MM Digital Solutions

15/09/2022

“Live engagement” is the best engagement you can have with your cusotmers in the internet world. No argument there.

And then, the question we usually have is “can I have Live Engagement with my users in my own product ?”
The answer is YES.

Facebook is not the only platform that you have to use for Live Engagement. And you don’t need to adondom it either. The best solution is to have Live Engagement both with your product’s users and your broader audience on Facebook at the same time.

Another exciting internal demo going on!!
🤩🤩

08/09/2022

The companies in Myanmar are facing one critical issue after another in these days. Especially, the MMK rate has dropped all time low. And yet, we continue to build exciting stuffs for Myanmar people by Myanmar people.

24/08/2022

ကိုယ်တိုင်က Digital Learning ဘက်ကို ပြောင်းဖြစ်မှာလားလို့ မေးရမဲ့ အချိန်မဟုတ်တော့ပါဘူး ..

"ဘယ်တော့ ပြောင်းမှာလဲ" "ဘယ်လို ပုံစံပြောင်းမှာလဲ" "ဘယ်လောက် Invest လုပ်မှာလဲ" ဆိုတာတွေကို ကိုယ့်ကိုယ်ကို ပြန်မေးရမဲ့ အချိန်ကာလကို ရောက်နေပါပြီ ..

လက်ရှိကြုံတွေ့နေရတဲ့ အခက်အခဲတွေကြောင့် စာသင်ကျောင်းတွေ ၊ သင်တန်းကျောင်းတွေ ရပ်နားထားရပေမယ့် တိုးတက်လာတဲ့ နည်းပညာရဲ့ အကူအညီကြောင့် ကျောင်းသားတွေအနေနဲ့ လေ့လာမှုတွေကို နှောင့်နှေးမသွားစေပဲ ဆက်လက်လေ့လာနိုင်နေဆဲပဲ ဖြစ်ပါတယ်။ ဒီလို စဉ်ဆက်မပျက် လေ့လာနိုင်တဲ့ အဓိက အကြောင်းအရင်းကတော့ Digital - Learning ကို အသုံးပြုပြီး သင်ကြားမှု ၊ သင်ယူမှုတွေ ပြုလုပ်လာလို့ပဲ ဖြစ်ပါတယ်… ⭐
⠀
💎 𝐃𝐢𝐠𝐢𝐭𝐚𝐥 𝐋𝐞𝐚𝐫𝐧𝐢𝐧𝐠 ဆိုတာ…⠀

ခေတ်မီနည်းပညာနဲ့ Electronic Device တွေကို အသုံးပြုပြီး သင်ယူမှု ပြုလုပ်နိုင်စေတာ ဖြစ်ပါတယ်။ဒီလို သင်ယူမှု ပြုလုပ်နိုင်ခြင်းကို Technology Enhanced Learning (TEL)၊ Digital Learning (သို့) E-Learning လို့လည်း လူသိများပါတယ်။ တစ်နည်းအားဖြင့် အမြဲတမ်း အသုံးပြုလေ့ရှိတဲ့ Computer , Mobile Phone တို့မှာ Internet ရှိနေရုံနဲ့ နေရာဒေသမရွေး အလွယ်တကူ သင်ကြားမှု ၊ သင်ယူမှုတွေ ပြုလုပ်နိုင်တာကို ဆိုလိုတာ ဖြစ်ပါတယ်။⠀
⠀

⠀
ဒီလို Digital Learning ကနေ သင်ယူလာနိုင်တာကြောင့် ကျောင်းသားတွေအတွက် ဘာသာရပ်တစ်ခုကိုလေ့လာနိုင်ဖို့ သီးသန့် အချိန် ၊ သွားလာရတဲ့နေရာ ၊ သင်ယူမှုလမ်းကြောင်း စတာတွေကိုပါ ကိုယ်တိုင် Control လုပ်ပြီး သင်ယူလာနိုင်စေပါတယ်။ ဒီအချက်တွေ အပြင် Digital Learning ကနေ သင်ယူလာနိုင်ခြင်းကြောင့် ရရှိနိုင်တဲ့ အခြားသော အကျိုးကျေးဇူးများစွာကိုပါ ဖော်ပြပေးလိုက်ပါတယ်။ ⬇️⬇️⬇️
⠀
💠 𝐈𝐧𝐝𝐢𝐯𝐢𝐝𝐮𝐚𝐥𝐢𝐳𝐞𝐝 𝐋𝐞𝐚𝐫𝐧𝐢𝐧𝐠 𝐄𝐱𝐩𝐞𝐫𝐢𝐞𝐧𝐜𝐞:⠀

စာသင်ခန်းတွေမှာ သင်ယူတဲ့အခါ ကြုံတွေ့ရလေ့ ရှိတဲ့ အဓိက အားနည်းချက်က လူအများနဲ့သင်ယူရတဲ့အတွက် ကိုယ်တိုင်လိုက်မမှီတဲ့ သင်ခန်းစာတွေကို နားလည်သည်အထိ မသင်ယူနိုင်ပဲ ပြီးဆုံးသွားတာပါ။ ကိုယ်တိုင် နားမလည်တော့တာကြောင့် ဒီသင်ခန်းစာမှာ စိတ်ဝင်စားမှု အားနည်းလာတာ ၊ မသင်ချင်တော့တာ မျိုးတွေ ရှိလာတက်ကြပါတယ်။ Digital - Learning မှာဆိုရင်တော့ ကျောင်းသားအနေနဲ့ရော ၊ ဆရာဆရာမတွေအနေနဲ့ပါ ကျောင်းသားတစ်ယောက်ချင်းစီရဲ့ တက်မြောက်မှု ၊ သင်ယူနိုင်မှုတွေကို သိလာစေပါတယ်။ ဒါ့အပြင် ကျောင်းသားတစ်ယောက်ချင်းစီရဲ့ စွမ်းဆောင်ရည်ပေါ်မူတည်ပြီး လေ့လာမှု ပုံစံတွေကို ပြောင်းလဲ သင်ကြားနိုင်စေမှာ ဖြစ်ပါတယ်။⠀
⠀

💠 𝐔𝐧𝐥𝐢𝐦𝐢𝐭𝐞𝐝 𝐈𝐧𝐟𝐨𝐫𝐦𝐚𝐭𝐢𝐨𝐧: ⠀

စာသင်ခန်းထဲက သင်ကြားမှုမဟုတ်တဲ့အတွက် ဆရာပြောသလောက် အချက်အလက်ကိုသာ သိနိုင်တာ မဟုတ်ဘဲ ကိုယ်တိုင် လေ့လာစူးစမ်းနိုင်လာမှာ ဖြစ်ပါတယ်။ ဆရာအနေနဲ့ကလည်း အသေးစိတ်တစ်ခုချင်း ရှင်းပြစရာမလိုတော့ဘဲ ကျောင်းသားတွေကို လေ့လာနိုင်မယ့် Website ၊ ဘယ်လိုပုံစံ လေ့လာမှတ်သားနိုင်မယ်ဆိုတာကို Guide လုပ်ပေးရုံသာလိုအပ်လာပါတယ် ။ ကျောင်းသားတွေအတွက်လည်း ကိုယ်လိုချင်တာ ၊ သိချင်တာ စတဲ့ အချက်အလက်မှန်သမျှကို အကန့်အသတ်မရှိ ရှာဖွေလေ့လာနိုင်မှာပဲ ဖြစ်ပါတယ်။⠀
⠀
⠀
💠 𝐒𝐦𝐚𝐫𝐭 𝐂𝐥𝐚𝐬𝐬𝐫𝐨𝐨𝐦𝐬:⠀

