What are the opening hours?

Monday 08:00 - 21:00 Tuesday 08:00 - 21:00 Wednesday 08:00 - 21:00 Thursday 08:00 - 21:00 Friday 08:00 - 21:00 Saturday 08:00 - 21:00 Sunday 08:00 - 21:00

https://www.facebook.com/109211570678696/

ပုလဲ အိုင်တီ စတိုး

Name: ပုလဲ အိုင်တီ စတိုး
Address: အမှတ် (၄) ကုန်သည်လမ်း၊ မြို့မဈေးရှေ့၊ ပုသိမ်မြို့, Pathein, MM
Telephone: +959261104611

Home
Myanmar
Pathein
ပုလဲ အိုင်တီ စတိုး

IT ပစ္စည်းများ ရောင်းချခြင်းနှင့်
နည?

28/10/2020

"Windows key အသုံးဝင်ပုံများ"

windows 10 မှာ
အရင် windows တွေထက် Features တွေ ပိုပြီး
စုံလင်လာတယ်။

လောလောဆယ်တော့ အနည်းအကျဉ်းလောက်ပဲ
ဖော်ပြပေးလိုက်ပါတယ်

- windows key
ကိုနှိပ်လိုက်မယ်ဆိုရင်တော့ start menu ကို
ဖော်ပြပေးမှာဖြစ်ပါတယ်။

- windows key + A
ကိုနှိပ်လိုက်မယ်ဆိုရင် Action Center ကို
ဖော်ပြပေးမှာဖြစ်ပါတယ်။
Action Center ဆိုတာကတော့ ကွန်ပျူတာနဲ့
ပတ်သက်တဲ့ Notification တွေကိုကြည့်ရှုနိုင်မှာ
ဖြစ်ပါတယ်။

- windows key + B
ကိုနှိပ်လိုက်မယ်ဆိုရင်တော့ notification bar
ကို ဖော်ပြပေးမှာပါ။
မိမိလိုသလို arrow key လေးတွေနဲ့
ပြင်ဆင်နိုင်ပါတယ်။

- windows key +C
ကို နှိပ်လိုက်မယ်ဆိုရင်တော့
Cortana listing mode ကို ဖော်ပြပေးတာ
ဖြစ်ပါတယ်။

- windows key +D
ကို နှိပ်လိုက်မယ်ဆိုရင်တော့
မိမိလက်ရှိဖွင့်ထားသမျှ program အားလုံးကို
မြင်ကွင်းက ဖျောက်ပေးတာပဲ ဖြစ်ပါတယ်။

- windows key +E
ကို နှိပ်လိုက်မယ်ဆိုရင်တော့ my computer ကို
ဖွင့်ပေးတာပဲ ဖြစ်ပါတယ်။

- windows key +F
ကို နှိပ်လိုက်မယ်ဆိုရင်တော့ feedback ကို
ဖော်ပြပေးတာပဲ ဖြစ်ပါတယ်။

- windows key +G
ကို နှိပ်လိုက်မယ်ဆိုရင်တော့ game bar ကို
ဖော်ပြပေးတာပဲ ဖြစ်ပါတယ်။
Game Bar မှာဆိုရင် Screenshot ရိုက်တာတွေ၊
Screen Record လုပ်တာတွေ၊
Broadcast လုပ်တာတွေကို ပြုလုပ်နိုင်မှာ
ဖြစ်ပါတယ်။

- windows key +H
ကို နှိပ်လိုက်မယ်ဆိုရင်တော့
Share sidebar ကို ဖွင့်တဲ့ shortcut ဖြစ်ပါတယ်။
မြှားကောက်လေးကို ထပ်နှိပ်လိုက်ရင်
on screen keyboard ကို ဖော်ပြပေးမှာ
ဖြစ်ပါတယ်။

- windows key + I
ကို နှိပ်လိုက်မယ်ဆိုရင်တော့ window ရဲ့
Setting Menu ကိုဖော်ပြပေးမှာ ဖြစ်ပါတယ်။

- windows key +K
ကို နှိပ်လိုက်မယ်ဆိုရင်တော့
New Bluetooth device တွေကိုချိတ်ဆက်တဲ့
connect sidebar ကို ဖွင့်တာဖြစ်ပါတယ်။

- windows key +L
ကို နှိပ်လိုက်မယ်ဆိုရင်တော့ computer ကို
lock ချပေးခြင်းပဲဖြစ်ပါတယ်။

- windows key +M
ကို နှိပ်လိုက်မယ်ဆိုရင်တော့
မိမိလက်ရှိဖွင့်ထားသမျှ program အားလုံးကို
မြင်ကွင်းက ဖျောက်ပေးတာပဲ ဖြစ်ပါတယ်။
win + d နဲ့တော့ဆင်တယ်ပေါ့ဗျာ။

- windows key +R
ကို နှိပ်လိုက်မယ်ဆိုရင်တော့Run box ကို
ဖော်ပြပေးတာပဲ ဖြစ်ပါတယ်။

- windows key +S
ကို နှိပ်လိုက်မယ်ဆိုရင်တော့ရှာဖွေရေး ကို
ဖော်ပြပေးတာပဲဖြစ်ပါတယ်။

- windows key +U
ကို နှိပ်လိုက်မယ်ဆိုရင်တော့
Ease of Access ကိုဖော်ပြပေးတာဖြစ်ပါတယ်။

- windows key +X
ကို နှိပ်လိုက်မယ်ဆိုရင်တော့ဝှက်ထားတဲ့
system menu ကို ဖော်ပြပေးတာဖြစ်ပါတယ်။

- windows key +W
ကို နှိပ်လိုက်မယ်ဆိုရင်တော့
Windows Ink Workspace ကိုဖော်ပြ
ပေးတာဖြစ်ပါတယ်။

- windows key +T
ကို နှိပ်လိုက်မယ်ဆိုရင်တော့ task bar ပေါ် က
icon တွေကို ရွေးချယ်ဖို့ကို ဖော်ပြပေးတာပဲ
ဖြစ်ပါတယ်။

- windows key + (+) or (-)
ကို နှိပ်လိုက်မယ်ဆိုရင်တော့ Magnifier
Zoom in/out မြင်ကွင်းချုံ့ချဲ့လုပ်ပေးတာပဲ
ဖြစ်ပါတယ်။

Credit - Insider Channel

*****

“Pearl IT Store - ပုလဲ အိုင်တီ စတိုး” မှ
မျှဝေပေးသော post များကို
ဆက်လက်/ဖတ်ရှုလေ့လာလိုပါလျှင်
ဤ post ထိပ်ဆုံးမှ “ပုလဲ အိုင်တီ စတိုး” နေရာကို
နှိပ်ပြီး page ကို “Like” လုပ်ထားပေးပါ။
ကျေးဇူးတင်ပါတယ်။

27/10/2020

"Blue Screen error ဘာကြောင့် ဖြစ်လဲ"

Blue Screen of Death ဆိုတာ
Microsoft Windows operating system ရဲ့
Error ပြသပေးတဲ့ screen ဖြစ်ပါတယ်။

အဲသည် Screen ပေါ်မှာ
Windows operating system ရဲ့
System conflicts တွေနဲ့ ပြဿနာဖြစ်နိုင်ချေတွေ
ကိုဖော်ပြပေးပါတယ်။

Blue screen လို့ခေါ်ရတဲ့အကြောင်းကတော့
အဲသည်လိုမျိုး Error တွေတက်လာတဲ့အခြေအနေမှာ
Error message တွေကို အပြာရောင် Screen
မျက်နှာပြင်နဲ့ ပြသပေးလို့ပဲဖြစ်ပါတယ်။

ပြီးတော့ Blue Screen ဆိုတာ Computer နဲ့
System ပျက်စီးတာတွေကို နောက်ထပ်တိုးပြီး
မဖြစ်ပွားအောင် ကာကွယ်ဖို့ သတိပေးချက်တစ်ခု
ဖြစ်တဲ့အတွက် Blue screen တက်ပြီဆိုရင်
Blue Screen က Windows ကိုလုံးဝဆက်သုံးလို့
မရအောင် ရပ်တန့်လိုက်ပါတယ်။

ပြန်ပြီးဆက်သုံးမယ်ဆိုရင်တော့ Computer ကို
Reboot ပြန်လုပ်ပေးရပါတယ်။

***

"Blue Screen ဘာကြောင့်တက်ရတာလဲ?"

