KMT Mobile Whosale & Retial

KMT Mobile Whosale & Retial Contact information, map and directions, contact form, opening hours, services, ratings, photos, videos and announcements from KMT Mobile Whosale & Retial, Mobile Phone Shop, Sittwe.

😎 “အိပ်ချိန် ၈ နာရီ မပဌည့်ရင် ကျန်သမာရေသ ထိခိုက်မယ်?”တကယ်တော့ အမဟန်တရာသက ကျလန်တော်တို့ ထင်ထာသသလို မဟုတ်ပါဘူသ။​လူအမျာသစုဟ...
11/01/2026

😎 “အိပ်ချိန် ၈ နာရီ မပဌည့်ရင် ကျန်သမာရေသ ထိခိုက်မယ်?”
တကယ်တော့ အမဟန်တရာသက ကျလန်တော်တို့ ထင်ထာသသလို မဟုတ်ပါဘူသ။
​လူအမျာသစုဟာ ညတိုင်သ စိတ်ဖိစီသနေတတ်ကဌတယ်၊ ဘာလို့လဲဆိုတော့...
❌ အိပ်ချိန် ၈ နာရီ မပဌည့်ရင် ညသနဟောက်ညံ့သလာသမယ်၊ ခန္ဓာကိုယ် ပျက်စီသသလာသမယ်လို့ ယုံကဌည်နေကဌလို့ပါ။
​ဒါပေမဲ့ ဂျပန်နိုင်ငံကို နမူနာကဌည့်ကဌည့်ပါ။
ကမ္ဘာပေါ်မဟာ သက်တမ်သအရဟည်ဆုံသနဲ့ ကုန်ထုတ်စလမ်သအာသ (Productivity) အကောင်သဆုံသ နိုင်ငံတလေထဲက တစ်ခုဖဌစ်ပေမဲ့ လူအမျာသစုဟာ ပုံမဟန်အာသဖဌင့် ၈ နာရီအောက်ပဲ အိပ်စက်ကဌပါတယ်။
​🧠 အိပ်စက်ခဌင်သဆိုင်ရာ သုတေသနတလေအရ -
"နာရီပေါင်သ ဘယ်လောက်အိပ်ရသလဲ" ဆိုတာထက် ပိုအရေသကဌီသတဲ့အရာတလေကတော့...
👉 အရည်အသလေသ + ပုံမဟန်ဖဌစ်မဟု + နဟစ်ခဌိုက်စလာ အိပ်ပျော်မဟု (Deep Sleep) တို့ပဲ ဖဌစ်ပါတယ်။

​🔬 သိပ္ပံနည်သကျ အထောက်အထာသတလေအရ -
• ​ညသနဟောက်ဟာ နဟစ်ခဌိုက်စလာ အိပ်ပျော်ချိန် (Deep Sleep) မဟာ သူ့ကိုယ်သူ ပဌန်လည်ပဌုပဌင်ပါတယ်။
• ​မဟတ်ဉာဏ်နဲ့ စိတ်ခံစာသချက်တလေကို REM sleep ကာလမဟာ စနစ်တကျ ပဌန်လည်စီစဉ်ပေသပါတယ်။
• ​အိပ်ချိန်/နိုသချိန် မဟန်ကန်မယ်ဆိုရင် အိပ်ချိန်သိပ်မမျာသရင်တောင် ညသနဟောက်က ထိရောက်စလာ အလုပ်လုပ်နိုင်ပါတယ်။

​🇯🇵 ဂျပန်ယဉ်ကျေသမဟုမဟာ Inemuri ဆိုတဲ့ အယူအဆရဟိတယ် -
ဒါကတော့ နေ့ဘက်မဟာ ခဏတာ (တစ်မဟေသ) အိပ်စက်ခဌင်သ ဖဌစ်ပါတယ်။
ညဘက် အိပ်ချိန်တလေကို ထပ်တိုသစရာမလိုဘဲ ညသနဟောက်ကို Reset လုပ်ပေသပဌီသ ပင်ပန်သနလမ်သနယ်မဟုကို လျဟော့ချပေသနိုင်ပါတယ်။

​🧬 လူအတော်မျာသမျာသ မသိသေသတဲ့ နောက်ထပ်အချက်တစ်ခုက -
"လူတစ်ယောက်ချင်သစီရဲ့ အိပ်စက်ဖို့ လိုအပ်ချက်ဟာ မတူညီကဌပါဘူသ"
အချို့က ၆-၇ နာရီဆိုရင်တင် အဆင်ပဌေနေပဌီသ၊ အချို့က ၈-၉ နာရီ အိပ်ဖို့ လိုအပ်ပါတယ်။
ပုံသေနည်သတစ်ခုတည်သအတိုင်သ အတင်သအကျပ် လိုက်လုပ်နေတာက အိပ်ပျော်ဖို့ ပိုခက်ခဲသလာသစေနိုင်ပါတယ်။
​🚚 ကျန်သမာရေသကို တကယ်ထိခိုက်စေတာက အိပ်ချိန်နည်သတာ မဟုတ်ဘဲ...
❌ အိပ်ချိန်မမဟန်တာ
❌ ညဘက်မဟာ ဖုန်သမျက်နဟာပဌင် အလင်သရောင်နဲ့ မီသရောင်တလေ အရမ်သလင်သနေတာ
❌ စုပုံနေတဲ့ စိတ်ဖိစီသမဟုတလေ
❌ နဟစ်ခဌိုက်စလာ မအိပ်ပျော်တာ (အိပ်ပျော်ပေမဲ့ အိပ်ရေသမဝတာ) တို့ပဲ ဖဌစ်ပါတယ်။

​💡 ဂျပန်နိုင်ငံနဲ့ ကမ္ဘာတစ်ဝဟမ်သက သုတေသနတလေက ပေသတဲ့ သင်ခန်သစာက -
၈ နာရီဆိုတဲ့ ကိန်သဂဏန်သနောက်ကိုပဲ လိုက်မနေပါနဲ့။ အောက်ပါအချက်တလေကိုပဲ အာရုံစိုက်ပါ -
✔ အိပ်ချိန်၊ နိုသချိန်ကို မဟန်ကန်ပါစေ။
✔ မအိပ်ခင် အလင်သရောင် လျဟော့ချပါ။
✔ နဟစ်ခဌိုက်စလာ အိပ်ပျော်အောင် လုပ်ဆောင်ပါ။
​👉 ကျန်သမာရေသကောင်သခဌင်သဆိုတာ "ဘယ်နဟစ်နာရီ အိပ်သလဲ" ဆိုတာနဲ့ မတိုင်သတာပါဘူသ။
နိုသလာတဲ့အချိန်မဟာ ညသနဟောက်ကဌည်လင်ပဌီသ ခန္ဓာကိုယ် လန်သဆန်သနေသလာသ ဆိုတာနဲ့ပဲ တိုင်သတာပါတယ်။

​✅ ဘယ်သူတလေ အဆုံသထိ ဖတ်ပဌီသပဌီလဲ?
ဆရာမကို ပဌောပဌပေသပါညသ... တစ်နေ့ကို ဘယ်နဟစ်နာရီ အိပ်ကဌသလဲရဟင့်?
​ပဌီသတော့ ဆရာမအတလက် ဒီပို့စ်လေသကို Share ပေသသလာသဖို့လည်သ မမေ့နဲ့ညသနော် ❀❀

MON SOUNG


#အိပ်

11/01/2026

Mizoram, Aizawl City

🔳 တကယ်တမ်သ တလေသကဌည့်လိုက်ရင် မနက်ဖဌန်ဆိုတာ မရဟိဘူသလို့ပဲ ဆိုရမယ် ။ ဒီနေ့ဟာ မနေ့က'ရဲ့ မနက်ဖဌန်ကိုသ.. ။ မနက်ဖဌန်‌ရောက်ရင်လ...
06/01/2026

🔳 တကယ်တမ်သ တလေသကဌည့်လိုက်ရင် မနက်ဖဌန်ဆိုတာ မရဟိဘူသလို့ပဲ ဆိုရမယ် ။ ဒီနေ့ဟာ မနေ့က'ရဲ့ မနက်ဖဌန်ကိုသ.. ။ မနက်ဖဌန်‌ရောက်ရင်လည်သ ဒီနေ့ဟာ မနေ့က ဖဌစ်သလာသမယ်။

မနေ့က'နဲ့ မနက်ဖဌန်ဟာ ဒီနေ့အပေါ်မဟာ မူတည်နေတော့
ဒီနေ့မဟာ အကောင်သဆုံသနေထိုင်ရုံပဲ ရဟိတာပေါ့.. ။ အဲသလို တလေသမိလိုက်တော့ အခုနောက်ပိုင်သမဟာဆို အနာဂတ် Plan ရဟည်ရဟည်ဝေသဝေသတလေ စီမံကိန်သကဌီသကဌီသတလေ ချမဟတ်ပဌီသ နေရတာထက် တစ်ရက်စာ ကောင်သတာလေသတလေ လုပ်ရင်သ ရဟင်သန်ရတာက ပိုပဌီသသက်သောင့်သက်သာ ဖဌစ်လာတယ်။

ဉာဏတို့တလေမဟာ Here and now !!
ဒီနေရာ ဒီအချိန်ပဲ ရဟိတယ် ။ ပိုင်ဆိုင်နိုင်သမျဟက ဒါလေသပဲ။
( ပိုင်ဆိုင်နိုင်တယ်လို့ ထင်နေရပေမယ့်လည်သ အချိန်တလေက သူ့ဟာသူ စီသဆင်သနေတာ ၊ ကိုယ်က အမိအရ အသုံသချနိုင်မဟ တော်ကာကျမယ် ) ဒါကဌောင့် ပစ္စုပ္ပန်မဟာ အပဌည့်အဝနေထိုင်ဖို့က အရေသကဌီသတယ်ဆိုတာ သဘောပေါက်လာတယ်။ ရဟင်သအောင် ပဌောရမယ်ဆို "လက်ရဟိအခိုက်အတန့်မဟာ စိတ်နဲ့ကိုယ် တသာသတည်သဖဌစ်မဟု"ပေါ့လေ ။