မြေဖြူခဲနဲ့ သင်ကြားခြင်းက လက်ရှိအချိန်နဲ့ ယှဉ်လိုက်ရင် ယခင်ကအရာတစ်ခု ဖြစ်နေပြီဖြစ်ပြီး သင်ယူမှုပြုလုပ်ရတာ ဆန်းသစ်ပြီး ပျော်စရာကောင်းတယ်ဆိုတာ ကျောင်းသားတွေ နားလည်စေဖို့အတွက် Digital စနစ်များကို ပိုမိုအသုံးပြုလာကြတာကို တွေ့မြင်နိုင့်ပါတယ်။ လက်ရှိစာသင်ခန်း တချို့မှာဆိုရင်လည်း Projector ၊ Laptop စတာတွေကို အသုံးပြုသင်ကြားလာနေကြပါပြီ။ စာသင်ခန်းစာတွေမှာ ဒီလို Digital နည်းပညာ အကူအညီနဲ့ပါ ယှဉ်တွဲသင်ယူလာနိုင်တာကြောင့် ကျောင်းသားတွေ သင်ခန်းစာပေါ်မှာ အာရုံစူးစိုက်မှု နည်းပါးလာတာတွေ ကိုပါ လျော့နည်းလာစေပြီး Smart Classroom တစ်ခု ဖြစ်လာစေမှာ အမှန်ပါပဲ။⠀
⠀
⠀
💠 𝐃𝐢𝐠𝐢𝐭𝐚𝐥𝐥𝐲 𝐔𝐩𝐝𝐚𝐭𝐞𝐝:⠀

အမြဲတိုးတက်ပြောင်းလဲနေတဲ့ Digital ခေတ်မှာ သင်ယူနေတဲ့ သင်ခန်းစာတွေက အမြဲ Out of Date ဖြစ်သွားတက်ပါတယ်။ ယခုအခါမှာ Digital-Learning နဲ့ ပြောင်းလဲ သင်ယူနိုင်ခြင်းကြောင့် အမြဲ Up to Date ဖြစ်နေတဲ့ အကြောင်းအရာတွေ ကို စဉ်ဆက်မပျက်လေ့လာနိုင်အောင် စီစဉ်ဆောင်ရွက်ပေးလာနိုင်တာပဲ ဖြစ်ပါတယ်။ ကျောင်းသားတွေအနေနဲ့လည်း Up to Date ဖြစ်နေတဲ့အကြောင်းအရာတွေကို အချိန်နဲ့တပြေးညီ သင်ယူလာနိုင်တဲ့အပြင် တိုးတက်လာတဲ့ နည်းပညာနဲ့လည်း စိမ်းနေမှာ မဟုတ်တော့ပါဘူး။ ⠀
⠀
⠀
💠 𝐄𝐚𝐬𝐞 𝐨𝐟 𝐒𝐡𝐚𝐫𝐢𝐧𝐠:⠀

လက်ရှိသင်ယူနေတဲ့ Learning ပုံစံတွေမှာ ထုတ်ဝေထားတဲ့ ပြဋ္ဌာန်းစာအုပ် ၊ ဆရာရဲ့ လက်ရေးမှတ်စုနဲ့ သင်ကြားတဲ့ စာအုပ်များထဲက အကြောင်းအရာတွေကိုသာ မှီခိုပြီး သင်ယူနေကြရတာကြောင့် ဒီစာအုပ်တွေပျက်စီးမသွားဖို့ ၊ ပျောက်ပျက်မသွားဖို့ ဂရုစိုက်နေကြရတာပဲ ဖြစ်ပါတယ် ။ Digital Learning မှာ ဆိုရင်တော့ သင်ခန်းစာ အချက်အလက်တွေကို ကိုယ်သင်ယူနေတဲ့ Learning Platform မှာ ၊ ကိုယ်ရဲ့ Mobile Phone (သို့) Laptop မှာ သိမ်းဆည်းထားနိုင်တာကြောင့် ပျောက်ပျက်မှာ စိုးရိမ်ဖို့မလိုအပ်တော့သလို ၊ သင်ယူနေတဲ့ သင်ခန်းစာအကြောင်းကိုပါ Click တချက်နှိပ်ရုံနဲ့ လိုအပ်သလို တစ်ယောက်နဲ့ တစ်ယောက် Sharing ပြုလုပ်ပြီးပါ သင်ကြားလာနိုင်စေပါတယ်။⠀
⠀
⠀
💠 𝐀𝐜𝐜𝐨𝐮𝐧𝐭𝐚𝐛𝐢𝐥𝐢𝐭𝐲 𝐢𝐧 𝐒𝐭𝐮𝐝𝐞𝐧𝐭𝐬:

ကျောင်းသားတစ်ယောက်ချင်းစီရဲ့ သင်ယူတိုးတက်မှုကို အကဲဖြတ်တဲ့ နေရာမှာ Digital စနစ်ကို အသုံးပြုလာတာကြောင့် ဘက်လိုက်မှု မရှိဘဲ ပွင့်လင်းမြင်သာပြီး မှန်ကန်တဲ့ အကဲဖြတ်မှတ်တမ်းတွေ ရရှိလာစေပါတယ်။ ဒါ့အပြင် ကျောင်းသားတွေအနေနဲ့ ကိုယ်ရဲ့ စွမ်းဆောင်ရည်ကို ကိုယ်တိုင် ပိုင်းခြားစိတ်ဖြာနိုင်ပြီး လိုအပ်တဲ့ ဖြေရှင်းချက်တွေကိုပါ သိရှိနိုင်စေနိုင်တာကြောင့် Digital Learning ရဲ့ အဓိကအားသာချက်လို့ပြောရင်လည်း မမှားပါဘူး။⠀

⠀
Digi-Learn Service Package ကို အသေးစိတ် သိရှိနိုင်ဖို့ https://digi-learn.com.mm/ မှာလည်း ဝင်ရောက်လေ့လာနိုင်ပါတယ်။⠀

18/08/2022

Running an internal demo for the exciting project we successfully wrapped up. 🤩🤩

16/08/2022

⭐ မူကြိုကျောင်းတွေ နေ့စဥ်လည်ပတ်ရာမှာ
တွင်ကျယ်စွာအသုံးပြုလာတဲ့
Pre-School Management System ⭐

2000ပြည့်နှစ် နောက်ပိုင်းကနေစပြီး လုပ်ငန်းတွေလည်ပတ်တဲ့အခါမှာ Information Systemတွေကို တွင်ကျယ်စွာ အသုံးပြုလာကြပါတယ်။ ဒီလိုအသုံးပြုလာတဲ့ Information Systemတွေထဲမှာမှ ကျောင်းတစ်ကျောင်းရဲ့ စီမံခန့်ခွဲမှု အပိုင်းမှာ အထောက်အကူဖြစ်စေမယ့် Pre-School Management System တွေကို မူကြိုကျောင်းတွေမှာ အသုံးပြုလာကြပြီဖြစ်ပါတယ်။

Pre-School Management System မှာဆိုရင်
☑️Online ကနေ Form ဖြည့်ပြီးကျောင်းအပ်လို့ရနိုင်တာ
☑️မိဘတွေရဲ့ ဖုန်းထဲမှာ App တစ်ခုသွင်းထားရုံနဲ့ရုံနဲ့ ကိုယ့်ကလေးကို ထည့်ပေးလိုက်တဲ့ Ferry ကား ဘယ်နားရောက်နေပြီလဲဆိုတာကို အလွယ်တကူကြည့်လို့ရနိုင်တာ
☑️မိဘတွေအနေနဲ့ ကလေးရဲ့နေ့စဥ် Activities တွေ၊ Achievementတွေ၊ Menu တွေနဲ့ Health Screen ကို App ကနေ အချိန်မရွေးကြည့်လို့ရနိုင်တာ
☑️RFID နည်းပညာကို အသုံးပြုပြီး Roll Call ကောက်ယူနိုင်တာ
☑️ဆရာ၊ဆရာမတွေအနေနဲ့ ကလေးတွေရဲ့ Weekly Achievements တွေ၊ Activitiesတွေနဲ့ Records တွေကို မိဘတွေ ဆီပို့ပေးနိုင်တာ
☑️ကျောင်းမှာရှိတဲ့ဝန်ထမ်းတွေရဲ့ Payroll တွက်ပြီး လစာပေးနိုင်တာ
☑️ဝန်ထမ်းတစ်ယောက်ချင်းစီရဲ့ကိုယ်ရေးအချက်အလက်တွေကို စနစ်တကျနဲ့ တစ်နေရာတည်းမှာ သိမ်းဆည်းနိုင်တာ၊ အချိန်မရွေးကြည့်လို့ ရနိုင်တာ စတာတွေအားလုံးကို လုပ်ဆောင်ပေးနိုင်ပါတယ်။