Blue Screen တက်ရတဲ့အကြောင်းအရင်းတွေ
ကတော့
(အဖြစ်အများဆုံးကနေ အနည်းဆုံးကိုစဉ်ထားပါတယ်။)

၁။ Software ပိုင်း Error ဒါမှမဟုတ် Software ပိုင်း
မကိုက်ညီမှု

(က) Driver
Computer မှာကိုယ်မောင်းလိုက်တဲ့ Driver က
Computer ရဲ့ Hardware နဲ့ကိုက်ညီမှုမရှိရင်
Blue Screen တက်နိုင်ပါတယ်။

(ခ) Virus
ကိုယ့်ရဲ့ Computer မှာ Virus ဝင်ထားမယ်ဆိုရင်
အဲသည် Virus က Windows Process တစ်ခုခု၊
Registry ဒါမှမဟုတ် System File တစ်ခုခုကို သွားပြီးအနှောင့်အယှက်ပေးနေမယ်ဆိုရင်လည်း
Blue Screen တက်တတ်ပါတယ်။

(ဂ) Third-Party Softwares
Computer ထဲမှာ ကိုယ်အသစ်သွင်းလိုက်တဲ့
Software က Computer ရဲ့ စက်ပိုင်းဆိုင်ရာ
ဒါမှမဟုတ် Driver Signature တွေနဲ့ ကိုက်ညီမှု
မရှိခဲ့ရင်လည်း Blue Screen တက်နိုင်ပါတယ်။

***

၂။ Hardware ပိုင်း Error ဒါမှမဟုတ်
Hardware ပိုင်းမကိုက်ညီမှု

Computer ရဲ့ Hardware ပိုင်းဖြစ်တဲ့အတွက်
Hardware ပိုင်းအနေနဲ့

(က) RAM
ကိုယ့် Computer မှာစိုက်ထားတဲ့ RAM က
ပျက်နေမယ်၊ RAM ကြေးသွားတွေက
ချေးတက်နေမယ်၊ Slot လွတ်နေမယ် ဒါမှမဟုတ်
Motherboard ပေါ်က RAM Slot က ပျက်
နေမယ်ဆိုရင် Blue Screen တက်နိုင်ပါတယ်။

RAM Error ဟုတ်မဟုတ်သိရဖို့အတွက်
RAM လဲပြီး စမ်းကြည့်နိုင်ပါတယ်။

RAM ကြေးသွားတွေချေးတက်နေရင်တော့
ခဲဖျက်နဲ့တိုက်ပြီး သန့်ရှင်းရေးပြုလုပ်
နိုင်ပါတယ်။

(ခ) Hard disk drive
ကိုယ်သုံးနေတဲ့ Hard disk မှာ
မကောင်းတဲ့အပိုင်း Bad sectors တွေရှိတဲ့အခါ
အဲသည် Bad sector အပေါ်မှာ Windows ရဲ့
System file တစ်ခုခု Write လုပ်မိရင်
Blue Screen တက်တတ်ပါတယ်။

Hard disk ရဲ့ Health မကောင်းရင်လည်း
Blue Screen တက်တတ်ပါတယ်။

(ဂ) Power supply unit
Power Supply က သူနဲ့တွဲဖက်ချိတ်ဆက်ထားတဲ့
Hardware တွေကိုပေးတဲ့ Voltage မလောက်တာ၊
Wattage မပြည့်တာ၊ တပ်ဆင်အသုံးပြုတဲ့
Hardware တွေက Power supply ရဲ့
သတ်မှတ်ထားတဲ့ Wattage ကိုကျော်လွန်
သွားတာတွေကြောင့် Blue Screen တက်
တတ်ပါတယ်။

(ဃ) Motherboard
Motherboard ပေါ်က Sound controller,
Network controller, USB Controller စတဲ့
Component တစ်ခုခုရဲ့ Error ကြောင့်လည်း
Blue Screen တက်နိုင်ပါတယ်။

Motherboard ပေါ်မှာဆားပေါက်တာ၊
သံချေးကိုက်တာ၊ အစိုပြန်တာ၊
Circuit ပတ်လမ်းကြောင်းတွေမှာ ပြင်းထန်
ခြစ်ရာရှိမရှိစစ်ဆေးရပါမယ်။

အဲတာတွေရှိနေရင် Warranty ရှိမယ်
ဆိုရင်တောင် Warranty မရနိုင်တဲ့အတွက်
အသစ်လှဲလှယ်ရတာမျိုးရှိပါတယ်။

(င) CPU
CPU က Computer ထဲမှာ Reliable အဖြစ်ဆုံး
Hardware ဖြစ်တဲ့အတွက် CPU မကောင်းလို့
Blue Screen တက်တာက ရှားတော့ရှားပါတယ်။

ဒါပေမဲ့ ဖြစ်နိုင်ချေလည်းရှိပါတယ်။

CPU ကို Overclocking လုပ်တဲ့အချိန်တွေမှာ
ဖြစ်တတ်လေ့ရှိပါတယ်။

ပြီးတော့ CPU အောက်ခြေက ကြေးသွားတွေ
ချေးကပ်နေရင်လည်းဖြစ်နိုင် ပါတယ်။

(စ) Peripherals
Computer မှာချိတ်ဆက်အသုံးပြုနေတဲ့
ဆက်စပ်ပစ္စည်း Accessories တွေဖြစ်တဲ့
Memory Stick, External Hard Drive,
Scanner, Printer စတာတွေမှာ Error ရှိရင်လည်း
ဖြစ်တတ်ပါတယ်။

(ဆ) System Temperature
Computer ထဲက CPU နဲ့ GPU လိုမျိုး
သက်ဆိုင်ရာ Component တွေကို
အအေးပေးတဲ့ ပန်ကာ (Fan) တွေက
ကောင်းကောင်းအလုပ်မလုပ်ဘူး၊
ပြီးတော့ Fan အောက်က Heat sink နဲ့
CPU, GPU ကြားမှာရှိတဲ့ Thermal compound
တွေကလည်း ခြောက်နေမယ်ဆိုရင်
အပူစီးကူးနိုင်မှု မရှိတော့တဲ့အတွက်
System Temperature တက်လာပြီး
Blue Screen တက်တတ်ပါတယ်။

***

"BSoD တက်တဲ့ Error က ဖြစ်နိုင်ချေတွေ
အများကြီးရှိတဲ့အတွက် ဘယ်အပိုင်းကနေ
စတင်ပြီးစစ်ဆေးရမလဲ?"

Computer မှာ မကြာခဏ Blue screen
တက်နေပြီဆိုရင်တော့ စစ်ဆေးရမယ့်အပိုင်း
အနေနဲ့ Software ပိုင်းနဲ့ Hardware ပိုင်းဆိုပြီး
(၂) ပိုင်းရှိပါတယ်။

Blue Screen တက်နေတဲ့ Computer တစ်လုံးကို
Software ပိုင်းကနေ ပထမဆုံးစပြီးစစ်ဆေး
ရပါမယ်။

Software ပိုင်းစစ်ဆေးပြီး အဆင်မပြေတော့မှပဲ
Hardware ပိုင်းကိုပြောင်းပြီး စစ်ဆေးရပါမယ်။

Software ပိုင်းကို စပြီးစစ်ဆေးတဲ့အချိန်
Software ပိုင်းနဲ့ ပတ်သတ်ပြီး Error ကိစ္စတွေ
ရှင်းအောင် Windows ကိုအသစ်ပြန်တင်ပြီးမှ
ကျန်တဲ့ Hardware အစိတ်အပိုင်းတွေကို
စစ်ဆေးရတာမျိုးရှိပါတယ်။

ကျနော်ကိုယ်တိုင်ကတော့ Keyboard, Mouse တို့
မကောင်းလို့ Blue Screen မကြာခဏတက်တာ
ကြုံဖူးပါသည်။ လဲလိုက်မှ အဆင်ပြေသွားပါတယ်။

Hardware ကြောင့်ဖြစ်ပါက မဖြစ်မနေ
သက်ဆိုင်ရာ အစိတ်အပိုင်းကို လဲကြရပါမည်။

Credit - IT Workshop

*****

“Pearl IT Store - ပုလဲ အိုင်တီ စတိုး” မှ
မျှဝေပေးသော post များကို
ဆက်လက်/ဖတ်ရှုလေ့လာလိုပါလျှင်
ဤ post ထိပ်ဆုံးမှ “ပုလဲ အိုင်တီ စတိုး” နေရာကို
နှိပ်ပြီး page ကို “Like” လုပ်ထားပေးပါ။
ကျေးဇူးတင်ပါတယ်။

25/10/2020

"Printer ဝယ်တော့မယ်ဆိုရင်"

Printer တစ်လုံး ဝယ်ဖို့ စဉ်းစားတယ် ဆိုရင်
အသုံးတည့်နိုင်မယ့် အချက်အလက် လေးတွေကို
စုစည်း ပေးလိုက် ရပါတယ်။

***

"အရေးကြီးတဲ့ငွေ"

ပရင်တာ ဝယ်မယ်ဆိုရင် သတ်မှတ်ရမဲ့ အချက်က
ငွေ ဘယ်လောက် သုံးမှာလည်း ဆိုတဲ့ အချက်ပါ။
ပရင်တာက တခြား ပစ္စည်း တွေလို မဟုတ်ပဲ
တန်ဖိုးပေါ် မူတည်ပြီး လုပ်ပေး နိုင်စွမ်း တွေ
တိုးတိုးလာတဲ့ ပစ္စည်း မျိုးပါ။

သုံးမဲ့ ငွေ ကို စဉ်းစား ပြီးပြီ ဆိုရင် ဘာအတွက်
သုံးမှာလည်း ဆိုတာ စဉ်းစားဖို့လိုပါတယ်။

အိမ်သုံး အတွက်လား၊
ဓာတ်ပုံတွေ အဓိက ထုတ်ဖို့လား၊
ဒီဇိုင်းတွေ ထုတ်ကြည့်ဖို့ လား၊
ရုံးသုံး စာရွက် စာတမ်း ထုတ်ဖို့လား၊
လုပ်ငန်းသုံး ဒီဇိုင်းတွေ ထုတ်ဖို့ လား ဆိုတဲ့
အချက် တွေကို ဆုံးဖြတ်ဖို့လိုပါတယ်။

