31/12/2021
Total Graphics ဆိုသည်မှာ ဘာကြီးလဲ။ ဘာကြီးလဲဆိုတော့ Total Graphics ပေါ့။
GPU ဆိုတာနဲ့ Graphics card (GPU), Display card, Display memory တွေအပြင် Video card လို့ပါ ခေါ်ဆိုကြပါတယ်။
Graphics Processing Units (GPU) ရယ်လို့ သတ်မှတ်လိုက်တဲ့အခါမှာတော့ GPU တစ်ခုဟာ Computer တစ်ခုရယ်လို့ သတ်မှတ်နိုင်ပါတယ်။ why?
GPU တွေကို reduced instruction set computer လို့ မှတ်ယူရပါမယ်။
Completed Operation set computer တစ်လုံးဖြစ်ဖို့ display နဲ့ system unit အပြင် peripheral device တွေဖြစ်တဲ့ drive rom တွေ printer, scanner, keyboard, mouse တွေ လိုအပ်ပါတယ်။ ဒါပေမယ့်လို့ display, system unit, keyboard, mouse ရယ်လို့ ပါလာပြီဆို ပြည့်စုံတယ်လို့ ခေါ်ရတဲ့ PC(Personal Computer) တစ်လုံးဖြစ်ပါပြီ။
Computer တစ်ခုမှာ cpu, ram, power supply, I/O (input, output), rom ဆိုပြီး ပါကိုပါရှိရမှာ ဖြစ်ပါတယ်။
ဒါဆို graphics card မှာ ဘာပါလဲ တစ်ချက်လေ့လာကြည့်ရအောင်။
CPU - graphics card ရဲ့ cpu က သူ့ရဲ့ မော်ဒယ်နံပါတ် သူ့ရဲ့ series နံပါတ်ကို ဖော်ပြပြီး အဓိက အလုပ်လုပ်တဲ့အရာဖြစ်တယ်။
Ram - graphics card ရဲ့ ram ကို ကြည့်မယ်ဆိုရင် video ram(vram) ဆိုတာကိုကြည့်ရမှာ ဖြစ်ပြီး အဲဒီ vram ဆိုတာက သင့် graphics card ရဲ့ လုပ်ဆောင်နိုင်တဲ့ အစစ်အမှန် ပမာဏဘဲ ဖြစ်ပါတယ်။
Power Supply - power supply အပိုင်းမှာတော့ laptop တွေမှာ dedicated နဲ့ integrated ဆိုပြီး နှစ်မျိုးရှိပြီး မားသားဘုတ်ကနေဘဲ ပါဝါတောင်းယူတဲ့အမျိုးအစားဖြစ်တယ်။ desktop တွေမှာ mother boardရဲ့ Pcie-express အပေါက်ကနေ power တောင်းယူတာဖြစ်ပြီး graphics card အမြင့်စားတွေမှာ ပန်ကာအတွက် 8pins atx connector နဲ့တွဲဖက်အလုပ်လုပ်စေတယ်။ desktop graphics cardတွေရဲ့ cpu နဲ့ ram ကို heat sink သို့မဟုတ် ပန်ကာကို ဖယ်ပြီးလေ့လာကြည့်ရှူနိုင်ပါတယ်။
I/O input output - ဒီအပိုင်းမှာတော့ input system ရော output system ကိုပါ dvi, display port, hdmi, vga ဆိုပြီး သတ်မှတ်ပါတယ်။ input သွင်းတာကို OS က တောင်းဆိုတာလည်း ပါဝင်မှာ ဖြစ်ပါတယ်။