Pre-School Management System ရဲ့ ဒီလိုလုပ်ဆောင်ချက်တွေကြောင့်ပဲ ပုံမှန် လူလေးငါးယောက်နဲ့ လုပ်ရမယ့်အလုပ်တွေကို လူတစ်ယောက် နဲ့ Computer တစ်လုံးရှိနေရုံနဲ့ လုပ်ဆောင်လာနိုင်ပါတယ်။ Computerized System ဖြစ်တဲ့ အတွက် ပုံမှန်ပေးရတဲ့ အချိန်ထက် အချိန်ကုန် လူပင်ပန်းသက်သာပြီး တိကျမှန်ကန်စွာ လုပ်ဆောင်လာနိုင်မှာပဲ ဖြစ်ပါတယ်။

ဒါဆိုရင်တော့ မူကြိုကျောင်းတွေမှာ လက်ရှိအသုံးများနေတဲ့ Pre-School Management System (၂) ခုဖြစ်တဲ့ GoSchooler နဲ့ Bright Wheels အကြောင်းကို ပြောပြပေးသွားပါမယ်။
⬇️ ⬇️ ⬇️

💠 1.GoSchooler
မိဘတွေအနေနဲ့ ကိုယ့်ကလေးကို ကျောင်းအပ်ဖို့အတွက် ပုံမှန်ကျောင်းတစ်ကျောင်းမှာလို ကျောင်းကိုသွားပြီး ကျောင်းအပ်ရမယ့် Form တွေကို တန်းစီစောင့်စရာ မလိုတော့ပါဘူး။ GoSchooler မှာ Online ကနေပဲ ကိုယ်အဆင်ပြေတဲ့ချိန်မှာ Form ဖြည့်ပြီး အပ်လိုက်ရုံပါပဲ။ဆရာတွေအနေနဲ့လည်း အရင်လို စာရွက်အများကြီးကို လိုက်ကြည့်နေစရာမလိုတော့ဘဲ အချိန်ကုန် လူပင်ပန်း သက်သာစွာနဲ့ ကျောင်းအပ် လက်ခံလာနိုင်ပါတယ်။ ဒါ့အပြင် ကျောင်းသားတစ်ယောက်ချင်းစီရဲ့ ကျောင်းအပ်တဲ့အချိန် ၊ ကျောင်းသားတွေရဲ့အချက်အလက်တွေကို စာရွက်နဲ့ မှတ်ထားစရာမလိုဘဲ ဒီ Platform ပေါ်မှာပဲ တစ်စုတစ်စည်းတည်း ကြည့်ရှုနိုင်မှာ ဖြစ်ပါတယ်။

ကျောင်းလခကောက်ခံရာမှာလည်း လကုန်ခါနီးတိုင်းမှာ မိဘတွေဆီကို Warning Message တွေ ပေးပို့ပေးပါတယ်။ အဲ့လိုပေးပို့တဲ့အတွက် မိဘတွေအနေနဲ့ သတိတရ အချိန်မှန်ပေးနိုင်သလို ကျောင်းအတွက်ဆိုရင်လည်း မိဘလာမှတောင်းရတာမျိုးတွေကို ပြုလုပ်စရာမလိုတော့မှာပဲ
ဖြစ်ပါတယ်။ ကျောင်းလခကိုလည်း Online ကနေပေးချေလို့ရတဲ့အတွက် အလုပ်မအားလို့ ကျောင်းမလာနိုင်တဲ့မိဘတွေ၊ ကျောင်းသားနဲ့ပေးလိုက်ရမှာ စိတ်မချတဲ့ မိဘတွေအတွက် ပိုမိုအဆင်ပြေစေပါတယ်။

ဒါ့အပြင် RFID (Radio Frequency Identification) နည်းစနစ်ကို အသုံးပြုပြီး Roll Call ကောက်ယူတာကြောင့် ဆရာတွေအနေနဲ့ စာအုပ်ထဲမှာ ရေးမှတ်နေရတာတွေ၊ တစ်ယောက်ချင်း နာမည်ခေါ်နေရတာတွေ လုပ်စရာမလိုအပ်တော့တဲ့အတွက် အချိန်ကုန်လူပင်ပန်း သက်သာစေပါတယ်။ သင်ကြားရေးပိုင်းမှာဆိုရင်လည်း အွန်လိုင်းစာကြည့်တိုက်ထားရှိပေးတာ အပြင် Live classes တွေပါ စီစဉ်ပေးထားပါတယ်။ အခုလို စာကြည့်တိုက်တွေ ၊ Live Session တွေရှိတာကြောင့် ကျောင်းမလာနိုင်တဲ့ သူတွေအတွက် ကျောင်းသင်ခန်းစာများကို လွတ်သွားတာမျိုး၊ မသိလိုက်တာမျိုးတွေ မရှိတော့ဘဲ အချိန်နဲ့တစ်ပြေးညီ သင်ယူနိုင်နေမှာပဲ ဖြစ်ပါတယ်။

အဓိကအချက်ကတော့ မိဘတွေဆီ Message ပို့ပြီး ကျောင်းသားတွေကျောင်းကို ရောက်မရောက် အကြောင်းကြားပေးနိုင်တာပဲ ဖြစ်ပါတယ်။ ဒီလိုလုပ်ဆောင်ပေးတာကြောင့် မိဘတွေအနေနဲ့ ကိုယ့်သားသမီးကျောင်းကို ရောက်မရောက်၊ လမ်းမှာဘေးအန္တရာယ်ကင်းရဲ့လား စိတ်ပူနေရတာမျိုးတွေကို ဖြေလျော့ပေးနိုင်ပါတယ်။ ကျောင်းမှာ အရေးကြီးတဲ့ပွဲတွေရှိရင်လည်း မိဘတွေဆီကို အချိန်နဲ့တပြေးညီ သတင်းပို့တာတွေကို လုပ်ဆောင်ပေးပါတယ်။ ဆရာဆရာမတွေအနေနဲ့လည်း မိဘတစ်ယောက်ချင်းစီကို ဖုန်းလိုက်ဆက်ပြီးပြောဖို့မလိုတော့သလို မိဘတွေအနေနဲ့လည်း ကိုယ့်သားသမီးက မပြောပြခဲ့ရင်တောင် အလွယ်တကူသိရှိနိုင်ပါတယ်။ ဒါ့အပြင် ကျောင်းရဲ့ နေ့စဉ် Activities တွေကို Post တင်ပေးနိုင်ပါတယ်။ အဲ့လိုလုပ်ပေးတာကြောင့် ကျောင်းကို ကိုယ်တိုင်သွားရောက်ဖို့ အလုပ်များကြပြီး ကလေးရဲ့နေ့စဥ် Activities တွေကိုလည်း သိချင်မြင်ချင်ကြတဲ့ မိဘတွေဆိုရင် ဒီနည်းစနစ်လေးက အထောက်အကူ ရစေမှာအမှန်ပါပဲ။