***

"Inkjet လား laser လား"

ယေဘုယျ အားဖြင့် ပရင်တာမှာ
inkjet နဲ့ laser ဆိုပြီး ၂ မျိုးရှိပြီး
အသေးစိပ် အားဖြင့်
inkjet printer,
all in one inkjet printer,
monochrome laser printer,
color laser printer ဆိုပြီး ထပ်ခွဲ ထားပါ
သေးတယ်။

စျေးနှုန်း အားဖြင့် တော့ inkjet က သက်သာပြီး
laser က စျေးနှုန်း မြင့်မား ပါတယ်။

အရည်အသွေး မှာတော့ inkjet က သာမန်
အဆင့်သာ ရှိပြီး laser ကတော့ အကောင်းဆုံး
ဖက်မှာ ရှိနေ ပါတယ်။

***

"ရွေးခြယ်ဖို့က"

လုပ်ငန်းအလိုက် ခွဲခြားမယ် ဆိုရင်၊
သာမန် အိမ်သုံး အတွက် ဒါမှ မဟုတ် မိသားစု
ဓာတ်ပုံတွေ ထုတ်ဖို့ အတွက် ဆိုရင် inkjet printer
ကို ရွေးခြယ် နိုင်ပါတယ်။

ဒီလိုမှ မဟုတ်ပဲ လုပ်ငန်းပိုင်း ဆိုင်ရာ
စာရွက် စာတမ်းတွေကို ကာလာ ပါဝင်ဖို့
အရေး မကြီးပဲ အရည် အသွေး ကောင်းကောင်း
ထုတ်ဖို့ လိုအပ်တယ် ဆိုရင်၊ monochrome
laser printer (ဖြူ၊မဲ laser printer) ကိုရွေးခြယ်
နိုင်ပါတယ်။

ဒီလိုမှ မဟုတ်ပဲ လုပ်ငန်းပိုင်းဆိုင်ရာ
ဒီဇိုင်းတွေကို မကြာခဏ ထုတ်ဖို့လိုအပ်တယ်။
စာရွက်စာတမ်း တွေကို အရည်အသွေးမြင့်မြင့်နဲ့
ကာလာ ပါ ပါဝင်ဖို့ လိုအပ်တယ် ဆိုရင်တော့
color laser printer ကို စဉ်းစား သင့်ပါတယ်။

***

"ဘယ်လိုကွာတာလဲ"

ဒီနေရာမှာ သာမန် inkjet printer နဲ့
laser printer တွေရဲ့ ကွာခြားချက်က
သာမန်အားဖြင့် laser printer တွေက
ပရင့်ထုတ်ချိန် အနည်းငယ်သာ လိုအပ်ပြီး
၁ မိနစ်ချင်းတူတူ မှာ စာရွက် များများ ရိုက်ထုတ်
နိုင်သလို၊ ကာလာ ပိုင်း နှိုင်းယှဉ် တဲ့အခါမှာ
သာမန် စျေးသက်သာတဲ့ inkjet printer တွေနဲ့
ထုတ်ထားတဲ့ ကာလာ၊ အဖြူအမဲ စာရွက်တွေက
ရေစိုတာ၊ ရေစက် ကျ တာကို မခံနိုင်ပဲ မင်တွေ
ပြန့်သွားလေ့ ရှိပါတယ်။

ဒါ့အပြင် အသေးစိပ် သေသေချာချာ ကြည့်မယ်
ဆိုရင် စာလုံးတွေက လေဆာနဲ့ ထုတ်ထားတဲ့
စာလုံးတွေနဲ့ နှိုင်းယှဉ်ရင် ကျစ်လစ်မှု မရှိပဲ
အနားတွေ ဖွာ နေတာကို တွေ့နိုင်ပါတယ်။

***

"ဘယ်လောက်ဆို ရပြီလဲ"

လက်ရှိ အချိန်မှာ printer တွေရဲ့ စျေးနှုန်းက
၄၅ ဒေါ်လာ ဝန်းကျင်ကနေ ဒေါ်လာ ၁၀၀၀ ဝန်းကျင်
အတွင်းမှာ အမျိုးမျိုး ရှိနေပါတယ်။

ဒေါ်လာ ၁၀၀ အောက်မှာတော့ laser printer တွေ
ကို မရနိုင်ပါဘူး။

စျေးကွက် ထဲမှာ ရောင်းချနေတဲ့ ပရင်တာတွေထဲမှာ
ဒေါ်လာ ၅၀ ဝန်းကျင်ရှိတဲ့ inkjet ပရင်တာတွေက
သာမန် အိမ်သုံး အတွက် အဆင်ပြေ ပါတယ်။

***

"အရေးကြီးတာက မင်"

ဒါပေမဲ့ ပရင်တာ ဝယ်တဲ့ အခါ စဉ်းစားရမဲ့
အချက်က ပရင်တာထဲ ထည့်ဖို့ မင်ပါ။

သာမန် အားဖြင့် စျေးသက်သာတဲ့ ပရင်တာတွေဟာ
မင်မှာ စျေးကြီးနေတာ ကိုတွေ့ရတတ်ပါတယ်။

မင်ဘူး ဆိုတဲ့ နေရာမှာ လည်း စျေးသက်သာ တဲ့
inkjet printer တွေရဲ့ မင်ဘူးမှာ အရောင် ၄ ရောင်
အတွက် ၄ ဗူး ပါတဲ့ ပရင်တာ အမျိုးအစား နဲ့
အရောင် ၄ ရောင် အတွက် မင် ၂ ဗူးပါတဲ့
အမျိုးအစား ဆိုပြီး ၂ မျိုးရှိပါတယ်။

***
"၄ ဗူး လား ၂ ဗူးလား"

ပရင်တာက အမဲရောင် သီးသန့် ထုတ်တဲ့
အချိန်က လွဲလို့ တခြား အရောင်စပ်တွေ ပါတဲ့
စာတွေ၊ ပုံတွေ ထုတ်လုပ် တဲ့ အချိန်မှာ
Cyan, Magenta, Yellow, Black – CMYK ဆိုတဲ့
အရောင် လေးရောင်ကို စပ်ပြီး ထုတ်လုပ်
ရပါတယ်။

ပရင်တာတွေရဲ့ မင်ဗူးတွေမှာ လည်း
Cyan အတွက် မင်တစ်ဗူး၊ Magenta အတွက်
မင်တစ်ဗူး၊ Yellow နဲ့ Black အတွက် မင်တစ်ဗူး စီ
ပါဝင်တဲ့ မင်လေးဗူး သုံး ပရင်တာများကိုပဲ
ရွေခြယ်ဖို့ အကြံပေးချင်ပါတယ်။

ဒါမှ ကုန်တဲ့ မင် တစ်ဗူးချင်းစီ ကို ဖြုတ်လဲ နိုင်လို့
စျေးနှုန်းအားဖြင့် သက်သာ ပါတယ်။

ဒီလိုမှ မဟုတ်ပဲ Cyan, Magenta, Yellow ၃ ရောင်
အတွက် မင်တစ်ဗူး၊ Black အတွက် မင်တစ်ဗူး
စုစုပေါင်း မင် ၂ ဗူးသာ သုံးတဲ့ ပရင်တာကို
ဝယ်မိတယ် ဆိုရင် ပရင်တာ ဝယ်ယူရတဲ့ စဦး
စျေးနှုန်း သက်သာပေမဲ့ နောက်ပိုင်းမှာ လိုက်ရတဲ့
မင်ဗူးဖိုးက တံပိုး ထက် လက်ခ စျေးကြီး တဲ့
အဖြစ်မျိုး ကြုံရပါလိမ့်မယ်။

လက်တွေ့မှာ
ဆိုပါတော့၊ အရောင် အဝါ အများဆုံး ပါတဲ့ စာရွက်
အရွက် ၃၀ လောက် ထုတ်ဖို့ ရှိတယ် ဆိုပါစို့။
ကြာလာတဲ့ အခါ အများဆုံး အသုံးပြု ရတဲ့
အဝါ ရောင်က ကုန်လာမယ်။ ဒီလို အချိန်မှာ
ကိုယ့် ပရင်တာ က သာ အရောင် တစ်ခုချင်းစီ
အတွက် မင်တစ်ဗူးစီ သုံးထားတဲ့ ပရင်တာ မျိုး
ဖြစ်ရင် ကုန်သွားတဲ့ အဝါ တစ်ဗူးကိုသာ
ဖြုတ်ပစ် အသစ် လဲလှယ် လိုက်ယုံပါ။

ဒီလိုမှ မဟုတ်ပဲ Cyan, Magenta, Yellow
အတွက် မင်တစ်ဗူး တည်း သုံးထားတဲ့
စျေးသက်သာတဲ့ ပရင်တာ သာ ဖြစ်နေမယ်
ဆိုရင် အဝါ ရောင် ကုန်သွားတဲ့ အတွက်
အဝါရောင် တစ်မျိုးကိုသီးသန့် လဲလှယ်လို့
မရ တာကြောင့် မကုန်သေးတဲ့ Cyan, Magenta
အရောင် တွေကို မသုံးလိုက်ရပဲ တစ်ပါတည်း
လဲပစ် လိုက်ရမှာပါ။

***

"မင်ကုန်သွားရင်"

