တပ်ဆင်ရာတွင် အောက်ပါအချက်များသည် မရှိမဖြစ် အရေးကြီးပါသည်-

သီးသန့်လိုင်း (Dedicated Circuit): AC EV Charger တစ်ခုချင်းစီအတွက် သီးသန့် Circuit တစ်ခုကို မဖြစ်မနေ အသုံးပြုရပါမည်။

လျှပ်စစ်ရှော့ခ် ကာကွယ်ရေး (RCD Protection): လူကို ဓာတ်လိုက်ခြင်းမှ ကာကွယ်ရန် အားသွင်းပွိုင့်တိုင်းတွင် 30 mA ထက် မကျော်လွန်သော RCD တပ်ဆင်ထားရပါမည်။

စမ်းသပ်စစ်ဆေးခြင်း (Verification): Earthing မကောင်းသောကြောင့် မကြာခဏ Charger မှ Cutout ပြုလုပ်ခြင်း ၊ Breaker ကျခြင်း၊ အားသွင်းမှု မတည်ငြိမ်ခြင်းနှင့် ဓာတ်လိုက်နိုင်သော အန္တရာယ်များ ဖြစ်ပေါ်စေနိုင်သောကြောင့် အသုံးမပြုမီ Earthing System အား သေချာစွာ စမ်းသပ်စစ်ဆေးခြင်း (Verification testing) ကို မဖြစ်မနေ ပြုလုပ်ရန် လိုအပ်ပါသည်။

မြေပြင်တွင် တကယ်ကြုံတွေ့ရသော ပြဿနာအများစုမှာ Charger ကြောင့်မဟုတ်ဘဲ Earthing System ကို စနစ်တကျ တပ်ဆင်ထားမှု မရှိခြင်း၊ ဝါယာကြိုးဆိုဒ်မှန်ကန်စွာ ရွေးချယ်တပ်ဆင်မှု မရှိခြင်းနှင့် လျှပ်စစ်အရည်အသွေး (Supply-quality) တည်ငြိမ်မှာ မရှိခြင်းတို့ကြောင့် ဖြစ်တတ်ပါသည်။ သို့ဖြစ်ပါ၍ Earthing System အား တိကျသော ကိရိယာများဖြင့် တိုင်းတာစစ်ဆေးမှုများ ပြုလုပ်ရန် လိုအပ်ပါသည်။

သင့်ရဲ့ တန်ဖိုးကြီး EV ကား နဲ့ မိသားစုလုံခြုံရေးအတွက် မိမိတို့‌နေအိမ်များ၌ EV Charger တပ်ဆင်ရာတွင် စံချိန်စံညွှန်းနှင့် ကိုက်ညီသော၊ စနစ်တကျဖြစ်သော တပ်ဆင်မှုရရှိစေရန် အတွက် Nex Charge က အပြည့်အဝ တာဝန်ယူပေးပါရစေ။ ယခုပဲ ဆက်သွယ်လိုက်ပါ။

___________________________________________________

📞 Nex Charge Hotline: 09 967 070 777, 09 971 833 376

EV Charger တစ်လုံးတပ်တော့မယ်ဆိုရင် ဘာတွေကြိုသိထားသင့်လဲ? 🤔မရမ်းကုန်း၊ ဘုရင့်နောင်မှာရှိတဲ့ Changan S07 ကားပိုင်ရှင်တစ်ယေ...
13/07/2026

EV Charger တစ်လုံးတပ်တော့မယ်ဆိုရင် ဘာတွေကြိုသိထားသင့်လဲ? 🤔

မရမ်းကုန်း၊ ဘုရင့်နောင်မှာရှိတဲ့ Changan S07 ကားပိုင်ရှင်တစ်ယောက်အတွက် 7kW AC Charger သွားရောက်တပ်ဆင်ပေးခဲ့တဲ့ အတွေ့အကြုံလေးကို မျှဝေပေးချင်ပါတယ်။