Rom - read only memory လို့ခေါ်တဲ့ chipset မှာတော့ graphics card ရဲ့ firmware တစ်နည်း bios တစ်နည်း os (နည်းပညာ) ကို မှတ်ထားပြီး သင်က ဖျက်ပစ်လို့မရပါဘူး။ အသစ်ပြန်လည်တော့ ရေးဆွဲနိုင်ပါသေးတယ်။ သို့ပေမယ့် ဖျက်လိုက် ရေးလိုက်လုပ်ဖို့ software ဒါမှမဟုတ် device မရှိရင်မဖြစ်နိုင်ပါဘူး။ ဒါကို ကြည့်ချင်တယ်ဆို အရင်က ချိုင်းနားကဒ်တွေ bios firmware ပြန်ရေးပြီး ဂျင်းထည့်ခဲ့ကြတာကို လေ့လာနိုင်ပါတယ်။ firmware တစ်ခု အလုပ်လုပ်စေဖို့ သက်ဆိုင်ရာ firmware ရဲ့ driver ကို တပ်ဆင်ပေးမှ OS က အလုပ်လုပ်ပါမယ်။ မဟုတ်ရင် display ပေါ်ပြီး feature အပြည့် လုပ်ဆောင်မှု အပြည့် အလုပ်မလုပ်နိုင်ပါဘူး။
ဒါဆို graphics card အလုပ်လုပ်ပုံ ပါဝင်ပစ္စည်းတွေနဲ့ အတူ graphics card တစ်ခုဟာ computer တစ်ခုဖြစ်တယ်ဆိုတာ နားလည်ပြီ ထင်ပါတယ်။ Total graphics နဲ့ vram အကြောင်းဆက်ကြရအောင်။
Graphics card ထုတ်လုပ်တဲ့ company တွေ အများကြီး ရှိကြတဲ့ အထဲမှာ နာမည်ကြီးကြတာက intel, nvidia, amd ရယ်ဆိုပြီး နည်းပညာ company သုံးခုကို အလွယ်ဆုံးလေ့လာနိုင်ပါမယ်။
Intel graphics တွေမှာ HD, UHD, XE iris(for gaming ရယ်လို့ ကြွယ်ထားပါတယ်) တွေဆိုပြီး တွေ့ရမှာဖြစ်ပါတယ်။
Nvidia မှာ GT, GTX, RTX ဆိုပြီး သုံးမျိုး family ခွဲထားပြီး series တွေ အပြင် max-q, OC, super, Ti ရယ်ဆိုပြီး နည်းပညာ ထပ်ခွဲကြပါသေးတယ်။
AMD မှာတော့ စိတ်မဝင်စားလို့ များများစားစားမသိပါဘူး။ သိသလောက် ပြောရရင် Radeon, RX, Legacy, HD တွေရှိပါမယ်။ ဒီထက်တော့ ပိုမသိပါဘူး စိတ်မဝင်စားလို့ပါ။ သိထားတာလေးတွေ comment မှာ ပြန်လည်မျှဝေလို့ စိတ်မဆိုးပါဘူး။
Intel Graphics တွေရဲ့ HD, UHD family graphics တွေမှာတော့ vram ပမာဏဟာ 128MB ရယ်ဆိုပြီး အကြမ်းဖျင်းတွေ့ရှိနိုင်ဖြစ်ပါတယ်။
အဲဒီ vram ဆိုတဲ့ ပမာဏက သင့် intel graphics ရဲ့ အမှန်တကယ် လုပ်ဆောင်တဲ့ ပမာဏဘဲဖြစ်ပါတယ်။ share memory လို့ခေါ်တဲ့ MB တွေဟာ သင်က လိုအပ်မှသာ စက်မှာ တပ်ဆင်ထားတဲ့ RAM Card ကနေ ခဏငှားပြီး အလုပ်လုပ်တာ ဖြစ်တဲ့အတွက် အမှန်တကယ် ပါဝင်တဲ့ ပမာဏပါလို့ ပြောဆိုလို့မရပါဘူး။ intel graphics series အလိုက် အများဆုံး ထောက်ပံ့တောင်းဆိုနိုင်တဲ့ ပမာဏဟာ ကန့်သတ်ထားတာဖြစ်ပါတယ်။