ဒါကြောင့် inkjet ပရင်တာကို ဝယ်မယ်ဆိုရင်
ပိုက်ဆံ နည်းနည်း ပိုပေးရတဲ့ မင်းလေးဗူး သုံး
inkjet ပရင်တာတွေ ကိုသာ စဉ်းစား စေချင်
ပါတယ်။

နောက်တစ်ခုက ကျွန်တော် သိသလောက်
ကျွန်တော်တို့ မြန်မာနိုင်ငံမှာ ကျွန်တော် အပါအဝင်
တော်ယုံ တန်ယုံ ဘယ်သူမှ original တံဆိပ်နဲ့
မင်ဗူး တွေကို ဝယ်သုံး လေ့ မရှိပါဘူး။

စျေးနှုန်းက ကွာလွန်းတာ ကြောင့် တခြားတံဆိပ် နဲ့
ထုတ်လုပ် ထားတဲ့ တရုတ် မင်တွေ ကိုပဲ သုံးလေ့
ရှိပါတယ်။

သတိထားရမှာက original မင်မဟုတ်ပဲ
တခြား မင်ကိုပြောင်းသုံး လိုက်တာနဲ့ warranty က
အလိုလို ပျက်သွားလေ့ ရှိတယ် ဆိုတာပါ။

သာမန်အားဖြင့် တော်တော်ကို သဘော မနော
ကောင်းမှသာ warranty က ပြန်ရလေ့ရှိပါတယ်။

***

"လက်တွေ့ ကမ္ဘာ လူလည် လုပ်ဖို့"

ဒါကြောင့် ပရင်တာ ဝယ်ဝယ်ချင်းမှာ မင်ဗူးကို
လဲမသုံးပဲ ပါလာ တဲ့ original မင်းဗူးကို ပဲ
ခဏ ပဲဖြစ်ဖြစ် သုံးစေ ချင်ပါ တယ်။

ဒါမှ ကိုယ်သုံး နေတဲ့ ၁ ပတ်၊ ၂ ပတ်၊ ၁ လ ၂ လ
အချိန် အတွင်း ပြသနာ တစ်ခုခု ဖြစ်ခဲ့ရင်
ပရင်တာ အသစ်တစ်လုံး ကို အလွယ်တကူ
လဲလှယ် နိုင်မှာပါ။

ဒါ့အပြင် မင်ကုန် သွားလို့ အသစ်လဲဖို့ လိုလာ
ရင်လည်း မင် တစ်ဗူးချင်း
(cartridge တစ်ခုချင်း စီ အလိုက်) မင်ဗူးတွေ
ထုတ်လုပ် ထားတာတွေရှိပါတယ်။

စျေးနှုန်းလည်း original ရဲ့ လေးပုံ တစ်ပုံလောက်ပဲ
ရှိပြီး အရည် အသွေးမှာလည်း အတော်ကို
ကောင်းမွန်ပါတယ်။

အဲလိုမဟုတ်ပဲ မင်ဗူး (cartridge) ထဲ အပ်နဲ့
ထိုးထည့်ရတဲ့ အမျိုးအစား တွေ ရှိနေပေမဲ့
အဲဒါတွေကို မသုံးစေချင်ပါဘူး။ ကြာလာတဲ့ အခါ
မင်တွေ ယိုစိမ့်ပြီး ပရင်တာ လုံးဝ သုံးလို့ မရတာမျိုး
ကြုံ ရနိုင်ပါတယ်။

***

"တခြား အမျိုးအစားတွေကရော"

Inkjet printer ပိုင်းတွေမှာ စျေးကြီးရင် ကြီးသလို၊
ကင်မရာနဲ့ ချိတ်ဆက်ပြီး direct ပရင့်ထုတ်နိုင်တာ၊
ပရင်တာ မှာ ပဲ touch screen ပါဝင်ပြီး ဓာတ်ပုံတွေ
ပြုပြင်နိုင်တာ၊ အင်တာနက်နဲ့ ချိတ်ဆက်ပြီး
ကွန်ပျူတာမလိုပဲ ပရင်တာရဲ့ screen ကနေ တဆင့်
ဝဘ်ဆိုဒ် တွေကို ကြည့်၊ လိုအပ်ရင် ပရင့်ထုတ် နိုင်တဲ့
အမျိုးအစား၊ ပရင်တာမှာပဲ wireless လုပ်ဆောင်ချက်
ပါဝင် တာကြောင့် အိမ်မှာ ၊ ရုံးမှာ ကွန်ပျူ တစ်လုံး
အမြဲ ဖွင့်ထားစရာ မလိုပဲ wireless နဲ့ လှမ်းပြီး
ပရင့်ထုတ်နိုင်တဲ့ ပရင်တာ စသဖြင့် အမျိုးမျိုး ထဲမှ
စိတ်တိုင်းကျ ဝယ်ယူနိုင်ပါတယ်။

***

"Laser ဆိုရင်"

ဒီလိုမှ မဟုတ်ပဲ ရုံးသုံး အတွက် အရည်အသွေး
ကောင်းကောင်း ရှိတဲ့ စာရွက်တွေ ထုတ်ချင်တယ်။
စာရွက်တွေက လည်း အချိန်နဲ့ အမျှ အများအပြား
ထုတ်နေရမှာမို့ မင်ဖိုးကုန်ကျစရိတ် သက်သက်
သာသာ နဲ့ မြန်မြန် ဆန်ဆန် ရှိတဲ့ အမျိုး အစားမျိုး
လိုအပ်တယ် ဆိုရင် laser printer ကို ရွေးခြယ်
ရမှာပါ။

စျေးနှုန်းကတော့ ဒေါ်လာ ၁၅၀ ဝန်းကျင် ကနေ
စပြီး ရှိပေမဲ့ စျေးနှုန်း ၃၀၀ ဝန်းကျင် လောက်ရှိတဲ့
အမျိုးအစား ကို ရွေးခြယ် စေချင် ပါတယ်။

သူသည် လည်း inkjet ပရင်တာ တွေလိုပဲ
နောက်ပိုင်းမှာ ကုန်ကျလာမဲ့ မင်ဖိုးကို
စဉ်းစားရမှာပါ။

***

"သူကျတော့ အမှုန့်"

သူကတော့ မင်ရည် မဟုတ်ပဲ အမှုန့်တွေနဲ့
ဖွဲ့စည်းထားတဲ့ toner ကို သုံးပါတယ်။

toner မှာလည်း original, re-manufactured နဲ့
re-fill ဆိုပြီး ရှိပါတယ်။ toner တွေက inkjet ရဲ့
မင်ဗူးစျေးနဲ့ နှိုင်းယှဉ်ရင် စျေးကြီးပေမဲ့
အရေ အတွက် ချင်း နှိုင်းယဉ် ရင် အဆပေါင်း
များစွာ ပိုပြီး ပရင့်ထုတ်ပေးနိုင်ပါတယ်။

တကယ်လို့ ကိုယ်က original toner ကိုပဲ
ပြန်ဝယ် သုံးမယ် ဆိုရင် ပရင်တာ မဝယ်ခင်မှာ
original toner ရဲ့ စျေးနှုန်းကို စုံးစမ်း စေချင်
ပါတယ်။

သာမန် အားဖြင့် စျေးသက်သာတဲ့ laser printer
တွေက toner မှာ စျေးကြီး နေတတ် ပါတယ်။

***

"ဘာကိုပြန်သုံးမှာလဲ"

တကယ်လို့ original မသုံးဘူးဆိုရင် ကျွန်တော်တို့
မြန်မာနိုင်ငံမှာ toner အခွံအဟောင်းတွေကို သန့်စင်၊
လိုအပ်တာတွေ ပြန်ပြုပြင်၊ မင်မှုန့်တွေကို
စနစ်တကျ ထည့်ထားတဲ့ re-manufactured ဆိုတဲ့
ကိုယ်ပိုင် တံဆိပ်တပ် toner တွေရှိပါတယ်။

မိတ္တူ ဆိုင်တွေမှာ မြင်ရတတ်တဲ့ မင်အမှုန့်ဗူးကို
toner ထဲ ကိုယ်တိုင် ခါ ထည့်ပြီး ပြန်သုံး တဲ့
refill ပုံစံကိုတော့ မသုံးသင့်ပါဘူး။

ကျွမ်းကျင်သူတွေ toner ကို စနစ်တကျ သန့်စင်ပြီး
မင်မှုန့် စနစ်တကျ ထည့်ထား တဲ့ re-manufactured
ကိုသာ သုံးသင့် ပါတယ်။

မဟုတ်ရင် သူလည်းပဲ နောက်ပိုင်းမှာ မကြာခဏ
ပြင်ဆင် ရပြီး ပြင်ဆင်စရိတ်က ပရင်တာ တစ်လုံး
နီးပါးဖြစ်လာမှာ အသေအချာပါ။

***
"အရောင်တွေ ထုတ်ချင်ရင်"

လေဆာ ပရင်တာတွေက စျေးနှုန်း ဒေါ်လာ ၃၀၀
ဝန်းကျင်မှာ ကာလာ ပါဝင်မှာ မဟုတ်သေးဘဲ
စျေးနှုန်း ၆၀၀ ဝန်းကျင် ရောက်လာမှ သာလျှင်
ကာလာ လေဆာ ပရင်တာတွေကို ရနိုင်မှာပါ။