ကားကို အားသွင်းရတာ လွယ်ကူပေမယ့် ရေရှည်မှာ မိသားစုရော၊ အဆောက်အဦးရော၊ ကားပါ စိတ်ချလုံခြုံဖို့ဆိုရင် အခြေခံ လျှပ်စစ်ပိုင်းဆိုင်ရာ ကြိုတင်ပြင်ဆင်မှုတွေက အရမ်းကို အရေးကြီးပါတယ်။

Nex Charger အဖွဲ့သားတွေအနေနဲ့ ကားပိုင်ရှင်တွေ စိတ်အေးချမ်းသာစွာ အသုံးပြုနိုင်ဖို့အတွက် -
✔️ လျှပ်စစ်မီးလိုင်းတွေ ငြိမ်မငြိမ် ဘယ်လိုတွေ သေချာစစ်ဆေးပေးခဲ့လဲ?
✔️ လျှပ်စစ်အန္တရာယ်ကင်းဖို့ မြေစိုက်ကြိုး (Earthing) စနစ်ကို ဘယ်လိုတိုင်းတာခဲ့လဲ?
✔️ ရာသီဥတုဒဏ်ခံနိုင်အောင်နဲ့ အမြင်သပ်ရပ်အောင် ဘယ်လိုမျိုး သေသေသပ်သပ် တပ်ဆင်ပေးခဲ့လဲ?

ဆိုတာတွေကို အသေးစိတ် သိရှိနိုင်ဖို့ Nex Charge ရဲ့ page နဲ့ Tiktok မှာ ၀င်ရောက်လေ့လာနိုင်ပါတယ်ခင်ဗျာ။

__________________________________________________

📞 Nex Charge Hotline: 09 967 070 777, 09 971 833 376

⚡𝗘𝗽𝗶𝗰 𝗝𝗼𝘂𝗿𝗻𝗲𝘆𝘀 𝗥𝗲𝗾𝘂𝗶𝗿𝗲 𝗘𝗽𝗶𝗰 𝗣𝗼𝘄𝗲𝗿.⚡Lightning-fast. Smart. Safe. Never lose your momentum with NexCharge.
11/07/2026

⚡𝗘𝗽𝗶𝗰 𝗝𝗼𝘂𝗿𝗻𝗲𝘆𝘀 𝗥𝗲𝗾𝘂𝗶𝗿𝗲 𝗘𝗽𝗶𝗰 𝗣𝗼𝘄𝗲𝗿.⚡

Lightning-fast. Smart. Safe. Never lose your momentum with NexCharge.

မိုးရေထဲလည်း…. ပန်းပန်နေဆဲ E.Vမိုးရာသီရောက်လာပြီဆိုတာနဲ့ EV ကားပိုင်ရှင်တွေ အများဆုံး စိတ်ပူတတ်တာက ရေကြီးရေလျှံတဲ့ ပြဿနာ...
10/07/2026

မိုးရေထဲလည်း…. ပန်းပန်နေဆဲ E.V

မိုးရာသီရောက်လာပြီဆိုတာနဲ့ EV ကားပိုင်ရှင်တွေ အများဆုံး စိတ်ပူတတ်တာက ရေကြီးရေလျှံတဲ့ ပြဿနာပါ။ "ဘက်ထရီကားဆိုတော့ ရေထဲမောင်းရင် ဓာတ်လိုက်မလား၊ အားသွင်းရင် အန္တရာယ်ရှိမလား" ဆိုတဲ့ စိုးရိမ်စိတ်တွေ ရှိတတ်ကြပါတယ်။ တကယ်တော့ လျှပ်စစ်အန္တရာယ်ကင်းရှင်းရေးဆိုတာ မှန်ကန်တဲ့ တည်ဆောက်မှုအပေါ်မှာသာ အဓိက မူတည်ပါတယ်။