💠 2.Brightwheel

US အခြေစိုက် Brightwheel မှာဆိုရင်တော့ ဆရာ၊ ဆရာမတွေအနေနဲ့ ကျောင်းသားတွေရဲ့ စာသင်နေတဲ့ပုံတွေ ၊ ကစားနေတဲ့ပုံတွေ နဲ့ နေ့လည်စာ စားသောက်နေပုံတွေကို ဓာတ်ပုံ၊ Videos တွေရိုက်ထားပြီး မိဘတွေဆီ ပို့ပေးလို့ရပါတယ်။ ဒီလိုပို့ပေးတဲ့အတွက် မိဘတွေအနေနဲ့ ကိုယ့်သားသမီးတွေရဲ့ တစ်နေ့တာကို ဖုန်းဖွင့်ကြည့်ရုံနဲ့ ကျောင်းထိသွားစရာမလိုဘဲ လွယ်ကူလျင်မြန်စွာနဲ့ သိရှိနိုင်ပါတယ်။

ကျောင်းလခသွင်းရာမှာလည်း ကိုယ့်ကလေးရဲ့ ကျောင်းတက်ချိန်ပေါ် မူတည်ပြီး Onlineကနေ ပေးသွင်းနိုင်ပါတယ်။ ကျောင်းတက်ချိန်အလိုက် ကျောင်းလခပေးနိုင်တာကြောင့် ကျောင်းမသွားဖြစ်တဲ့ရက်တွေအတွက် ကျောင်းလပေးစရာမလိုတော့ဘဲ ချွေတာလို့ရမှာပဲ ဖြစ်ပါတယ်။

ဆရာမတွေအနေနဲ့ ကလေးတွေကို Roll Call ကောက်ယူရာမှာ အရင်လို တစ်ယောက်ချင်းစီရဲ့ နာမည်တွေ ခေါ်ဖို့မလိုတော့ဘဲ ဖုန်းထဲက App ကိုဖွင့်ပြီး Check In ဆိုတဲ့ Button ကို နှိပ်လိုက်ရုံပါပဲ။ နှိပ်ပြီးသွားရင် ကိုယ့်ရဲ့လက်မှတ်ကို Screen ပေါ်မှာ Sign လုပ်လိုက်ရုံနဲ့ လွယ်လွယ်ကူကူ Roll Call ကောက်ယူနိုင်ပါတယ်။ ဒါကြောင့် ဆရာဆရာမတွေအနေနဲ့ Roll call ကောက်ဖို့ စာရွက်စာတမ်းတွေ အများကြီးပြင်ဆင်နေရတာ၊ ပြင်ဆင်ပြီးသားစာရွက်စာတမ်းတွေကို အတန်းထဲကို တကူးတကသယ်နေရတာတွေ လုပ်စရာမလိုအပ်တော့ပါဘူး။

Bright Wheel ရဲ့ လွယ်ကူ မြန်ဆန်တဲ့ ဒီနည်းစနစ်ကတော့ ကျောင်းသားတွေအတွက်တင်မဟုတ်ဘဲ ကျောင်းမှာရှိတဲ့ Staff တွေရဲ့ Attendance ကောက်ယူမှုအတွက်ပါ အသုံးပြုနိုင်ပါတယ်။ Staff တစ်ယောက်ချင်းစီရဲ့ Attendance ကိုအတိအကျ သိနိုင်တာကြောင့် Payroll တွက်ဖို့အတွက် Attendance File တွေ ၊ ဘယ်သူက ဘယ်နေ့က Leave ထားလဲဆိုတာတွေကို စာရွက်တွေ လှန်လော ရှာစရာ မလိုအပ်တော့ပါဘူး။

ဒါ့အပြင် ကျောင်းသားတွေရဲ့ ကျန်းမာရေးမှတ်တမ်းကို နေ့စဥ်အပူချိန်တိုင်းတာပြီး သိမ်းဆည်းထားနိုင်ပါတယ်။ သိမ်းဆည်းထားတဲ့ ကျန်းမာရေးမှတ်တမ်းတွေကိုလည်း မိဘတွေဆီ နေ့စဥ်သတင်းပို့ပေးတာကြောင့် ကိုယ့်သားသမီးရဲ့ နေ့စဥ်ကျန်းမာရေးကို ကျောင်းကပို့ပေးတဲ့ အချက်အလက်တွေကတစ်ဆင့် သိရှိနိုင်ပါတယ်။

နောက်ထပ်ပိုကောင်းတာတစ်ခုကတော့ ကျောင်းသားတွေရဲ့ တစ်နေ့တာ အစားအသောက် Menu ကို မိဘတွေဆီကို အချိန်နဲ့တပြေးညီ ပို့ပေးခြင်းပဲဖြစ်ပါတယ်။ အဲ့လိုပို့ပေးတဲ့အတွက် မိဘတွေအနေနဲ့ ကိုယ့်သားသမီးတစ်နေ့တာမှာ စားလာတဲ့အစားအသောက်တွေကို သိရှိနိုင်ပြီး Menu ထဲမှာ မတည့်တဲ့ အစားအစာပါလာခဲ့ရင်လည်း ဆရာ၊ ဆရာမတွေကို ချက်ချင်းပြောလို့ရမှာပဲ ဖြစ်ပါတယ်။ ဒီလိုလုပ်လို့ရခြင်းအားဖြင့် ကလေးတွေ ကျောင်းမှာ မတည့်တဲ့အစားအစာတွေ စားလာခဲ့လို့ နေမကောင်းဖြစ်ရတာတွေကိုလည်း လျော့နည်းသွားစေနိုင်ပါတယ်။

ကျောင်းရဲ့ရုံးပိုင်းဆိုင်ရာမှာဆိုရင် ကျောင်းသားတွေရဲ့ ကျောင်းအပ်နှံမှု file တွေ၊ ကျောင်းဝန်ထမ်းတွေရဲ့ လစာနဲ့ပတ်သက်တဲ့ file တွေ၊ Payroll တွက်ဖို့အတွက် Attendanceတွေ Leave တွေအတွက် System က တွက်ချက်ထားတဲ့ Fileတွေကို Online Recordsနဲ့ သိမ်းထားပေးပါတယ်။ အဲ့လိုသိမ်းထားပေးတဲ့တာကြောင့် အပြင်မှာ စာရွက်စာတမ်းထားစရာ နေရာသပ်သပ်မလိုတော့ဘဲ အရေးကြီးတာတစ်ခုခုကို သိချင်တဲ့အခါ ၊ လိုအပ်လာတဲ့အခါ အချိန်မရွေးနေရာမရွေး အလွယ်တကူ စက္ကန့်ပိုင်းအတွင်း ရှာဖွေလို့ရနိုင်ပါတယ်။ ဒါ့အပြင် စာရွက်စာတမ်းတွေပျောက်တာတွေ ရေစိုစုတ်ပြဲသွားတာတွေနဲ့ သဘာဝဘေးအန္တရာယ်ကြောင့် ပျက်စီးဆုံးရှုံးသွားမှာတွေကိုလည်း ပူစရာမလိုတော့ပါဘူး။ စာရင်းဇယားတွေအတွက် ကုန်ကျရတဲ့ စာရွက်စာတမ်းဖိုးကိုလည်း တစ်ဖက်တစ်လမ်းကနေ လျော့ချပြီးသား ဖြစ်သွားပါတယ်။

ကျောင်းရဲ့ဝန်ထမ်းအချင်းချင်းလည်း Brightwheel ရဲ့ Staff Messaging ကိုအသုံးပြုပြီးအပြန်အလှန် စကားပြောနိုင်ပါတယ်။ အဲ့လိုပြောဆိုခြင်းအားဖြင့် Staff တွေ တစ်ဦးနဲ့တစ်ဦးကြားမှာ Communication ပိုမိုကောင်းမွန်လာပြီး ပိုကောင်းတဲ့ Community တစ်ခုကိုတည်ဆောက်နိုင်စေမှာပဲ ဖြစ်ပါတယ်။