ကာလာ လေဆာ ပရင်တာ နဲ့ ထုတ်လုပ်ထားတဲ့
အရည်အသွေးက ပုံနှိပ်တိုက် မှာ ထုတ်တဲ့
အရည်အသွေးထက် မနိမ့်ဘူး လို့ပြောလို
ပါတယ်။

ဒါ့အပြင် inkjet ပရင်တာမှာလို မဟုတ်ပဲ
ထုတ်ထားတဲ့ မင်က ရေစိုခံပါတယ်။ စျေးနှုန်းမြင့်
တဲ့အတွက်ကြောင့် ဒီဇိုင်း ကို ကိုယ်တိုင်
ထုတ်ကြည့်နေရတဲ့ သူတွေ၊ ဆောက်လုပ်ရေးအတွက်
လိုအပ်သူတွေနဲ့ အရည်အသွေး ကောင်းတဲ့
ကာလာ ပရင့် တွေကို အဓိက လိုအပ်နေသူတွေ သာ
ရွေးခြယ်သင့်ပါတယ်။

***

"ဒါဆိုရင် ဝယ်တော့မယ်"

ဒါကြောင့် ပရင်တာ ဝယ်တော့မယ်ဆိုရင်
ကိုယ် နှစ်သက်တဲ့ ပရင်တာ အမျိုးအစားကို ရှာ၊
မဝယ်သေးပဲ original နဲ့ တခြား တံဆိပ် မင်ဗူး
တွေရဲ့ စျေးနှုန်းကို စုံးစမ်းစေချင်ပါတယ်။

ပြီးရင် ပရင်တာ ရောင်းတဲ့ သူကနေ တဆင့်၊
ဒါမှ မဟုတ် ပရင်တာ ရဲ့ ဝဘ်ဆိုဒ်ကနေ တဆင့်
ပျှမ်းမျှ စာရွက် ဘယ်လောက် ထုတ်လို့ ရသလဲ
ဆိုတာ လေ့လာ သင့်ပါတယ်။

ဒါမှ မင်ဖိုး နဲ့ စာရွက် အရေအတွက် တွက်ချက်ပြီး
တစ်မျက်နှာ မှာ ကျသင့်မဲ့ နှုန်းပေါ်မူတည်ပြီး
စဉ်းစား နိုင်မှာပါ။

ဒါ့အပြင် ပရင်တာ ဝယ်ရင် မင်ဗူး ပါ၊ မပါ။
ပါရင်လည်း low capacity လို့ ခေါ်တဲ့ စမ်းသပ်ဖို့ သာ
ရည်ရွယ်ထားတဲ့ ပမာဏနည်း မင်ဗူးတွေပဲ ပါမှာလား
ဆိုတာ စုံစမ်းသင့်ပါတယ်။

တချို့ စျေးနိမ့် inkjet printer တွေက
low capacity cartridge တွေသာ ထည့်ပေးလေ့
ရှိပါတယ်။ ဒါကြောင့် ၁၀ ရွက်လောက် ထုတ်ပြီး ရင်
မင်ဗူး အသစ် ပြန်ဝယ်ရတာမျိုး ကြုံရ လေ့
ရှိတာကြောင့် တခါတလေ စျေးနည်းနည်း ပိုပေးပြီး
high capacity cartridge ပါတဲ့ ပရင်တာ
အမျိုးအစား ကိုတစ်ခါတည်းဝယ်တာက
ပြန်တွက်ကြည့်ရင် ပို ကောင်းတာ
ရှိတတ်ပါတယ်။

ကျွန်တော်ရဲ့ ပရင်တာ တွေ ခဏခဏ ဝယ်ခဲ့ရတဲ့
အတွေ့အကြုံ နဲ့ ဖတ်မိ သလောက် အကြောင်းအရာ
တွေကို စုစည်း ပေးလိုက် ပါတယ်။

အသုံးဝင်တဲ့ ဆောင်းပါး တစ်ပုဒ် ဖြစ်မယ်လို့
မျှော်လင့် မိပါတယ်။

Credit - tu lay

*****

“Pearl IT Store - ပုလဲ အိုင်တီ စတိုး” မှ
မျှဝေပေးသော post များကို
ဆက်လက်/ဖတ်ရှုလေ့လာလိုပါလျှင်
ဤ post ထိပ်ဆုံးမှ “ပုလဲ အိုင်တီ စတိုး” နေရာကို
နှိပ်ပြီး page ကို “Like” လုပ်ထားပေးပါ။
ကျေးဇူးတင်ပါတယ်။

24/10/2020

"ကွန်ပြူတာ လုပ်ဆောင်ချက် မြန်စေရန်
လိုက်နာသင့်သည့် အချက်များ"

၁။ ကွန်ပြူတာ ဖွင့်လိုက်ပြီး Boot တက်ပါတယ်။
ကွန်ပြူတာစဖွင့်လိုက်ရင် သတ်မှတ်ထားတဲ့
ပရိုဂရမ်တွေ စ Run ခြင်းဖြစ်ပါတယ်။
အဲဒါမျိုးဖွင့်ပြီးရင် Boot အချိန်မပြည့်သေးပဲ
သုံးချင်လှတဲ့ Browser တွေ၊ ဆော့ဖ်ဝဲတွေ
သွားဖွင့်တဲ့ အလေ့အထက မိမိကွန်ပြူတာ
လုပ်ဆောင်ချက်ကို နှေးကွေး စေပါတယ်။

***

၂။ Applcation တစ်ခုသုံးပြီး ပိတ်လိုက်တိုင်း
Desktop ကို Refresh လုပ်ပေးဖို့ လိုပါတယ်။
သူက RAM ကို Refresh လုပ်ပေးတာပါ။
မဟုတ်ရင် unused file တွေ ကျန်နေတတ်တဲ့
အတွက် လုပ်ဆေင်ချက် နှေးစေ ပါတယ်။
ဒီတော့ Program တွေကို တစ်ခုသုံးပြီးတိုင်း
မလိုအပ်ရင် ပိတ်လိုက်တာ အကောင်းဆုံး
ဖြစ်ပါတယ်။

ဒါမှလည်း Memory usage သက်သာမှာ
ဖြစ်ပါတယ်။

***

၃။ အရွယ်ကြီးလွန်းတဲ့ Wallpaper များကို
Desktop Background တင်တာ လည်း
ရှောင်သင့်ပါတယ်။
64MB ထက်များတဲ့ အရွယ်အစား တွေကိုပါ။

သူက လည်း RAM မှာနေရာယူတဲ့အတွက်
ဖွင့်လိုက်တာနဲ့ကို CPU utilize နှုန်း
တက်နေစေပါတယ်။

***

၄။ Desktop ပေါ်မှာ short cut များမလိုရင်
မတင်ပါနဲ့။ လိုအပ်တာတွေ လောက်ပဲ၊
အရေးကြီး သုံးဖြစ်တာလောက်ပဲ တင်သ့င်
ပါတယ်။

Short Cut တစ်ခုတိုင်းဆီက RAM မှာ
500 byte ပမာဏ သုံးစွဲ ပါတယ်။ ဒါကြောင့်မို့
လုပ်ဆောင်ချက် နှေးစေပါတယ်။

***

၅။ Recycle Bin ကို ပုံမှန် empty ဖြစ်အောင်
ရှင်းပေးပါ။ file တွေကို ဖြတ် လိုက်ပေမယ့်
အမှန်တော့ သူတို့က မပျက်သေးပါဘူး။
အသေးငယ်ဆုံး Byte ပမာဏ ဖြစ်အောင်
Compress လုပ်ပြီး Recycle Bin ခေါင်းစဉ်အောက်မှာ
အစုအဖွဲ့တစ်ခုအနေနဲ့ သွားရှိနေစေပါတယ်။

ဒါကြောင့် သူ့ကိုသာ ပုံမှန် မရှင်း ပေးရင် စက်ကို
လေးစေ၊နှေးကွေး စေပါတယ်။

***

၆။ အင်တာနက် temporary file, history တွေကို
ဖျက်ပေးပါ။ ဒါလည်း အရေးကြီးပါတယ်။

အင်တာနက်သုံးလို့ကျန်တဲ့ Cache တွေ၊
Cookie တွေ၊ ဝဘ်ဆိုဒ်မှာ မှတ်သားပြီးချန်ခဲ့တဲ့
အချက်အလက်၊ အရာ သဘောမျိုးပါ။

သူတို့ကိုသာ ပုံမှန်မဖျက်ပေးရင်လည်း
Browser application ကိုသာမက
ကွန်ပြူတာ System တစ်ခုလုံးရဲ့ လုပ်ဆောင်ချက်
ကို နှေးကွေး စေပါတယ်။

***

၇။ Startup Program များ လျော့ပါ။

Startup program ဆိုတာဒီလိုပါ။
ကွန်ပြူတာကို စဖွင့်လိုက်တာနဲ့ တက်လာစေမယ့်
Application များ ဖြစ်ပါတယ်။

အထူးသဖြင့် Antivirus software တို့၊
Skype, Dropbox အစရှိသဖြင့်တို့ကို Startup မှာ
တစ်ခါတည်း တက်လာစေဖို့ Default အနေနဲ့
ပေးထားတတ်ကြပါတယ်။

ဒီတော့ ဖြုတ်ထားလေ ကောင်းလေပါတယ်။

တစ်ခါတစ်လေ မသုံးဖြစ်ပဲ ထားတဲ့ဟာတွေဆိုရင်
RAM အလကား စားပြီး System ကိုနှေးကွေး
စေပါတယ်။

