04/09/2024
💥အဟောမိုးကုတ်၊ အလုပ်မဟာစည်၊ စာဂီအပြ၊ သဘာဝမင်း ကွန်း၊ ဝီရိယစွန်းလွန်း၊ အညွန်းစတု၊ အနုကသစ်ဝိုင်၊ အပိုင်မိုးညှင်း၊ ဇွဲတင်းသဲအင်း၊ အလင်းလယ်တီ၊ စုံစုံညီလည်း၊ သီလသမာ၊ ဓိပညာနှင့်၊ သစ္စာကိုသိ၊ ဒိဋ္ဌိခွါဖို့ လိုရင်းတည်း။
ခန္ဓာသံသရာကို ငြီးငွေ့အောင် ပဋိစ္စသမုပ္ပါဒ်စက်ဝိုင်းပြပြီး သစ္စာ ပါဆိုက်လာအောင် ဟောပြောပြသသောနေရာမှာ မိုးကုတ်နည်းနာ နိဿယသည် တံခွန်ထူလောက်အောင် ထင်ရှားလှသည်။
သတိပဋ္ဌာန် နည်းအတိုင်း မနက်အိပ်ရာထကနေ ညအိပ်ရာဝင် အိပ်ပျော်သည်ထိ အချိန်တိုင်း နေရာတိုင်း ဣရိယာပုထ်တိုင်းမှာ အမြဲတမ်းရှုမှတ်ကြိုးစား ရသောအပိုင်းမှာ မဟာစည်နည်းနာနိဿယသည် အထင်ရှားဆုံးဖြစ် သည်။
တရားပြကောင်းသည်ဟု ဂုဏ်ရနံ့သင်းပျံ့ရာမှာ ဉာဏစာဂီသည် ထိပ်ဆုံးမှဖြစ်သည်။
ရုပ်နာမ်ဓမ္မ သဘာဝများကို ထင်လွယ်မြင်လွယ်အောင် ပြသဟောပြောရာ၌ မင်းကွန်းနည်းသည် ပေါ်လွင်လှသည်။
ဝီရိယထက် ထက်သန်သန်ဖြင့် ကိုယ်တိုင်လည်းကြိုးစား, တပည့်သာဝကများကိုလည်း ကြိုးစားရန်နည်းပေးပြထားမှုသည် စွန်းလွန်းနည်းဖြစ်သည်။
တရားဓမ္မများကို ညွန်းညွန်းပြီး ပြသသောနည်းသည် စတု ဘုမ္မိကမဂ္ဂင်နည်း ဖြစ်သည်။
အနုစိတ်ပြီးတရားပြသခြင်းမှာ ကသစ်ဝိုင် နည်းဖြစ်သည်။
တရားဓမ္မကို လက်ဆုပ်လက်ကိုင် ပိုင်ပိုင်နိုင်နိုင်ပြရာမှာ မိုးညှင်းနည်းသည် ထင်ရှားလှသည်။
အမြဲလင်း, ဇွဲတင်း, သဲအင်းလာပြီ ဆိုသည့်အတိုင်း ဇွဲဖြင့် သဲသဲမဲမဲကြိုးစားသော သဲအင်းနည်းသည် စွန်းလွန်းနည်းနှင့် ဆင်ဆင်တူသည်။
လယ်တီဆရာတော် နည်းပေးပုံက မှောင်နေသောနေရာမှာ မီးထွန်းပြလိုက်သကဲ့သို ့ ဖုံးကွယ်ထားသောအရာကို လှန်ပြလိုက်သကဲ့ သို့ ရှင်းရှင်းလင်းလင်း ဖြစ်သွားအောင် ပြသရာ၌ လယ်တီနည်းသည် အင်မတန်ထင်ရှားလှသည်။
မည်သို့ပင် နည်းစနစ်တွေများစေကာမူ အဓိကကိုရှာကြည့်လျှင် သီလ, သမာဓိ, ပညာ သိက္ခာသုံးပါး အနှစ် တရားတွေ ဖြစ်တာကြောင့် သစ္စာသိပြီး ဒိဋ္ဌိကွာဖို့ ပဓာနလိုရင်းပါပဲဟု ပညာရှိသူတော်ကောင်းတို့မှတ်ချက်ပြုခဲ့ကြလေသည်။
Aung Myay (ပြင်ဦးလွင်)🌷🙏
Credit...✍️ 🙏🙏🙏