အလွဲ (၁) - EV တွေက ရေကြီးနေတဲ့လမ်းကို ဖြတ်မောင်းလို့ လုံးဝမရဘူး။

အမှန်တရား - EV တွေရဲ့ အဓိကအသက်ဖြစ်တဲ့ ဘက်ထရီ (Battery Pack) နဲ့ လျှပ်စစ်မော်တာတွေကို ရေနဲ့ ဖုန်မှုန့် လုံးဝမဝင်နိုင်တဲ့ IP67 အဆင့် (ရေအနက် ၁ မီတာခန့်မှာ နာရီဝက်ခန့် ခံနိုင်ရည်ရှိတဲ့ စံနှုန်း) ဖြင့် အလုံပိတ် တည်ဆောက်ထားပါတယ်။ ဒါကြောင့် သာမန်ရေအိုင်တွေ၊ စိုစွတ်နေတဲ့လမ်းတွေကို ဖြတ်မောင်းရုံနဲ့ ဓာတ်လိုက်မှာ၊ ကားပျက်သွားမှာ စိုးရိမ်စရာ မလိုပါဘူး။ ဒါပေမဲ့ ကားရဲ့ အောက်ပိုင်းတစ်ခုလုံး ရေမြုပ်နိုင်တဲ့အထိ နက်တဲ့ ရေအိုင်တွေကိုတော့ တခြားအပိုပစ္စည်းတွေ ရေလှိုင်းရိုက်ခတ်မှုကြောင့် မပျက်စီးအောင် ဖြတ်မမောင်းတာ အကောင်းဆုံးပါပဲ။

အလွဲ (၂) - မိုးရွာထဲ (သို့) ရေကြီးတဲ့အခါ EV တွေက ဓာတ်လိုက်နိုင်ခြေ ပိုများတယ်။

အမှန်တရား - စနစ်တကျ ထုတ်လုပ်ထားတဲ့ EV တွေမှာ High-voltage Safety System တွေနဲ့ အဆင့်မြင့် လျှပ်စစ်ကာကွယ်မှု (Insulation) တွေ အပြည့်အဝ ထည့်သွင်းတည်ဆောက်ထားပါတယ်။ ကားရဲ့စနစ်ထဲမှာ လျှပ်စစ်အနည်းငယ် ယိုစိမ့်တာနဲ့တပြိုင်နက် ဘက်ထရီကနေ ပါဝါကို ချက်ချင်းဖြတ်တောက်ပေးမယ့် (Isolation Monitoring) စနစ်တွေ ပါဝင်ပါတယ်။ ဒါကြောင့် ကားရဲ့ ဝါယာကြိုးတွေ၊ အစိတ်အပိုင်းတွေ ပြင်းပြင်းထန်ထန် ပျက်စီးနေတာမျိုး မရှိဘူးဆိုရင် ပုံမှန်မိုးရွာရုံ၊ ရေစိုရုံနဲ့ ဓာတ်လိုက်ဖို့ဆိုတာ မဖြစ်နိုင်ပါဘူး။

အလွဲ (၃) - စိုစွတ်နေတဲ့ ရာသီဥတုမှာ ကားအားသွင်းတာဟာ အမြဲတမ်း အန္တရာယ်ရှိတယ်။

အမှန်တရား - EV Charger တွေနဲ့ ကားရဲ့ အားသွင်းပေါက် (Charging Port) တွေကို မိုးလေဝသဒဏ် ခံနိုင်ရည်ရှိအောင် အထူးဒီဇိုင်းထုတ်ထားတာပါ။ အားသွင်းတဲ့အခါမှာလည်း Charger ခေါင်းကို ကားမှာ အပြည့်အဝစိုက်ပြီး 'ကလစ်' ခနဲ လော့ခ်ကျသွားမှသာ လျှပ်စစ်စီးကြောင်းကို စတင်လွှတ်ပေးတဲ့စနစ် (Safety Interlock) ပါဝင်လို့ စိတ်ချလက်ချ အားသွင်းနိုင်ပါတယ်။ သို့သော်လည်း အားသွင်းစက် ကိုယ်ထည်၊ ပလပ်ခေါင်းနဲ့ ဝါယာကြိုးတွေ ပေါက်ပြဲပျက်စီးနေရင် ဒါမှမဟုတ် အားသွင်းစက်ကိုယ်တိုင် ရေမြုပ်နေရင်တော့ လုံးဝ အသုံးမပြုသင့်ပါဘူး။