Window မှာ Startup တွေဖြုတ်ချင်ရင်
Command + R နှိပ်ပြီး msconfig ကိုနှိပ်လို့
လိုရာရွေးနိုင်ပါတယ်။

***

"အကြံပေးချက်"

ကျနော်တို့ ကွန်ပြူတာတွေ စက်က ဟန်းသွားရင်၊
ဘာမှနှိပ်လို့မရရင် အများစု လုပ်ဖြစ်ကြတာက
ပါဝါပိတ်ပြီး ပြန်ဖွင့်တာမျိုးပါ။

သူက RAM ကို လုံးဝ power supply
ဖြတ်တောက်ပြီး Start ပြန်လုပ်တာဖြစ် တဲ့အတွက်
ပြဿနာ ဖြေရှင်းပြီးသွားပြီလို့ ထင်ရပေမယ့်
နောက်ပိုင်း ပါဝါ မတက်တဲ့ ပြဿနာမျိုးတွေ
ကြုံတတ်ပါတယ်။
အတွင်းက Diode တွေ ပျက်ဆီးသွားခြင်းပါ။

ဒီတော့ စက်က ဟန်းသွားရင်၊ ဘာမှ လုပ်လို့ မရ
ဖြစ်သွားရင် ၅ မိနစ်မှ ၁၀ မိနစ်ကြားတော့
အနည်းဆုံး စောင့်သင့်ပါတယ်။

ဒါမှ မထူးခြားဘူးဆိုမှ ပိတ်နိုင်ပါတယ်။

ပြီးတော့ Task Manager ဖွင့်ပြီး
Force နဲ့ Application ကို End Process လုပ်တာ
ကလည်း ဖြေရှင်းနည်းတစ်မျိုးပါ။

သူက System တစ်ခုလုံးကို Effect မဖြစ်သေးချိန်မှာ
အသုံးပြုလို့ရပါတယ်။

System တစ်ခုလုံးကို Effect ဖြစ်သွားရင်
Task Manager ဖွင့်ဖို့နေနေသာသာ
Arrow key တောင် ရွေ့မရ ဖြစ်သွားပါတယ်။

ဒီတော့ Third Party Software လည်းသုံးတတ်ဖို့
လိုအပ်ပါတယ်။ သိပ် အများကြီး သုံးဖို့ မလိုပါဘူး။ အမှိုက်သရိုက်ရှင်းဖို့အတွက် C Cleaner တို့လို
ဆော့ဖ်ဝဲ၊ အန္တရယ်ရှိ ဆော့ဖ်ဝဲတွေကို ထောက်လှမ်း
တားဆီး ပေးမယ်၊ နှိပ်နှင်းပေးမယ့်
Antivirus ပရိုဂရမ် တစ်ခု ဒီလောက်ဆိုရင်
လုံလောက်ပါပြီ။

အဲဒါကို တစ်ခု မက ထည့်ထားလွန်းရင်လည်း
စက်ကို ဟန်းလေး၊ လေးစေ၊ နှေးစေ ပါတယ်။

ဒီလောက်ဆိုရင် မိမိကွန်ပြူတာကို ဘယ်လိုပြုစု
အသုံးပြုရမယ်ဆိုတာကို အခြေခံအားဖြင့်
သိပြီလို့မျှော်လင့်ပါတယ်။

Credit - အောင်ခမ်း (AMDC)

*****

“Pearl IT Store - ပုလဲ အိုင်တီ စတိုး” မှ
မျှဝေပေးသော post များကို
ဆက်လက်/ဖတ်ရှုလေ့လာလိုပါလျှင်
ဤ post ထိပ်ဆုံးမှ “ပုလဲ အိုင်တီ စတိုး” နေရာကို
နှိပ်ပြီး page ကို “Like” လုပ်ထားပေးပါ။
ကျေးဇူးတင်ပါတယ်။

22/10/2020

"Windows 10 Boot တက်မြန်အောင် လုပ်နည်း"

ကွန်ပျူတာကို Power ဖွင့်လိုက်ရင်
Windows Logo ပဲ ပေါ်နေပြီး Loading ဖြစ်နေ၊
Windows Boot တက်တာ
အရမ်းကြာနေတတ်တဲ့ ကွန်ပျူတာကိုသုံးနေ
ရတယ်ဆိုရင် အရင်ကထက် Boot တက်တာ
မကြာအောင် လုပ်တဲ့နည်း ရှိပါတယ်။

ပုံမှန်အားဖြင့်တော့ Windows တင်တဲ့
Drive က SSD Drive မဟုတ်ရင် Boot တက်တာ
အနည်းကျဉ်းတော့ ကြာနိုင်ပါတယ်။

Windows 10 ဆိုရင် ပိုပြီးကြာနိုင်ပါတယ်။

Windows Boot တက်တာ အကြာကြီး
မစောင့်ချင်ရင် Windows 8 ကနေစပြီး ပါလာတဲ့
Windows Fast Startup ဆိုတဲ့ Features ကို
ON လုပ်ထားရင် ပုံမှန် Boot တက်ခြင်း
ထက်တစ်ဝက်နီးပါးလောက် ပိုပြီး မြန်ဆန်
စေနိုင်ပါတယ်။

***

Windows Fast Startup ရဲ့ အလုပ်လုပ်ပုံ
ကတော့ စက်ကို Shutdown ချလိုက်ရင်
Windows ရဲ့ System Files တွေ၊
Services, Driver အစရှိတဲ့ အရေးကြီးဖိုင်တွေ
က တကယ်တမ်းတော့ လုံးဝပိတ်သွားသေးတာ
မဟုတ်ပဲ
ကွန်ပျူတာရဲ့ RAM,CPU,HDD တွေမှာ
နောက်တစ်ခါ ပြန်ဖွင့်ရင် ချက်ချင်း ပြန်ဖွင့်လို့
ရအောင် ယာယီသိမ်းထားပေးလိုက်တာပါ။

ဒီလို
Windows Fast Startup လုပ်ထားပြီး
စက်ကိုShutdown ချ၊
ပြန်ဖွင့်လိုက်ပြီး Task Manager ရဲ့
Performance ကို ဝင်ကြည့်လိုက်ရင်
HDD,RAM,CPU တို့ အလုပ်လုပ်ထားတဲ့
Usage တွေက စက်ကို ဘာမှမသုံးသေးပဲ
စဖွင့်ဖွင့်ချင်းမှာတောင် တော်တော်များများ
သုံးစွဲထားတာကို တွေ့ရမှာပါ။

ဒါကတော့ Windows Fast Startup ရဲ့
အားနည်းချက်တစ်ခုပါ။

***

Windows Fast Startup ကို
ON (Enabled) လုပ်ထားဖို့
All Control Panel > Power Options
အောက်က
Choose What the power buttons do
အောက်ကို ဝင်သွားပြီး
Shutdown Settings ရဲ့ အောက်ဆုံးနားမှာ
Turn On Fast Startup (recommended)
ဆိုတာကို အမှန်ခြစ်ပေးထားပြီး
Save Changes ကို နှိပ်ပေးလိုက်ပါ။

Credit - Windows 10 Myanmar

*****

“Pearl IT Store - ပုလဲ အိုင်တီ စတိုး” မှ
မျှဝေပေးသော post များကို
ဆက်လက်/ဖတ်ရှုလေ့လာလိုပါလျှင်
ဤ post ထိပ်ဆုံးမှ “ပုလဲ အိုင်တီ စတိုး” နေရာကို
နှိပ်ပြီး page ကို “Like” လုပ်ထားပေးပါ။
ကျေးဇူးတင်ပါတယ်။

21/10/2020

"Laptop ကိုကြာရှည်ခံအောင် အသုံးပြုပါ"

Mobile Computing ခေတ်ကြီးထဲ
ရောက်လာတော့ ကွန်ပျူတာ သုံးစွဲသူ အတော်များများ
ဟာ ကျောက်ချပြီး သုံးရတဲ့ desktop ကွန်ပျူတာကြီး
တွေကိုသုံးဖို့ သိပ်စိတ်မဝင်စားကြတော့ဘူး ခင်ဗျ။

Laptop မှ Laptop ဖြစ်လာကြတယ်။

ပိုက်ဆံတတ်နိုင်သူ ဒါမှမဟုတ် ကိုယ့်ဖာသာ ပိုက်ဆံ
မရှာ ရသူတွေက မြင်ကွင်းကြီးကြီးနဲ့ Laptop
ဝယ်တယ်။

ပိုက်ဆံမတတ်နိုင်သူတွေနဲ့ ပေါ့ပေါ့ပါးပါး
ကြိုက်သူတွေ က မြင်ကွင်းသေးသေးနဲ့ Laptop
ဝယ်တယ်။

စျေးတွေကလည်း အရင်ထက်စာရင် လက်လှမ်း
မီလာတာကိုး။ လွန်ခဲ့တဲ့ ဆယ်နှစ်က သိန်း ၂၀ တန်ဖိုး
ရှိပြီး ကျွန်တော်တို့ မကပ်နိုင်ခဲ့တဲ့ အမြင့်တန်း
Laptop နဲ့ အလားတူဟာမျိုးကို ခုအချိန်မှာ ၁၀ သိန်း
ဝန်းကျင်နဲ့ ရနိုင်ပါတယ်။