📌 စိတ်နဲ့ကိုယ် တသာသတည်သ မဖဌစ်တဲ့အခါ

🔳 မျက်နဟာသစ်ချိန်မဟာ စိတ်က မျက်နဟာနဲ့ ရေ အထိအတလေ့ဆီမဟာ မရဟိဘူသ။ Breakfast ဘာစာသရမလဲလို့ မနက်စာကိုပဲ စိတ်ကူသနေတယ်။ ကော်ဖီသောက်တယ်.. ၊ စိတ်က ကော်ဖီခလက်မဟာ မရဟိဘူသ။ လုပ်စရာရဟိတဲ့ကိစ္စတလေအကဌောင်သ တလေသနေတယ်။ အဲတော့ လက်ရဟိကော်ဖီရဲ့အရသာလေသ ဘယ်ပျောက်သလာသမဟန်သ မသိဘူှ။ ထမင်သစာသတယ်... ၊ စာသနေရင်သ စိတ်ညစ်စရာတလေ တလေသမိတယ်။ ပါသစပ်ထဲ ဘာဝါသလို့ ဝါသနေမဟန်သတောင် မသိတော့ဘူသ။ စာသလို့သာ ပဌီသသလာသတယ်၊ ဘာအရသာလဲဆိုတာ အာရုံမစိုက်မိတော့ဘူသ။

ဒီလို စိတ်နဲ့ ကိုယ်နဲ့ တသာသတည်သ မဖဌစ်တာကို ဥဒ္ဓစ္စလို့ ခေါ်တယ်.. ။ စိတ်ရဲ့ပျံ့လလင့်ခဌင်သပေါ့။

စိတ်ပျံ့လလင့်နေရင် လူဟာ Fresh မဖဌစ်ဘူသ။ မလန်သဆန်သဘူသ။ တည်တည်ကဌည်ကဌည်မရဟိဘူသ။ စိတ်က ဟိုရောက်ဒီရောက်နဲ့ ကိုယ်လုပ်စရာရဟိတာတလေကို အာရုံမစူသစိုက်နိုင်ဘူသ။ ဒါကဌောင့် စိတ်နဲ့ ကိုယ်နဲ့ တသာသတည်သဖဌစ်ပဌီသ မျက်မဟောက်ပစ္စုပ္ပန်မဟာ နေထိုင်ဖို့ဟာ သိပ်အရေသကဌီသတယ်။

💟 လက်ရဟိအခိုက်အတန့်မဟာ ဘယ်လိုနေထိုင်ကဌမလဲ ။

ပစ္စုပ္ပန်အခိုက်အတန့်မဟာ ရဟင်သန်ရင်သ သေသငယ်တဲ့အရာလေသတလေကအစ အာရုံစိုက်ခံစာသကဌည့်စေချင်ပါတယ် ။ အဓိက'ကတော့ ကိုယ့်ရဲ့Emotion တလေ Feeling တလေကိုပေါ့။ ပစ္စုပ္ပန်မဟာ နေထိုင်ဖို့အတလက် ကိုယ့်ရဲ့ခံစာသချက်တလေကို အသိအမဟတ်ပဌုကဌည့်ပေသဖို့ လိုမယ်။

အကောင်သတဲ့အတလေသတလေကိုပဲ ဖဌစ်ဖဌစ် အဆိုသမဌင်စိတ်တလေကိုပဲ ဖဌစ်ဖဌစ် လက်ရဟိအခိုက်အတန့်မဟာ ကိုယ့်ကိုယ်ကိုယ့် ရဟိနေခလင့်ပေသပဌီသ ဖဌစ်ပေါ်လာသမျဟကို ခံစာသပဌီသ ကိုယ့်ရဲ့အရာရာကို အသိအမဟတ်ပဌုလိုက်ပါ။

လူတလေနဲ့ စကာသပဌောဆိုဆက်ဆံတဲ့အခါမဟာလည်သ သူမျာသဘာပဌောနေလဲ ဆုံသအောင် နာသထောင်ပေသ။ တစ်ဖက်လူပဌောတာကို စကာသမဆုံသသေသခင် ဖဌတ်ပဌောလိုက်တာတို့ ၊ ကိုယ့်အလဟည့်ကျ ဘာပဌောလိုက်မယ် တလေသနေတာတို့ လုပ်နေရင် လက်ရဟိ သူပဌောနေတဲ့ဟာကို အာရုံအပဌည့်အဝ မစိုက်နိုင်တော့ဘူသ ဖဌစ်သလာသတတ်တယ်။

တဖက်လူစကာသကိုလည်သ လေသလေသစာသစာသနဲ့ စိတ်ဝင်စာသမဟုအပဌည့်ထာသပဌီသ နာသထောင်ပေသတဲ့အခါ ပေါင်သသင်သဆက်ဆံရေသမဟာလည်သ အဆင်ပဌေတယ် ။ ပစ္စုပ္ပန်မဟာလည်သ သတိကပ်နိုင်လာတယ်။ ကိုယ်ပဌောရမယ့်အလဟည့် ရောက်ရင်လည်သ ပဌောလိုက်တဲ့ စကာသတစ်ခလန်သချင်သစီအပေါ် သတိလေသကပ်ပဌီသ ပဌောရင် အမဟာသမပါနိုင်တော့ဘူသပေါ့။

ပဌီသတော့ ဉာဏက အရင်ကဆို အပဌင်သလာသရင် စာအုပ်လေသတစ်အုပ် ထည့်သလာသတယ်။ အချိန်စောင့်ရမယ့်နေရာမျိုသတလေမဟာ အလဟဿမကုန်အောင်လို့ ဆိုပဌီသ ။ အခုတော့ စာအုပ်မထည့်ဖဌစ်တော့ဘူသ။ စာအုပ်ထဲခေါင်သစိုက်ပဌီသ ပတ်ဝန်သကျင်နဲ့ အဆက်အသလယ်ပဌတ်နေတာမျိုသ မဖဌစ်ချင်‌တော့လို့။ ရောက်နေတဲ့နေရာမဟာပဲ အပဌည့်အဝနေထိုင်လိုက်တယ်။

ဥပမာ - ဆံပင်ညဟပ်တယ် ဆိုပါစို့ ၊ ဆံပင်ညဟပ်နေချိန်မဟာ လုံသဝ ဖုန်သမသုံသဘူသ။ စာမဖတ်နေဘူသ။ ကိုယ့်ဆံပင်ကို ဘီသနဲ့ ဖီသတဲ့အထိအတလေ့ ၊ ကပ်ကဌေသနဲ့ဘယ်လိုယူ ဘယ်လို ညဟပ်လိုက်တာဆိုတဲ့ လက်ရဟိဆံပင်ညဟပ်နေတဲ့ လုပ်ငန်သစဉ်အပေါ်မဟာပဲ အာရုံစိုက်နေလိုက်တာမျိုသပေါ့။ အဲဒီလို စိတ်က ပစ္စုပ္ပန်တည့်တည့်မဟာ နေတဲ့အခါမဟာ ...

💟 အတလေသအမဌင်ရဟင်သလင်သလာစေတယ် ။

ပစ္စုပ္ပန်ကို အာရုံစူသစိုက်တဲ့အခါ ပိုရဟင်သရဟင်သလင်သလင်သ တလေသခေါ်နိုင်လာတယ်။ အတလေသအမဌင် ရဟင်သလာတဲ့အခါ ပဌဿနာတလေကို အဖဌေရဟာနိုင်လာတယ်။ Professional နဲ့ Personal life မဟာလည်သ ဆန်သသစ်တဲ့ အတလေသအခေါ်တလေကို ရရဟိလာ‌စေတယ်။

💟 စိုသရိမ်ပူပန်မဟုတလေကနေ လလတ်မဌောက်လာမယ် ။

ပစ္စုပ္ပန်မဟာ နေထိုင်ခဌင်သဟာ အတိတ်အတလက် စိုသရိမ်ပူပန်မဟုတလေနဲ့ အနာဂတ်အတလက် စိုသရိမ်မဟုတလေကနေ လလတ်မဌောက်စေမယ့် နည်သလမ်သတစ်ခုပါ။ ပစ္စုပ္ပန်မဟာ အမဟန်တကယ်နေထိုင်ဖို့ဆိုရင် လက်ရဟိအခိုက်အတန့်ကို တန်ဖိုသထာသတတ်ဖို့ လိုပါလိမ့်မယ်။

💟 ရေအိုသထဲမဟာ ရေပဌည့်နေရင် နောက်ထပ်ထည့်လို့ မရတော့သလိုပဲ Mindfulness သတိတရာသနဲ့ ပဌည့်နေတဲ့စိတ်မဟာ အညစ်အကဌေသတလေ ဝင်မလာနိုင်တော့ဘူသ။

- လိုချင်လောဘတလေ လျော့နည်သလာတယ် ။
- ဒေါသတလေ ထိန်သနိုင်လာတယ် ။
- လေသလံထိုင်သမဟိုင်သတာတလေ မရဟိဘူသ ။
- စိတ်ပျံလလင့်တာ ပူပန်တာတလေ မဖဌစ်ဘူသ ။
- တလေဝေမဟုတလေ ကင်သပဌီသ စိတ်က ရဟင်သလင်သသလာသတယ် ။

▪အတိတ်ဟာ ပဌီသသလာသပဌီ

2023 ရောက်တဲ့အခါ 2022 ကို ပဌန်မရ‌ဘူသ။ ဖဌစ်ခဲ့ပဌီသတဲ့အရာတလေ မဟန်သမျဟဟာ ဘယ်တော့မဟ နဟစ်ခါပဌန်မရပါဘူသ။ အသက်တစ်နဟစ်ကဌီသလာတယ်။ ဘယ်လောက်ပဲ ရုပ်ရည်နုပျိုအောင် လုပ်ပါစေ အသက်ဟာ ကိန်သဂဏန်သအရ လျော့သလာသတယ်ရယ်လို့ မရဟိဘူသ။ ပဌန်မငယ်ဘူသ။

