24/11/2024
ဆောင်းငရုတ်အထွက်ကောင်းဖို့ ဘယ်လိုနည်းလမ်းကောင်းတွေနဲ့ စိုက်ပျိုးမလဲ။
======================================
ငရုတ်ကို သာမန်အားဖြင့် ငရုတ်အစပ်မျိုးနဲ့ ငရုတ်အချိုမျိုးဆိုပြီး ခွဲခြားနိုင်ပါတယ်။ မျိုးအလိုက် အချို့ငရုတ်သီး တွေဟာ မိုးပေါ်ကိုထောင်ပြီး အချို့က အောက်ကို ငိုက်ပြီးသီးပါတယ်။ ငရုတ်သီးပုံသဏ္ဍာန်မှာလည်း အရှည်၊ အပု၊လုံးဝိုင်းပုံအမျိုးမျိုးရှိကြပါတယ်။ ငရုတ်ကို စိုက်ပျိုးတဲ့ရာသီအလိုက် မိုးကြိုငရုတ်၊ မိုးငရုတ်၊ ဆောင်းငရုတ်ဆို ပြီးရှိပါတယ်။ မိုးကြိုငရုတ်ကို ဖေဖော်ဝါရီ၊ မတ်လမှာ ပျိုးထောင်ပြီး ဧပြီ၊မေလမှာပြောင်းရွှေ့စိုက်ပျိုးကာ ဇူလိုင်၊ သြဂုတ်မှာ ခူးပါတယ်။ မိုးငရုတ်ကိုတော့ ဧပြီ၊မေလမှာ ပျိုးထောင်၊ ဇွန်လမှာ ပြောင်းရွှေ့စိုက်ပျိုးပြီးရင် စက်တင် လမှာခူးဆွတ်ပါ တယ်။ ဆောင်းငရုတ်ကိုတော့ အောက်တိုဘာလမှာပျိုးထောင်ပြီး နိုဝင်ဘာမှာ စိုက်ပျိုးကာ ဖေဖော်ဝါရီနဲ့ မတ်လတွေမှာ ခူးဆွတ်ပါတယ်။
ကြိုက်နှစ်သက်သောရာသီဥတုနှင့်မြေအမျိုးအစား
---------------------------------------------------------------------------
ငရုတ်ဟာ ပူနွေးတဲ့ရာသီဥတုကို ကြိုက်နှစ်သက်ပြီး မိုးရေချိန် (၂၅-၅၀)လက်မရွာသွန်းတဲ့ဒေသမှာ စိုက်ပျိုးဖြစ် ထွန်းပါတယ်။ ပူပြင်းတဲ့ဒဏ်ကို ခံနိုင်ပေမယ့် အသီးဖြစ်ထွန်းမှုနည်းပါတယ်။ မြန်မာနိုင်ငံ အထက်ပိုင်းဒေသတွေ မှာ ရာသီမရွေးစိုက်ပျိုးကြပါတယ်။ မြန်မာနိုင်ငံအောက်ပိုင်းဒေသမှာတော့ ဆောင်းရာသီမှာ စိုက်ပျိုးနိုင်ပါတယ်။ အပူချိန်(၂၀-၃၀)ဒီဂရီစင်တီဂရိတ်မှာ အကောင်းဆုံးဖြစ်ထွန်းပြီး (၁၅)ဒီဂရီစင်တီဂရိတ်ထက်နိမ့်ပြီး (၃၂)ဒီဂရီ စင်တီဂရတ်ထက်မြင့်ရင် အပင်ကြီးထွားမှုနှေးပြီး သီးထွက်လျော့နိုင်ပါတယ်။
ငရုတ်ကို မြေအမျိုးအစားမရွေးစိုက်ပျိုးနိုင်ပြီး သဲနုန်းမြေဟာ အကောင်းဆုံးဖြစ်ပါတယ်။ အသင့် တော်ဆုံး မြေချဉ်ငန်ဓာတ်က (၅.၅-၇) အတွင်းဖြစ်ပါတယ်။
မျိုးစေ့နှုန်း
----------------
စိုက်ပျိုးတဲ့ စနစ်ပေါ်မူတည်ပြီး တစ်ဧကကို မျိုးစေ့ (၁၀၀-၂၀၀)ဂရမ်လိုအပ်ပါတယ်။