Laptop ဝယ်တဲ့ လူတွေထဲမှာ အများစုက
desktop နဲ့ ရင်းနှီးပြီးသားလူတွေ ဖြစ်ပါတယ်။
သူတို့တတွေဟာ အတော်အသင့် အကြမ်းခံတဲ့
desktop ကို သုံးလာကြတာမို့ Laptop ဟာ
အဲဒီလောက် အကြမ်းမခံတာ မေ့နေကြပါတယ်။
Desktop မှာလိုပဲ ခပ်ကြမ်းကြမ်းသုံးကြတယ်။

***

ကျွန်တော့်မိတ်ဆွေ သင်္ဘောအရာရှိ တစ်ယောက်
ဆိုရင် အိမ်သုံးပလပ်ပေါက်မှာ သူ့ Laptop ကို
ဖွင့်လျက် အားသွင်းထားတာ တွေ့ရလို့ သတိပေး
ရပါသေးတယ်။ နောက်သူငယ်ချင်း တစ်ယောက်
ကတော့ သူ့ Laptop ကို အိမ်သုံးမီးပလပ်ပေါက်မှာ
ဒီအတိုင်း တိုက်ရိုက်ထိုးသုံးတယ်။ ကျွန်တော်က
အနည်းဆုံး Surge protector ခံသုံးဖို့
အကြံပေးတော့ သူက ပြန်ပြောတယ်။
ဘက်ထရီ ခံသုံးနေတာပဲ။
လိုလို့လားတဲ့။ ဟုတ်ကဲ့။
အဲ့ဒီ Laptop တစ်နှစ်တိတိအကြာမှာ motherboard
ကြွသွားပါတယ်။
အသစ်ပြန်လဲထည့်ရင် နှစ်သိန်းတဲ့။
ကိုင်း ... ဘယ့်နှယ့်ရှိစ။

ဗို့အား မငြိမ်တဲ့ မြန်မာလျှပ်စစ်မီးကို အင်မတန်
သတိကြီးစွာထားပြီး အကာအကွယ် အထပ်ထပ်နဲ့
သုံးတဲ့ ကျွန်တော့် Laptop လေး ဟိုတလောက
ကြောင်စီစီဖြစ်လို့ မူရင်းကုမ္ပဏီရဲ့ Service ကို
သွားရပါတယ်။

ဘာပျက်မှန်းသိပြီး ပြင်တတ်ရင်တောင် ကိုယ့်ဆီမှာ
အပိုပစ္စည်း မရှိဘဲ ကိုးဗျ။ အောင်မလေးဗျာ Service
ကို ဝင်လာတဲ့ Laptop တွေ နည်းမှ မနည်းဘဲ။
စပ်စုကြည့်တော့ အတော်များများက Laptop ကို
ကိုးရိုးကားရား အကြမ်းပတမ်း သုံးသူတွေချည်း။

စက်ဝယ်တုန်းက ပါလာတဲ့ ဆောင်ရန်ရှောင်ရန်
လက်စွဲကို သေသေချာချာ လေ့လာပုံမရပါဘူး။

Laptop တွေဟာ ရိုရိုသေသေသုံးမယ်ဆိုရင်
Hardware ပိုင်း ပြဿနာမရှိဘဲ ၂ နှစ်လောက်အထိ
သုံးနိုင်ဖို့ ကောင်းပါတယ်။

အဲဒီလို ပြဿနာ မပေါ်ချင်ရင် အောက်မှာပြောထားတဲ့ ဆောင်ရန်ရှောင်ရန်တွေကို လိုက်နာဖို့လိုပါတယ်။

***

Laptop ကို နေရာတကာသယ်ပြီး သုံးချင်လို့
ဝယ်တာတော့ မှန်ပါတယ်။

ဒါပေမဲ့ ရေနားနီးနီး၊ ရေငွေ့နားနီးနီး သယ်ပြီး
သုံးဖို့တော့ မဟုတ်ဘူးဗျ။

ဒါ့ကြောင့် လက်ဆေးတဲ့ကြွေကန်၊ ရေချိုးတဲ့ကြွေကန်၊
အဝတ်လျှော်နေတဲ့ လူအနား၊ ပန်းကန်ဆေးနေတဲ့
လူအနား၊ ရေကူးကန် အနားတွေမှာ ယူပြီးသုံးဖို့
မသင့်ပါဘူး။

ကိုယ့်ရည်းစားလေးကို Laptop ရှိကြောင်း
ကြွားချင်တာနဲ့ တံတားဖြူ ကန်ဘောင်က
မိုးရွာထားတဲ့ မြက် ခင်းပေါ်ချသုံးတာလည်း
မကောင်းဘူးပေါ့ဗျာ။

ဒီစက်တွေက ရေကြောက်တယ်။
ရေငွေ့ကြောက်တယ်။
လျှပ်စစ်နဲ့ ဘက်ထရီနဲ့သုံးတာကိုး။
ဒါကြောင့် အခိုးအငွေ့တွေ တဖွားဖွားလွှတ်တဲ့
ဟင်းအိုး၊ ထမင်းအိုး၊ ပေါင်းအိုးနဲ့ humidifier လို့
ခေါ်တဲ့ ရေငွေ့ထုတ်စက်တွေ အနားမှာလည်း
မသုံးပါနဲ့။

***

Laptop တွေက လျှပ်စစ်သံလိုက်စက်ကွင်းကိုလည်း
ကြောက်တယ်။ ဒါကြောင့် လျှပ်စီးတဝင်းဝင်း၊
မိုးကြိုးတအုန်းအုန်းဖြစ်နေတဲ့ အချိန်မှာ မသုံးပါနဲ့။

လျှပ်စီးတို့ မိုးကြီးတို့ကနေ သက်ရောက်တဲ့
electrical shock ရပြီး ပျက်စီးတတ်ပါတယ်။

မိုးရွာတုန်း သုံးချင်ရင် ဘက်ထရီတပ်ပြီး လျှပ်စစ်
သံလိုက် စက်ကွင်းလွတ်တဲ့နေရာမှာ သုံးပါ။

***

စက်မသုံးမီမှာ ပါဝါကြိုးတပ်မယ်ဆိုရင်
ဘက်ထရီတပ်မယ်ဆိုရင် သေသေချာချာ မိမိရရ
တပ်ပါ။ မထိတထိ ပါဝါဟာ စက်ကို ချို့ယွင်း
ပျက်စီးစေနိုင်ပါတယ်။

ဘက်ထရီတပ်ပြီးလည်း ထားမယ်၊ အိမ်သုံးမီးနဲ့လည်း
ဆက်ပြီးသုံးမယ်ဆိုရင် ဘက်ထရီ လက်ကျန်အား
ဘယ်လောက်ရှိသလဲဆိုတာ သတိထားပါ။

ဘက်ထရီအား ၁၀၀ ပြည့်လျှင် အားသွင်းမှု
အလိုအလျောက် ဖြတ်ပေးတယ်ဆိုတာ မသေချာ
လို့ပါ။ တကယ်လို့မဖြတ်ခဲ့ရင် စက်ပါပူလာပြီး
သက်တမ်းတိုတတ်ပါတယ်။

***

Laptop တွေက Brand တွေဖြစ်လို့ တစ်ခုက
power adapter ကို တစ်ခုမှာ ယူသုံးတာတို့၊
OEM Adapter တွေကို မစစ်ဆေးဘဲ ဝယ်သုံးတာ
တို့ကိုလည်း ရှောင်ရပါမယ်။

***

Laptop တွေ အလွန်ကြောက်တဲ့ကိစ္စမှာ ဖိမိ၊
ဆောင့်မိတာတွေ ပါပါတယ်။ ဒါကြောင့် စက်ကို
ဖွင့်ထားတုန်း လွတ်ကျဖို့မသင့်ပါဘူး။

စက်ကိုဖွင့်ထားတုန်း စောင်းလိုက်၊ လှန်ချလိုက်လုပ်ပြီး
သုံးဖို့လည်း မကောင်းပါဘူး။ အထဲမှာလည်နေတဲ့
Hard disk ရှိတယ်။

Laptop အကိုင်အတွယ် ကြမ်းတဲ့နေရာမှာ
Service Center က ပုဂ္ဂိုလ်တွေ အဆိုးဆုံးပဲ။
စက်ဖွင့်သုံးနေရင်းတန်းလန်း ဟိုဖက်တွန်းရွှေ့
ဒီဖက်တွန်းရွှေ့လုပ်တယ်။ စားပွဲပေါ်တင်ထားရာကမှ
ဆတ်ကနဲ ဆွဲမပြီး ပုံမကျပန်းမကျ စောင်းပြီး
သုံးတယ်။

ခုခေတ် ချာတိတ်တွေပြောတဲ့ လန်ထွက်တယ်ဆိုတာ
အဲဒီကောင်မျိုးကို ပြောတယ်ထင်ပါရဲ့။ ပြီးတော့
Laptop ကွန်ပျူတာကိုသုံးရင် အောက်ခံ ညီညာ
ပြန့်ပြူးတဲ့ မျက်နှာပြင်ပေါ်မှာ တင်ပြီးသုံးရပါမယ်။

***

အောက်မှာ ပန်ကာခံပြီး သုံးရင်တောင် ကွန်ပျူတာ
မဖွင့်မီမှာ ငြိမ်ရဲ့လားဆိုတာ သိရအောင် စမ်းကြည့်
လိုက်ပါဦး။