သင့်စက်က Ram 4GB ရှိမယ်ဆို intel graphics က 2GB ထိ တောင်းနိုင်မယ်ဆို share memory, total, available memory မှာ 2000MB အကျော်ဖော်ပြထားတာတွေ့ရပါမယ်။ တကယ်လို့များ သင့်စက်က ram 8GB ဖြစ်မယ် intel graphics ကလည်း 4GB ထိတောင်းဆိုနိုင်မယ်ဆို total 4000MB အကျော် ပြထားမှာ ဖြစ်ပါတယ်။ သို့ပေမယ့် 4GB ဘဲ စက်မှာ တပ်ထားရင်တော့ 2GB ထိဘဲ ဖော်ပြမှာ ဖြစ်လို့ Total Graphics ဆိုတဲ့ ဂျင်းကြီးဟာ Ram တိုးရင် တိုးသလောက် graphics card သတ်မှတ်ထားတဲ့ ပမာဏထိ ပြသမှာ ဖြစ်ပါတယ်။ ဒါဆို အဲဒါကသေချာတယ် ဂျင်းဘဲ။ graphics က တောင်းဆိုထားတဲ့ အတွက် သင့်စက်မှာ Ram 8GB တပ်ထားရင် 7.9GB သို့မဟုတ် အဲဒီထက်နည်းပြီး ဖော်ပြတာ တွေ့ရမှာပါ။ ဒီနေရာမှာ system reserved အတွက် ပမာဏ ခဏမေ့ထားပါမယ်။ နောက်နေ့မှာ အဲဒီ ram အပြည့်မပေါ်တာ ရှင်းကြတာပေါ့။
Intel graphics HD, UHD တွေဟာ ဘယ်တော့မှ 2GB, 4GB တွေ မရှိပါဘူး။
AMD graphics တွေကို ကြည့်မယ်ဆိုရင် intel ထက် ram ကနေ တောင်းဆိုတဲ့ ပမာဏက GB လိုက်ချီပြီးတောင်းဆိုတတ်ကြပါတယ်။ ဒါကြောင့် Radeon Graphics သုံးထားတဲ့ စက်တွေမှာဆို သင့်ရဲ့ Ram က 8GB ရှိရင် 6GB ကျော်ကျော်ဘဲ သင့်စက်က multi tasking အတွက် သုံးနိုင်မှာ ဖြစ်ပြီး 4GB သာဖြစ်ခဲ့မယ်ဆို 2/3 GB ကျော်ကျော်ဘဲ သုံးနိုင်မှာဖြစ်ပါတယ်။ ဒါပေမယ့် vram ကိုကြည့်ပြီးတော့ဘဲ graphics ပမာဏကို ကြည့်ရှုရမှာ ဖြစ်ပါတယ်။ Total တို့ available တို့ကို ကြည့်ရမှာ မဟုတ်ပါဘူး။ ဒါ့ကြောင့်လည်း radeon graphics တွေဟာ intel ထက်ကောင်းတယ်ဆိုပြီး အများစု လက်ခံထားကြတာဖြစ်ပါတယ်။ ကျွန်တော့် ပုဂ္ဂလိကအမြင်ဆို AMD graphics တွေဟာ pieces of ၈ ပါဘဲ။ 😁
ဒါကြောင့် သင်ဟာ မယုံကြည်တဲ့ လူတစ်ယောက်ဆို သင့်စက်ကို ram မြှင့်ပြီး လက်တွေ့ စမ်းသပ်နိုင်ပါတယ်။
ဟုတ်ပြီ။ integrated တွေ ပြီးတဲ့ အခါ dedicated တွေ အကြောင်းဆက်ကြရအောင်။
Dedicated ဆိုတဲ့ သဘောတရားက သက်သက်ထပ်ပြီး graphics card တစ်ခုပါဝင်ခြင်း ထပ်တိုးထားခြင်းကို ဆိုလိုပါတယ်။ အပေါ်က ပြောတာတွေကို integrated စက်မှာပါပြီးသား cpu မှာ ပါပြီးသားလို့ မှတ်ထားရပါမယ်။
Dedicated graphics card တွေကို ကြည့်မယ်ဆိုလည်း vram ဆိုတဲ့ ပမာဏကိုသာ ကြည့်ရမှာ ဖြစ်ပါတယ်။
Render ဆိုတဲ့ tab အောက်မှာ dedicated တွေရဲ့ ပမာဏကို ကြည့်နိုင်မှာ ဖြစ်ပါတယ်။
အဲဒီမှာဘဲ ram ကနေ ယူသုံးနိုင်တဲ့ share memory, total, available ဆိုပြီး လျှောက်ရေးထားတာတွေတွေ့ရဦးမှာ ဖြစ်ပါတယ်။ ဒါပေမယ့် တကယ်သုံးပါတယ်လို့ဆိုပေမယ့် မမြင်ရတဲ့ အရာတွေ စိတ်ကူးယဉ်ဆန်တဲ့ဟာတွေဘဲ ဖြစ်ပါတယ်။