ဒါကိုကြည့်ခြင်းအားဖြင့် Pre-School Management System တွေဟာ မူကြိုကျောင်းတွေရဲ့ Daily Lifeမှာ အထောက်အကူအများကြီးပေးနိုင်တယ်ဆိုတာကို တွေ့နိုင်ပါတယ်။ ဒါကြောင့်မလို့ မူကြိုကျောင်းတွေအနေနဲ့ ကိုယ့်ကျောင်းရဲ့ Management ပိုင်းကို ပိုမိုကောင်းမွန်စေပြီး ၊ Smartဖြစ်တဲ့ ကျောင်းတစ်ကျောင်း ဖြစ်စေဖို့အတွက် Pre-School Management System ကို အသုံးပြုဖို့ အကြံပြုလိုက်ပါတယ်။

17/06/2022

အစ်ကိုတို့ MM Digital Solutions Team မှာ Dev-Support & Quality Assurance Position နဲ့ Junior Level ၃ ယောက်လောက်ကို Hire ပြုလုပ်သွားဖို့ ရှိပါတယ် ။

အဓိက Main Responsibility တွေက
- Digital Product တစ်ခုရဲ့ End-to-End Testing အပိုင်း User-Acceptance-Testing အပိုင်းတွေကို စိတ်ရှည်လက်ရှည် လုပ်ကိုင်နိုင်ဖို့ လိုပါတယ် ။
- Content Writing အပိုင်း ၊ Presentation Preparation အပိုင်းတွေနဲ့ ပတ်သတ်ပြီး Coach လုပ်ပေးတဲ့ ပုံစံအတိုင်း ကြိုးကြိုးစားစား လေ့လာ လုပ်ကိုင်နိုင်ဖို့ လိုပါမ​ယ် ။
- Client Touch Point မှာ ဝင်ရောက်တွဲဖက်လုပ်ကိုင်ရမှာ ဖြစ်တဲ့အတွက် English / Myanmar ၂ မျိုးစလုံးမှာ ပြေပြေပြစ်ပြစ် ပြောဆို ဆက်ဆံနိုင်တဲ့လူ ၊ နားလည်နိုင်တဲ့လူ ဖြစ်ဖို့ လိုအပ်ပါတယ် ။
- Project Execute လုပ်နေစဉ်အတွင်းမှာ Client Meeting တွေမှာ Project Director တွေနဲ့ တွဲဖက်လိုက်ပါရမှာ ဖြစ်တဲ့အတွက် Meeting Notes လိုက်ရေးရာမှာ ၊ Meeting Summary တွေ ပြင်ဆင်ရာမှာ အခက်အခဲ မရှိသူ ဖြစ်ရပါမယ် ။
- Feature Flow Diagram တွေ ၊ Test Case တွေ ၊ Documentation တွေ ပြင်ဆင်ရမှာလဲ လိုအပ်တာတွေကို လေ့လာလိုသူ ၊ သင်လွယ်တတ်လွယ်သူ ဖြစ်ဖို့ လိုအပ်ပါတယ် ။
- လိုအပ်တဲ့ Project / Product တွေမှာ Market Analysis အပိုင်း User Segmentation အပိုင်းတွေ နဲ့ User Interview, Usability Review, User Survey စတာတွေကိုလဲ Coach လုပ်ပေးတဲ့ ပုံစံအတိုင်း Product Designer တွေ Business Developer တွေနဲ့ တွဲဖက်လုပ်ကိုင်ရမှာ ဖြစ်ပါတယ် ။
- Task Tracking အပိုင်း ၊ Deliverable Management အပိုင်းတွေကို Coach လုပ်ပေးတဲ့ ပုံစံအတိုင်း စေ့စေ့စပ်စပ် လုပ်ကိုင်နိုင်ဖို့ လိုအပ်မှာ ဖြစ်ပြီး Feature တစ်ခုရဲ့ End User Experience အပိုင်းကို စီစစ်နိုင်တဲ့ လူ ဖြစ်ဖို့ လိုအပ်ပြီး တစ်ချိန်မှာ Project Manager တစ်ယောက်ဖြစ်လာဖို့ ရည်ရွယ်ချက်ရှိသူတွေအတွက် အသင့်တော်ဆုံး position ဖြစ်ပါလိမ့်မယ် ။
လျှောက်ထားရန် >> https://bit.ly/3b3XN4P

ဒီ Position တွေအတွက် အကျိုးခံစားခွင့် အနေနဲ့ ပထမ အဆင့် လစာကို အတွေ့အကြုံနဲ့ အရည်အချင်းအပေါ်မူတည်ပြီး interview pass အပြီးမှာ Offer ပြုလုပ်သွားမှာ ဖြစ်ပါတယ် ။

အစမ်းခန့်ကာလ (Probation) ၁လ ကနေ ၃လ အတွင်းမှာ ပထမအဆင့်လစာရဲ့ ၃ပုံ ၂ ပုံကို ခံစားနိုင်မှာ ဖြစ်ပါတယ် ။ Probation ကို Pass ဖြစ်လို့ Core Team ကို ရောက်လာပြီ ဆိုရင် ပထမအဆင့်လစာကို အပြည့်ခံစားနိုင်မှာဖြစ်ပြီး ၎င်းင်းလစာကို Core Team ကို ရောက်အပြီး ၃လ ကနေ ၆လ အတွင်းမှာ Performance အပေါ်မူတည်၍ ပြန်လည် evaluate ပြုလုပ်ပေးသွားမှာ ဖြစ်ပါတယ် ။

ရုံးချိန်က မနက် 9 နာရီကနေ ညနေ ၆ နာရီခွဲ ဖြစ်ပါတယ် ။ လက်ရှိ ကာလမှာ Work-from-Home ပုံစံနဲ့ ပြုလုပ်ရမှာ ဖြစ်ပါတယ် ။ ပုံမှန်ရုံးတက်ရက်က တစ်ပါတ်မှာ ၅ ရက် ဖြစ်ပြီး စနေ ၊ တနဂ်နွေ ၂ ရက်စလုံး ရုံးပိတ်ပေးသွားပါမယ် ။ အကြောင်းအမျိုးမျိုးကြောင့် စနေ ၊ တနဂ်နွေ ရုံးဆင်းရသူတွေအတွက် Monday to Friday မှာ ပိတ်ရက် ၁ ရက် ပြန်စီစဉ်ပေးသွားပါမယ် ။
လျှောက်ထားရန် >> https://bit.ly/3b3XN4P

07/06/2022

Mobile Phone ကနေ တဆင့် အသုံးပြုနိုင်တဲ့ ကျန်းမာရေး အထောက်အကူပြု နည်းပညာ (Companion Health Technology) များကို လေ့လာကြည့်ခြင်း

16/05/2022

ယနေ့ခေတ်မှာ အဆင်မြင့် အိမ်ရာစီမံကိန်းတွေက နေထိုင်သူတွေကို အပြိုင်အဆိုင် ပိုကောင်းတဲ့ Facility တွေပေးပြီး ဆွဲဆောင်လာကြပါတယ်။ အဲ့လို အပြိုင်အဆိုင် ဆွဲဆောင်ကြရာမှာ အိမ်ရာဝန်းအတွင်း ရနိုင်တဲ့ Facility နဲ့ပတ်သက်ပြီး Residential Self-Help System တွေကနေ စီမံနိုင်တာကလည်း အရေးပါတဲ့ အခန်းကဏ္ဍကနေ ပါဝင်ပါတယ်။