အလွဲ (၄) - ရေမြုပ်သွားတဲ့ EV ဟာ လုံးဝပျက်စီးသွားပြီ ဖြစ်တယ်။

အမှန်တရား - အင်ဂျင်ခန်းထဲ ရေဝင်ပြီး ချက်ချင်းရပ်တန့်ပျက်စီးသွားတတ်တဲ့ ဓာတ်ဆီကားတွေနဲ့စာရင် EV တွေက ရေမြုပ်ဒဏ်ကို ပိုပြီး ခံနိုင်ရည်ရှိပါတယ်။ ဒါပေမဲ့ လျှပ်စစ်ပိုင်းဆိုင်ရာ ထိခိုက်မှုတွေ ရှိနိုင်တာမို့ ရေမြုပ်သွားတဲ့ EV ကို ချက်ချင်းပြန်နှိုးတာ၊ အားသွင်းတာမျိုး လုံးဝ မလုပ်ပါနဲ့။ ကျွမ်းကျင်တဲ့ EV Technician က ကွန်ပျူတာစနစ်နဲ့ စစ်ဆေးပြီး ဘက်ထရီနဲ့ မော်တာပိုင်း လုံခြုံမှုရှိတယ်လို့ အတည်ပြုပြီးမှသာ ဆက်လက်အသုံးပြုရင် ဘာပြဿနာမှ မရှိနိုင်ပါဘူး။

---

မိုးရာသီမှာ ကိုယ့်ကားကို စိတ်ချလက်ချ အားသွင်းနိုင်ဖို့ဆိုတာ မှန်ကန်တဲ့ လျှပ်စစ်စနစ် တပ်ဆင်မှုအပေါ်မှာ အများကြီး မူတည်ပါတယ်။ ကိုယ့်အိမ်မှာ Charger တပ်ဆင်တဲ့အခါ ရေစိုခံစနစ်၊ လျှပ်စစ်ယိုစိမ့်မှု ကာကွယ်ရေးစနစ်တွေနဲ့ မြေစိုက်ကြိုး (Earthing) တွေကို နိုင်ငံတကာ လုံခြုံရေးစံချိန်စံညွှန်းများနဲ့အညီ အတိအကျ လိုက်နာတပ်ဆင်ထားဖို့ လိုအပ်ပါတယ်။ လုံခြုံစိတ်ချရတဲ့ အိမ်သုံး EV Charger တပ်ဆင်ဖို့ စဉ်းစားနေတယ်ဆိုရင် အခုပဲ Nex Charge ကို တိုင်ပင်ဆွေးနွေးလိုက်ပါ။

__________________________________________________

📞 Nex Charge Hotline: 09 967 070 777, 09 971 833 376

08/07/2026

EV Charger တစ်လုံးတပ်တော့မယ်ဆိုရင် ဘာတွေကြိုသိထားသင့်လဲ? 🤔

မရမ်းကုန်း၊ ဘုရင့်နောင်မှာရှိတဲ့ Changan S07 ကားပိုင်ရှင်တစ်ယောက်အတွက် 7kW AC Charger သွားရောက်တပ်ဆင်ပေးခဲ့တဲ့ အတွေ့အကြုံလေးကို မျှဝေပေးချင်ပါတယ်။

ကားကို အားသွင်းရတာ လွယ်ကူပေမယ့် ရေရှည်မှာ မိသားစုရော၊ အဆောက်အဦးရော၊ ကားပါ စိတ်ချလုံခြုံဖို့ဆိုရင် အခြေခံ လျှပ်စစ်ပိုင်းဆိုင်ရာ ကြိုတင်ပြင်ဆင်မှုတွေက အရမ်းကို အရေးကြီးပါတယ်။