မြေသြဇာအသုံးပြုနှုန်း
--------------------------------
တစ်ဧကကို နွားချေး (၁၅)တန် ယူရီးယား (၅၀)ကီလိုဆန့် (၂)အိတ်၊ တီစူပါ (၅၀)ကီလိုဆန့် (၁)အိတ်နဲ့ ပိုတက်ရှ် (၅၀)ကီလိုဆန့် (၁)အိတ် ထည့်သွင်းအသုံးပြုသင့်ပါတယ်။
ပျိုးထောင်ခြင်း
-----------------------
ပျိုးဘောင်ကို သေချာပြုပြင်ပြီး (၆)လက်မကွာ အတန်းလိုက်အစေ့ချပျိုးထောင်ပါ။ ပူပြင်းတဲ့ရာသီတွေမှာ ပျိုးဘောင်ကို အမိုးပြုလုပ်ပေးဖို့ လိုအပ်ပါတယ်။ ပုရွက်ဆိတ်ရန်မှကင်းဝေးဖို့ ပျိုးဘောင်မှာ မြေအောင်းပိုး သတ်ဆေးထည့်သွင်းအသုံးပြုခြင်း ဒါမှမဟုတ် မျိုးစေ့လူးနယ်ပြီး စိုက်ပျိုးသင့်ပါတယ်။ အစိုဓာတ်မပြတ်စေဖို့ ရေမှန်မှန်လောင်းပေးဖို့ လိုအပ်ပါတယ်။
မြေပြုပြင်ခြင်း
-----------------------
စိုက်ခင်းမြေကို နွားချေးချထယ်ထိုးပြီး ထွန်ရေးကောင်းရတဲ့အထိ ထွန်မွှေပါ။ အစိုဓာတ် ထိန်းထားနိုင်ဖို့အတွက် ကြမ်းရိုက်ပါ။ မြေခံအဖြစ် ယူရီးယား၊ တီစူပါ၊ ပိုတက်ရှ် (၁)အိတ်စီထည့်သွင်းအသုံးပြူပါ။
စိုက်ပျိုးခြင်း
--------------------
ပျိုးသက် (၃၀-၄၅)ရက်သားအရွယ်မှာ ပြောင်းရွှေ့စိုက်ပျိုးပါ။ မိုးကာလမှာ ပျိုးသက်ကို (၂)လအထိ ထားနိုင်ပါ တယ်။ မျိုးအလိုက် အပင်အကွာအဝေးကွာခြားပါတယ်။ တန်းကြားပင်ကြား (၂)ပေနဲ့ တစ်ဧက အပင်ဦးရေ (၁၀၀၀၀) ဝင်အောင် စိုက်ပျိုးပါ။ ညနေခင်းနေအေးချိန်မှာ ရွှေ့ပြောင်းစိုက်ပျိုးပါ။ အပင်စိုက်ပျိုးစဉ်မှာ အမြစ်ကို မြေထဲဖြောင့်တန်းနေအောင် ထည့်သွင်းစိုက်ပျိုးဖို့ လိုပါတယ်။
အပင်ပြုစုခြင်း
-----------------------
ရွှေ့စိုက်ပြီး (၂၀) ရက်သားမှာ ပေါင်းလိုက်ပါ။ စိုက်ပျိုးပြီး (၁)လသားမှာ ယူရီးယားအိတ်ဝက်ထပ်ထည့်ပြီး ပေါင်းလိုက်မြေတောင်မြှောက်ပါ။ အသီးတင်အားကောင်းဖို့ ပထမဆုံးပွင့်တဲ့ ပန်းပွင့်ကို ခြွေပေးသင့်ပါတယ်။
ရေသွင်းခြင်း
--------------------
မြေတွင်းအစိုဓာတ်နည်းသွားရင် အပွင့်အသီးတွေ ကြွေကျတတ်တာကြောင့် ရေသွင်းပေးပါ။
ပိုးမွှားရောဂါကာကွယ်ခြင်း
-----------------------------------------