နေထိုင်သူတွေအနေနဲ့ အိမ်ရာမှာရရှိတဲ့ အဆောက်အဦးမှာရှိတဲ့ ကြက်တောင်ကွင်း၊ ဖူဆယ်ကွင်း၊ အစည်းအဝေးခန်းမနဲ့ ပါတီပွဲကျင်းပဖို့ ဧရိယာ စတဲ့ Facility တွေကို ဘယ်အချိန်တွေမှာ အသုံးပြုလို့ရနိုင်မယ်ဆိုတာကို Mobile App ကနေ စစ်ဆေးနိုင်မှာ ဖြစ်ပါတယ်။
နေထိုင်သူတွေအနေနဲ့ မိမိ အသုံးပြုချင်တဲ့ Facility တွေအတွက် Time Slot တွေအလိုက် ငှားရမ်းခနဲ့ ပတ်သက်တဲ့ Information တွေကိုတွေ့ရမယ့်အပြင် မိမိနဲ့ အဆင်ပြေမယ့် Time Slot တွေကို ရွေးချယ်ပြီး Online Booking တင်နိုင်မှာပါ။
ဒါ့အပြင် Booking အတွက် ငွေပေးချေမှုတွေကိုလည်း Online Payment အနေနဲ့ပါ ပေးချေနိုင်တဲ့အတွက် Reservation Counter မှာ ဖောင်ကို အချိန်ကုန်ခံပြီး ဖြည့်နေစရာ မလိုတော့သလို ငွေသားနဲ့ ပေးချေဖို့ Counter ကို လာစရာလည်းမလိုတော့ပါဘူး။
တင်ထားတဲ့ Facility Booking တွေကို Management Team က လက်ခံပြီး/မပြီးကိုလည်း Status များကိုပါ Mobile App ကနေ စစ်ဆေးနိုင်ပြီး တင်ထားပြီးသား Booking များကို Cancel လုပ်လိုပါကလည်း Cancel ပြုလုပ်ရတဲ့ အကြောင်းရင်းကို ဖြည့်သွင်းပြီး Cancel အလွယ်တကူ ပြုလုပ်နိုင်မှာဖြစ်ပါတယ်။
ဒါ့အပြင် Booking တင်ထားတဲ့ သတ်မှတ်ချိန်ရောက်ခါနီးပါကလည်း Mobile Appကနေ Reminder Notification တွေပါ ပေးပို့ပေးတဲ့အတွက် နေထိုင်သူတွေအနေနဲ့ မေ့လျော့တာမျိုး ဖြစ်မှာမဟုတ်တော့ပါဘူး။

Management Team အနေနဲ့ နေထိုင်သူတွေတင်ထားတဲ့ Facility Booking တွေကို Management Dashboard ကနေ စီမံနိုင်မှာဖြစ်ပါတယ်။ ရရှိနိုင်တဲ့ Facility တွေနဲ့ Facility တစ်ခုချင်းစီရဲ့ Charges နဲ့ပတ်သက်တာတွေကို ခန့်ခွဲနိုင်သလို Facility Booking တစ်ခုချင်းစီကိုလည်း အတည်ပြုတာ ၊ ပယ်ဖျက်တာတွေကိုပါ Management Team က လုပ်ဆောင်နိုင်မှာပါ။
ဒါကြောင့် Management Team အနေနဲ့ နေထိုင်သူတွေရဲ့ Facility Booking တွေကို စာရွက်စာတမ်းတွေနဲ့ အပင်ပန်းခံမှတ်နေစရာ မလိုတော့သလို Payment ပိုင်းနဲ့ ပတ်သက်ပြီး စာရင်းကိုလည်း တိတိကျကျမှတ်သားထားနိုင်မှာဖြစ်ပါတယ်။
ဒါ့အပြင် ရရှိနိုင်တဲ့ Facility တွေနဲ့ပတ်သက်ပြီး ထိန်းသိမ်းပြုပြင်စရာတွေရှိတဲ့အခါမျိုး (ဉပမာ အစည်းအဝေးခန်းမကို ပြုပြင်ထိန်းသိမ်းမှုတွေ လုပ်ဆောင်နေတဲ့အခါမျိုး) မှာ အစည်းအဝေးခန်းမကို နေထိုင်သူတွေ ငှားရမ်းဖို့ရာ အချိန်အတိုင်းအတာတစ်ခုထိ စောင့်ဖို့လိုအပ်ကြောင်း Mobile App ကနေ အသိပေးအကြောင်းကြားနိုင်မှာ ဖြစ်ပါတယ်။

ဒါကတော့ Residential Self-Help System တစ်ခုမှာ ပါရှိသင့်တဲ့ Make Online Booking for Desired Facilities Feature နဲ့ပတ်သက်ပြီး သိထားသင့်တဲ့ အချက်တွေနဲ့ နေထိုင်သူနဲ့ လုပ်ငန်းပိုင်ရှင်တွေအနေနဲ့ ဘယ်လိုအကျိုးရနိုင်မယ်ဆိုတာကို ပြောပြပေးထားတာ ဖြစ်ပါတယ်။

11/05/2022

Web Development အပိုင်းနဲ့ ပတ်သတ်ပြီး အတိုင်းအတာ တစ်ခုလောက်အထိ အတွေ့အကြုံရှိပြီး Senior တွေက အချိန်ပြည့် မျက်စေ့ဒေါက်ထောက် ကြည့်နေဖို့ မလိုအပ်တဲ့ Mid-Level Web Developer ၂ ယောက်လောက် Hire ပြုလုပ်သွားဖို့ ရှိပါတယ် ..

ဒီ Position အတွက်
📌 Laravel Web Application Development အတွေ့အကြုံ အနည်းဆုံး ၂ နှစ် ရှိသူ ဖြစ်ရပါမယ် ။
📌 Design Pattern တွေ Best Practices တွေနဲ့ ရင်းနီးသူဖြစ်ရပါမယ်။ အနည်းဆုံးတော့ service နဲ့ repository pattern တွေကို နားလည်သူဖြစ်ရပါမယ်။
📌 Laravel ရဲ့ Model, Controller, Collections တွေကို အတွင်းကျကျ နားလည်ထားဖို့လိုပါမယ်။
📌 API Development အပိုင်းနဲ့ပတ်သတ်ပြီးတော့ အတွေ့အကြုံ ၁ နှစ် အနည်းဆုံးရှိရပါမယ်။
📌 Laravel Passport, Sanctum တို့ကို အသုံးပြုပြီးတော့ API Authentication လုပ်နိုင်သူဖြစ်ရပါမယ်။
📌 Cloud Service တွေနဲ့ပတ်သတ်ပြီးတော့ Solid knowledge ရှိတဲ့သူဖြစ်ရပါမယ်။
📌 Mysql, MongoDB, Firebase တို့နဲ့တွဲပြီး application တည်ဆောက်ဖူးတဲ့ အတွေ့အကြုံရှိရပါမယ်။
📌 VueJS / ReactJS အတွေ့အကြုံရှိတဲ့သူကို ပိုဦးစားပေးပါမယ်။
လျှောက်ထားရန် >> https://bit.ly/3M2Jtr2

ဒီ Position တွေအတွက်အကျိုးခံစားခွင့် အနေနဲ့ ပထမ အဆင့် လစာကို အတွေ့အကြုံနဲ့ အရည်အချင်းအပေါ်မူတည်ပြီး interview pass အပြီးမှာ offer ပြုလုပ်သွားမှာ ဖြစ်ပါတယ် ။ အစမ်းခန့်ကာလ (Probation) ၁လ ကနေ ၃လ အတွင်းမှာ ပထမအဆင့်လစာရဲ့ ၃ပုံ ၂ ပုံကို ခံစားနိုင်မှာ ဖြစ်ပါတယ် ။

Probation ကို Pass ဖြစ်လို့ Core Team ကို ရောက်လာပြီ ဆိုရင် ပထမအဆင့်လစာကို အပြည့်ခံစားနိုင်မှာဖြစ်ပြီး ၎င်းင်းလစာကို Core Team ကို ရောက်အပြီး ၆လ ကနေ ၁၂ လအတွင်းမှာ Performance အပေါ်မူတည်၍ ပြန်လည် Evaluate ပြုလုပ်ပေးသွားမှာ ဖြစ်ပါတယ် ။

ရုံးချိန်က မနက် 9 နာရီကနေ ညနေ ၆ နာရီခွဲ ဖြစ်ပါတယ် ။ လက်ရှိ ကာလာမှာ Work-from-Home ပုံစံနဲ့ ပြုလုပ်ရမှာ ဖြစ်ပါတယ် ။

ပုံမှန်ရုံးတက်ရက်က တစ်ပါတ်မှာ ၅ ရက် ဖြစ်ပြီး စနေ ၊ တနဂ်နွေ ၂ ရက်စလုံး ရုံးပိတ်ပေးသွားပါမယ် ။ အကြောင်းအမျိုးမျိုးကြောင့် စနေ ၊ တနဂ်နွေ ရုံးဆင်းရသူတွေအတွက် Monday to Friday မှာ ပိတ်ရက် ၁ ရက် ပြန်စီစဉ်ပေးသွားပါမယ် ။
လျှောက်ထားရန် >> https://bit.ly/3M2Jtr2

04/05/2022

UI/UX Design နဲ့ ပတ်သတ်ပြီး အတိုင်းအတာ တစ်ခုလောက်အထိ အတွေ့အကြုံရှိပြီး Senior တွေက အချိန်ပြည့် မျက်စေ့ဒေါက်ထောက် ကြည့်နေဖို့ မလိုအပ်တဲ့ Mid-Level UI/UX Designer ၂ ယောက်လောက် Hire ပြုလုပ်သွားဖို့ ရှိပါတယ် ..