သင့်ရဲ့စက်က intel နဲ့ nvidia graphics တို့ ပေါင်းလိုက်မယ်ဆိုရင် intel က 2GB ram ကတောင်းနိုင်မယ် nvidia က 2GB သက်သက် ရှိမယ်ဆို Total 4GB သတ်မှတ်မှာဖြစ်ပါတယ်။ လက်တွေ့သုံးတဲ့အချိန်မှာတော့ intel gpu က desktop background, os ရဲ့ theme တွေ software သေးသေးလေးတွေရဲ့ ရုပ်ဖော်ပြမှု အတွက်ဘဲ သုံးမှာဖြစ်ပါတယ်။
သင်က intel+nvidia စက်ဖြစ်လို့ game ဆော့မယ် engineering software တွေ 3D render တွေ အသုံးပြုမယ်ဆို intel က အော်တို မနိုင်တော့တဲ့ အတွက် nvidia ကိုအသုံးပြုမှာဖြစ်ပါတယ်။
ဒါကို ဘယ်မှာ ကြည့်နိုင်သလဲဆိုရင် task manager မှာ GPU 0 ဟာ intel, GPU 1 ဟာ nvidia ဆိုပြီး တွေ့ရမှာပါ။
GPU 0 အလုပ်လုပ်တာ ထင်သာမြင်သာအောင် ကြည့်ချင်ရင် live wallpaper background ထားပြီး ကြည့်နိုင်ပါတယ်။ GPU 1 အလုပ်လုပ်တာ ကြည့်ချင်ရင် ဂိမ်းဆော့ပြီး ကြည့်နိုင်ပါတယ်။
Intel ကို လုံးဝ မသုံးချင်ဘူး nvidia ဘဲ သုံးမယ်ဆိုပြီး intel ကို ပိတ်ထားလို့လဲ ရနိုင်ပါတယ်။
ဒါကြောင့် အဆုံးသတ်ပြောရမယ်ဆိုရင် graphics card ရဲ့ အစစ်အမှန် ပမာဏကို ကြည့်မယ်ဆိုရင် vram တစ်မျိုးထဲကိုကြည့်ရမှာ ဖြစ်ပြီး Total တွေ Available တွေ share တွေကိုကြည့်ရမှာမဟုတ်ပါဘူး။
သင့်ရဲ့ စက်က core i5 with intel HD/UHD ဆိုရင် အဲဒီစက်ကို graphics မပါတဲ့စက်လို့ သတ်မှတ်ရမှာ ဖြစ်ပြီး core i5 with nvidia, Radeon ဘလာဘလာဆိုရင် graphics card ပါတဲ့ စက်လို့ သတ်မှတ်ရမှာ ဖြစ်ပါတယ်။
Intel + radeon graphics တွေ တွဲလာတာ ရှိပါတယ်။ ဒါကိုတော့ Radeon ရဲ့ vram ပမာဏကိုကြည့်ပြီး graphics ဘယ်လောက်ပါတယ်ဆိုတာကို သတ်မှတ်ရမှာ ဖြစ်ပါတယ်။
ဒီလောက်ဆို Total Graphics ဆိုတာဘာလဲ Vram ဆိုတာ ဘာလဲ သိပြီဖြစ်မယ်လို့ ယူဆပါတယ်။ တကယ်လို့များ မိတ်ဆွေတို့ကို Total graphics ဘယ်လောက်ဆို ပါးသာပိတ်ရိုက်ခဲ့ပါ။ share graphics ပါလို့ပြောရင် လှည့်မကြည့်ဘဲ ပြန်ခဲ့ပါ။ ဒါတွေဟာ သက်သက်နားမလည်သူကို ဂျင်းထည့်နေတာ ဖြစ်ပြီး ဂျင်းကင်းဝေးနိုင်ကြပါစေ။ သိချင်တဲ့ အကြောင်းအရာ Topics တွေများရှိခဲ့ရင် comment မှာဖြစ်ဖြစ် Chat box မှာ ဖြစ်ဖြစ် လာရောက်မေးမြန်းနိုင်ပါတယ်။ ကွန်ပျူတာတောင် သေချာမကိုင်တတ် မသုံးတတ်ဘဲ ရောင်းစားနေတဲ့ ကောင်တွေ တစ်ပုံကြီးရှိပါတယ်။ အဆဲလည်းတော်တော်ခံနေရပါပြီ 😑🤌
