03/05/2023
🙏🙏🙏ကဆုန်လပြည့်ဗုဒ္ဓနေ့ အကြောင်း 🙏🙏🙏
----------------------------
ဖွား ၊ ပွင့် ၊ ဟော ၊ စံ ၊
ဗျာဒိတ်ခံ ကဆုန်လပြည့်နေ့
( ၁ ) ဗျာဒိတ်ခံယူသည့်နေ့
လေးအသင်္ချေကမ္ဘာတစ်သိန်း
အစ ကဆုန်လပြည့်နေ့။
(၂ ) ဘုရားမွေးသည့်နေ့
မဟာသက္ကရာဇ် ( ၆၈ )ခု၊ ကဆုန်
လပြည့် (သောကြာနေ့)။ ( ဘီစီ ၆၂၃ )
(၃) ဘုရားဖြစ်သည့်နေ့ =
မဟာသက္ကရာဇ် ( ၁၀၃ )ခု၊ ကဆုန်
လပြည့် (ဗုဒ္ဓဟူးနေ့)။ ( ဘီစီ ၅၈၈ )
(၄) ဗုဒ္ဓ၀င်အကျဉ်းဟောသည့်နေ့ =
မဟာသက္ကရာဇ် (၁၀၄)ခု၊
ကဆုန်လပြည့်နေ့။ (ဘီစီ ၅၈၇)
(၅) ပရိနိဗ္ဗာန်စံသည့်နေ့ =
မဟာသက္ကရာဇ် ( ၁၄၈ )ခု၊ ကဆုန်
လပြည့် ( အင်္ဂါနေ့ )။ ( ဘီစီ ၅၄၃ )
--------------------------------------------------
ကဆုန်လပြည့်နေ့သည် ဗုဒ္ဓဘာသာဝင် တို့၏
နေ့ထူးနေ့မြတ်ဖြစ်ပါသည်။
ကဆုန်လပြည့်နေ့၏ ထူးခြားချက်မှာ
( ဗျာဒိတ်, ဖွားမြင်, ဗောဓိပင်, စံဝင် နိဗ္ဗာန်နန်း )
ဆိုသည်နှင့်အညီ သုံးလောက ထွဋ်ထား
သဗ္ဗညု မြတ်စွာဘုရားနှင့်စပ်၍....
#ဗျာဒိတ်ခံယူသောနေ့
#ဖွားမြင်တော်မူသောနေ့
#ဘုရားဖြစ်တော်မူသောနေ့
#ပရိနိဗ္ဗာန်စံတော်မူသောနေ့
ဤထူးခြားချက်လေးမျိုးတို့နှင့် တိုက်ဆိုင်နေပါသည်။ ဤကဲ့သို့ ထူးခြားချက်လေးမျိုးနှင့်ပြည့်စုံသောကြောင့်၊ ဤ ကဆုန်လပြည့်နေ့ကို ကဆုန်လပြည့် ဗုဒ္ဓနေ့ ဟု
အမွှန်းတင် ခေါ်ဆိုကြပါသည်။
ဗုဒ္ဓဘာသာဝင်တို့သည် ဘုရားဖြစ်သော
နေ့ထူးနေ့မြတ်ကို အာရုံပြု၍ ကဆုန်လပြည့်နေ့၌ ပရိဘောဂစေတီ ထိုက်သော ဗောဓိပင်ကို
ရေစင်သွန်းလောင်းလေ့ရှိကြပါသည်။
ဗောဓိပင်သည် သဗ္ဗညုတဉာဏ်တော်ကိုရ၍
ဘုရားဖြစ်တော်မူရာဌာနဖြစ်ခြင်း၊ ဖွားဖက်တော်
၇ ပါးတွင် စာရင်းဝင်ဖြစ်ခြင်းတို့ကြောင့် ထူးခြား
သော သစ်ပင်တစ်မျိုး ဖြစ်ပါသည်။
ဤကဲ့သို့မြတ်စွာဘုရားနှင့် တိုက်ရိုက်ဆက်စပ်၍
ဗောဓိပင်၌ ရေစင်သွန်းလောင်းခြင်းအစဉ်လာကို
ခေတ် အဆက်ဆက် ပြုလုပ်လာခဲ့ကြပါသည်။
မြန်မာ့ရိုးရာ ၁၂ လ ရာသီပွဲတော်များအနက်၊
ကဆုန်လ၌ ညောင်ရေသွန်းပွဲတော်ကို ရိုးရာပွဲတော်အဖြစ်
အစဉ်အလာ သတ်မှတ်ခဲ့ကြပါသည်။
အသနဗောဓိယမထေရ်၏ အလောင်းသည်
တိဿဘုရားရှင်၏ဗောဓိပင်ကို စိုက်ပျိုးပူဇော်ရသော
ကုသိုလ်ကြောင့် နတ်ပြည်၌ဖြစ်ရခြင်း၊စကြာမင်းဖြစ်
ရခြင်း၊အပါယ်ဘေးမှ လွတ်ကင်းရခြင်းအကျိုးများကို
ခံစားရကြောင်း (ထေရာပဒါန်) ကျမ်းဂန်၌ ဟောကြားထားပါသည်။
ဂန္ဓောဒကတိ ဿမထေရ်၏ အလောင်းသည် ပဒုမုတ္တရဘုရားရှင်၏ ဗောဓိပင်ကို နံ့သာရေဖြင့်သွန်းလောင်းသော ကုသိုလ်ကြောင့် နတ်ပြည်၌ဖြစ်ရခြင်း၊ အနာရောဂါ
မရှိခြင်း၊ သောကကင်းဝေးခြင်းစသောအကျိုးများကို ခံစားရပါသည်။
အထက်ပါအကြောင်းအရာများကို နှလုံးသွင်း၍ ဗုဒ္ဓဘာသာဝင်သူတော်စင်များအနေဖြင့် နှစ်စဉ်
နှစ်စဉ် ကဆုန်လပြည့်နေ့ ရောက်တိုင်း ဗုဒ္ဓရုပ်ပွားဥဒ္ဒိဿစေတီတော်များကို အနေကဇာတင် ဗုဒ္ဓ
အဘိသေက မင်္ဂလာသဘင် ဆင်ယင်ကျင်းပ၍ ကုသိုလ်
အထူးကို ဆည်းပူးလေ့ရှိကြပါသည်။
ကျောင်းကန် ဘုရားသို့သွား၍ ဒါန သီလ ဘာဝနာ
အမှုများကို ပြုလုပ်၍ ကဆုန်လပြည့်ဗုဒ္ဓနေ့ကိုအမှတ်တရဆင်နွှဲကြပါသည်။
🙏🙏🙏🙏🙏
Credit
#ကဆုန်လပြည့်နေ့