ဒီ Position အတွက်
📌 Figma ဒါမှမဟုတ် Sketch ကို သုံးပြီး Website Screen Design တွေ Mobile App Screen Design တွေ ကျေကျေလည်လည် ပြုလုပ်ဖူးသူ ဖြစ်ရပါမယ် ။

📌 Feature တစ်ခုချင်းစီရဲ့ User Journey / Flow ကို optimise ပြုလုပ်တဲ့ အပိုင်း ၊ Complex Form တွေကို User အလွယ်တကူ ဖြည့်ပေးနိုင်စေဖို့ အပိုင်း ၊ Complicate ဖြစ်တဲ့ Data (eg; Dashboard Data) တွေကို Efficient ဖြစ်တဲ့ပုံစံမျိုးနဲ့ ပြပေးနိုင်စေဖို့ အပိုင်းတွေကို ထဲထဲဝင်ဝင် စိတ်ဝင်စားသူ ကိုယ်တိုင် Design ပြုလုပ်တဲ့ Hands-on Experience ရှိသူ ဖြစ်ရပါမယ် ။

📌 Prototype Iteration တစ်ခုချင်းစီအတွက် Usability Review အပိုင်း ၊ User Interview အပိုင်းတွေ ကိုယ်တိုင် ပြုလုပ်ဖူးတယ် ဆိုရင်တော့ အတိုင်းထက် အလွန်ပါပဲ ။

📌 ဒါ့အပြင် လုပ်နည်းကိုင်နည်း ပုံစံအသစ်တွေကို စိတ်ဝင်စားသူသင်ကြားလိုသူ ဖြစ်ဖို့ လိုအပ်မှာ ဖြစ်ပြီး မိမိကိုယ်ကို ပိုမို တိုးတက်လာစေဖို့ စဉ်ဆက်မပျက် ကြိုးစားအားထုတ်လိုသူ ဖြစ်ဖို့ လိုအပ်မှာ ဖြစ်ပါတယ် ။

ဒီ Position တွေအတွက်အကျိုးခံစားခွင့် အနေနဲ့ ပထမ အဆင့် လစာကို အတွေ့အကြုံနဲ့ အရည်အချင်းအပေါ်မူတည်ပြီး interview pass အပြီးမှာ offer ပြုလုပ်သွားမှာ ဖြစ်ပါတယ် ။ အစမ်းခန့်ကာလ (Probation) ၁လ ကနေ ၃လ အတွင်းမှာ ပထမအဆင့်လစာရဲ့ ၃ပုံ ၂ ပုံကို ခံစားနိုင်မှာ ဖြစ်ပါတယ် ။

Probation ကို Pass ဖြစ်လို့ Core Team ကို ရောက်လာပြီ ဆိုရင် ပထမအဆင့်လစာကို အပြည့်ခံစားနိုင်မှာဖြစ်ပြီး ၎င်းင်းလစာကို Core Team ကို ရောက်အပြီး ၆လ ကနေ ၁၂ လအတွင်းမှာ Performance အပေါ်မူတည်၍ ပြန်လည် Evaluate ပြုလုပ်ပေးသွားမှာ ဖြစ်ပါတယ် ။

ရုံးချိန်က မနက် 9 နာရီကနေ ညနေ ၆ နာရီခွဲ ဖြစ်ပါတယ် ။ လက်ရှိ ကာလာမှာ Work-from-Home ပုံစံနဲ့ ပြုလုပ်ရမှာ ဖြစ်ပါတယ် ။

ပုံမှန်ရုံးတက်ရက်က တစ်ပါတ်မှာ ၅ ရက် ဖြစ်ပြီး စနေ ၊ တနဂ်နွေ ၂ ရက်စလုံး ရုံးပိတ်ပေးသွားပါမယ် ။ အကြောင်းအမျိုးမျိုးကြောင့် စနေ ၊ တနဂ်နွေ ရုံးဆင်းရသူတွေအတွက် Monday to Friday မှာ ပိတ်ရက် ၁ ရက် ပြန်စီစဉ်ပေးသွားပါမယ် ။

လျှောက်ထားရန် >> https://bit.ly/3MM01n1

03/05/2022

High-End Service Apartment တွေနဲ့ Condo တွေ အများအပြား ပေါ်ပေါက်လာတာနဲ့အမျှ Resident Management Team တွေအနေနဲ့လည်း ကိုယ့်အိမ်ရာဝန်းအတွင်းမှာ နေထိုင်တဲ့သူတွေ စိတ်ကျေနပ်မှု ရရှိစေဖို့ ဝန်ဆောင်မှုတွေကို အကောင်းဆုံးပေးလာကြပါတယ်။ နေထိုင်သူတွေအနေနဲ့ ကိုယ်နဲ့ကိုက်ညီမယ့် ပတ်ဝန်းကျင်၊ နေရာအခြေအနေတွေရှိတဲ့ အိမ်ရာတွေကို စိတ်တိုင်းကျ ရွေးချယ်နိုင်ပေမယ့် အဆောက်အဦးအတွင်း အဆင်မပြေမှုတစုံတရာ ကြုံရတဲ့အခါ Management Team ကို မြန်မြန်ဆန်ဆန်အသိပေး‌ အကြောင်းကြားတာမျိုး လုပ်နိုင်ဖို့လိုအပ်ပါတယ်။

ယခင်က အဆောက်အဦးအတွင်း အဆင်မပြေမှုကြုံတဲ့အခါ နေတဲ့သူတွေအနေနဲ့ သာယာရေးကော်မတီလို အဖွဲ့အစည်းဆီကို ဖုန်းဆက်အကြောင်းကြားရတာမျိုး၊ Management Team ဆီကို စာနဲ့ တင်ပြီး အကြောင်းကြားရတာမျိုး လုပ်ရပါတယ်။ အဲ့အခါမှာ အဆင်မပြေမှုတွေကို ဖြေရှင်းပြီး/မပြီးဆိုတာလည်း သေချာမသိရလို့ အခက်အခဲဖြစ်ကြရပါတယ်။

အခုနောက်ပိုင်း Residential Self-Help Platform တွေ ပေါ်ပေါက်လာတဲ့နောက်မှာတော့ နေထိုင်သူတွေအနေနဲ့ အဆောက်အဦးမှာ တစုံတရာအဆင်မပြေတာမျိုးရှိမယ်ဆိုရင် Residential Self-Help Application ကနေ Photo/Video လိုမျိုး သက်သေနဲ့အတူ Management Team ဆီကို Online က တိုက်ရိုက်အကြောင်းကြားလို့ရမှာဖြစ်ပါတယ်။

Management Team က အကြောင်းကြားစာတွေကို ဖြေရှင်းပြီးသွားတဲ့အခါ Application ကို Notification ပို့ပေးမှာဖြစ်လို့ နေထိုင်သူတွေအနေနဲ့ ကိုယ့်ရဲ့ အကြောင်းကြားစာတွေကို လုပ်ဆောင်ပြီး/မပြီး အလွယ်တကူသိနိုင်ပါတယ်။