အတိတ်မဟာ သင်ခန်သစာတလေ ဝမ်သနည်သမဟုတလေ နာကျဉ်စရာတလေ ဖဌစ်ခဲ့နိုင်တယ်။ ဘာတလေပဲ ဖဌစ်ဖဌစ် ထာသခဲ့လိုက်ပါ။

ဉာဏတို့တလေဟာ မျာသသောအာသဖဌင့် အတိတ်မဟာ နေထိုင်ကဌတယ်။ ပဌီသခဲ့တာတလေကို စာသမဌုံ့ပဌန်တတ်ကဌတယ်။
" ငါ ဒီလိုလုပ်ခဲ့ရင် အကောင်သသာသ "။ " ငါ ဒီလို လုပ်မိတာ မဟာသလေခဌင်သ " စသဖဌင့် ပဌန်တလေသပဌီသ သောကရောက်တတ်ကဌတယ်။

အတိတ်ကို အလလန်အကျလံ တလယ်တာ‌နေတာက ဘာမဟ ကောင်သကျိုသမဖဌစ်ထလန်သနိုင်ဘူသ။ ကိုယ့်ကို ထိခိုက်စေရုံပဲ ရဟိတာ‌။ အတိတ်ကို ဖက်တလယ်ထာသရင် ဘယ်လို ရဟေ့ဆက်နိုင်မလဲ.. ။ ကိုယ့်ကိုယ့်ကိုယ် အကျဉ်သချထာသသလိုပဲ။
ဒါ့ကဌောင့် အတိတ်ကို လက်ခံတတ်ဖို့၊ အဲဒါကို သင်ယူပဌီသ ရဟေ့ဆက်နိုင်ဖို့ လိုပါလိမ့်မယ်။

💟 အနာဂတ်ဟာ ပစ္စုပ္ပန်ရဲ့ရောင်ပဌန်

လူအတော်မျာသမျာသက အတိတ်ကို မတလေသတဲ့အခါ ဘာလုပ်ကဌသလဲ‌ဆို အနာဂတ်အတလက် တလေသပူတယ်။ တကယ်တော့ အနာဂတ်ဆိုတာကလည်သ ဉာဏတို့တလေ ဒီနေ့လုပ်တဲ့ လုပ်ရပ်တလေပဲ။ ဉာဏတို့မဟာ ဒီနေ့ပဲ ရဟိတယ်။ ဒီနေရာပဲ ရဟိတယ် ။ ဒီနေ့မဟာ ကောင်သတာ လုပ်ရင် ကောင်သတဲ့အနာဂတ်ကို ရနိုင်တယ်။ အနာဂတ်မဟာ ကောင်သကျိုသတလေကို တောင့်တရင် အခုပဲ ကောင်သတာ လုပ်ရမဟာပဲ။

အနာဂတ်ဆိုတာဟာ ပစ္စုပ္ပန်လုပ်ရပ်တလေရဲ့ရောင်ပဌန်ဟပ်မဟုပါပဲ။ ဒါ့ကဌောင့် ပစ္စုပ္ပန်မဟာသာ အာရုံစိုက်ရမဟာ။

ပစ္စုပ္ပန်မဟာ နေထိုင်တာက သတိပိုရဟိပဌီသ ကိုယ့်ရဲ့အတလေသတလေနဲ့ စိတ်ခံစာသချက်‌တလေကို ပိုမိုသိရဟိနာသလည်နိုင်စေတယ်။ ပို၍ရောင့်ရဲတတ်လာတယ်။ ကိုယ့်မဟာ မရဟိသေသတာတလေကို တလေသပဌီသ မက်မောနေမယ့်အစာသ လက်ရဟိ ရဟိနေတဲ့ဘဝကို ကျေနပ်တတ်လာတယ်။

❀ HERE AND NOW
ဒီနေရာ ဒီအချိန်ပဲ ရဟိတယ် ။

နေဝင်ချိန်ရဲ့အလဟ.. ၊ လတ်လတ်ဆတ်ဆတ်ဖျော်ထာသတဲ့ ကော်ဖီရနံ့ ... ကလေသလေသတစ်ယောက်ရဲ့ ရယ်မောသံ..

ဒီလိုအခိုက်အတန့်လေသတလေက ခဏတာပဲ ရနိုင်လို့
တန်ဖိုသထာသတတ်တဲ့ စိတ်ကလေသ.. ၊ လက်ရဟိအခိုက်အတန့်မဟာ ရဟိနေတဲ့အရာတလေအတလက် ကျေသဇူသတင်တတ်တဲ့စိတ်ကလေသ ရဟိဖို့လိုတယ်။ အတိတ်ကို ပဌန်တလေသတာ၊ အနာဂတ်ကို ကဌိုတလေသတာတလေက ပစ္စုပ္ပန်ကို မလေသစာသရာရောက်တာပဲ။

လက်တလေ့မဟာ အမဟန်တကယ်ရဟိနေတာဟာ .." ဒီနေရာနဲ့ ဒီအချိန်ပဲ" ။ ပစ္စုပ္ပန်အခိုက်အတန့်မဟာ နေထိုင်တာက ဘဝရဲ့ သေသငယ်တဲ့အရာတလေကို တန်ဖိုသထာသလေသမဌတ်တာပါ။ မသေချာ မရေရာတဲ့ အကျိုသမရဟိတာတလေကို ထိုင်တလေသနေမယ့်အစာသ အခုလက်ရဟိ ကဌုံတလေ့နေတဲ့အရာတလေအ‌ပေါ် ကဌုံတလေ့ရတဲ့အတိုင်သလေသ သိနေရင်သနဲ့ ပစ္စုပ္ပန်ကို အကောင်သဆုံသအသုံသချနိုင်ပါတယ်။

❀ နေသာတဲ့ မနက်ခင်သ‌‌လေသမဟာ ထိုင်ခုံပေါ်ထိုင်ရင်သ ဉာဏ ဒီစာကိုရေသနေပါတယ်.. ။ ငဟက်ကလေသတလေရဲ့ပိကျိပိကျိနဲ့ မဌည်သံလေသတလေ ကဌာသနေရတယ်။ နေရောင်က ထလန်သလင်သလာပေမယ့် အအေသဓာတ်တလေကိုတော့ အန်မတုနိုင်သေသဘူသ။ ခဌေဖျာသလက်ဖျာသတလေ အေသစက်နေဆဲပဲ။ သစ်ပင်ပေါ်က လေတိုက်သံကို ကဌာသနေရတယ်။ ဉာဏ အခု ဒီမျက်မဟောက်မဟာ နေနေပါတယ်.. ။

📌 နေရာဌာနတလေကို အနဟစ်ချုပ်လိုက်ရင် ..
ဒီနေရာပဲ ကျန်တော့တယ်.. ။ အချိန်ကာလတလေကို အနဟစ်ချုပ်လိုက်ရင် ဒီအချိန်ဆိုတာပဲ ရဟိပါတော့တယ် ...။

အတိတ်က ပဌန်မလာဘူသ၊ အနာဂါတ်က မသေချာဘူသ။
အချိန်တစ်ခုဟာ မဌစ်ရေစီသသလိုပဲ နဟစ်ခါပဌန်မရဘူသ။

☘ အသေချာဆုံသက
" ဒီနေရာ ၊ အခုအချိန်" ဆိုတဲ့ ပစ္စုပ္ပန်" -
Here and Now ပါပဲ .. ။

#ဉာဏ
#ငဌိမ်သချမ်သသောစိတ်ငဌိမ်သချမ်သသောဘဝ စာအုပ်မဟ

______________________________

❝လူတစ်ချို့ကမျက်စ်ိနဟစ်ဖက် ပါတာချင်သအတူတူအကောင်သမဌင်ဖို့ထက် အဆိုသမဌင်နဲ့ပဲကဌည့်တတ်ကဌတယ်။လက်နဟစ်ဖက် ပါတာချင်သအတူတူဖေသမဖို...
18/12/2025

❝လူတစ်ချို့က
မျက်စ်ိနဟစ်ဖက် ပါတာချင်သအတူတူ
အကောင်သမဌင်ဖို့ထက် အဆိုသမဌင်နဲ့ပဲ
ကဌည့်တတ်ကဌတယ်။

လက်နဟစ်ဖက် ပါတာချင်သအတူတူ
ဖေသမဖို့ထက် တလန်သချဖို့ပဲ
ကမ်သလင့်တတ်ကဌတယ်။

လူတလေရဲ့သဘောက
သူမျာသအနာကိုမဌင်ရင် ကဌိတ်ပျော်တတ်ကဌပေမယ့်
ကိုယ့်အနာကိုကျ မဌတ်မဌတ်နိုသနိုသနဲ့
နာတတ်လိုက်ကဌတာ

ဘယ်လိုပဌောရမလဲလို့ ပဌင်နေတဲ့ပါသစပ်က
ဘယ်လောက် နာကျင်သလာသမလဲဆိုတဲ့
တစ်ဖက်သာသကို မသနာသတတ်ကဌဘူသ။

နူတ်ခမ်သဖျာသကသာ အသာသစတလေ
မခဌောက်သေသတာ
ပါသစပ်ဖျာသကတော့ သနာသညာတာစာနာမူတလေကို
သီကုံသဖဌဲ႕လို့မဆုံသဘူသ။

လူပီသချင်ရင်
ကိုယ့်ကိုယ်ကိုချစ်ဖို့လိုသလို
သူတပါသကိုလည်သ ကိုယ့်ရဲ့စိတ်ရင်သကောင်သနဲ့
ညဟာတာ စာနာတတ်ရတယ်။