Nex Charger အဖွဲ့သားတွေအနေနဲ့ ကားပိုင်ရှင်တွေ စိတ်အေးချမ်းသာစွာ အသုံးပြုနိုင်ဖို့အတွက် -
✔️ လျှပ်စစ်မီးလိုင်းတွေ ငြိမ်မငြိမ် ဘယ်လိုတွေ သေချာစစ်ဆေးပေးခဲ့လဲ?
✔️ လျှပ်စစ်အန္တရာယ်ကင်းဖို့ မြေစိုက်ကြိုး (Earthing) စနစ်ကို ဘယ်လိုတိုင်းတာခဲ့လဲ?
✔️ ရာသီဥတုဒဏ်ခံနိုင်အောင်နဲ့ အမြင်သပ်ရပ်အောင် ဘယ်လိုမျိုး သေသေသပ်သပ် တပ်ဆင်ပေးခဲ့လဲ?

ဆိုတာတွေကို အသေးစိတ် သိရှိနိုင်ဖို့ ဒီဗီဒီယိုလေးကို အဆုံးထိ ကြည့်ရှုဖို့ ဖိတ်ခေါ်လိုက်ပါတယ် ခင်ဗျာ။ 📹👇

The future is bright, and it’s electric. ⚡🚗We're not just building chargers; we're empowering the next generation's jour...
04/07/2026

The future is bright, and it’s electric. ⚡🚗

We're not just building chargers; we're empowering the next generation's journey toward a sustainable future.

________________________________

Hotline ☎️ - 09 967 070 777/09 971 833 376


⚡EV ကားသစ် ဝယ်လာပြီး အိမ်က ပလပ်ပေါက်မှာ အလွယ်တကူ အားသွင်းလိုက်တဲ့အခါ တစ်အိမ်လုံး မီးပျက်သွားတာမျိုး၊ ဝါယာကြိုးတွေပူလာပြီ...
03/07/2026

⚡EV ကားသစ် ဝယ်လာပြီး အိမ်က ပလပ်ပေါက်မှာ အလွယ်တကူ အားသွင်းလိုက်တဲ့အခါ တစ်အိမ်လုံး မီးပျက်သွားတာမျိုး၊ ဝါယာကြိုးတွေပူလာပြီး ပလတ်စတစ်လောင်တဲ့အနံ့တွေ ရလာတာမျိုး ကြုံဖူးပါသလား? Nex Charge ရဲ့ အင်ဂျင်နီယာများ ရှင်းပြချက်အရ ဒါဟာ တကယ်လက်တွေ့မှာ ဖြစ်တတ်တဲ့ အန္တရာယ်တစ်ခုပါ။

အိမ်မှာ EV Charger တပ်ဆင်တယ်ဆိုတာ ဝါယာကြိုးနှစ်ချောင်း ဆက်လိုက်ရုံသက်သက် မဟုတ်ပါဘူး။ EV အားသွင်းတာဟာ တီဗွီကြည့်တာ၊ ရေခဲသေတ္တာဖွင့်တာတွေနဲ့ မတူဘဲ နာရီပေါင်းများစွာ ဆက်တိုက် လျှပ်စစ်ဓာတ်အား (High-power load) အများကြီးကို ဆွဲသုံးရတာ ဖြစ်ပါတယ်။

မီးလိုင်းမခွဲဘဲ ရောသုံးရင် ဘာဖြစ်နိုင်လဲ?