Management Team အနေနဲ့ကလည်း နေထိုင်သူတွေရဲ့ အကြောင်းကြားစာတွေကို ဖြေရှင်းဖို့ သက်ဆိုင်ရာ ဝန်ထမ်းတွေကို Residential Self-Help Dashboard ကနေတဆင့် Assign ချပြီး စီမံနိုင်မှာဖြစ်ပါတယ်။ တာဝန်ပေးထားတဲ့ ဝန်ထမ်းတစ်ဦးချင်းစီရဲ့ အလုပ်ပြီးမြောက်မှုတွေကိုလည်း Dashboard ကနေ ခြေရာခံထားနိုင်မှာဖြစ်ပြီး နေထိုင်သူတွေရဲ့ တိုင်ကြားချက်ကို ဖြေရှင်းပြီးတဲ့အခါ အကြောင်းကြားစာတစ်ခုချင်းစီရဲ့ ပြီးမြောက်မှုကို update လုပ်နိုင်မှာဖြစ်ပါတယ်။ ဒါ့ကြောင့် နေထိုင်သူတွေရဲ့ အကြောင်းကြားစာကို မေ့လျော့ပြီးမဖြေရှင်းမိတာမျိုး မရှိတော့သလို ဝန်ထမ်းတွေရဲ့ Status Update ကိုပါ တိုက်ရိုက်သိနိုင်တာကြောင့် ဝန်ထမ်းစီမံခန့်ခွဲမှုအတွက်လည်း အကျိုးရှိစေမှာပါ။

ဒါကတော့ Residential Self-Help System တစ်ခုမှာ ပါရှိသင့်တဲ့ Complaint Management Feature နဲ့ပတ်သက်ပြီး သိထားသင့်တဲ့ အချက်တွေနဲ့ နေထိုင်သူနဲ့ လုပ်ငန်းပိုင်ရှင်တွေအနေနဲ့ ဘယ်လိုအကျိုးရနိုင်မယ်ဆိုတာကို ပြောပြပေးထားတာ ဖြစ်ပါတယ်။

27/04/2022

လူနေမှုအဆင့်အတန်းတွေ မြင့်မားလာတာနဲ့အမျှ နေထိုင်ရာ အဆောက်အဦးပုံစံ၊ အိမ်ရာတွေဟာလည်း တစနဲ့တစ တိုးတက်ပြောင်းလဲလာပါတယ်။ အဆင်မြင့် အိမ်ရာစီမံကိန်းတွေ အများအပြားပေါ်တာနဲ့အတူ အဲ့ဒီအိမ်ရာမှာနေထိုင်သူတွေကို ပိုကောင်းတဲ့ Facility တွေပေးနိုင်ဖို့အတွက် Residential Self-Help System တွေကို အသုံးပြုလာကြပါတယ်။

Residential Self-Help System တွေမှာ နေထိုင်သူတွေအနေနဲ့ Mobile Application ကနေတဆင့် နေထိုင်ကြောင်း Register ပြုလုပ်ပြီး ကိုယ်ပိုင် ID ကိုရရှိနိုင်မှာဖြစ်ပါတယ်။ နေထိုင်သူတွေအနေနဲ့ အိမ်ရာဝန်းအတွင်း အဝင်အထွက်ကို Mobile Application မှာပါရှိတဲ့ မိမိရဲ့ ကိုယ်ပိုင် ID ကို Scan ပြုလုပ်ပြီး မှတ်ထားနိုင်မှာဖြစ်ပါတယ်။ အဲ့ဒါကြောင့် နေထိုင်သူတွေအနေနဲ့ အိမ်ရာဝန်းအတွင်း ဝင်ရောက်ဖို့ လုံခြုံရေးဂိတ်မှာ လုံခြုံရေးတွေစစ်မေးတာကို တန်းစီစောင့်နေစရာမလိုသလို ပြင်ပကသူစိမ်းတွေ အိမ်ရာထဲကို အလွယ်တကူဝင်တာမျိုးကနေ ကာကွယ်နိုင်မှာဖြစ်ပါတယ်။ အခုလို ကိုဗစ်ရောဂါကြုံတွေ့နေရတဲ့ ကာလမျိုးမှာ နေထိုင်သူတွေအနေနဲ့ ကားထဲကနေပဲ Application ကနေတဆင့် ဂိတ်အဝင်အထွက်ကို ဝန်ထမ်းတွေနဲ့ ထိတွေ့မှုမရှိဘဲ လုပ်ဆောင်နိုင်တာကြောင့် ကျန်းမာရေးရှုထောင့်ကနေလည်း အများကြီးအထောက်အကူဖြစ်စေပါတယ်။

ဒါ့အပြင် ဆွေမျိုးနဲ့သူငယ်ချင်းတွေကို ကိုယ့်အိမ်ရာကို လာရောက်လည်ပတ်ဖို့ ဖိတ်ခေါ်ချင်တယ်ဆိုရင်လည်း လာလည်မယ့်သူရဲ့ အချက်အလက်တွေကိုဖြည့်သွင်းပြီး QR Code ရယူနိုင်ပါတယ်။ အဲ့ဒီ QR Code နဲ့အတူ ဆွေမျိုး အပေါင်းအသင်းတွေကို E-invitation အနေနဲ့ ဖိတ်ကြားနိုင်မှာဖြစ်ပါတယ်။ အလည်လာတဲ့သူတွေအနေနဲ့ QR Code ကို Scan ဖတ်ကာ ကိုယ်တိုင် Check-in ပြုလုပ်ပြီး အဆောက်အဦးအတ္ငင်း ဝင်နိုင်မှာဖြစ်ပါတယ်။ အလည်လာတဲ့သူ Check-in ပြုလုပ်လိုက်တဲ့အခါ Invite လုပ်ထားတဲ့ ပိုင်ရှင်ထဲကို Application ကနေတစ်ဆင့် Notification ပေးပို့ပြီး ဧည့်သည်ရောက်ရှိပြီဖြစ်ကြောင်း အကြောင်းကြားပေးမှာဖြစ်လို့ ဖိတ်ကြားထားခြင်းမရှိတဲ့ သူစိမ်းတွေ အဆောက်အဦးအတွင်းဝင်လို့ဖြစ်မယ့် ပြဿနာတွေကနေလည်း ကာကွယ်ပြီးသားဖြစ်ပါတယ်။

Resident Management Team အနေနဲ့လည်း အိမ်ရာဝန်းနေထိုင်သူတွေရဲ့ လုံခြုံရေးကို ပိုမိုဂရုစိုက်နိုင်မှာဖြစ်သလို ဂိတ်အဝင်အထွက်ကို မှတ်တမ်းတင်ဖို့ ဝန်ထမ်းသီးသန့် ခန့်စရာမလိုတော့တဲ့အတွက် ဝန်ထမ်းအသုံးစရိတ်ကိုလည်း လျှော့ချနိုင်မှာဖြစ်ပါတယ်။ ဧည့်သည်တွေက ဧည့်မှတ်တမ်းမှာ လူကိုယ်တိုင်စာရင်းသွင်းစရာမလိုဘဲ Digital စနစ်နဲ့ ပြုလုပ်နိုင်တဲ့အတွက် Resident Management Team အနေနဲ့ ဧည့်သည်တွေဆီက First Impression ကောင်းကို ရရှိစေမှာပါ။

ဒါတွေကတော့ Residential Self-Help System တစ်ခုမှာ ပါရှိသင့်တဲ့ Resident Identification Feature နဲ့ပတ်သက်ပြီး သိထားသင့်တဲ့ အချက်တွေနဲ့ နေထိုင်သူနဲ့ လုပ်ငန်းပိုင်ရှင်တွေအနေနဲ့ ဘယ်လိုအကျိုးရနိုင်မယ်ဆိုတာကို ပြောပြပေးထားတာ ဖြစ်ပါတယ်။