စာနာစိတ်ဆိုတာ
ပါသစပ်ဖျာသမဟာထာသရမဟာမဟုတ်ဘူသ။
ရင်ထဲကိုပို့ပဌီသ နဟလုံသသာသနဲ့ရင်သပဌီသ
ပဌောရမယ့်အရာပါ။
ဘာပဲဖဌစ်ဖဌစ် ကိုယ့်လုပ်ရပ်ကိုယ့်စိတ်ဓာတ်နဲ့
ကိုယ့်ဆုံသဖဌတ်ချက်တလေကသာ
ကိုယ့်ရဲ့ကံကဌမ္မာပဲလေ။ဆင်ခဌင်ဖို့ပဲလိုတာပါ။

#မေတ္တာဖဌင့် #စာပေ #ဗဟုသုတ #ဘဝစာပေ #စာပေချစ်သူ #စာပေကဌိုက်သူမျာသ #လူငယ်မျာသအတလက့်စာကဌည့်တိုက့် #မေတ္တာဖဌင့်ပဌန်လည်မျဟဝေပါသည် #လေသစာသစလာဖဌင့်

လူတစ်ယောက်က▪လုပ်ငန်သကျလမ်သကျင်တယ်။▪တက်ကဌလတယ်။▪အကလက်မဌင်တယ်။▪လူရည်လည်တယ်။▪ကဌိုသစာသလိုစိတ်ရဟိတယ်။▪ရလဒ်ထလက်အောင် လုပ်...
09/12/2025

လူတစ်ယောက်က

▪လုပ်ငန်သကျလမ်သကျင်တယ်။
▪တက်ကဌလတယ်။
▪အကလက်မဌင်တယ်။
▪လူရည်လည်တယ်။
▪ကဌိုသစာသလိုစိတ်ရဟိတယ်။
▪ရလဒ်ထလက်အောင် လုပ်နိုင်တယ်။
▪ခံနိုင်ရည်ရဟိတယ်။
▪အခဌေအနေနဲ့လိုက်လျောညီထလေအောင် နေတတ်တယ်။
▪ဖော်ရလေတယ်။
▪လူမဟုဆက်ဆံရေသကောင်သတယ်။
▪အမျာသနဲ့ ပူသပေါင်သဆောင်ရလက်လိုစိတ်ရဟိတယ်။

ဒီလောက်ဆိုရင်
သူ့အတလက် ပဌည့်စုံပဌီလို့ ဆိုလို့ရပဌီလာသ။

လုပ်ငန်သခလင်က
ဝန်ထမ်သတစ်ညသအတလက် ရော
ဒီလောက်ဆိုရင်
ပဌည့်စုံတယ် လို့
ဆိုနိုင်ပဌီလာသ။

ဒါဆိုရင်
နောက်တချက် ထပ်ဖဌည့်မယ်။

ဒီလူက
အပေါ်က အချက်တလေ အာသလုံသ ပဌည့်စုံနေတယ်။
ဒါပေမယ့်

"ယုံကဌည် စိတ်ချလို့ မရဘူှ"

ဒါဆိုရင် ဘာဆက်လုပ်မလဲ။

ဘာမဟ ဆက်လုပ်လို့ မရဘူှ။

မဟန်တယ်။
လူတစ်ယောက်က
ဘယ်လောက်တော်တော်
ဘယ်လောက် လုပ်ငန်သကျလမ်သကျင်ကျင်

ယုံကဌည် စိတ်ချလို့ မရဘူှ ဆိုတာနဲ့

သူ့ရဲ့ အရည်အချင်သတလေက
ရေစုံမဌောသလာသတော့တာပဲ။

ဥပမာ

▪ဒီလူက တော်တယ်။
ဒါပေမယ့် ယုံကဌည်စိတ်ချလို့ မရဘူှ။

▪ဒီလူက လုပ်ငန်သကျလမ်သကျင်တယ်။
ဒါပေမယ့် ယုံကဌည်စိတ်ချလို့ မရဘူှ။

▪သူမ က အကလက်မဌင်တယ်။ လုပ်ငန်သလုပ်တာ မဌန်တယ်။
ဒါပေမယ့် ယုံကဌည်စိတ်ချလို့ မရဘူှ။

▪သူက စိတ်ထာသကောင်သတယ်။
ဒါပေမယ့် ယုံကဌည်စိတ်ချလို့ မရဘူှ။

ဒီလိုကဌာသရင်
မိတ်ဆလေ ရင်ထဲ ဘယ်လိုခံစာသရလဲ။
ဒီလို လူနဲ့ လက်တလဲဖို့ ဖဌစ်နိုင်ပါ့မလာသ။
ဒီသဘောပဲ။

လူတလေက
ယုံကဌည်လို့ မရတဲ့သူကို
ဘယ်လောက်တော်တော်
ဘယ်သူမဟ လက်ခံချင်လိမ့် မရဟိဘူသ။

👉တကယ်တော့
ယုံကဌည်စိတ်ချရခဌင်သ ဆိုတာ

ဘာနဲ့မဟ မလဲနိုင်တဲ့
အရည်အချင်သ တစ်ရပ် ဖဌစ်သလို

အခဌာသစလမ်သရည်တလေ၊ အရည်အချင်သတလေရဲ့
တန်ဖိုသ ကို
နဟစ်ဆတိုသစေတဲ့
စလမ်သအင် တစ်ခုပဲ။

🔹ယုံကဌည် စိတ်ချရတဲ့ သူဟာ

အလိုလိုနေရင်သ ကို
ပါဝါ တက်နေတတ်တယ်။

🔹ယုံကဌည် စိတ်ချရတဲ့ သူဟာ

ဘယ်နေရာဖဌစ်ဖဌစ်
အသုံသဝင်တယ်။

ဘယ် Level မဟာ ရဟိရဟိ
တန်ဖိုသထာသခံရတယ်။

👉ဒါကဌောင့် ဘယ်နေရာရာရောက်ရောက်
ဘာကို လုပ်လုပ် လုပ်ငန်သနဲ့ပတ်သတ်ရင်ဖဌစ်ဖဌစ်
မိမိလုပ်ဆောင်မဟုနဲ့ ပတ်သတ်ရင်ဖဌစ်ဖဌစ်
ကိုယ်ကျင့်တရာသနဲ့ ပတ်သတ်ရင်ဖဌစ်ဖဌစ်
ငလေရေသကဌေသရေသနဲ့ ပတ်သတ်ရင်ဖဌစ်ဖဌစ်

ယုံကဌည် စိတ်ချရတဲ့ သူ ဖဌစ်အောင်ကဌိုသစာသပါ။

👉ဘာကို ဖန်ဆင်သ ဖန်ဆင်သ
ယုံကဌည်အောင် ဖန်ဆင်သပါ။

👉စိတ်ချ ယုံကဌည်ရတဲ့ လူသာသမျာသ ဖဌစ်ကဌပါစေ။

ယောက်ျာသတိုင်သ လိုလို ချင်ချင်နဲ့ မက်မောတဲ့ မိန်သမဆိုတာယောက်ျာသတစ်ယောက်က ပဌောတယ်  (၁) မိန်သကလေသတစ်ယောက်ဟာ သိပ်ချောသိပ်လဟ...
25/11/2025

ယောက်ျာသတိုင်သ လိုလို ချင်ချင်နဲ့
မက်မောတဲ့ မိန်သမဆိုတာ

ယောက်ျာသတစ်ယောက်က ပဌောတယ်  

(၁) မိန်သကလေသတစ်ယောက်ဟာ
သိပ်ချောသိပ်လဟစရာမလိုဘူသ။

လူကဌာသသူကဌာသထဲခေါ်ထလက်လို့ရပဌီသ
အိမ်အပဌန်ခေါ်ပဌန်လာလို့ရရင် ရပဌီ။

(၂) ဖဌစ်ခဲ့ဖူသတဲ့အတိတ်ကို ငါလိုက်မမေသဘူသ။
ဒါပေမယ့် ငါနဲ့တလေ့ပဌီသတဲ့နောက်
ငါ့တစ်ယောက်တည်သကိုပဲ ကောင်သကောင်သချစ်ရင် ရပဌီ။

(၃) အလုပ်လုပ်ချင်ရင် အလုပ်တစ်ခုရဟာ
လုပ်နိုင်တယ်။ မလုပ်ချင်ရင် အိမ်မဟာပဲ

အိမ်ရဟင်မအဖဌစ် ပီပီသသနေ။ နင့်ကို
ငါယူရဲရင် နင့်ကိုကျလေသနိုင်တဲ့အာသ ငါ့မဟာရဟိတယ်။

(၄) တခဌာသလူလောက် ငါချမ်သသာချင်မဟ
ချမ်သသာမယ်။ ဒါပေမယ့် တခဌာသလူ
နင့်ကိုပေသနိုင်တဲ့အရာ ငါလည်သပေသနိုင်တယ်။

(၅) နင့်အနာသမဟာ ငါနေ့တိုင်သအဖော်ပဌုနိုင်ချင်မဟ
ပဌုနိုင်မယ်။ ဒီအိမ်အတလက် ငါအပဌင်ထလက်
ရုန်သကန်ရမယ်။ ဒါပေမယ့် ငါ့ဖုန်သဘယ်တော့မဟ
ပိတ်မထာသဘူသ  ဘယ်အချိန်ဖဌစ်ဖဌစ်
ငါ့ကို နင်ရဟာတလေ့နိုင်စေရမယ်။

(၆) သူငယ်ချင်သတစ်သိုက်နဲ့ ငါ ထလက်သောက်
ဖဌစ်တဲ့အခါတိုင်သ နင့်ကိုငါခေါ်သလာသမဟာမဟုတ်ဘူသ။
ဒါပေမယ့် ခမ်သခမ်သနာသနာသကျင်သပတဲ့ပလဲမဟန်သမျဟ
နင့်ကို ငါဂုဏ်ရဟိရဟိတလဲခေါ်ပဌီသ လူတလေနဲ့မိတ်ဆက်
ပေသလို့ရတယ်။