ပျိုးခင်းမှာ မျိုးကြောင့်ဖြစ်တဲ့ ခါးရိရောဂါကာကွယ်ဖို့ ပျိုးဘောင်တွေကို မစိုက်ပျိုးခင် ပိုးသတ်ပေးဖို့ လိုအပ်ပါ တယ်။ စိုက်ခင်းမှာအဓိကကျတာက သီးထိုးကျိုင်း၊ သီးထိုးယင်တွေကျရောက်ပြီး ယင်မတွေဟာ အသီးနုပေါ်မှာ ဥဥချပြီး ဥမှပေါက်လာတဲ့ အကောင်ငယ်တွေဟာ သီးတောင့်တွေကို ဖျက်ဆီးပါတယ်။ ကာကွယ်ရမှာက ပါရာသီယွန်ဆေးကို တစ်ပတ်တစ်ကြိမ် ဒါမှမဟုတ် (၁၀) ရက်တစ်ကြိမ် ဆေး (၃၀)စီစီကို ရေ (၄)ဂါလံနဲ့ဖျော်ပြီး အသီးတွေစတင်ဖြစ်ပေါ်ချိန်မှစပြီး ပက်ဖျန်းကာကွယ်နိုင်ပါတယ်။
ခူးဆွတ်ခြင်းနှင့်အထွက်နှုန်း
-------------------------------------------
အစိမ်းအဖြစ်ခူးမယ်ဆိုရင် အသီးအရွယ်ရောက်ပြီး အစိမ်းရင့်ချိန် ဒါမှမဟုတ် အရောင်ပြောင်းစချိန်မှာ ခူးရမှာဖြစ်ပါတယ်။ အခြောက်အဖြစ်ခူးမယ်ဆိုရင်တော့ အနီရောင်ကို ကောင်းကောင်းပြောင်းပြီးမှ ခူးရမှာဖြစ်ပါတယ်။ အသီးတွေကို (၅) ရက်တစ်ကြိမ် ခူးဖို့ လိုအပ်ပါတယ်။
မိုးနှောင်းစိုက်တစ်ဧက ငရုတ်ခြောက် (၁၅၀-၂၀၀)ပိဿာ၊ ငရုတ်အစိုဟာ အခြောက်ထက် (၃-၄)ဆခန့် ပိုပြီး ထွက်နိုင်ပါတယ်။ ငရုတ်အစိုတွေကို အပူချိန် (၅၀)ဒီဂရီစင်တီဂရိတ်ရှိ ရေနွေးမှာ (၃-၅)မိနစ်ခန့် အထိ စိမ်ပေးပြီး နေလှန်းအခြောက်ခံခြင်းအားဖြင့် ငရုတ်သီးအရောင်တောက်ပစေပြီး ထားသိုချိန်မှာ လည်း ကြာရှည်ခံစေမှာဖြစ်ပါတယ်။ ငရုတ်သီးကို အခြောက်ပြုလုပ်ပြီးမှ သိုလှောင်ရတာဖြစ်ပါတယ်။ အခွံပါးပြီး အတောင့်သေးတဲ့မျိုးတွေကို အများအားဖြင့် နေရောင်နဲ့ အခြောက်ခံပြီး အခွံပွပြီး အတောင့် ကြီးတဲ့ မျိုးကိုတော့ ရေနွေးဖျောပြီးမှ အခြောက်ခံကြပါတယ်။ အထူးသဖြင့် ပုလိပ်ငရုတ်ချိုကို ရေနွေး ဖျောပြီးမှသာ အခြောက်ခံကြပါတယ်။
မျိုးစေ့ထုတ်ယူနည်း
--------------------------------
မျိုးစေ့ခံမယ့် အပင်ကိုရွေးပြီးနောက် အသီးကောင်းကောင်းရင့်မှည့်ချိန်မှာခူးဆွတ်ပြီး အစိုအတိုင်းမျိုးစေ့ ထုတ်ယူပါ။ အခန်းတွင်းအရိပ်အောက်မှာ အခြောက်ခံပါ။ တိုက်ရိုက်နေရောင်ထိတွေ့ခြင်းမှ ရှောင်ကြဉ်ဖို့ လိုအပ်ပါတယ်။