ပြုပ်ထနေတဲ့ မြေကြီးပေါ်မှာ Laptop ကြီးဖွင့်ပြီး
ချစ်သူလေးနဲ့ ကြည်နူးနေတာမျိုးလည်း ဆင်ခြင်ကြပါ။

Laptop မှာ သူက အောက်ပြုတ်ကျလို့ မရသလို
လေးလေးပင်ပင်အရာ တစ်ခုခုသူ့အပေါ် ပြုတ်ကျ
ဖို့လည်း မသင့်ပါဘူး။ ဒါကြောင့် စက်သုံးရင် ဘေးဘီနဲ့
အပေါ်ကို ကြည့်ပါ။ စက်ပေါ်ပြုတ်ကျနိုင်တဲ့ လေးလေး
ပင်ပင် အရာများရှိသလားလို့။

***

Laptop ကြောက်တဲ့အထဲမှာ အပူဒဏ်လည်းပါတယ်။

မယုံရင် နွေရာသီမှာ စက်ကိုအောက်က ပန်ကာမခံဘဲ
တစ်နာရီလောက် သုံးကြည့်။ ကြက်ဥပြုတ်လို့ရ
လောက်အောင် ပူလာလိမ့်မယ်။

ဒါကြောင့် ဘယ်အချိန်သုံးသုံး နာရီဝက်ထက် ပိုသုံး
မယ်ဆိုရင် ပန်ကာခံသုံးပါ။ ပန်ကာခံထားတာချင်း
တူရင်တောင် ဆောင်းရာသီထက်စာရင် နွေရာသီက
စက်ကို အပူမြန်စေပါတယ်။

ဒါကြောင့် လေဝင်လေထွက် ညံ့တဲ့နေရာမှာ Laptop
ကို ကြာကြာမသုံးပါနဲ့။ ထမင်းအိုး၊ ဟင်းအိုးတည်ထားလို့ အပူဓာတ်ပျံ့လွင့်တဲ့နေရာမှာ Laptop မသုံးပါနဲ့။
တိုက်ရိုက်နေထိုးတဲ့နေရာမှာ မသုံးပါနဲ့။
ဆောင်းတွင်း heater လွှတ်ထားတဲ့ အခန်းမှာလည်း
ကြာကြာမသုံးပါနဲ့။
Laptop ကို အပူတက်စေတဲ့ အကြောင်းအရာတွေ
ကိုလည်း ရှောင်ရပါမယ်။

စက်ရဲ့အောက်ဘက်ကို လှန်ကြည့်လိုက်ပါ။ လေဝင်လေထွက်ပေါက်လေးတွေကို တွေ့ရပါမယ်။
အဲဒီလေပေါက်တွေ ပိတ်စေမယ့် မွေ့ရာ၊ ဆိုဖာစတဲ့ အရာတစ်ခုခုပေါ်တင်သုံးတာ၊ ပေါင်ပေါ်တင်သုံးတာ
တို့ကို သတိထားပါ။

Laptop တွေ ပေါင်ပေါ်ကြာကြာ တင်သုံးရင်
အမျိုးသားများ မျိုးအောင်နှုန်း ကျဆင်းစေသတဲ့၊
သတိထားပါ။

***

စက်ဟာ ရေငွေ့များတဲ့နေရာကို မကြိုက်သလို
စက်ဖွင့်ထားတုန်း စက်ပေါ်ကို ရေမှောက်ကျတာ
ကိုလည်း မကြိုက်ပါဘူး။

Wi-Fi အလကားရလို့ဆိုပြီး စားသောက်ဆိုင်ထဲ၊
ကော်ဖီဆိုင်ထဲ Laptop ယူသုံးသူတွေမှာ အဲဒီလိုဖြစ်တာ
အတွေ့ရများပါတယ်။

အရည်မှောက်ကျပြီဆိုတာနဲ့ ပထမဆုံး လုပ်ရမယ့်
အလုပ်က ပါဝါပိတ်ပစ်ဖို့ပါ။ ဒီလိုဖြစ်လေ့ရှိတယ်ဆိုရင်
အရည်ဖိတ်ကျတာနဲ့ အောက်ဘက်ကို စီးထွက်သွားဖို့ အပေါက်ကလေးတွေပါတဲ့ Laptop မျိုး ဝယ်သုံးပါ။

***

Laptop ကို အပျက်မြန်စေသော အကြောင်းအရာ
တွေထဲမှာ လျှပ်စစ်သံလိုက်စက်ကွင်း ကြီးကြီးမားမား
လွှတ်တဲ့ ပစ္စည်းတွေလည်းပါတယ်ဗျ။

အဲဒီလိုပစ္စည်းမျိုးတွေနဲ့ ဝေးနိုင်သမျှ ဝေးအောင်ရှောင်ပါ။

အိမ်ဝယ်ကတည်းက စပြီးသတိထားပေါ့ဗျာ။
တာဝါတိုင်ကြီးတွေပေါ်က ပြေးတဲ့ ဓာတ်အားလိုင်း
ကြိုးကြီးတွေ ကိုယ့်အိမ်ခေါင်မိုးပေါ် ဒါမှမဟုတ်
ကိုယ့်ခြံထဲက ဖြတ်ပြေးသလားဆိုတာ။

အဲဒါမျိုးမရှိရင်တောင် Laptop ကို ဗို့အားမြှင့်စက်၊
အင်ဗာတာ၊ ရုပ်မြင်သံကြားစက်၊ ရေခဲသေတ္တာ၊
ဝရိန်ဆော်စက်၊ ရေမော်တာ၊ မိုက်ကရိုဝေ့ဗ် မီးဖို၊
ပေါင်မုန့်မီးကင် စက်တွေ နားထားပြီး သုံးတာကို
ရှောင်ဖို့လိုပါလိမ့်မယ်။

***

ကွန်ပျူတာကို ပိတ်မယ်ဆိုရင် Windows ထဲကနေ
စနစ်တကျပိတ်ပါ။

စက် hang သွားတယ်ဆိုရင်တောင် Laptop
ပေါ်ကနေ ပါဝါခလုတ်ကို ဆယ်စက္ကန့်လောက်
ကြာအောင် ဖိထားပြီးမှပိတ်ပါ။

စက်ထိခိုက် မှု ပြဿနာနည်းစေပါလိမ့်မယ်။

***

Laptop မှာ printer, Scanner, USB Harddisk တွေ
သုံးထားရင် စက်ပိတ်ပြီးမှ ဖြုတ်ပါ။

စက်ဖွင့်ထားတုန်း သက်ဆိုင်ရာ port ကနေ
ဆွဲဖြုတ်ပြီး မပိတ်ပါနဲ့။

တပ်မယ်ဆိုရင်လည်း စက်မဖွင့်မီ ကြိုတပ်ထားတာ
ပိုကောင်းပါတယ်။

***

နောက်တစ်ခုက စက်ပစ္စည်းမှန်သမျှဟာ မွမ်းမံ
ထိန်းသိမ်းမှုလိုသဗျ။ အနည်းဆုံး စက်အတွင်းပိုင်း
ချေးညှော်သန့်ရှင်းရေးကို တစ်နှစ်တစ်ကြိမ်လောက်
လုပ်ပေးသင့်ပါတယ်။

မိတ်ဆွေဟာ ကွန်ပျူတာပြင်ဆရာ မဟုတ်ရင်၊
ဟုတ်ခဲ့ရင်တောင် desktop ကွန်ပျူတာကိုပဲ
ကျွမ်းကျွမ်းကျင်ကျင်ပဲ ပြင်တတ်ရင် သက်ဆိုင်ရာ
ကျွမ်းကျင်သူတွေရှိတဲ့ service မှာပဲ စက်သန့်ရှင်းရေး
လုပ်သင့်ပါတယ်။

အင်မတန်နုနယ်တဲ့ laptop ကို တစ်ခါမှ မဖြုတ်ဖူးပဲ
စမ်းတဝါးဝါးနဲ့ ဖြုတ်ရင် စက်ထိခိုက်တတ်ပါတယ်။

Credit - နောင်စိုး (ထားဝယ်)

*****

“Pearl IT Store - ပုလဲ အိုင်တီ စတိုး” မှ
မျှဝေပေးသော post များကို
ဆက်လက်/ဖတ်ရှုလေ့လာလိုပါလျှင်
ဤ post ထိပ်ဆုံးမှ “ပုလဲ အိုင်တီ စတိုး” နေရာကို
နှိပ်ပြီး page ကို “Like” လုပ်ထားပေးပါ။
ကျေးဇူးတင်ပါတယ်။

Address

အမှတ် (၄) ကုန်သည်လမ်း၊ မြို့မဈေးရှေ့၊ ပုသိမ်မြို့
Pathein

Opening Hours

Monday	08:00 - 21:00
Tuesday	08:00 - 21:00
Wednesday	08:00 - 21:00
Thursday	08:00 - 21:00
Friday	08:00 - 21:00
Saturday	08:00 - 21:00
Sunday	08:00 - 21:00

Telephone

+959261104611

Website

facebook.com

Alerts

Be the first to know and let us send you an email when ပုလဲ အိုင်တီ စတိုး posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ပုလဲ အိုင်တီ စတိုး:

Shortcuts

Address
Telephone
Opening Hours
Alerts
Contact The Business
Claim ownership or report listing