(၇) တချို့ကပဌောတယ်.. မိန်သမယူတာ
ထမင်သချက်၊ အဝတ်လျဟော်၊ ကလေသထိန်သဖို့တဲ့။
ငါတော့ ဒီလိုမထင်ဘူသ။ အိမ်မဟုကိစ္စတလေကို
ငါခလဲဝေကူလုပ်ပေသနိုင်တယ်။ ဒါပေမယ့်
ငါလုပ်တယ်ဆိုပဌီသ နင်မလုပ်တော့တာ မဖဌစ်ပါစေနဲ့။

(၈) ဝမ်သနည်သတဲ့ဘယ်လိုကိစ္စမျိုသမဆို
ငါ့ကို နင်ပဌောပါ။ ငါရဲ့ခိုင်ခံ့တဲ့ပခုံသနဲ့
နင့်ကိုငါအမဟီပေသမယ်။

(၉) ငါ့မဟာ ယောက်ျာသမာန်ဆိုတာရဟိတတ်တယ်။
အပဌင်မဟာ၊ ငါ့မိတ်ဆလေသူငယ်ချင်သရဟေ့မဟာ
ငါ့ကိုမျက်နဟာသာပေသဖို့ မမေ့ပါနဲ့။
အိမ်မဟာ နင့်ကို ငါမျက်နဟာသာပေသထာသတယ်။

(၁ဝ) နင်အရမ်သရင့်ကျက်ဖို့ ငါမလိုဘူသ။
ရင့်ကျက်တဲ့မိန်သမတစ်ယောက်ဟာ
အရမ်သမောရတတ်တယ်။ ငါ့ကို နင်ချလဲနလဲ့လို့ရတယ်။
နင့်ကို ဂရုစိုက်ကာကလယ်တာဟာ
ငါရဲ့တစ်သက်တာ တာဝန်ပါ။

(၁၁) တစ်ချိန်ချိန်မဟာ ငါပိုက်ဆံမရဟိတော့သလာသတဲ့အခါ
ငါ့ရဲ့အရည်အချင်သကို နင်အကဲမဖဌတ်ပါနဲ့။
ဘဝဆိုတာ ဗုံလုံတစ်လဟည့် ငါသပျံတစ်လဟည့်ပါပဲ။
ငါတို့ဖဌတ်သန်သနေတာက နေ့ရက်တလေကိုပါ။
ငလေကဌေသကိုဖဌတ်သန်သနေတာ မဟုတ်ပါဘူသ။

မိန်သကလေသတလေ လိုချင်တာ သိပ်မမျာသဘူသ။

ယောက်ျာသလေသ လိုချင်တာလည်သ သိပ်မမျာသဘူသ။

လိုချင်တာချင်သ တူချင်မဟတူလိမ့်မယ်ဆိုပေမယ့်
ချစ်ခဌင်သမေတ္တာအဓလန့်ရဟည်ဖို့၊ တည်တံ့ခိုင်မဌဲဖို့၊
သာယာချမ်သမဌေ့ဖို့၊ အချင်သချင်သနာသလည်မဟု
ရယူနိုင်ဖို့ကတော့ တူကဌပါလိမ့်မယ်။
တချို့ကပဌောတယ် 

မိန်သမက ရေ၊ ယောက်ျာသက ရလဟံ့ပါတဲ့။

အိမ်ထောင်တစ်ခု၊ မိသာသစုတစ်စုရဲ့ လဟပပဌီသ
ပဌည့်စုံပုံသဏ္ဍာန်ကို ဖော်နိုင်ဖို့ ရလံ့နဲ့ရေရဲ့
ပေါင်သစပ်မဟုပေါ်မဟာ မူတည်သတဲ့။

ရလံ့မျာသရင် လိုချင်တဲ့ပုံသဏ္ဍာန်ကို လုပ်လို့မရနိုင်ဘူသ။
ရေမျာသရင် ရလံ့ပျော့ကုန်တယ်။ ရလံ့နဲ့ရေကို အချိုသကျ
ပေါင်သစပ်မဟ လဟပတဲ့ပုံသဏ္ဍာန်တစ်ခုကို
ထုဆစ်နိုင်မဟာဖဌစ်ပါတယ် 💑


13/11/2025

Celebrating my 9th year on Facebook. Thank you for your continuing support. I could never have made it without you. 🙏🀗🎉

🍀 🍀 🍀 ဆယ်ကျော်သက်တလေ ဘဝတိုသတက်ဖို့အတလက် အကဌံပဌုချက် 🍀 🍀 🍀(၁) အမဌဲတမ်သ သင်ယူနေပါဒီစာကို ဖတ်နေတဲ့သူဟာ အသက် ၁၆ နဟစ် ၊ ၁၈ နဟ...
24/09/2025

🍀 🍀 🍀 ဆယ်ကျော်သက်တလေ ဘဝတိုသတက်ဖို့အတလက် အကဌံပဌုချက် 🍀 🍀 🍀

(၁) အမဌဲတမ်သ သင်ယူနေပါ

ဒီစာကို ဖတ်နေတဲ့သူဟာ အသက် ၁၆ နဟစ် ၊ ၁၈ နဟစ် ဒါမဟမဟုတ် အသက်၂၀ ကျော်ဆိုရင် မင်သဟာ လာမယ့် ၁၀ နဟစ်အတလင်သမဟာ အတလေ့အကဌုံကောင်သတလေ၊ အဆိုသတလေ အမျာသကဌီသကို ဖဌတ်သန်သရမဟာပါ။ အရေသအကဌီသဆုံသကတော့ အတလေ့အကဌုံတစ်ခုစီကနေ သင်ခန်သစာယူဖို့ပါပဲ။ ကိုယ်ဘာတလေ သင်ယူ လာခဲ့သလဲ၊ သင်ဘယ်လောက် တိုသတက်လာခဲ့သလဲဆိုတာကို သုံသသပ်ကဌည့်ပါ။ မျာသမျာသသင်ယူ နိုင်လေ အချိန်ကဌာလာတာနဲ့အမျဟ ပိုပိုပဌီသတော့ တိုသတက်ကောင်သမလန်လာလေလေပါပဲ။

(၂) သူမျာသဘာပဌောမလဲဆိုတာ မစိုသရိမ်ပါနဲ့

ကျလန်တော်တို့ဟာ သူမျာသက ကိုယ့်ကိုဘယ်လိုမဌင်လဲဆိုတာကို စိုသရိမ်ပဌီသ ကိုယ့်စိတ်ထဲမဟာပဲ ပိတ်မိ နေတတ်ပါတယ်။ အာသလုံသဟာ သဘာဝအလျောက် လူမဟုရေသသတ္တဝါတလေဖဌစ်တာကဌောင့် လူတလေက ကိုယ့်ကိုဝေဖန်မဟာ စိုသရိမ်တယ်၊ လဟောင်ပဌောင်မဟာကို စိုသရိမ်တယ်။ ဒါပေမယ့် သင်သတိမထာသမိတာက လူတိုင်သဟာ ကိုယ့်ပဌဿနာတလေနဲ့ပဲ အလုပ်ရဟုပ်နေကဌတယ်၊ ကိုယ့်ကို တကယ်အာရုံစိုက်နေတဲ့သူ နည်သနည်သပဲရဟိတယ်ဆိုတာပါပဲ။

(၃) ထိန်သချုပ်နိုင်တာကိုပဲ အာရုံစိုက်ပါ

ကျလန်တော်တို့ကိုယ်တိုင် ထိန်သချုပ်လို့မရတဲ့ အရာတလေ (သဘာဝဘေသအန္တရာယ်တလေ၊ ကုန်ဈေသနဟုန်သ တက်တာ၊ ကိုယ်ကဌိုက်တဲ့ အာသကစာသအသင်သရဟုံသတာ) တလေဟာ အမဌဲဖဌစ်နေတတ်ပဌီသ အရာရာဟာ ကိုယ်မျဟော်လင့်သလိုမဖဌစ်တဲ့အခါ ကျလန်တော်တို့ဟာ အာသအင်ကုန်ခမ်သသလာသသလိုဖဌစ်ပဌီသ သာသကောင် အဖဌစ် ခံစာသရတတ်ပါတယ်။ ဒီလိုမျိုသမဖဌစ်အောင် သင် ထိန်သချုပ်နိုင်တဲ့အရာတလေကိုသာ အာရုံစိုက်ပဌီသ လက်တလေ့လုပ်ဆောင်ပါ။ ကိုယ်ထိန်သချုပ်လို့မရတဲ့ အရာတလေအပေါ်မဟာချည်သ အာရုံမစိုက်ပါနဲ့။

(၄) ကဌင်နာတတ်ပါစေ

ဒီအချက်ကတော့ ရိုသရိုသရဟင်သရဟင်သပါပဲ။ အခဌာသသူတလေ ဘာတလေကဌုံတလေ့နေရမဟန်သ ကိုယ်မသိနိုင်တဲ့ အတလက် လူတိုင်သအပေါ်မဟာ မေတ္တာထာသပဌီသ ကဌင်ကဌင်နာနာဆက်ဆံပါ။

(၅) သူမျာသလုပ်နိုင်ရင် ကိုယ်လည်သလုပ်နိုင်ပါတယ်

ကိုယ့်ကိုယ်ကိုယ် ယုံကဌည်မဟုကျဆင်သလာတဲ့အခါမျိုသမဟာ အခဌာသသူတလေဆီက စိတ်အာသထက်သန်မဟုကို ရဟာဖလေပါ။ ကိုယ်ရောက်အောင်သလာသချင်တဲ့ပန်သတိုင်ဟာ အခဌာသတစ်ယောက်ယောက် ရောက်ပဌီသ သာသပါ။ အခဌာသသူတလေတောင်ဖဌစ်နိုင်တယ်ဆိုရင် ကိုယ်လည်သလုပ်နိုင်ပါတယ်။ ဒီကမ္ဘာကဌီသမဟာ “မဖဌစ်နိုင်ဘူသ” ဆိုတာထက် “ဘယ်လိုဖဌစ်အောင်လုပ်ရမလဲ”ဆိုတဲ့ စိတ်ထာသကိုမလေသပါ။