ကားအားသွင်းနေချိန်မှာ တစ်အိမ်လုံးက လျှပ်စစ်ပစ္စည်းတွေနဲ့ မီးလိုင်းတစ်ခုတည်းကို မျှသုံးလိုက်တဲ့အခါ ဝါယာကြိုးတွေ အပူလွန်ကဲလာမယ်၊ မိန်းခလုတ် (Breaker) ခဏခဏ ကျမယ်၊ ဗို့အားကျဆင်းပြီး ရေရှည်မှာ ဝါယာရှော့ဖြစ်ကာ မီးဘေးအန္တရာယ်အထိ ဖြစ်လာနိုင်ပါတယ်။

သီးသန့်မီးလိုင်း (Dedicated Circuit) ဆိုတာ ဘာလဲ?

ကိုယ့်ကားရဲ့ Charger အတွက် မိန်းဘုတ်ကနေ သီးသန့်လမ်းကြောင်း ဖန်တီးပေးတာပါ။ သင့်တော်တဲ့ ဝါယာကြိုးအရွယ်အစား (ဥပမာ - 10mm ကြိုးအသစ်များ) ကို အသုံးပြုပြီး သီးသန့် Breaker တစ်ခုနဲ့ သွယ်တန်းပေးရတာ ဖြစ်ပါတယ်။

မြန်မာနိုင်ငံက အိမ်တွေအတွက် ပိုဂရုစိုက်သင့်တဲ့ အချက်များ

ကျွန်တော်တို့ဆီမှာ မီးအားမမှန်တာနဲ့ အိမ်ဝါယာကြိုးလိုင်းဟောင်းတာတွေ ရှိတတ်ပါတယ်။ ဒါကြောင့် Charger မတပ်ခင်မှာ အိမ်ရဲ့ လျှပ်စစ်ခံနိုင်ရည်ကို စစ်ဆေးတဲ့ "Full Load Test" (အိမ်က အဲကွန်း၊ ရေပူစက် စတာတွေ အကုန်ဖွင့်ပြီး စမ်းသပ်ခြင်း) ကို မဖြစ်မနေ လုပ်ဆောင်သင့်ပါတယ်။ ဒါ့အပြင် ကားဘော်ဒီကို လျှပ်စစ်မလိုက်စေဖို့ Earth wire (မြေကြီးချိတ်ဆက်မှု) စနစ် မှန်ကန်ဖို့ကလည်း အသက်အန္တရာယ်ကင်းရှင်းရေးအတွက် အရေးအကြီးဆုံးပါပဲ။

Nex Charge ရဲ့ ဝန်ဆောင်မှု

Nex Charge ဟာ EV Charging Infrastructure အတွက် သီးသန့်လေ့ကျင့်ထားတဲ့ အင်ဂျင်နီယာများနဲ့ ဖွဲ့စည်းထားပါတယ်။ လုံခြုံရေးကို ပထမဦးစားပေးပြီး အိမ်ရဲ့ လျှပ်စစ်စနစ်က EV Charger အသုံးပြုဖို့ ခံနိုင်ရည်ရှိမရှိကို သေချာစစ်ဆေးပေးပြီးမှသာ အန္တရာယ်ကင်းကင်းနဲ့ တပ်ဆင်ပေးတာ ဖြစ်ပါတယ်။ EV Charger တပ်ဆင်ဖို့ စဉ်းစားနေတယ်ဆိုရင် အိမ်၊ ကားနဲ့ မိသားစုရဲ့ လုံခြုံရေးအတွက် Nex Charge ကို ယုံကြည်စိတ်ချစွာ ဆက်သွယ်ဆွေးနွေးနိုင်ပါပြီ။

⚡𝗔𝗩𝗔𝗧𝗥 Owners 𝗖𝗵𝗼𝗼𝘀𝗲𝘀 𝗡𝗲𝘅 𝗖𝗵𝗮𝗿𝗴𝗲⚡⚡ Premium EV တို့ရဲ့ အမြဲတမ်းရွေးချယ်မှု NexCharge⚡EV အားလုံးအတွက် EV Charger တပ်ဆင်မှု...
01/07/2026

