18/08/2025
Monday ကို Energy အပြည့်နဲ့ ဖြတ်သန်းနိုင်ဖို့ ဆိုရင်
📌၁။ တပတ်စာအတွက် ရည်ရွယ်ချက်ကောင်းတစ်ခု ချမှတ်လိုက်ပါ။ ဒီတပတ်တော့ ဘယ်ကိစ္စပြီးအောင်လုပ်မယ် or ဒီတပတ်တော့ ဖိအားတွေများလည်းပဲ တည်တည်ငြိမ်ငြိမ် ကျော်ဖြတ်မယ် စသဖြင့်ပေါ့။
📌၂။ တာဝန်/ကိစ္စခပ်သေးသေးတစ်ခုကို ပြီးမြောက်အောင်လုပ်လိုက်ပါ။ ပထမဆုံး အလုပ်ပြန်စလုပ်တဲ့နေ့မှာ တစ်ခုခုကို ပြီးမြောက်အောင်မြင်သွားတယ်ဆိုရင် နောက်ထပ်နောက်ထပ် အောင်မြင်မှုတွေ ရဖို့ ယုံကြည်ချက်လည်း တိုးလာမှာမို့ တစ်ခုခုကို အောင်မြင်အောင် လုပ်လိုက်ပါ။ ခပ်သေးသေးပဲဖြစ်ဖြစ်ပေါ့။
📌၃။ တနင်္လာနေ့ဆိုတာ အသစ်ပြန်လည်စတင်တဲ့ နေ့တစ်နေ့ပါ။ တနင်္လာနေ့ရောက်ပြီ အလုပ်တွေပြန်လုပ်ရလိမ့်အုံးမယ်လို့ တွေးမယ့်အစား အရင်တပတ်က အဆင်ပြေခဲ့တာတွေ မပြေခဲ့တာတွေ အောင်မြင်ခဲ့တာတွေ မအောင်မြင်ခဲ့တာတွေ ခဏမေ့ထားပြီး အသစ်ပြန်လည် စ တင်နိုင်တဲ့ အခွင့်အရေးရောက်လာပြီလို့ ပြောင်းတွေးကြည့်ရအောင်နော်။
📌၄။ ကိုယ့်ခန္ဓာကိုယ်နဲ့ စိတ်လေးကို Energy ဖြည့်ပါ။ လေ့ကျင့်ခန်း ၁၅ မိနစ်လောက်လုပ်ချင်လား? မနက်စာကောင်းကောင်းလေး စားချင်လား? ကော်ဖီခါးခါးလေးတစ်ခွက်သောက်ချင်လား? ဘယ်လိုလုပ်ရင် အားအင်ပြည့်သွားတယ်လို့ ကိုယ့်မှာ ခံစားရလဲ? ကိုယ့်ကို အားအင်ပြည့်စေမှာလေး လုပ်ကြည့်ပါ။
📌၅။ ကိုယ်နှစ်သက်တာလေး တစ်ခုခု Monday မှာ လုပ်ဖို့စီစဥ်ထားကြည့်ပါ။ ရုံးအပြန် ချစ်တဲ့သူနဲ့ တွေ့ဖို့စီစဥ်ထားမလား? Break Time မှာ ကိုယ်ကြိုက်တဲ့ သီချင်းလေး နားထောင်မှာလား? စသဖြင့် ဒီနေ့ ငါကြိုက်တာလေးလုပ်ဖို့ရှိတယ်ဆိုတဲ့ အတွေးလေးနဲ့ ဖြတ်သန်းပါ။
တနင်္လာနေ့ကို စိတ်လက်ပေါ့ပါးစွာ အားအင်အပြည့်နဲ့ ဖြတ်သန်းနိုင်ကြပါစေ ....... 🙏🙏🙏
Myanmar Broadband Telecom Co., Ltd