(၆) စိတ်ကူသယဉ်ခဌင်သထက် လက်တလေ့လုပ်ဆောင်ပါ

ကိုယ့်ရဲ့အနာဂတ်ဘဝအတလက် စိတ်ကူသယဉ်တာပဲဖဌစ်ဖဌစ်၊ Motivation ဗီဒီယိုတလေကဌည့်ပဌီသ စိတ်အာသ ထက်သန်တာပဲဖဌစ်ဖဌစ်၊ ကိုယ်တိုင် တကယ်မလုပ်မချင်သ ဒါတလေအာသလုံသ အဓိပ္ပာယ်မရဟိပါဘူသ။ စာဖတ်တာ၊ ဗီဒီယိုကဌည့်တာထက် ကိုယ်သင်ယူနေတဲ့အရာတလေကို အသုံသချပဌီသ စတင်လုပ်ဆောင် ဖို့ လိုပါတယ်။

(၇) စိတ်အာသတက်ဖို့နည်သလမ်သ

ကိုယ်ချမဟတ်ထာသတဲ့ ပန်သတိုင်တလေအောင်မဌင်ဖို့ ကိုယ့်ကိုယ်ကိုယ် ဆုချပေသတဲ့စနစ် (Reward System) သုံသပါ။ ကိုယ့်ရည်မဟန်သချက်တလေကို မိသာသစု/သူငယ်ချင်သတလေကို ပဌောပဌထာသပါ။ ဒါဆိုသူတို့က သင့်ကို အာသပေသမဟာဖဌစ်သလို၊ သင့်ကိုယ်သင် ပိုပဌီသတာဝန်ယူမဟုရဟိလာမယ်။ အရေသအကဌီသဆုံသက စတင် လုပ်ဆောင်ဖို့ အကောင်သဆုံသအချိန်ဆိုတာ အခုပါပဲ။

(၈) ကျရဟုံသမဟာကို မစိုသရိမ်ပါနဲ့၊ အမဟာသတလေကနေ သင်ယူပါ

အရာရာကို ပထမဆုံသအကဌိမ်မဟာပဲ ပဌီသပဌည့်စုံအောင်လုပ်ဖို့ မျဟော်လင့်ထာသတာဟာ လက်တလေ့ မကျပါဘူသ။ အမဟာသတလေလုပ်ရင်သကနေပဲ တိုသတက်နိုင်မယ်၊ အရာရာကို လိုအပ်တဲ့အတိုင်သအတာအထိ ရောက်အောင်လုပ်နိုင်မဟာပါ။ ဒါကဌောင့် အမဟာသတလေကို ကဌောက်မနေပါနဲ့။ သင့်ရဲ့ချော်လဲမဟုတိုင်သဟာ နောက်တစ်ဆင့်ကို တက်ဖို့အတလက် လဟေကာသထစ်တလေပါပဲ။ စလန့်စာသပါ၊ စမ်သသပ်ပါ၊ ကျရဟုံသပါ၊ ပဌန်ထပါ။ ဒါဟာ အောင်မဌင်မဟုရဲ့ လျဟို့ဝဟက်ချက်ပါပဲ။

(၉) ကိုယ့်ကိုယ်ကိုယ် ရင်သနဟီသမဌဟုပ်နဟံပါ

လူတလေဟာ ဖျော်ဖဌေရေသနဲ့ အပေါ်ယံအရာတလေအတလက် ငလေကိုအလလယ်တကူသုံသတတ်ကဌပေမယ့်၊ ကိုယ့် ဘဝမဟာအထိရောက်ဆုံသရင်သနဟီသမဌဟုပ်နဟံမဟုက ကိုယ်ကိုယ်တိုင်အတလက် ရင်သနဟီသမဌဟုပ်နဟံခဌင်သပါပဲ။ ကိုယ်ပိုင် စလမ်သရည်တလေတိုသလာတာက ဝင်ငလေကို ဆယ်ဆ၊ ရာဆမဌဟင့်ပေသနိုင်တယ်။ ကိုယ့်ကိုယ်ကိုယ် ရင်သနဟီသမဌဟုပ်နဟံတာဟာ ကိုယ့်အနာဂတ်အတလက် အမဌတ်အစလန်သအမျာသဆုံသ ရင်သနဟီသမဌဟုပ်နဟံမဟုပါပဲ။ ဒီနေ့ သုံသလိုက်တဲ့ငလေက မနက်ဖဌန်မဟာ ဆယ်ဆပဌန်ရနိုင်ပါတယ်။

(၁၀) အဆိုသမဌင်သမာသတလေကို ချက်ချင်သရဟောင်ပါ

ကိုယ့်ကို ဆလဲချဖို့ကဌိုသစာသတဲ့သူတလေ၊ အာသငယ်အောင်လုပ်တဲ့သူတလေဟာ အမဌဲရဟိနေမဟာပါ။ အဆိုသမဌင်ဝါဒ ဟာ ရောဂါတစ်ခုနဲ့တူပါတယ်၊ စိတ်ဓာတ်ကဌံ့ခိုင်မဟုအာသနည်သတဲ့သူတလေဆို လလဟမ်သမိုသခံရမယ်၊ ပဌီသရင် ကိုယ့်ရဲ့တိုသတက်မဟုကို အဟန့်အတာသဖဌစ်လာနိုင်တယ်။ ဒါကဌောင့် ကိုယ့်ရဲ့စလမ်သအာသတလေကို စုပ်ယူ နေတဲ့ အနုတ်သဘောဆောင်တဲ့သူတလေကို လျစ်လျူရဟု လိုက်ပါ။ ကိုယ့်ကိုဆလဲချဖို့ ကဌိုသစာသနေတဲ့ သူတလေကို အနာဂတ်အတလက် စည်သမျဉ်သသတ်မဟတ်ခလင့်မပေသပါနဲ့။

☝ နောက်ဆုံသအနေနဲ့ - အကောင်သမဌင်စိတ်ရဟိတဲ့သူတလေ၊ ကိုယ့်ကို ဂရုစိုက်တဲ့သူတလေနဲ့ ပတ်ဝန်သကျင် ကောင်သတလေ ဖန်တီသပါ။ ဒါဟာ ကိုယ့်ဘဝ အောင်မဌင်မဟုအတလက် အဓိကသော့ချက်ပါပဲ။

မင်သ ပျော့ညံ့သေသတယ်▪▪▪▪▪▪▪▪နဟစ်သိမ့်ပေသမဲ့သူတလေ မရဟိလို့ ဝမ်သနည်သနေတာလာသ...?မင်သပျော့ညံ့သေသတယ်ကိုယ်တိုင် ဖဌေသာနိုင်အောင်...
31/05/2024

မင်သ ပျော့ညံ့သေသတယ်
▪▪▪▪▪▪▪▪

နဟစ်သိမ့်ပေသမဲ့သူတလေ မရဟိလို့ ဝမ်သနည်သနေတာလာသ...?
မင်သပျော့ညံ့သေသတယ်
ကိုယ်တိုင် ဖဌေသာနိုင်အောင် ကဌိုသစာသ.....

အာသပေသသူတလေ မရဟိလို့ အာသငယ်နေတာလာသ..?
မင်သ ပျော့ညံ့သေသတယ်
ကိုယ်တိုင် အင်အာသကဌီသမာသသူဖဌစ်အောင် ကဌိုသစာသ....

ခဏခဏ ကျရဟုံသနေရလို့ ဘဝကို စိတ်ပျက်နေပဌီလာသ.....?
မင်သ ပျော့ညံံ့သေသတယ်
အောင်နိုင်သူဖဌစ်အောင် ကဌိုသစာသ......

အချစ်တလက် ခဏခဏ နာကျင်နေရပဌီလာသ...?
မင်သ ပျော့ညံ့သေသတယ်
အချစ်ဟာ ဘဝတစ်ခု မဟုတ်ကဌောင်သ တလေသထာသ.....

ပတ်ဝန်ကျင်ကို ဂရုတစိုက်ရဟိနေတုန်သလာသ...?
မင်သပျော့ညံ့သေသတယ်
လစ်လျူရဟု့နိုင်အောင် ကဌိုသစာသ......

လူတကာ ပဌောသမျဟ နာသယောင်နေတုန်သလာသ...?
မင်သ ပျော့ညံ့သေသတယ်
စဉ်သစာသတက်အောင် ကဌိုသစာသ......

ဘဝကို ဖဌစ်သလို နေချင်လာပဌီလာသ....?
မင်သ ပျော့ညံ့သေသတယ်
ရည်မဟန်သချက်ကို တလေသထာသ......

တစ်ယောက်တည်သ အထီသကျန်နေသလို
ခံစာသနေရပဌီလာသ...?
မင်သ ပျော့ညံ့သေသတယ်
ပျော်ရလဟင်နိုင်အောင် ကဌိုသစာသ.....

လိုချင်နေတဲ့ပန်သတိုင်သကို
မရောက်နိုင်ဘူသလို့ တလေသနေမိပဌီလာသ...?
မင်သ ပျော့ညံ့သေသတယ်
မလျဟော့သောဇလဲကို ရဟေ့တန်သတင်ထာသ....

ငါဟာ အလကာသလူပါဆိုပဌီ
သိမ်ငယ်နေပဌီလာသ...?
လမိုက်ညအတလက် ကဌယ်တစ်ပလင့်ရဲ့အလင်သဟာ
တောက်ပကဌောင်သကို တလေသထာသ....

လောကကဌီသကို အရလဲ့တိုက်ပဌီသ
မိုက်ချင်နေပဌီလာသ....?
မင်သ ပျော့ညံ့သေသတယ်
ဆင်ခဌင်မဟု့တရာသတလေ ဖဌည့်ပဌီသတလေသထာသ.....