⚡𝗔𝗩𝗔𝗧𝗥 Owners 𝗖𝗵𝗼𝗼𝘀𝗲𝘀 𝗡𝗲𝘅 𝗖𝗵𝗮𝗿𝗴𝗲⚡

⚡ Premium EV တို့ရဲ့ အမြဲတမ်းရွေးချယ်မှု NexCharge

⚡EV အားလုံးအတွက် EV Charger တပ်ဆင်မှုနှင့် ပြုပြင်ထိန်းသိမ်းမှုကို ပံ့ပိုးပေးပါသည်။

⚡ဆောင်ရွက်ပြီးသော Installation လုပ်ငန်းများကို Nex Charge ရဲ့ FB page နှင့် Tiktok တွင် လေ့လာနိုင်ပါသည်။

_________________________________________

Hotline ☎️ - 09 967 070 777/09 971 833 376


#⚡𝗔𝗩𝗔𝗧𝗥 Owners 𝗖𝗵𝗼𝗼𝘀𝗲𝘀 𝗡𝗲𝘅 𝗖𝗵𝗮𝗿𝗴𝗲⚡

#

🚗 ရန်ကုန်မြို့လယ်ခေါင်မှာ EV Charger တပ်ဆင်ခြင်း မြို့ထဲမှာနေပြီး ကိုယ်ပိုင် EV Charger တပ်ဖို့ စဉ်းစားတဲ့အခါ ဘာတွေအခက်အ...
29/06/2026

🚗 ရန်ကုန်မြို့လယ်ခေါင်မှာ EV Charger တပ်ဆင်ခြင်း

မြို့ထဲမှာနေပြီး ကိုယ်ပိုင် EV Charger တပ်ဖို့ စဉ်းစားတဲ့အခါ ဘာတွေအခက်အခဲရှိနိုင်လဲ၊ ဘာတွေ ကြိုတင်ပြင်ဆင်ထားရမလဲဆိုတာ ဒီနေ့ကျနော်တို့ ဒီ Project လေးကနေ မျှဝေပေးချင်ပါတယ်။

🛠️ တပ်ဆင်ရန် စိန်ခေါ်မှုများ
ရန်ကုန်မြို့ထဲဖြစ်တဲ့အတွက် အဓိက စိန်ခေါ်မှုက "နေရာအခက်အခဲ" ပါပဲ။

ကားရပ်မယ့်နေရာနဲ့ ကြိုးအရှည်: အိမ်ရှေ့က (၁) လမ်းမောင်းဖြစ်နေတော့ ကားရပ်ရမယ့် အနေအထား၊ ကားရဲ့ အားသွင်းပေါက် (Charging Port) ရှိမယ့်နေရာတွေကို သေချာချိန်ဆပြီးမှ အားသွင်းကြိုး အရှည်ကို ဂရုတစိုက် တွက်ချက်ခဲ့ရပါတယ်။

Earthing (မြေချစနစ်): လုံခြုံရေးအတွက် မရှိမဖြစ်လိုအပ်တဲ့ Earthing လုပ်ဖို့အတွက် မြေအမျိုးအစားက ကောင်းမွန်ပေမယ့် မြေချဖို့ နေရာလွတ်ရဖို့၊ ရေရှည်အဆင်ပြေဖို့ သေချာစဉ်းစားတိုင်ပင်ခဲ့ရပါတယ်။

⚡ အားသာချက်

ဒီ project ရဲ့ အဓိကအားသာချက်ကတော့ အိမ်သုံးမီတာက 10(60)A Single Meter ဖြစ်နေတာပါပဲ။ 10(60)A ဆိုတာ အိမ်သုံးပစ္စည်းအကြီးတွေနဲ့ Small business တွေအတွက်ပါ လုံလောက်တဲ့ Load ကို ခံနိုင်ရည်ရှိပါတယ်။
(သတိပြုရန် - အခုနောက်ပိုင်း အဆောက်အဦသစ်တွေမှာဆိုရင်တော့ 10(30)A ထက်ကျော်ရင် Power Meter သီးသန့်လျှောက်ရတာမျိုးတွေ ရှိပါတယ်။)

💡 အိမ်မှာ EV Charger တပ်တော့မယ်ဆိုရင် ဘာတွေ သိထားသင့်လဲ?