Source; စိုက်ပျိုးရေးဦးစီးဌာန
လယ်ယာစိုက်ပျိုးရေးကဏ္ဍ
Agriculture
ဆောင်းငရုတ်အထွက်ကောင်းဖို့ ဘယ်လိုနည်းလမ်းကောင်းတွေနဲ့ စိုက်ပျိုးမလဲ
============================
ငရုတ်ကို သာမန်အားဖြင့် ငရုတ်အစပ်မျိုးနဲ့ ငရုတ်အချိုမျိုးဆိုပြီး ခွဲခြားနိုင်ပါတယ်။ မျိုးအလိုက် အချို့ငရုတ်သီး တွေဟာ မိုးပေါ်ကိုထောင်ပြီး အချို့က အောက်ကို ငိုက်ပြီးသီးပါတယ်။ ငရုတ်သီးပုံသဏ္ဍာန်မှာလည်း အရှည်၊ အပု၊လုံးဝိုင်းပုံအမျိုးမျိုးရှိကြပါတယ်။ ငရုတ်ကို စိုက်ပျိုးတဲ့ရာသီအလိုက် မိုးကြိုငရုတ်၊ မိုးငရုတ်၊ ဆောင်းငရုတ်ဆို ပြီးရှိပါတယ်။ မိုးကြိုငရုတ်ကို ဖေဖော်ဝါရီ၊ မတ်လမှာ ပျိုးထောင်ပြီး ဧပြီ၊မေလမှာပြောင်းရွှေ့စိုက်ပျိုးကာ ဇူလိုင်၊ သြဂုတ်မှာ ခူးပါတယ်။ မိုးငရုတ်ကိုတော့ ဧပြီ၊မေလမှာ ပျိုးထောင်၊ ဇွန်လမှာ ပြောင်းရွှေ့စိုက်ပျိုးပြီးရင် စက်တင် လမှာခူးဆွတ်ပါ တယ်။ ဆောင်းငရုတ်ကိုတော့ အောက်တိုဘာလမှာပျိုးထောင်ပြီး နိုဝင်ဘာမှာ စိုက်ပျိုးကာ ဖေဖော်ဝါရီနဲ့ မတ်လတွေမှာ ခူးဆွတ်ပါတယ်။
ကြိုက်နှစ်သက်သောရာသီဥတုနှင့်မြေအမျိုးအစား
------------------------------------------------------ ငရုတ်ဟာ ပူနွေးတဲ့ရာသီဥတုကို ကြိုက်နှစ်သက်ပြီး မိုးရေချိန် (၂၅-၅၀)လက်မရွာသွန်းတဲ့ဒေသမှာ စိုက်ပျိုးဖြစ် ထွန်းပါတယ်။ ပူပြင်းတဲ့ဒဏ်ကို ခံနိုင်ပေမယ့် အသီးဖြစ်ထွန်းမှုနည်းပါတယ်။ မြန်မာနိုင်ငံ အထက်ပိုင်းဒေသတွေ မှာ ရာသီမရွေးစိုက်ပျိုးကြပါတယ်။ မြန်မာနိုင်ငံအောက်ပိုင်းဒေသမှာတော့ ဆောင်းရာသီမှာ စိုက်ပျိုးနိုင်ပါတယ်။ အပူချိန်(၂၀-၃၀)ဒီဂရီစင်တီဂရိတ်မှာ အကောင်းဆုံးဖြစ်ထွန်းပြီး (၁၅)ဒီဂရီစင်တီဂရိတ်ထက်နိမ့်ပြီး (၃၂)ဒီဂရီ စင်တီဂရတ်ထက်မြင့်ရင် အပင်ကြီးထွားမှုနှေးပြီး သီးထွက်လျော့နိုင်ပါတယ်။
ငရုတ်ကို မြေအမျိုးအစားမရွေးစိုက်ပျိုးနိုင်ပြီး သဲနုန်းမြေဟာ အကောင်းဆုံးဖြစ်ပါတယ်။ အသင့် တော်ဆုံး မြေချဉ်ငန်ဓာတ်က (၅.၅-၇) အတွင်းဖြစ်ပါတယ်။
မျိုးစေ့နှုန်း
-------------
စိုက်ပျိုးတဲ့ စနစ်ပေါ်မူတည်ပြီး တစ်ဧကကို မျိုးစေ့ (၁၀၀-၂၀၀)ဂရမ်လိုအပ်ပါတယ်။