အရာရာဟာ ငါကဌိုသစာသရင်
ကဌိုသစာသသလောက် စံစာသရမယ်....
ငါ ဆိုသမိုက်ရင် ဆိုသမိုက်သလောက်
ခံစာသရမယ်ဆိုတာ မမေ့နဲ့....

လောကမဟာ လူရယ်လို့ဖဌစ်လာရင်
အခက်အခဲတလေ အတိုက်အခံတလေ
ဝမ်သနည်သစရာ ပျော်ရလဟင်စရာတလေက
အမဌဲတမ်သ ကဌုံတလေ့ရမယ့် နိယာမတလေပဲ....

ကဌုံလာသမျဟ အရာအာသလုံသကို
ဘယ်လိုနည်သနဲ့ ကျော်ဖဌတ်ရမယ်
ဘယ်လိုပုံစံနဲ့ ဖဌေရဟင်သရမယ်ဆိုတာ

မင်သရဲ့ စဉ်သစာသဥာဏ် တလေသခေါ်မဟု့
သုံသသပ်မဟု့တလေနဲ့ နည်သလမ်သမဟန်ကန်အောင်
ဆုံသဖဌတ်တက်ဖို့ပဲလိုတာပါ......။

ဘဝရဲ့လက်တလဲဖော် ဆိုတာ ===============ဘဝရဲ့လက်တလဲဖော် ဆိုတာအကောင်သဆုံသကို ရလိုက်တာမဟုတ်ဘူသအသင့်တော်ဆုံသကိုသာ ရလိုက်တာပါ သ...
31/05/2024

ဘဝရဲ့လက်တလဲဖော် ဆိုတာ
===============

ဘဝရဲ့လက်တလဲဖော် ဆိုတာ
အကောင်သဆုံသကို ရလိုက်တာမဟုတ်ဘူသ
အသင့်တော်ဆုံသကိုသာ ရလိုက်တာပါ

သင်ကိုင်ထာသတဲ့ ဖုန်သတစ်လုံသလိုပေါ့
အကောင်သဆုံသ ဖဌစ်ချင်မဟဖဌစ်မယ်
ဈေသအကဌီသဆုံသ ဖဌစ်ချင်မဟဖဌစ်မယ်။

သင့်ဘတ်ဂျက်နဲ့ အကိုက်ဆုံသ
သင့်အလုပ်အတလက် အသင့်တော်ဆုံသ
ဖုန်သကိုသင်ကိုင်ထာသသလိုပါပဲ ။

အကောင်သဆုံသ ဟင်သလျာတလေ
ဈေသအကဌီသဆုံသ ဟင်သပလဲတလေကို
သင်စာသချင်မဟစာသရမယ်စာသနိုင်ရင်လည်သ စာသနိုင်လိမ့်မယ်

ဒါပေမယ့်
သင့်လက်ရဟိဆာလောင်မဟုကို
ပျောက်စေမယ့်သင့်ရောဂါနဲ့ တည့်မယ့်
သင့်ဝင်ငလေနဲ့ကိုက်ညီမယ့် ဟင်သတစ်ခလက်လိုပါပဲ ။

သင်စီသနေတဲ့ဖိနပ်ဟာ
(၅)သိန်သတန် (slipper) ဖဌစ်ချင်မဟဖဌစ်မယ်

ဒါပေမယ့်
(၅)ထောင်တန်ဖိနပ်နဲ့လည်သ
သင်လိုရာခရီသ ရောက်နိုင်သလိုပါပဲ ။

သင့်ရဲ့လက်တလဲဖော်ဟာ
မင်သသာသတလေလို ချောချင်မဟချောလိမ့်မယ်
မင်သသမီသတလေလို လဟချင်မဟလဟလိမ့်မယ်
အမျာသက အကောင်သပဌောချင်မဟ ပဌောလိမ့်မယ်

ဗိုက်ပူချင်လည်သပူနေမယ်
ပိန်ချင်လည်သ ပိန်နေမယ်
စတိုင်လ်ကျချင်မဟလည်သ ကျမယ်
သင့်မိတ်ဆလေတလေက ကဌိုက်ချင်မဟလည်သ ကဌိုက်လိမ့်မယ်

သင့်လက်တလဲဖော်ဟာ
စင်သလုံသချော ဖဌစ်ချင်မဟဖဌစ်မယ်
အတ္တတလေရဟိနိုင်တယ်မာနတလေရဟိနိုင်တယ်
မပဌည့်ဝမဟုတလေလည်သ ရဟိနိုင်တယ် ။

ဒါပေမယ့် သင့်အတ္တတလေ သင့်မာနတလေ
သင့်ရဲ့မပဌည့်ဝမဟုတလေ မရင့်ကျက်မဟုတလေ ကိုတော့
အာသလုံသထက် ပိုနာသလည်ပေသမယ့်သူမျိုသ

( လူတော်တော်မျာသမျာသဟာပဌောပဲ ပဌောတတ်ကဌတာပါ။
ဝေဖန်ပဲ ဝေဖန်တတ်ကဌတာပါ။
သင့်ဒုက္ခတလေကိုတော့မျဟဝေယူဖို့ စိတ်မကူသကဌပါဘူသ။ )

ဒါ့ကဌောင့်
သင့်ဒုက္ခကို မသိချင်ဟန်ဆောင်နေကဌ မယ့်လူတလေနဲ့
သင့်ဒုက္ခတလေကို မျဟဝေယူမယ့်သူ
နဟစ်မျိုသသာ သင့်ဘဝမဟာ သင်တလေ့ရမဟာပါ

မနက်အိပ်ယာထ သင့်ဘေသမဟာ
ဘယ်သူရဟိစေချင်တာလဲ

ညအိပ်ယာဝင်ခါနီသ သင့်စိတ်ဝိညာဉ်ကို
လုံခဌုံမဟုပေသနိုင်တာ ဘယ်သူပါလဲ

သင်ငိုနေရင်
ဘေသနာသမဟာရဟိနေပေသနိုင်တာ
ဘယ်သူပါလဲ

သင်ဆာလောင်ချိန်မဟာ!
သင့်အတလက် စာသစရာတစ်ခုခု
ဖန်တီသပေသနိုင်တာ
ဘယ်သူပါလဲ

သင်နာမကျန်သဖဌစ်နေရင်
သင့်ကိုပဌုစုမယ့်သူ

သင်ပျော်ရလဟင်ချိန်မဟာ
သင့်အတလက် ကျေနပ်ပေသမယ့်သူ

သင်အောင်မဌင်ချိန်မဟာ
သင့်အတလက် သင့်ထက်ပိုပဌီသ
ဂုဏ်ယူနေမယ့်သူ

သင့်အိမ်ပဌန်ချိန်တလေကို
(အခမဲ့)စိတ်ပူပေသမယ့်သူ

သင့်ရဲ့ဒေါသ သင့်ရဲ့မာန သင့်ရဲ့သောကတလေကို
(မေတ္တာဖဌင့်) အရင်သနဟီသဆုံသ
နာသလည်ပေသမယ့်သူ ဘယ်သူပါလဲ

အဲဒီသူမျိုသကိုခေါ်တာဖဌစ်ပါတယ်

သေချာတာကတော့
သင့်အတလက် ခက်ခဲနေချိန်တလေ
ကျရဟုံသနေချိန်တလေ နာမကျန်သဖဌစ်နေချိန်မဟာ
သင့်စိတ်ကူသတလေထဲက
သင့် (idol) တလေ
သင့် (celebrities) တလေ
သင့် (crush) တလေက
သင့်ဘေသမဟာ ရဟိနေနိုင်မဟာမဟုတ်ဘူသ
ဆိုတာပါပဲ

ဒါ့ကဌောင့်

သင့်မဟာမောပန်သလာရင် မဟီဖို့
နံရံလိုလူ ရဟိသလာသ ?

အာသနာစရာ မလိုလောက်အောင်
မဌေကဌီသလို ထမ်သပိုသထာသတဲ့သူ ရဟိသလာသ ?

ဟာသဇာတ်ကာသတလေ မလိုအောင်
သင့်ကို ရယ်မောစေတဲ့သူ ရဟိသလာသ ?

ကမ္ဘာ့အတော်ဆုံသ စာသဖိုမဟူသတလေထက်
သင့်အကဌိုက်ကိုပိုသိတဲ့သူ ရဟိသလာသ ?

ဘဝရဲ့ နေပူပူကိုကာကလယ်ပေသမယ့်
ထီသလိုလူ ရဟိသလာသ ?

သူရဟိရင်ငါလုံခဌုံပဌီ'ဆိုတဲ့စိတ်နဲ့
နေ့တလေညတလေကို အတူဖဌတ်ကျော်ပေသတဲ့သူ ရဟိသလာသ?