EV Charger တပ်တာဟာ ပလပ်ထိုးလိုက်ရုံလောက် မလွယ်ကူဘူးဆိုတာ သတိပြုမိမယ်ထင်ပါတယ်။ အိမ်မှာ ကိုယ်ပိုင် Charger တပ်တော့မယ်ဆိုရင် အောက်ပါ အချက်တွေကို မဖြစ်မနေ ထည့်သွင်းစဉ်းစားသင့်ပါတယ်...

အိမ်ရဲ့ လျှပ်စစ်ခံနိုင်ရည်ကို စစ်ဆေးပါ (Electrical Capacity): ကိုယ့်အိမ်က မီတာနဲ့ ဝါယာကြိုးတွေက ဒီလို စဉ်ဆက်မပြတ် ဆွဲမယ့် Load ကို ခံနိုင်ရည်ရှိရဲ့လားဆိုတာ ကျွမ်းကျင်သူနဲ့ အရင်ဆုံး စစ်ဆေးပါ။ လိုအပ်ရင် မီတာနဲ့ ဝါယာကြိုး အဆင့်မြှင့်တာတွေ လုပ်ရတတ်ပါတယ်။

မှန်ကန်တဲ့ Charger ကိုရွေးချယ်ပါ: မိမိကားရဲ့ လိုအပ်ချက်၊ နေ့စဉ်မောင်းနှင်မှု အကွာအဝေးနဲ့ ကိုက်ညီတဲ့ Charger အမျိုးအစား (Level 1 သို့မဟုတ် Level 2) ကို သေချာရွေးချယ်ပါ။

ကျွမ်းကျင်သူနဲ့သာ တပ်ဆင်ပါ (Installation Safety): EV အားသွင်းတာက လျှပ်စစ်စီးဆင်းမှု များတဲ့အတွက် ဝါယာကြိုးရွေးချယ်တာ၊ Earthing ချတာကအစ စံချိန်စံညွှန်းကိုက်ညီဖို့ သိပ်အရေးကြီးပါတယ်။

နေရာနဲ့ လိုအပ်တဲ့ ခွင့်ပြုချက်များ (Location & Permits): ကားဆီကို ကြိုးရောက်ဖို့ အလွယ်ကူဆုံးနေရာဖြစ်ရမယ့်အပြင် အပြင်ဘက်မှာထားမယ်ဆို မိုးဒဏ်လေဒဏ်ခံနိုင်တဲ့ (Weather-rated) အကာအကွယ်တွေ လိုအပ်ပါတယ်။ တချို့နေရာတွေမှာ သက်ဆိုင်ရာ လျှပ်စစ်ဌာနရဲ့ ခွင့်ပြုချက် (Permits) တွေ လိုအပ်နိုင်တာကိုလည်း ထည့်သွင်းတွက်ချက်ထားရပါမယ်။

ရေရှည်စိတ်ချရပြီး လုံခြုံတဲ့ EV Charging တပ်ဆင်မှုအတွက် အသေးစိတ် သိရှိလိုပါက Page Messenger (သို့မဟုတ်) ဖုန်းနံပါတ် 09 967 070 777, 09 971 833 376 သို့ ရုံးချိန်အတွင်း ဆက်သွယ် မေးမြန်းနိုင်ပါတယ်။

Nex Charge - Born To Be Next Gen

Address

45/T, Tay Nu Yin Road, 7th Ward, Mayangone Tsp. , (7Mile)
Yangon

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Website

Alerts

Be the first to know and let us send you an email when Nex Charge posts news and promotions. Your email address will not be used for any other purpose, and you can unsubscribe at any time.

Shortcuts

Share

Category