မြေသြဇာအသုံးပြုနှုန်း
-------------------------
တစ်ဧကကို နွားချေး (၁၅)တန် ယူရီးယား (၅၀)ကီလိုဆန့် (၂)အိတ်၊ တီစူပါ (၅၀)ကီလိုဆန့် (၁)အိတ်နဲ့ ပိုတက်ရှ် (၅၀)ကီလိုဆန့် (၁)အိတ် ထည့်သွင်းအသုံးပြုသင့်ပါတယ်။
ပျိုးထောင်ခြင်း
--------------------
ပျိုးဘောင်ကို သေချာပြုပြင်ပြီး (၆)လက်မကွာ အတန်းလိုက်အစေ့ချပျိုးထောင်ပါ။ ပူပြင်းတဲ့ရာသီတွေမှာ ပျိုးဘောင်ကို အမိုးပြုလုပ်ပေးဖို့ လိုအပ်ပါတယ်။ ပုရွက်ဆိတ်ရန်မှကင်းဝေးဖို့ ပျိုးဘောင်မှာ မြေအောင်းပိုး သတ်ဆေးထည့်သွင်းအသုံးပြုခြင်း ဒါမှမဟုတ် မျိုးစေ့လူးနယ်ပြီး စိုက်ပျိုးသင့်ပါတယ်။ အစိုဓာတ်မပြတ်စေဖို့ ရေမှန်မှန်လောင်းပေးဖို့ လိုအပ်ပါတယ်။
မြေပြုပြင်ခြင်း
----------------
စိုက်ခင်းမြေကို နွားချေးချထယ်ထိုးပြီး ထွန်ရေးကောင်းရတဲ့အထိ ထွန်မွှေပါ။ အစိုဓာတ် ထိန်းထားနိုင်ဖို့အတွက် ကြမ်းရိုက်ပါ။ မြေခံအဖြစ် ယူရီးယား၊ တီစူပါ၊ ပိုတက်ရှ် (၁)အိတ်စီထည့်သွင်းအသုံးပြူပါ။
စိုက်ပျိုးခြင်း
--------------
ပျိုးသက် (၃၀-၄၅)ရက်သားအရွယ်မှာ ပြောင်းရွှေ့စိုက်ပျိုးပါ။ မိုးကာလမှာ ပျိုးသက်ကို (၂)လအထိ ထားနိုင်ပါ တယ်။ မျိုးအလိုက် အပင်အကွာအဝေးကွာခြားပါတယ်။ တန်းကြားပင်ကြား (၂)ပေနဲ့ တစ်ဧက အပင်ဦးရေ (၁၀၀၀၀) ဝင်အောင် စိုက်ပျိုးပါ။ ညနေခင်းနေအေးချိန်မှာ ရွှေ့ပြောင်းစိုက်ပျိုးပါ။ အပင်စိုက်ပျိုးစဉ်မှာ အမြစ်ကို မြေထဲဖြောင့်တန်းနေအောင် ထည့်သွင်းစိုက်ပျိုးဖို့ လိုပါတယ်။
အပင်ပြုစုခြင်း
-------------------
ရွှေ့စိုက်ပြီး (၂၀) ရက်သားမှာ ပေါင်းလိုက်ပါ။ စိုက်ပျိုးပြီး (၁)လသားမှာ ယူရီးယားအိတ်ဝက်ထပ်ထည့်ပြီး ပေါင်းလိုက်မြေတောင်မြှောက်ပါ။ အသီးတင်အားကောင်းဖို့ ပထမဆုံးပွင့်တဲ့ ပန်းပွင့်ကို ခြွေပေးသင့်ပါတယ်။
ရေသွင်းခြင်း
---------------
မြေတွင်းအစိုဓာတ်နည်းသွားရင် အပွင့်အသီးတွေ ကြွေကျတတ်တာကြောင့် ရေသွင်းပေးပါ။
ပိုးမွှားရောဂါကာကွယ်ခြင်း
-------------------------------