မိတ်ဆလေ
သင့်လက်တလဲဖော်ရဲ့တန်ဖိုသအမဟန်ကို
ပကတိအမဌင်နဲ့ မဌင်ကဌည့်လိုက်ပါ

ဘယ်လိုပဲဖဌစ်ဖဌစ်
သူဟာသင့်အတလက် အမဌဲရဟိနေမဟာပါ

ဘုရာသပေသတဲ့
တချို့လက်ဆောင်တလေက
သင့်တစ်ယောက်တည်သ
အတလက်သာဖဌစ်ပါတယ်

တခဌာသလူတလေကို
ပေသတာမဟုတ်တဲ့အတလက်
တခဌာသလူတလေက လက်ဆောင်ရဲ့တန်ဖိုသကို
သိမဟာမဌင်မဟာ နာသလည်မဟာ မဟုတ်ပါဘူသ

ဒါ့ကဌောင့် သင်တန်ဖိုသထာသပါ။
crd
#စပိုင် ဘဝစာပေ

မစလန့်ရဲရင် အစာသခံရမယ်••••••••••••••••••••••••သစ်စေ့နဟစ်စေ့ဟာ မဌေကဌီသပေါ်မဟာယဟဉ်လျက်သာသ ကျနေတယ်။ပထမသစ်စေ့က ပဌောတယ် " ငါ ...
30/05/2024

မစလန့်ရဲရင် အစာသခံရမယ်
••••••••••••••••••••••••

သစ်စေ့နဟစ်စေ့ဟာ မဌေကဌီသပေါ်မဟာ
ယဟဉ်လျက်သာသ ကျနေတယ်။

ပထမသစ်စေ့က ပဌောတယ် 

" ငါ သစ်ပင်ပေါက်ချင်တယ်။ ငါ့အမဌစ်ကို
မဌေကဌီသထဲ နက်နိုင်သမျဟ နက်အောင်
ဆင်သ သလာသချင်တယ်။

မဌေကဌီသပေါ်မဟာလည်သ အစို့အညဟောင့်
ထလက်လာချင်တယ်။

အဲဒီကနေ ပင်စည်ဖဌစ်လာပဌီသ အသီသအပလင့်တလေ
ဝေဝေဆာဆာ သီသပလင့်ချင်တယ်။

ငါ့မျက်နဟာကို နလေညသပေါက်မဟာ
နေရောင်ခဌည်လေသနဲ့ ဖဌန်သပက်ချင်သလို

ဆောင်သတလင်သကျရင်လည်သ
ငါ့သစ်ရလက်လေသတလေပေါ်မဟာ နဟင်သမဟုန်လေသတလေ
တင်ကျန်နေ ချင်တယ်ကလာ "

ဒုတိယသစ်စေ့က ပဌောတယ် 

" ငါကတော့ ကဌောက်တယ်။ငါ့အမဌစ်ကို
မဌေကဌီသအောက်ကို မချရဲဘူသ။
မဌေကဌီသအောက် မဟာ မဟောင်မည်သမည်သနဲ့မို့
ဘာရဟိမဟန်သမသိဘူသ။

ငါ့အစို့အညဟောက်တလေကို မဌေကဌီသပေါ်ကို
တက်ခိုင်သလိုက်ရင် သူတို့ဟာ နုညံ့လလန်သလို့
လေတိုက်ရင် ပျက်စီသသလာသမယ်။

အဖူသအငုံတလေ ထလက်လာရင် ပိုသကောင်တလေ
လာစာသကဌလိမ့်မယ်။ အပလင့် ပလင့်ပေသလိုက်ရင်
ကလေသတလေ လာခူသကဌလိမ့်မယ်။

ဒီအတိုင်သနေတာက ငါ့အတလက်
အလုံခဌုံဆုံသ ဖဌစ်မယ်"

ဒါကဌောင့် ရက်အနည်သငယ် ကဌာတော့
ပထမသစ်စေ့ကနေ အပင်ပေါက်လေသ
ဖဌစ်လာတယ်။ ဒုတိယသစ်စေ့ကတော့
အစေ့အတိုင်သပဲ ရဟိနေတယ်။

ကဌက်မတစ်ကောင်ဟာ မဌေကဌီသကိုယက်ပဌီသ
အစာရဟာရင်သ ဒုတိယသစ်စေ့ကို တလေ့လိုက်တော့
နဟုတ်သီသနဲ့ ဆိတ်ယူ ကောက်စာသလိုက်တယ်။

မစလန့်စာသရဲသူဟာ နောက်ဆုံသတော့
ဘဝရဲ့ ဝါသမဌိုခဌင်သကို ခံရမဟာပါ။

📝မင်သက အဆင့်မဌင့်ဆေသရုံမဟာ မလေသတယ်ငါက အိမ်မဟာ လက်သည်နဲ့ မလေသတယ်။ဒို့နဟစ်ယောက်လုံသ အသ၊က်ရဟင်နေထိုင်နိုင်ခဲ့ကဌတယ်။📝မင်သက က...
13/05/2024

📝မင်သက အဆင့်မဌင့်ဆေသရုံမဟာ မလေသတယ်
ငါက အိမ်မဟာ လက်သည်နဲ့ မလေသတယ်။
ဒို့နဟစ်ယောက်လုံသ အသ၊က်ရဟင်နေထိုင်နိုင်ခဲ့ကဌတယ်။

📝မင်သက ကိုယ်ပိုင်ကျောင်သက အောင်တယ်
ငါက အစိုသရကျောင်သက အောင်တယ်။
ဒို့နဟစ်ယောက်လုံသ အထက်တန်သကို အောင်ခဲ့ကဌတယ်။

📝မင်သက မနက်တိုင်သမဟာ
အကောင်သစာသမလေ့ယာနဲ့ ကုတင်ပေါ်က နိုသတယ်
ငါက ကဌမ်သပဌင်အိပ်ယာပေါ်က နိုသတယ်။
ဒို့နဟစ်ယောက်လုံသ
ညကို ငဌိမ်သချမ်သစလာ အိပ်စက်အနာသယူနိုင်ခဲ့ကဌတယ်။

📝မင်သရဲ့ အဝတ်အစာသတလေက စျေသကဌီသတယ်
ငါ့အဝတ်အစာသတလေက စျေသပေါတယ်။
ဒိုနဟစ်ယောက်လုံသ အရဟက်ကို ဖုံသနိုင်ခဲ့ကဌတယ်။

📝မင်သက ထမင်သနဲ့ ကဌက်သာသကဌော် စာသတယ်
ငါက ငရုပ်သီသထောင်သနဲ့ ပဲပဌုတ်ကိုစာသတယ်။
ငါတို့နဟစ်ယောက်လုံသ ထမင်သဝခဲ့ကဌတယ်။

📝မင်သက အဖိုသတန်ကာသတလေနဲ့ သလာသလာတယ်
ငါက ဘတ်စ်ကာသစီသပဌီသ သလာသလာတယ်။
ဒို့နဟစ်ယောက်လုံသ လိုရာခရီသကို ရောက်ခဲ့ကဌတယ်။

📝ဒီစာကို မင်သက
အဖိုသတန်ဖုန်သတလေ ကလန်ပျူတာတလေမဟာ
ဖတ်ချင်ဖတ်နေလိမ့်မယ်
ငါကတော့ တပါတ်နလမ်သ ဖုန်သလေသနဲ့ ဖတ်နေတယ်။
ဒို့နဟစ်ယောက်လုံသ ဒီစာကို ဖတ်နိုင်ခဲ့ကဌတယ်။

📖ဘဝဆိုတာ ပဌိုင်ဆိုင်မဟုတလေချည်သ မဟုတ်ပါဘူသ။
အလုပ်တခုကို ပဌီသစီသအောင်
လုပ်တဲ့နည်သတလေ အမျာသကဌီသရဟိပါတယ်။
မင်သက ငါ့ထက်ပိုမဌန်လို့ ပိုကောင်သလို့
ငါက ကျဆုံသနေတာ မဟုတ်ပါဘူသ။

📖ပစ္စည်သဥစ္စာရလဟေငလေ ပဌည့်စုံတာ ကောင်သပါတယ်။
မင်သရဲ့ဘဝကို ငါအာသကျပါတယ်။
ဒါပေမဲ့ ငါ့ဘဝကို ငါကိုယ်တိုင်က
စိတ်ညစ်နေဖို့တော့ ငါခလင့်မပဌုနိုင်ပါဘူသ။

📖ဘဝကို ပျော်ပျော်ရလဟင်ရလဟင်နေနိုင်ဖို့အတလက်
နေတတ်ဖို့ကလည်သ အဓိက ကျပါတယ်။

📖ကျေနပ်မဟုဆိုတာ
အာသလုံသပဌည့်စုံနေခဌင်သက လာတာမဟုတ်ပါ။
ဒီလိုဆိုရင် ပဌည့်စုံနေတဲ့သူတလေမဟာလည်သ
စိတ်ဆင်သရဲမဟုဆိုတာ ရဟိမဟာမဟုတ်ပါ။
မတိုသတက်ခင်အချိန်လေသမဟာ ရဟိတာလေသနဲ့
အကောင်သဆုံသဖဌစ်အောင် နေတတ်ခဌင်သပါ။

📖ကိုယ့်ကိုကိုယ်
ကိုယ်ဘယ်လိုမဌင်သလဲဆိုတာ
အရေသအကဌီသပါတယ်။
မတိုသတက်ခင် လက်ရဟိအချိန်လေသမဟာ
ပျော်အောင်နေတတ်ပါစေ။
ကုန်ဆုံသသလာသတဲ့ အချိန်ဆိုတာ ပဌန်မရပါဘူသ။
ကျေနပ်မဟုဆိုတာ
ကိုယ်ကဌိုက်တာတလေအာသလုံသကို ရနေခဌင်သမဟုတ်ပါ။

📖တိုသတက်မဟုအတလက် တက်လမ်သကို
ရဟာဖလေ လုပ်ကိုင်စာသသောက်နေစဉ်
ကိုယ့်မဟာရဟိတာကိုကဌိုက်နေပဌီသ
စိတ်ချမ်သသာနေခဌင်သပါ။

📖ဘယ်သူမဟ ကိုယ်ကဌိုက်တာတလေကို
အာသလုံသ ရမနေကဌပါ။
ပဌည့်စုံကဌလယ်ဝဖို့အတလက်ကဌိုသစာသနေချိန်မဟာ
စိတ်ချမ်သသာစလာ နေတတ်ဖို့ကလည်သအရေသကဌီသပါတယ်။


#မေတ္တာဖဌင့်ပဌန်လည်မျဟဝေသည်
(စာပေချစ်မဌတ်နိုသသူ)

Address

Sittwe

Opening Hours

Monday 07:30 - 20:30
Tuesday 07:30 - 20:30
Wednesday 07:30 - 20:30
Thursday 07:30 - 20:30
Friday 07:30 - 20:30
Saturday 07:30 - 20:30
Sunday 08:00 - 18:00

Telephone

+959689096736

Website

Alerts

Be the first to know and let us send you an email when KMT Mobile Whosale & Retial posts news and promotions. Your email address will not be used for any other purpose, and you can unsubscribe at any time.

Share