ပျိုးခင်းမှာ မျိုးကြောင့်ဖြစ်တဲ့ ခါးရိရောဂါကာကွယ်ဖို့ ပျိုးဘောင်တွေကို မစိုက်ပျိုးခင် ပိုးသတ်ပေးဖို့ လိုအပ်ပါ တယ်။ စိုက်ခင်းမှာအဓိကကျတာက သီးထိုးကျိုင်း၊ သီးထိုးယင်တွေကျရောက်ပြီး ယင်မတွေဟာ အသီးနုပေါ်မှာ ဥဥချပြီး ဥမှပေါက်လာတဲ့ အကောင်ငယ်တွေဟာ သီးတောင့်တွေကို ဖျက်ဆီးပါတယ်။ ကာကွယ်ရမှာက ပါရာသီယွန်ဆေးကို တစ်ပတ်တစ်ကြိမ် ဒါမှမဟုတ် (၁၀) ရက်တစ်ကြိမ် ဆေး (၃၀)စီစီကို ရေ (၄)ဂါလံနဲ့ဖျော်ပြီး အသီးတွေစတင်ဖြစ်ပေါ်ချိန်မှစပြီး ပက်ဖျန်းကာကွယ်နိုင်ပါတယ်။
ခူးဆွတ်ခြင်းနှင့်အထွက်နှုန်း
-------------------------------
အစိမ်းအဖြစ်ခူးမယ်ဆိုရင် အသီးအရွယ်ရောက်ပြီး အစိမ်းရင့်ချိန် ဒါမှမဟုတ် အရောင်ပြောင်းစချိန်မှာ ခူးရမှာဖြစ်ပါတယ်။ အခြောက်အဖြစ်ခူးမယ်ဆိုရင်တော့ အနီရောင်ကို ကောင်းကောင်းပြောင်းပြီးမှ ခူးရမှာဖြစ်ပါတယ်။ အသီးတွေကို (၅) ရက်တစ်ကြိမ် ခူးဖို့ လိုအပ်ပါတယ်။
မိုးနှောင်းစိုက်တစ်ဧက ငရုတ်ခြောက် (၁၅၀-၂၀၀)ပိဿာ၊ ငရုတ်အစိုဟာ အခြောက်ထက် (၃-၄)ဆခန့် ပိုပြီး ထွက်နိုင်ပါတယ်။ ငရုတ်အစိုတွေကို အပူချိန် (၅၀)ဒီဂရီစင်တီဂရိတ်ရှိ ရေနွေးမှာ (၃-၅)မိနစ်ခန့် အထိ စိမ်ပေးပြီး နေလှန်းအခြောက်ခံခြင်းအားဖြင့် ငရုတ်သီးအရောင်တောက်ပစေပြီး ထားသိုချိန်မှာ လည်း ကြာရှည်ခံစေမှာဖြစ်ပါတယ်။ ငရုတ်သီးကို အခြောက်ပြုလုပ်ပြီးမှ သိုလှောင်ရတာဖြစ်ပါတယ်။ အခွံပါးပြီး အတောင့်သေးတဲ့မျိုးတွေကို အများအားဖြင့် နေရောင်နဲ့ အခြောက်ခံပြီး အခွံပွပြီး အတောင့် ကြီးတဲ့ မျိုးကိုတော့ ရေနွေးဖျောပြီးမှ အခြောက်ခံကြပါတယ်။ အထူးသဖြင့် ပုလိပ်ငရုတ်ချိုကို ရေနွေး ဖျောပြီးမှသာ အခြောက်ခံကြပါတယ်။
မျိုးစေ့ထုတ်ယူနည်း
------------------------------
မျိုးစေ့ခံမယ့် အပင်ကိုရွေးပြီးနောက် အသီးကောင်းကောင်းရင့်မှည့်ချိန်မှာခူးဆွတ်ပြီး အစိုအတိုင်းမျိုးစေ့ ထုတ်ယူပါ။ အခန်းတွင်းအရိပ်အောက်မှာ အခြောက်ခံပါ။ တိုက်ရိုက်နေရောင်ထိတွေ့ခြင်းမှ ရှောင်ကြဉ်ဖို့ လိုအပ်ပါတယ်။
Source; စိုက်ပျိုးရေးဦးစီးဌာန
လယ်ယာစိုက်ပျိုးရေးကဏ္ဍ
Agriculture
